ଅକ୍ଷୟ କୁମାରଙ୍କ ୨୦୧୨ରେ ରିଲିଜ୍ ହୋଇଥିବା ‘ଓହ ମାଇଁ ଗଡ୍’ ଦର୍ଶକଙ୍କ ଦ୍ୱାରା ଆଦୃତ ହୋଇଥିଲା। ପ୍ରଥମ ଭାଗରେ ଅଭିନେତା ଅକ୍ଷୟ କୁମାର ଶ୍ରୀକୃଷ୍ଣଙ୍କ ଚରିତ୍ରରେ ଅଭିନୟ କରିଥିଲେ, ବର୍ତ୍ତମାନ ଦ୍ୱିତୀୟ ଭାଗରେ ‘ଓଏମଜି-୨’ ରେ ଅକ୍ଷୟ କୁମାର ଭଗବାନ ଶଙ୍କରଙ୍କ ଅବତାରରେ ନଜର ଆସିବେ । ନିକଟରେ ଏହି ଚଳଚ୍ଚିତ୍ରର ଏକ ଦମଦାର ଟିଜର ସୋସିଆଲ ମିଡିଆରେ ରିଲିଜ ହୋଇଛି ।
ଚଳଚ୍ଚିତ୍ର ”ଓହ ମାଇଁ ଗଡ୍-୨’ ଜଣେ ତତ୍ତ୍ୱବାଦୀ ଏବଂ ନାସ୍ତିକଙ୍କ ମଧ୍ୟରେ ପାର୍ଥକ୍ୟ ଚିତ୍ରଣ କରିବ । ଟିଜରରେ ଅକ୍ଷୟ କୁମାର ଏବଂ ପଙ୍କଜ ତ୍ରିପାଠୀ ନଜର ଆସିଛନ୍ତି । ଏହି ଚଳଚ୍ଚିତ୍ରରେ ଅକ୍ଷୟ କୁମାରଙ୍କର ଲମ୍ବା କେଶ, କପାଳରେ ପାଉଁଶ, ବେକରେ ରୁଦ୍ରକ୍ଷ ମାଳ ରହିଛି । ଇନଷ୍ଟାଗ୍ରାମରେ ଟିଜର ସେୟାର କରି ଅକ୍ଷୟ କୁମାର କ୍ୟାପସନ ଦେଇଛନ୍ତି, ‘ବିଶ୍ୱାସ ରଖ’।
ଓହ ମାଇଁ ଗଡ୍ ରେ ସୁପରଷ୍ଟାର ଅକ୍ଷୟ କୁମାର, ପଙ୍କଜ ତ୍ରିପାଠୀ ଏବଂ ଅଭିନେତ୍ରୀ ୟାମି ଗୌତମ ମୁଖ୍ୟ ଭୂମିକାରେ ନଜର ଆସିବେ । ଅମିତ ରାୟ ଫିଲ୍ମର ସଂଳାପ ଏବଂ ନିର୍ଦ୍ଦେଶନା ଦାୟିତ୍ୱ ତୁଲାଇଛନ୍ତି । ପରେଶ ରାୱଲ ପ୍ରଥମ ଭାଗରେ ଜଣେ ନାସ୍ତିକ କାଞ୍ଜିଲାଲ ମେହେତା ଭୂମିକାରେ ଅଭିନୟ କରିଥିଲେ । ତେବେ ଦ୍ୱିତୀୟ ଭାଗରେ ଆସ୍ତିକ କାନ୍ତିସରାଣ ମୁକ୍ତଲଙ୍କ କାହାଣୀ ପ୍ରଦର୍ଶିତ ହେବ। ଅକ୍ଷୟ କୁମାର ପ୍ରଭୁ ଶଙ୍କର ଭୂମିକାରେ ନଜର ଆସିଥିବାବେଳେ ପଙ୍କଜ ତ୍ରିପାଠୀ କାନ୍ତିସରାଣ ଭୂମିକାରେ ନଜର ଆସିବେ ।
ଏହି ସମୟରେ ଫିଲ୍ମ ‘ଓହ ମାଇଁ ଗଡ-୨’ ଅଗଷ୍ଟ ୧୧ ରେ ପ୍ରେକ୍ଷାଳୟରେ ମୁକ୍ତିଲାଭ କରିବ । ମିଡିଆ ରିପୋର୍ଟ ଅନୁଯାୟୀ, ଫିଲ୍ମର ପୁରୁଣା ଅଂଶର ଷ୍ଟାରକାଷ୍ଟ ଦ୍ୱିତୀୟ ଭାଗରେ ମଧ୍ୟ ଦେଖାଯିବ। ଏହି ଚଳଚ୍ଚିତ୍ରରେ ରାମାନନ୍ଦ ସାଗରଙ୍କ ରାମାୟଣରୁ ଖ୍ୟାତି ଅର୍ଅଜନ କରିଥିବା ଅରୁଣ ଗୋବିଲ ପ୍ରଭୁ ରାମଙ୍କ ଭୂମିକାରେ ଅଭିନୟ କରିବେ । ଏହି ଫିଲ୍ମଟି ‘ଗଦର-୨’ ସହିତ ଅଗଷ୍ଟ ୧୧ ରେ ମୁକ୍ତିଲାଭ କରିବ ।
