ଅପରାଧ

ଠିକାଦାରଙ୍କୁ ବିରୋଧ କରିବାରୁ ଯନ୍ତ୍ରୀଙ୍କୁ ନିର୍ମମ ହତ୍ୟା ! କପା କିଆରିରୁ ମିଳିଲା କ୍ଷତ ବିକ୍ଷତ ମୃତ ଦେହ

ବଲାଙ୍ଗୀର ଜିଲ୍ଲା ପାଟଣାଗଡ ବ୍ଲକ ରେ ଯନ୍ତ୍ରୀଙ୍କୁ ନିର୍ମମ ହତ୍ୟା।  ଜଣେ କାର୍ଯ୍ୟରତ ଯନ୍ତ୍ରୀଙ୍କୁ୍ ହତ୍ୟା କରି ଫିଙ୍ଗି ଦିଆଯାଇଥିବା ଘଟଣା ଅଞ୍ଚଳ ରେ ଚାଞ୍ଚଲ୍ୟ ସୃଷ୍ଟି କରିଛି  । ପାଟଣାଗଡ ବ୍ଲକ ଅନ୍ତର୍ଗତ ସୋଲବନ୍ଧ ପଂଚାୟତ ବନକାବିଅର ଗ୍ରାମ ନିକଟ ଏକ କପା କିଆରିରୁ ମିଳିଛି ପାଟଣାଗଡ ବ୍ଲକ ର ଯନ୍ତ୍ରୀ ସୁରେଶ ଚନ୍ଦ୍ର ସାହୁଙ୍କ କ୍ଷତ ବିକ୍ଷତ ମୃତ ଦେହ ।

ଅଜି ସକାଳୁ ଗ୍ରାମର କିଛି ବ୍ୟକ୍ତି ଛେଳି ଚରାଇବାକୁ ଯାଇଥିବା ବେଳେ ଏକ କପା କିଆରୀରେ ଏକ ମୃତ ଦେହ ପଡିଥିବା ଦେଖିଥିଲେ । ଗ୍ରାମବାସୀ ଏ ବିଷୟରେ ଜାଣିବା ପରେ ପାଟଣାଗଡ ପୋଲିସ କୁ ଖବର ଦେଇଥିଲେ । ଘଟଣାସ୍ଥଳରେ ପୋଲିସ ପହଂଚି ଛାନଭିନ ଆରମ୍ଭ କରିଥିଲା । ପରେ ପାଟଣାଗଡ ବ୍ଲକର କନିଷ୍ଠ ଯନ୍ତ୍ରୀ ଏବଂ କର୍ମଚାରୀ ମାନେ ଆସି ମୃତ ଦେହକୁ ଚିହ୍ନଟ କରି ଏହା ଯନ୍ତ୍ରୀ ସୁରେଶ ଚନ୍ଦ୍ର ସାହୁଙ୍କ ବୋଲଚିହ୍ନଟ କରିଥିଲେ । ମୃତକ ଙ୍କ ଘର କଟକ ଜିଲ୍ଲା ଗୋବିନ୍ଦପୁର ଥାନା ଅନ୍ତର୍ଗତ ଡିମିରି ଗୋପାଲପୁର ଗ୍ରାମର ବୋଲି ଜଣାପଡିଛି ।

ଯନ୍ତ୍ରୀ ସାହୁ ଗତ ୨ ବର୍ଷ ହେବ ପାଟଣାଗଡ ବ୍ଲକ ରେ କାର୍ଯ୍ୟରତ ଥିବା ବେଳେ ତାଙ୍କର କେହି ଶତୃ ନଥିଲେ ବୋଲି ତାଙ୍କ ସହକର୍ମଚାରୀ ମାନେ କହୁଥିବା ବେଳେ ପାରିପାର୍ଶ୍ୱିକ ପରିସ୍ଥିତିରୁ ଏହା ଏକ ସୁପରିକଳ୍ପିତ ହତ୍ୟାକାଣ୍ଡ ବୋଲି ଅନୁମାନ କରାଯାଉଛି । ଘଟଣାସ୍ଥଳରେ ପାଟଣାଗଡ ଏସଡିପିଓ ଜ୍ୟୋତିର୍ମୟ ଭୁକ୍ତ ନିଜେ ସାଇଣ୍ଟିଫିକ ଦଳ ସହ ପହଞ୍ଚି ତଦନ୍ତକୁ ଜୋରଦାର କରିଛନ୍ତି । ଶବ ବ୍ୟବଚ୍ଛେଦ ପରେ ମୃତ୍ୟୁର କାରଣ ଏବଂ ଘଟଣାର ରହସ୍ୟ ଜଣାପଡିବ ବୋଲି କହିଛନ୍ତି । ତେବେ ଘଟଣାର ତଦନ୍ତ ପରେ ହିଁ ହତ୍ୟାକାଣ୍ଡର ପ୍ରକୃତ ସତ୍ୟାସତ୍ୟ ପଦାକୁ ଆସିପାରିବ ।

Related Articles

Leave a Reply

Your email address will not be published.

Back to top button