ଖୋର୍ଦ୍ଧା : ରବିବାର ଦିନ ବୋଲଗଡ଼ ସାନ କୁମାରୀ ଛକରେ ଘଟିଛି ହତ୍ୟାକାଣ୍ଡ । ଦିବାଲୋକରେ ଦୁର୍ବୃତ ଦୁଇ ଭାଇଙ୍କୁ ଗାଁ ଦାଣ୍ଡରେ ଗୋଡ଼ାଇ ଗୋଡ଼ାଇ ଖଣ୍ଡାରେ ହାଣିଛନ୍ତି । ତେବେ ପୂର୍ବ ଶତ୍ରୁତାକୁ କେନ୍ଦ୍ରକରି ଏଭଳି ହତ୍ୟାକାଣ୍ଡ ଘଟିଥିବା କୁହାଯାଉଛି । ହତ୍ୟାକାଣ୍ଡରେ ଜଣେ ମୃତ ଓ ଜଣେ ଗୁରୁତର ହୋଇଥିବା ଜଣାପଡିଛି । ମୃତକ ଓ ଗୁରୁତର ଦୁଇ ଭାଇ । ସାନ ଭାଇ ୨୮ ବର୍ଷୀୟ ବିପିନ୍ ରାଉତଙ୍କର ଘଟଣାସ୍ଥଳରେ ମୃତ୍ୟୁ ହୋଇଥିବା ବେଳେ ବଡ଼ ଭାଇ ବିକ୍ରମ ରାଉତ ଗୁରୁତର ହୋଇଛନ୍ତି । ଗୁରୁତର ବିକ୍ରମଙ୍କୁ ସ୍ଥାନୀୟ ଲୋକେ ଚିକିତ୍ସା ପାଇଁ ମେଡିକାଲରେ ଭର୍ତି କରିଛନ୍ତି । ଖବର ପାଇ ବୋଲଗଡ଼ ପୋଲିସ ଘଟଣାସ୍ଥଳରେ ପହଂଚି ତଦନ୍ତ ଆରମ୍ଭ କରିଛି ।
Naxatra News is now on Whatsapp
Join and get latest news update delivered to you via whatsapp
Join Now
