କୋର୍ଟ

ମକଦମାବାଜି କୌଣସି ସୌକ ହୋଇ ନ ପାରେ: ସୁପ୍ରିମ କୋର୍ଟ

ନୂଆଦିଲ୍ଲୀ: ରାଜନୈତିକ ଦଳଗୁଡିକ ଦ୍ବାରା ଆରକ୍ଷିତ ନିର୍ବାଚନ ଚିହ୍ନ ବଦଳାଇବାକୁ ହୋଇଥିବା ଯାଚିକାରେ ସୁପ୍ରିମ କୋର୍ଟ ସୋମବାର ଶୁଣାଣି କରିଛନ୍ତି। କୋର୍ଟ ଯାଚିକାର ଶୁଣାଣି କରି ଏହା ଉପରେ ଜରିମାନା କରିବା ସହ ଏହାକୁ ଖାରଜ କରିଦେଇଛନ୍ତି। ଯାଚିକା କର୍ତ୍ତାଙ୍କୁ ୨୫ ହଜାର ଟଙ୍କାର ଜରିମାନା କରିଛନ୍ତି କୋର୍ଟ।

ଜଷ୍ଟିସ ସଞ୍ଜୟ କିଶନ କୌଲଙ୍କ ଖଣ୍ଡପୀଠ କହିଛନ୍ତି, ମକଦମାବାଜି କୌଣସି ସୌକ ହୋଇ ନ ପାରେ। ଲୋକସଭା ଓ ବିଧାନସଭା ନିର୍ବାଚନରେ ପ୍ରତି ଥର ନିର୍ଦ୍ଦଳୀୟ ପ୍ରତ୍ୟାଶୀଙ୍କ ପରି ରାଜନୈତିକ ଦଳଙ୍କୁ ଆରକ୍ଷିତ ନିର୍ବାଚନ ଚିହ୍ନ ବଦଳାଇବା ଦାବିରେ ଏକ ପିଆଇଏଲ ଦାଖଲ ହୋଇଥିଲା। ଓକିଲ ଶ୍ରଦ୍ଧା ତ୍ରୀପାଠୀଙ୍କ ପକ୍ଷରୁ ଏହି ଯାଚିକାକୁ ଦାଖଲ କରାଯାଇଥିଲା।

ଯାଚିକାରେ କୁହାଯାଇଥିଲା କି, ସେମିତି ପ୍ରତିଥର ନିର୍ବାଚନରେ ନିର୍ଦ୍ଦଳୀୟ ପ୍ରାର୍ଥୀଙ୍କ ନିର୍ବାଚନ ଚିହ୍ନ ବଦଳାଯାଇଥାଏ, ସେହିପରି ୧୯୬୧ର ନିର୍ବାଚନ ନିୟମ ଅନ୍ତର୍ଗତ ରାଜନୈତିକ ଦଳଗୁଡିକୁ ଆରକ୍ଷିତ ନିର୍ବାଚନ ଚିହ୍ନ ବଦଳାଇବା ଦରକାର। ନିର୍ବାଚନ ଆୟୋଗ ନିର୍ବାଚନ ଚିହ୍ନ ନ ବାଣ୍ଟନ୍ତୁ, ରିଟର୍ଣ୍ଣିଂ ଅଫିସରଙ୍କ ଦ୍ବାରା ନିର୍ବାଚନ ଲଢୁଥିବା ଆଶାୟୀଙ୍କୁ ଚିହ୍ନ ପ୍ରଦାନ କରାଯାଉ।

ଏହା ପୂର୍ବରୁ ସୁପ୍ରିମକୋର୍ଟ ଧାର୍ମିକ ନାମ ଓ ଚିହ୍ନ ଥିବା ରାଜନୈତିକ ଦଳ ବିରୋଧରେ ଯାଚିକା ଉପରେ ଶୁଣାଣି କରିବାକୁ ପ୍ରସ୍ତୁତ ହୋଇଛନ୍ତି। ସୁପ୍ରିମକୋର୍ଟ କେନ୍ଦ୍ର ଓ ନିର୍ବାଚନ ଆୟୋଗଙ୍କୁ ନୋଟିସ ଜାରି କରି ଏହା ଉପରେ ଜବାବ ତଲବ କରିଛନ୍ତି। କୋର୍ଟ ଚାରି ସପ୍ତାହ ମଧ୍ୟରେ ଜବାବ ଦେବାକୁ ମହଲତ ଦେଇଛନ୍ତି। ଏହି ମାମଲାରେ ଅକ୍ଟୋବର ୧୮ରେ ପରବର୍ତ୍ତୀ ଶୁଣାଣି ହେବ।

Related Articles

Leave a Reply

Your email address will not be published.

Back to top button