କୋର୍ଟ

ଆଇଏଏସ ଅଧିକାରୀ ପୂଜା ସିଂଘଲଙ୍କୁ ସର୍ତ୍ତମୂଳକ ଜାମିନ ମଞ୍ଜୁର

ନୂଆଦିଲ୍ଲୀ: ଜେଲରେ ଥିବା ନିଲମ୍ବିତ ଆଇଏଏସ ଅଧିକାରୀ ପୂଜା ସିଂଘଲଙ୍‌କୁ ସୁପ୍ରିମକୋର୍ଟ ମଙ୍ଗଳବାର ଦିନ ଏକ ମାସର ଅନ୍ତରୀଣ ଜାମିନ ପ୍ରଦାନ କରିଛନ୍ତି। ପୂଜାଙ୍କ ଝିଅ ଅସୁସ୍ଥ ଥିବାରୁ ସେ ଝିଅର ଯତ୍ନ ନେବାକୁ ଜାମିନ ଆବେଦନ କରିଥିଲେ।

ଜଷ୍ଟିସ ସଞ୍ଜୟ କିଷନ କୌଲ ଓ ଅଭୟ ଓକାଙ୍କୁ ନେଇ ଗଠିତ ଖଣ୍ଡପୀଠ  ପୂଜାଙ୍କୁ ସର୍ତମୂଳକ ଏକ ମାସର ଅନ୍ତରୀଣ ଜାମିନ  ପ୍ରଦାନ କରିଛନ୍ତି। ତାଙ୍କୁ କୋର୍ଟରେ ଶୁଣାଣି ନ ଥିଲେ ରାଞ୍ଚି ଯିବାକୁ ମନା କରାଯାଇଛି। ପୂଜା ସିଙ୍ଘଲ ମାମଲାର ଶୁଣାଣି ଫେବୃଆରୀ ୬ରେ କରିବାକୁ କୋର୍ଟ ଏହାକୁ ସୂଚିବଦ୍ଧ କରିବା ସହ ଇଡିକୁ ତାଙ୍କ ଜାମିନ ଉପରେ ତିନି ସପ୍ତାହ ଭିତରେ ରିପୋର୍ଟ ରଖିବାକୁ କହିଛନ୍ତି।

ପୂର୍ବରୁ ସର୍ବୋଚ୍ଚ ନ୍ୟାୟାଳୟ ପୂର୍ବତନ ଝାରଖଣ୍ଡ ଖଣି ସଚିବ ପୂଜା ସିଙ୍ଗଲ ଜାମିନ ଯାଚିକା ଉପରେ ଇଡିକୁ ନୋଟିସ କରିଥିଲେ। ପୂଜାଙ୍କୁ ଇଡି ମନି ଲଣ୍ଡରିଂ, ଏମଜିଏନଆରଇଜିଏ ଓ ଅନ୍ୟାନ୍ୟ ଘୋଟାଲାରେ ତଦନ୍ତ କରୁଛି।

ସିଂଘଲ ସୁପ୍ରିମକୋର୍ଟରେ ଏକ ଜାମିନ ଆବେଦନ କରିଥିଲେ, ଯେଉଁଥିରେ ସେ ଉଲ୍ଲେଖ କରିଥିଲେ କି, ତାଙ୍କ ଝିଅ ଅସୁସ୍ଥ ଅଛି ଓ ତାର ଦେଖାଶୁଣା ପାଇଁ ତାଙ୍କୁ ଜାମିନ ମିଳୁ। ତେଣୁ ତଦନ୍ତକାରୀ ଦଳକୁ ପୂଜାଙ୍କ ଝିଅର ସ୍ବାସ୍ଥ୍ୟାବସ୍ଥା ସମ୍ପର୍କରେ ଯାଞ୍ଚ କରି ତଥ୍ୟ ରଖିବାକୁ କୁହାଯାଇଥିଲା।

୨୦୨୨ ମେ ୧୧ ତାରିଖରୁ ସେ ବିଭିନ୍ନ ଘୋଟାଲାରେ ବନ୍ଦୀ ରହିଆସୁଛନ୍ତି। ତାଙ୍କ ବିରୋଧରେ ୩୬ କୋଟିର ଘୋଟାଲା ରହିଛି।

Related Articles

Leave a Reply

Your email address will not be published.

Back to top button