ଭାରସାମ୍ୟ ହରାଇ ଗଛକୁ ଚଢ଼ିଗଲା କାର । ଅଳ୍ପକେ ବର୍ତିଲେ ଡ୍ରାଇଭର । ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର – ସମ୍ୱଲପୁର ରାସ୍ତାର ମହଦା ସେତୁ ନିକଟରେ ଘଟିଛି ଅଘଟଣ। ବୁର୍ଲା ମେଡିକାଲରୁ ସୋନପୁର ଘୋଡାଘାଟପଡ଼ାର ଜଣେ ବୃଦ୍ଧଙ୍କ ମୃତଦେହ ନେଇ ସୋନପୁର କୁ ଆସୁଥିଲା କାର। ହେଲେ ମହଦା ସେତୁ ନିକଟରେ ଭାରସାମ୍ୟ ହରାଇ କାରଟି ରାସ୍ତା ତଳକୁ ଖସିବା ସହିତ ରାସ୍ତା କଡ଼ରେ ଥିବା ଏକ ଗଛ ଉପରକୁ ଚଢ଼ି ଯାଇ ଝୁଲି ଯାଇଥିଲା। ତେବେ କାରରେ ବସିଥିବା ସମସ୍ତ ଯାତ୍ରୀ ସହ ଡ୍ରାଇଭର ମଧ୍ୟ ସୁରକ୍ଷିତ ଥିବା ସୂଚନା ମିଳିଛି । ମୃତଦେହକୁ ଅନ୍ୟ ଏକ ଗାଡ଼ିରେ ନେଇଥିଲେ ପରିବାର ଲୋକ । ଘଟଣା ସ୍ଥଳରେ ବୀରମହାରାଜପୁର ପୋଲିସ ପହଞ୍ଚି ଗାଡ଼ିକୁ ଉଦ୍ଧାର କରିବା ସହିତ ଅଧିକ ତଦନ୍ତ ଜାରି ରଖିଛି ।
Naxatra News is now on Whatsapp
Join and get latest news update delivered to you via whatsapp
Join Now
