ଯୋଧପୁର : ମଙ୍ଗଳବାର ପୂର୍ବାହ୍ନରେ ଓସିୟାଁ ତହସିଲର ରାମନଗର ଗ୍ରାମ ପଞ୍ଚାୟତ ଚେରାଇର ଗଙ୍ଗାଣ୍ୟୋ ଢାଣିରେ ଦୁର୍ବୂତ୍ତମାନେ ଗୋଟିଏ ପରିବାରର ଚାରି ଜଣଙ୍କୁ ହତ୍ୟା କରି ସେମାନଙ୍କ ମୃତଦେହକୁ ପୋଡି ଦେଇଛନ୍ତି ।
ଏହି ଜଘନ୍ୟ ହତ୍ୟାକାଣ୍ଡକୁ ନେଇ ପୋଲିସ ଓ ଗ୍ରାମବାସୀ ଆଶ୍ଚର୍ଯ୍ୟ । ସୂଚନା ମୁତାବକ, ଜିଲ୍ଲା କଲେକ୍ଟର ହିମାଂଶୁ ଗୁପ୍ତା, ଗ୍ରାମ୍ୟ ଅଧୀକ୍ଷକ ଧର୍ମେନ୍ଦ୍ର ସିଂ ଯାଦବ ଇତ୍ୟାଦି ଘଟଣାସ୍ଥଳରେ ପହଞ୍ଚି ଯାଞ୍ଚ କରିଥିଲେ । ଏଫଏସଏଲ ଦଳ ପ୍ରମାଣ ସଂଗ୍ରହରେ ନିୟୋଜିତ ହୋଇଛି । ସନ୍ଧାନକାରୀ କୁକୁର ସ୍କ୍ୱାଡ ସାହାଯ୍ୟରେ ହତ୍ୟାକାରୀଙ୍କୁ ଧରା ଯିବାର ପ୍ରୟାସ କରାଯାଉଛି । ମଙ୍ଗଳବାର ଗତକାଲି ଦିନ ପ୍ରାୟ 3 ଟା ବେଳେ ଏହି ଘଟଣା ଘଟିଥିବା ଜଣାପଡିଛି ।
ପୋଲିସ ଅଧୀକ୍ଷକ ଧର୍ମେନ୍ଦ୍ର ସିଂ ଯାଦବଙ୍କ ଅନୁଯାୟୀ, 55 ବର୍ଷିୟ ପୁନାରାମ ତାଙ୍କ ପରିବାର ସହିତ ଓସିୟାଁର ରାମନଗର ଗ୍ରାମ ପଞ୍ଚାୟତର ଚେରାଇର ଗଙ୍ଗାଣ୍ୟୋ ଢାଣିରେ ରୁହନ୍ତି । ରାତିରେ ସେ ତାଙ୍କ ପତ୍ନୀ ଭାନୱାରୀ (50), ବୋହୂ ଧପୁ (24) ଏବଂ ଛଅ ମାସର ନାତୁଣୀ ସହିତ ଘରେ ଶୋଇଥିଲେ । ଏହି ସମୟରେ ଦୁର୍ବୂତ୍ତମାନେ ସେଠାରେ ପହଞ୍ଚି ତୀକ୍ଷ୍ଣ ଅସ୍ତ୍ରରେ ତାଙ୍କ ଗଳା କାଟି ହତ୍ୟା କରିଥିଲେ । ଏହା ପରେ ପ୍ରାଙ୍ଗଣରେ ମୃତଦେହକୁ ପୋଡି ଦେଇଥିଲେ । ହତ୍ୟାର କାରଣ କ’ଣ, ବର୍ତ୍ତମାନ ସମୟରେ ଏହାକୁ ସ୍ପଷ୍ଟ କୁହାଯାଇପାରିବ ନାହିଁ । ଏଥିରେ କିଛି ପୁର୍ବ ଶତ୍ରୁତା ମଧ୍ୟ ଥାଇପାରେ । ବର୍ତ୍ତମାନ ଏହାର ପୁଙ୍ଖାନୁପୁଙ୍ଖ ଅନୁସନ୍ଧାନ କରାଯାଉଛି । ପ୍ରମାଣ ସଂଗ୍ରହ କରିବା ସହିତ ଗ୍ରାମବାସୀଙ୍କ ସହ କଥାବାର୍ତ୍ତା କରି ଏହା ଅନୁସନ୍ଧାନ କରାଯାଉଛି ବେଲି ପୋଲିସ ଅଧୀକ୍ଷକ କହିଛନ୍ତି ।
