ଭୋପାଳ: ବିଜେପିର ପୂର୍ବତନ କର୍ପୋରେଟର ଓ ତାଙ୍କ ପତ୍ନୀ ଦୁଇ ସନ୍ତାନଙ୍କ ହତ୍ୟା କରିବା ପରେ ନିଜେ ଆତ୍ମହତ୍ୟା କରିଛନ୍ତି। ଆତ୍ମହତ୍ୟା ପୂର୍ବରୁ ବିଜେପି ନେତା ଟ୍ବିଟ କରି ନିଜ ପିଲାଙ୍କ ଦୁରାରୋଗ୍ୟ ସମ୍ପର୍କରେ ସୂଚନା ଦେବା ସହ ଆଉ ବଞ୍ଚିବାକୁ ଚାହୁଁ ନ ଥିବା ଉଲ୍ଲେଖ କରିଥିଲେ।
ବିଦିଶା ଜିଲ୍ଲାର ପୂର୍ବତନ କର୍ପୋରେଟର ସଞ୍ଜିବ ମିଶ୍ରା, ତାଙ୍କ ପତ୍ନୀ , ସେମାନଙ୍କୁ ଦୁଇ ପୁଅ ଅନମୋଲ (୧୩) ଓ ସାର୍ଥକ(୭)ଙ୍କ ମୃତଦେହ ପୁଲିସ ଉଦ୍ଧାର କରିଥିଲା ଗୁରୁବାର ରାତିରେ। ପୁଲିସ ଅନୁଯାୟୀ ମିଶ୍ରାଙ୍କ ଦୁଇ ସନ୍ତାନ ମସ୍କୁଲାର ହିସ୍ପ୍ରୋରୀ ରୋଗରେ ପୀଡିତ ଥିଲେ। ଏହାକୁ ନେଇ ଉଭୟ ସ୍ବାମୀସ୍ତ୍ରୀ ଚିନ୍ତାଗ୍ରସ୍ତ ହୋଇପଡିଥିଲେ। ଏହି ରୋଗର କୌଣସି ଉପଚାର ନ ଥିବାରୁ ପିଲାମାନଙ୍କୁ ହତ୍ୟା କରିବା ପରେ ଉଭୟ ଆତ୍ମହତ୍ୟା କରିଥିବା ପୁଲିସ ସନ୍ଦେହ କରୁଛି।
ଆତ୍ମହତ୍ୟା ପୂର୍ବରୁ ମିଶ୍ରା ଟ୍ବିଟ କରି ଲେଖିଥିଲେ, ଭଗବାଗ ଏହି ରୋଗ ମୋ ଶତ୍ରୁମାନଙ୍କ ପିଲାଙ୍କୁ ମଧ୍ୟ ନ ଦିଅନ୍ତୁ। ମୁଁ ମୋ ପିଲାଙ୍କୁ ବଞ୍ଚାଇବାକୁ ଅସମର୍ଥ। ଆଉ ବଞ୍ଚିବାକୁ ଚାହୁଁନାହିଁ। ଏହି ଟ୍ବିଟକୁ ବିଶ୍ଳେଷଣ କରି ପୁଲିସ ଏପରି ସନ୍ଦେହ କରୁଛି।
ସେପଟେ ମାମଲାରେ ବିଦିଶା ଥାନାରେ ଏକ କେଶ ରୁଜୁ କରାଯାଇଛି।
Naxatra News is now on Whatsapp
Join and get latest news update delivered to you via whatsapp
Join Now
