ପୁଣି ଧୋକା ଦେଲା ଗୁଗଲ୍ ମ୍ୟାପ୍ । ଉତ୍ତରପ୍ରଦେଶର ବରେଲି ଜିଲାରେ ଗୁଗଲ ମ୍ୟାପ ଯୋଗୁ ପୁଣି ଏକ ଦୁର୍ଘଟଣା ଘଟିଛି। ବରେଲିର ଇଜ୍ଜତ ନଗର ପୋଲିସ ଷ୍ଟେଶନ ଅଞ୍ଚଳରେ ଥିବା ପିଲିଭିତ ରୋଡରେ ଅବସ୍ଥିତ ଗୁଗଲ ମ୍ୟାପ ଯୋଗୁ ଏକ କାର କାଲାପୁର କେନାଲରେ ପଡିଯାଇଥିଲା। କାରରେ ଥିଲେ ତିନି ଜଣ। ଘଟଣା ସମ୍ପର୍କରେ ସୂଚନା ପାଇବା ମାତ୍ରେ ପୋଲିସ ଟିମ ଘଟଣାସ୍ଥଳରେ ପହଞ୍ଚିଥିଲେ। ଜେସିବି ସହାୟତାରେ ପୋଲିସ କାରଟିକୁ କେନାଲରୁ ବାହାର କରିଥିଲା। ସୌଭାଗ୍ୟବଶତଃ ତିନିଜଣଙ୍କ ଜୀବନ ବଞ୍ଚି ଯାଇଥିଲା। ଗୁଗଲ ମ୍ୟାପ ସାହାଯ୍ୟରେ ପିଲିଭିତ ଯାଉଥିବା ବେଲେ ଅଘଟଣ। କାଲାପୁର କେନାଲ ବାରକାପୁର ତିରାହା ଗାଁ ନିକଟରେ କାରଟି କେନାଲରେ ଓଲଟି ପଡିଥିଲା। କାରରେ ଥିବା ତିନି ଜଣ ଅଳ୍ପକେ ବର୍ତ୍ତି ଯାଇଥିଲେ। କାରଟି ଏକ କ୍ରେନ ସହିତ ବାହାରକୁ ଅଣାଯାଇଥିଲା। ଗୁଗଲ୍ ମ୍ୟାପରୁ ସ୍ଥାନ ଦେଖି ଭ୍ରମଣ କରିବା ଅତ୍ୟନ୍ତ ବିପଜ୍ଜନକ ହୋଇଛି। କିଛି ଦିନ ପୂର୍ବରୁ ଅସମ୍ପୂର୍ଣ୍ଣ ବ୍ରିଜରୁ କାର ଖସିପଡି ତିନି ଜଣଙ୍କର ମୃତ୍ୟୁ ହୋଇଥିଲା।
Naxatra News is now on Whatsapp
Join and get latest news update delivered to you via whatsapp
Join Now
