ଲକ୍ଷ୍ନୌ ପରେ ପଞ୍ଜାବ ଗୁରୁଦାସପୁରରେ ପିଟବୁଲ ଆତଙ୍କ । ୧୩ ବର୍ଷର ନାବାଳକ ତାର ବାପାଙ୍କ ସହ ସ୍କୁଟରରେ ଯାଉଥିବା ବେଳେ ପିଟବୁଲ କୁକୁର ନାବାଳକ ଉପରକୁ ଡିଆଁ ମାରିଥିଲା । ଫଳରେ ନାବାଳକ ଜଣକ ଗାଡ଼ିରୁ ଖସିପଡିଥିଲେ ତା ପରେ କୁକୁର ବାଳକର କାନ ଛିଣ୍ଡାଇ ଦେଇଥିଲା । ନାବାଳକର ବାପା ବାଡିରେ ଘଉଡିବାରୁ ଅଳ୍ପକେ ବର୍ତ୍ତିଥିଲା ନାବାଳକ । ଗୁରୁତର ଅବସ୍ଥାର ତାଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଥିଲା । ସୁଚନା ଅନୁସାରେ ଗୁରୁଦାସପୁର ଜିଲ୍ଲାର କୋଟଲି ଭାମ ସିଂହ ଇଲାକାରେ ୧୩ ବର୍ଷୀୟ ଗୁରୁପ୍ରୀତ ସିଂହ ତାଙ୍କ ବାପାଙ୍କ ସହ ଯାଉଥିବା ବେଳେ କୁକୁରଟି ନାବାଳକ ଉପରକୁ ଆକ୍ରମଣ କରି ଆହତ କରିଥିଲା l କୁକୁରର ମାଲିକ ନିଜ କୁକୁରକୁ ନେଇ ଘରକୁ ଚାଲିଯାଇଥିବା ବେଳେ ବର୍ତ୍ତମାନ ସୁଦ୍ଧା ପୋଲିସ ଏହି ଘଟଣାରେ କୌଣସି କାର୍ଯ୍ୟନୁଷ୍ଠାନ ଗ୍ରହଣ କରିନାହିଁ । ଲକ୍ଷ୍ନୌରେ କିଛିଦିନ ପୂର୍ବରୁ ଏମିତି ଏକ ଘଟଣା ସାମ୍ନାକୁ ଆସିଥିଲା ଏବେ ପଞ୍ଜାଵ ଘଟଣା ପରେ ଆତଙ୍କ ର ମାହୋଲ ଦେଖା ଦେଇଛି l
- ସ୍ମରଜିତ ଆର୍ଯ୍ୟଙ୍କ ରିପୋର୍ଟ
