ସ୍ୱାମୀର ଗଳା କାଟି ହତ୍ୟା କଲା। ଆଉ ଲୁଚାଇବାକୁ ଯାଇ ଯେଉଁ ନାଟକ ରଚିଥିଲା ପତ୍ନୀ, ବେଶୀ ସମୟ ଲୁଚିରହିପାରିଲାନି। ୟୁପିର ହମିରପୁର ଜିଲ୍ଲାରେ ଘରୋଇ ଝଗଡ଼ାରୁ ଭୟଙ୍କର ହତ୍ୟାକାଣ୍ଡ ଓ ଷଡ଼ଯନ୍ତ୍ରର ପ୍ଲଟ ସାମ୍ନାକୁ ଆସିଛି। ଯିଏ ଶୁଣୁଛି, ତାଜୁବ୍ ହୋଇଯାଉଛି। ମୃତକର ନାଁ ଅରବିନ୍ଦ। ୧୦ ବର୍ଷ ହେଲା ସପରିବାର କସବେରେ ରହୁଥିଲେ। ମଦ୍ୟପ ସ୍ୱାମୀର ଅତ୍ୟାଚାରରେ ଅତିଷ୍ଠ ପତ୍ନୀ ଅନୀତା ତାକୁ ସବୁଦିନ ଲାଗି ରାସ୍ତାରୁ ହଟାଇବାକୁ ଯୋଜନା କରିଥିଲା। ହତ୍ୟା କରିବା ପରେ ନିଜକୁ ନିର୍ଦ୍ଦୋଷ ସାବ୍ୟସ୍ତ କରିବାକୁ ମନଗଢ଼ା କାହାଣୀ କହିଥିଲେ। ସ୍ୱାମୀର ଶବ ଉପରେ ମୁଣ୍ଡ ପିଟି କାନ୍ଦିଥିଲେ। ଅଜ୍ଞାତ ବ୍ୟକ୍ତି ଘରେ ପଶି ତାଙ୍କ ସ୍ୱାମୀ ଓ ତାଙ୍କୁ ଆକ୍ରମଣ କରିଥିଲେ। ସେମାନେ ତାଙ୍କ ସ୍ୱାମୀଙ୍କୁ ମର୍ଡର କରି ଫେରାର୍ ହୋଇଯାଇଛନ୍ତି ବୋଲି କହିଥିଲେ। ଘର କାନ୍ଥରେ ରକ୍ତଛିଟା ଓ ଅନୀତାର ଚେହେରା ଓ କପଡ଼ାରେ ରକ୍ତଦାଗ ଦେଖି ପୁଲିସର ସନ୍ଦେହ ହୋଇଥିଲା। ଆଉ ଜେରା ପରେ ସବୁ ମାନିଯାଇଥିଲା ଅନୀତା। ଅରବିନ୍ଦ କସବେରେ କୋଲଡ ଡ୍ରିଙ୍କ୍ ଏଜେନ୍ସି ଭାବେ କାମ କରୁଥିଲା। ଅନୀତା ସିଙ୍ଗଡ଼ା ବିକି ପରିବାର ପ୍ରତିପୋଷଣରେ ସାହାଯ୍ୟ କରୁଥିଲେ। ଏମାନଙ୍କ ୩ଟି ପୁଅ ଅଛନ୍ତି। ବଡ଼ ପୁଅ ରାଜେଶ କସବେରେ ଠେଲାଗାଡ଼ିରେ ଫଳ ବିକେ। ଆଉ ଦୁଇ ପୁଅ ଶିବା ଓ ଦିନେଶ ପଢ଼ୁଛନ୍ତି। ଘଟଣାବେଳେ ବଡ଼ ପୁଅ ରାଜେଶ ବଜାରରେ ଥିଲା। ଆଉ ବାକି ଦୁଇ ପିଲା ଘର ବାହାରେ ଖେଳୁଥିଲେ।
Naxatra News is now on Whatsapp
Join and get latest news update delivered to you via whatsapp
Join Now
