କମ୍ବଳ ବେପାର ନା ରେ ଉତ୍ତରପ୍ରଦେଶକୁ ଗଞ୍ଜେଇ ଚୋରା ଚାଲାଣ ବେଳେ ପୋଲିସ ର ଚଢ଼ାଉ। ରାୟଗଡା ଜିଲ୍ଲା ଡାଙ୍ଗସୋରଡା ଫାଣ୍ଡି ନିକଟରୁ ଟାଟା ଏସି ଗାଡିରୁ ୧କ୍ବିଣ୍ଟାଲ ୭୯ କେଜି ଗଞ୍ଜେଇ ସହ ୧୧ହଜାର ଟଙ୍କା ଜବତ ହୋଇଥିବା ବେଳେ ୨ଜଣ ଗିରଫ ହୋଇଛନ୍ତି । ଉତ୍ତରପ୍ରଦେଶର କିଛି ବ୍ୟବସାୟୀ କମ୍ବଳ ବେପାର ନା ରେ ଗଞ୍ଜେଇ ଚାଲାଣ କରୁଥିବା ଖବରପାଇ ମୁନିଗୁଡା ପୋଲିସର ଏକ ଟିମ ଡାଙ୍ଗସୋରଡା ଫାଣ୍ଡି ନିକଟରେ ଏକ ଟାଟା ଏସି ଗାଡିକୁ ଯାଞ୍ଚ କରିଥିଲେ । ସେହି ଗାଡିରୁ ୮ଟି ବସ୍ତାରେ ଥିବା ୧କ୍ବିଣ୍ଟାଲ ୭୯ କେଜି ଗଞ୍ଜେଇ, ବ୍ୟବହୃତ ଗାଡି, ୧୧ହଜାର ଟଙ୍କା ଜବତ କରିବା ସହ ୨ଜଣଙ୍କୁ ଗିରଫ କରାଯାଇଛି। ଗିରଫ ବ୍ୟକ୍ତି ମାନେ ଉତ୍ତରପ୍ରଦେଶ ମୁଜାଫର ଅଞ୍ଚଳର ଉଦୟ ସିଂ ଓ ଅନିଲ କୁମାର ହୋଇଥିବା ବେଳେ ଗଞ୍ଜେଇର ବଜାର ମୂଲ୍ୟ 18ଲକ୍ଷ ଟଙ୍କା ହେଇଥିବ ବିଷମ କଟକ ଏସଡିପିଓ କହିଛନ୍ତି ।
Naxatra News is now on Whatsapp
Join and get latest news update delivered to you via whatsapp
Join Now
