ଡିଜେ ଆଜେକ୍ସଙ୍କ ଆତ୍ମହତ୍ୟାକୁ ନେଇ ସସପେନ୍ସ

() ଲୋକପ୍ରିୟ ଓଡ଼ିଆ ଡ଼ିଜେ ‘ଡିଜେ ଆଜେକ୍ସ’ ଓରଫ ଅକ୍ଷୟ କୁମାରଙ୍କ ମୃତ୍ୟୁକୁ ନେଇ ବଢୁଛି ସସପେନ୍ସ । ଗତକାଲି ସନ୍ଧ୍ୟାରେ ଆତ୍ମହତ୍ୟା କରିଛନ୍ତି ‘ଡିଜେ ଆଜେକ୍ସ’ l ପ୍ରେମିକା ଓ ତାଙ୍କ ବନ୍ଧୁଙ୍କ ନାଁ ରେ ଅଭିଯୋଗ ଆଣିଛନ୍ତି ପରିବାର ଲୋକ l ସେପଟେ ଅକ୍ଷୟଙ୍କ ଚକ୍ଷୁଦାନ କରିଛନ୍ତି ପରିବାର ଲୋକେ ।

ରାଜଧାନୀ ଖାରବେଳ ଗନର ସ୍ଥିତ ନିଜ ଘରୁ ଝୁଲନ୍ତା ଅବସ୍ଥାରେ ଅକ୍ଷୟ କୁମାରଙ୍କ ମୃତଦେହ ଉଦ୍ଧାର ହୋଇଛି l ଆତ୍ମହତ୍ୟାର କାରଣ ଅସ୍ପଷ୍ଟ ଥିବା ବେଳେ ପରିବାର ଲୋକ ଆଜେକ୍ସଙ୍କ ବାନ୍ଧବୀ ଓ ତାଙ୍କ ପୁରୁଷ ବନ୍ଧୁଙ୍କ ଉପରେ ଆଣିଛନ୍ତି ଅଭିଯୋଗ l ଶନିବାର ରାତିରେ ନିଜ ରୁମରେ ଆଜେକ୍ସଙ୍କୁ ଝୁଲନ୍ତା ଅବସ୍ଥାରେ ଦେଖିଥିଲେ ପରିବାର ଲୋକ l ତାଙ୍କୁ ଏକ ଘରୋଇ ହସ୍ପିଟାଲ ନିଆଯାଇଥିବା ବେଳେ ସେଠାରେ ଡ଼ାକ୍ତର ତାଙ୍କୁ ମୃତ ଘୋଷଣା କରିଥିଲେ । ଏସବୁ ଭିତରେ ସାମ୍ନାକୁ ଆସିଛି ଜଣେ ଯୁବତୀଙ୍କ ସହ ଆଜେକ୍ସଙ୍କ ଫଟୋ, ଭିଡିଓ ଏବଂ ଚାଟ। ଉକ୍ତ ଯୁବତୀଙ୍କ ସହ ଦେଢ଼ ବର୍ଷ ହେବ ଆଜେକ୍ସଙ୍କ ସମ୍ପର୍କ ଥିଲା l ତଥାପି ନିଜ କଲେଜର ଆଉ ଜଣେ ପୁଅଙ୍କ ସହ ବଢୁଥିବା ବନ୍ଧୁତ୍ୱକୁ ନେଇ ଚିନ୍ତାରେ ଥିଲେ ଆଜେକ୍ସ l ଯୁବତୀ ଜଣକ କୌଣସି ଫଟୋ ଭିଡିଓ ଭାଇରଲର ଧମକ ଦେବାରୁ ଲୋକଲଜ୍ଜ୍ୟା ଭୟରେ ଏପରି କରିଛନ୍ତି ବୋଲି ଅଭିଯୋଗ ଆଣିଛନ୍ତି ଆଜେକ୍ସଙ୍କ ବନ୍ଧୁ ଏବଂ ବାପା l

ଅନ୍ୟପଟେ ଖାରବେଳ ନଗର ଥାନାରେ ଆଜେକ୍ସଙ୍କ ମା ରୁଜୁ କରିଥିବା ମାମଲା ଆଧାରରେ ତଦନ୍ତ କରୁଛି ପୋଲିସ l ଆଜେକ୍ସ ଙ୍କ ସହ ଜଡିତ ସମସ୍ତ ଦିଗ କୁ ଦୃଷ୍ଟିରେ ରଖି ଅନୁସନ୍ଧାନ କରାଯିବ l ତଦନ୍ତ ଚାଲିଛି ଏବଂ ପୋଷ୍ଟମର୍ଟମ ରିପୋର୍ଟ ଆସିଵା ପରେ ଘଟଣା ର ଅନୁରୂପ ତଦନ୍ତ ହେବ ବୋଲି କହିଛନ୍ତି ଜୋନ-1 ଏସିପି।

ଆତ୍ମହତ୍ୟା ନୁହେଁ ବରଂ ତାଙ୍କୁ ହତ୍ୟା କରାଯାଇଛି ବୋଲି ସାଂଘାତିକ ଅଭିଯୋଗ ଆଣିଛନ୍ତି ପରିବାର ଏବଂ ବନ୍ଧୁ l

ସ୍ୱରୂପା ମହାପାତ୍ରଙ୍କ ସହ ଅକ୍ଷୟଙ୍କ ମହାରଣାଙ୍କ ରିପୋର୍ଟ