ନାବାଳିକାକୁ ଅପହରଣ ଦୁଷ୍କର୍ମ ଅଭିଯୋଗରେ ଫେରାର୍ ଯୁବକ ଗିରଫ

Naxatra News21/07/202321/07/2023

ବଲାଙ୍ଗୀର : ଜଣେ ନାବାଳିକାକୁ ଦୁଷ୍କର୍ମ କରିଥିବା ଅଭିଯୋଗରେ ଫେରାର୍ ଥିବା ଜଣେ ଯୁବକକୁ ଗତକାଲି ବଲାଙ୍ଗୀର ଜିଲ୍ଲା ପୁଇଁତଳା ପୋଲିସ ଗିରଫ କରିଛି । ସୂଚନାରୁ ପ୍ରକାଶ ଯେ, ବଲାଙ୍ଗିର ଜିଲା ପୁଇଁତଳା ଥାନା ଚାରପାଲି ଗାଁର ବିକାଶ ବଗର୍ତୀ(୨୪) ଗତ ଜୁଲାଇ ୨ ତାରିଖ ରାତିରେ ନିକଟସ୍ଥ ଦଶପୁର ଗାଁ ର ଜଣେ ୧୩ ବର୍ଷର ନାବାଳିକାକୁ ଜୋରଜବରଦସ୍ତ ଅପହରଣ କରି ନେଇ ଦୁଷ୍କର୍ମ କରିଥିଲା । ଝିଅର ବାପା ଝିଅ ନିଖୋଜ ଥିବା ନେଇ ପୁଇଁତଳା ଥାନାରେ ଏତଲା ଦେଇଥିଲେ । ଅଭିଯୋଗ ପରେ ପୋଲିସ ଜିଲ୍ଲାର ବିଭିନ୍ନ ସ୍ଥାନରେ ବିକାଶକୁ ଖୋଜାଖୋଜି କରିବା ପରେ ଆଜି ପାଟଣାଗଡ ବ୍ଲକ ସର୍ଗି ଗୁଡା ଗାଁ ନିକଟରୁ ନାବାଳିକା କୁ ଉଦ୍ଧାର କରିଛି । ଅପହରଣ ଓ ଦୁଷ୍କର୍ମ ମାମଲରେରେ ପୁଇଁତଳା ପୋଲିସ ବିକାଶକୁ ଗିରଫ କରିବା ସହ କୋର୍ଟ ଚାଲାଣ କରିଛି ।