ବୋଲେରୋକୁ ଧକ୍କା ଦେଲା ହାଇୱା ଗାଡ଼ି

ଭୁବନେଶ୍ୱର ଆଚାର୍ଯ୍ୟ ବିହାର ଛକରେ ମର୍ମନ୍ତୁଦ ସଡ଼କ ଦୁର୍ଘଟଣା। ବିଳମ୍ୱିତ ରାତିରେ ବୋଲେରୋକୁ ଧକ୍କା ଦେଲା ହାଇୱା ଗାଡ଼ି । ଫଳରେ ବୋଲେରୋ ଡ୍ରାଇଭର ଆହତ ହୋଇଛନ୍ତି। ହାଇୱା ଡ୍ରାଇଭର ଘଟଣାସ୍ଥଳରୁ ଫେରାର ହୋଇ ଯାଇଛନ୍ତି । ସୂଚନା ମୁତାବକ, ହାଇୱା ଗାଡ଼ିଟି ଆପୋଲୋ ହସ୍ପିଟାଲ ଦେଇ ଆଚାର୍ଯ୍ୟ ବିହାର ଅଡ଼କୁ ଆସୁଥିବା ବେଳେ ବୋଲେରୋଟି ବାଣୀବିହାର ରୁ ଆସୁଥିବା ବେଳେ ଦୁର୍ଘଟଣା ଘଟିଛି । ତେବେ ଆଚାର୍ଯ୍ୟ ବିହାର ଟ୍ରାଫିକ ନିକଟରେ ହାଇୱାଟି ବୋଲେରୋକୁ ଧକ୍କା ଦେବା ସହ ଆଚାର୍ଯ୍ୟ ବିହାରରେ ଥିବା ଟ୍ରାଫିକ ପୋଷ୍ଟ ଉପରକୁ ଚଢ଼ିଯାଇଥିଲା। ଫଳରେ ଟ୍ରାଫିକ ପୋଷ୍ଟଟି ସଂପୂର୍ଣ୍ଣ ଭାଙ୍ଗି ନଷ୍ଟ ହେବା ସହିତ ବୋଲେରୋର ଗୋଟିଏ ପାର୍ଶ୍ୱ ଭାଙ୍ଗି ନଷ୍ଟ ହୋଇଯାଇଛି । ଏହି ଦୁର୍ଘଟଣାରେ କାହାର କିଛି ଅଧିକ କ୍ଷତି ହୋଇନାହିଁ। ତେବେ ସହିଦନଗର ଥାନା ପୋଲିସ ଉଭୟ ଗାଡ଼ିକୁ ଜବତ କରିବା ସହ ଘଟଣାର ତଦନ୍ତ ଜାରି ରଖିଛି ।

Naxatra News is now on Whatsapp

Join and get latest news update delivered to you via whatsapp

Join Now