ବଲାଙ୍ଗୀରରେ ଗୋଷ୍ଠୀ ସଂଘର୍ଷ । ଗୋଷ୍ଠୀ ସଂଘର୍ଷ ଫଳରେ ଜଣଙ୍କର ମୃତ୍ୟୁ ହୋଇଥିବା ବେଳେ ଦୁଇ ଜଣ ଗୁରୁତର ହୋଇଛନ୍ତି । ସ୍ଥାନୀୟ ଅଞ୍ଚଳରେ ଭୟର ବାତାବରଣ ଖେଳିଯାଇଛି ।ସୂଚନାଯୋଗ୍ୟ ଯେ, ବଲାଙ୍ଗୀର ସହର ମାଲଗୋଦାମ ପଡାରେ ଗୋଷ୍ଠୀ ସଂଘର୍ଷ ହୋଇଛି l ଗୋଷ୍ଠୀ ସଂଘର୍ଷରେ ଜଣଙ୍କର ମୃତ୍ୟୁ ହୋଇଥିବା ବେଳେ ଦୁଇ ଜଣ ଗୁରୁତର ହୋଇଛନ୍ତି l ମୃତକ ଜଣକ ମାଲଗୋଦାମ ପଡାର ନିରଜ ହରପାଳ ବୋଲି ଜଣାପଡିଛି l ସୋମବାର ରାତିରେ ଦୁଇ ଗୋଷ୍ଠୀ ମଧ୍ୟରେ ପୂର୍ବ ଶତ୍ରୁତାକୁ ନେଇ ଗଣ୍ଡଗୋଳ ହୋଇଥିଲେ l ରାସ୍ତାରେ ଖଣ୍ଡା ବୁଲିବା ପରେ ସହର ରେ ଆତଙ୍କ ଖେଳିଥିଲା l ଦୁଇ ଗୁରୁତର ଙ୍କୁ ପ୍ରଥମରେ ବଲାଙ୍ଗିର ଭୀମଭୋଇ ମେଡିକାଲ କଲେଜ ହସ୍ପିଟାଲକୁ ଅଣାଯାଇଥିଲା ।ପରେ ଜଣେ ଅଧିକ ଗୁରୁତର ହେବାରୁ ବୁର୍ଲା ସ୍ଥାନାନ୍ତର କରାଯାଇଛି l ମୁକେଶ ହରପାଳ ନାମକ ଯୁବକଙ୍କୁ ବୁର୍ଲା ସ୍ଥାନାନ୍ତର କରିଥିବା ଜଣାପଡ଼ିଛି l ଏନେଇ ମୃତକ ପରିବାର ପକ୍ଷରୁ ଟାଉନ ଥାନାରେ ଏତଲା ପରେ ଘଟଣାସ୍ଥଳରେ ପୋଲିସ ମୁତୟନ କରାଯିବା ସହ ତଦନ୍ତ ଆରମ୍ଭ କରିଛି ପୋଲିସ । ମୃତକ ନିରଜ କିଛି ଦିନ ପୂର୍ବରୁ ଜେଲ୍ରୁ ବେଲ୍ରେ ବାହାରିଥିଲେ । ଏବେ ପୁଣି ଗଣ୍ଡଗୋଳରେ ଜୀବନ ଯାଇଛି l ସେପଟେ ଏ ଘଟଣାରେ ଜଣେ ସ୍ଥାନୀୟ ନେତାଙ୍କ ସମ୍ପୃକ୍ତି ଥିବା ନେଇ ଅଭିଯୋଗ କରିଛନ୍ତି ମୃତକ ପରିବାର ଲୋକ ।
Naxatra News is now on Whatsapp
Join and get latest news update delivered to you via whatsapp
Join Now
