ବଲିଉଡ ଅଭିନେତା ରାଜ କିରନ ଏବେ କେଉଁଠି ?

୮୦ ଦଶକର ସେ ହିରୋ। କିନ୍ତୁ ଦୀର୍ଘ ବର୍ଷ ହେଲା ତାଙ୍କର ଖୋଜଖବର ମିଳୁନି। ସେ ଏବେ କେଉଁଠି। କେମିତି ଅଛନ୍ତି। ଏ ବାବଦରେ ସମସ୍ତେ ଅନ୍ଧାରରେ। ଏମିତିରେ ତାଙ୍କ ଫିଲ୍ମ କ୍ୟାରିଅର ଦେଖିଲେ, ସେମିତି କୌଣସି ବଡ଼ ସଫଳତା ପାଇନାହାନ୍ତି। ଲୋକଙ୍କୁ ପଚାରିଲେ ବି ଅନେକ ତାଙ୍କ ନାଁ ଶୁଣିନଥିବେ କି ଶୁଣିଥିଲେ ବି ତାଙ୍କ ଚେହେରା ମନେ ପକାଇ ପାରୁନଥିବେ। ଆମେ କହୁଛୁ ବଲିଉଡର ହିରୋ ରାଜ କିରନଙ୍କ କଥା। ବୁଲନ୍ଦୀ, କର୍ଜ, ଘର ହୋ ତୋ ଐସା, ତେରି ମେହେରବାନିଆ ସମେତ ଅନେକ ସୁପରହିଟ୍ ଫିଲ୍ମରେ ସେ କାମ କରିଛନ୍ତି। ଏହି ଅଭିନେତା ହେଉଛନ୍ତି ରାଜ କିରନ୍। ୮୦ ଦଶକର ଏହି ହିରୋ କିନ୍ତୁ ଦୀର୍ଘ ବର୍ଷ ହେଲା ଯେମିତି ହଜିଯାଇଛନ୍ତି। ୮୦ ଦଶକର ପ୍ରାୟ ଫିଲ୍ମରେ ରାଜ କିରନଙ୍କୁ ଦେଖିବାକୁ ମିଳୁଥିଲା। ଏକଦା ସୂର୍ଯ୍ୟ ଭଳି ଚମକୁଥିବା କିରନ୍ ଙ୍କ ଜୀବନରେ କେବେ ଏମିତି ଅନ୍ଧକାର ଘୋଟିଯିବ, କେହି ସ୍ୱପ୍ନରେ ସୁଦ୍ଧା ଭାବିନଥିବେ। ମାୟାନଗରୀ ଦୁନିଆରେ ରାଜ କିରନଙ୍କ କ୍ୟାରିଅର ଯେତିକି ରୋଚକପୂର୍ଣ୍ଣ, ତାଙ୍କର ବ୍ୟକ୍ତିଗତ ଜୀବନ ସେତିକି ଦୁର୍ବିସହ ବୋଲି କୁହାଯାଉଛି। ମାୟାନଗରୀ ଏମିତି ଏକ ଦୁନିଆ। ଯେଉଁଠି ସୂର୍ଯ୍ୟ ଉଦୟ ମାତ୍ରେ ସମସ୍ତେ ସଲାମ କରନ୍ତି।

କିନ୍ତୁ ସୂର୍ଯ୍ୟାସ୍ତ ହେଲେ ମାନେ କେହି ଆଡ଼ ଆଖିରେ ବି ଚାହିଁନଥାଆନ୍ତି। ରାଜ କିରନ୍ ଯେପର୍ଯ୍ୟନ୍ତ ଫିଲ୍ମ ଦୁନିଆରେ ଥିଲେ, ସମସ୍ତେ ତାଙ୍କୁ ପଚାରୁଥିଲେ। କିନ୍ତୁ ଯେତେବେଳେ ଚଳଚ୍ଚିତ୍ର ଦୁନିଆ ସହ ତାଙ୍କର ସମ୍ପର୍କ ଧୀରେ ଧୀରେ ଦୂରେଇଗଲା, ଲୋକେ ନିଜ ମନରୁ ତାଙ୍କୁ ବି ସେମିତି ଦୂରେଇ ଦେଇଥିଲେ। ଏପରିକି ଫିଲ୍ମରେ ସୁଯୋଗ ନ ପାଇ ଯେତେବେଳେ ମାନସିକସ୍ତରରେ ଆଘାତ ପାଇଥିଲେ ରାଜ୍ କିରନ୍। ସେତେବେଳେ ତାଙ୍କ ପାଖରେ ତାଙ୍କ ପରିବାର ଲୋକଙ୍କ ଉପସ୍ଥିତି ଥିଲା ସବୁଠୁ ବଡ଼ ଭରସା। କିନ୍ତୁ ପରିବାର ଲୋକେ ବି ତାଙ୍କ ସାଥ୍ ଦେଲେନି। ଶହେରୁ ଅଧିକ ଫିଲ୍ମରେ କାମ କରିଛନ୍ତି କିରନ୍। କେବଳ ସହ ଅଭିନେତା ଭାବେ ଅଭିନୟ କରିନାହାନ୍ତି। ବରଂ ଅନେକ ଫିଲ୍ମରେ ମୁଖ୍ୟ ଅଭିନେତା ଭାବରେ ବି କାମ କରିଛନ୍ତି। କିନ୍ତୁ ରାଜ୍ କିରନ୍ ଏବେ କେଉଁଠି। ଦୀର୍ଘ ବର୍ଷ ହେଲା ତାଙ୍କ ବାବଦରେ କେହି କିଛି କହିପାରୁନାହାନ୍ତି। କିଏ କହୁଛି ସେ ପାଗଳ ହୋଇଯାଇଛନ୍ତି ତ କିଏ କହୁଛି ସେ ଦେଶ ବାହାରେ କେଉଁଠି ରହୁଛନ୍ତି। ଫିଲ୍ମରେ କାମ ନ ମିଳିବାରୁ ଏମିତିରେ ଅବସାଦରେ ଥିଲେ କିରନ୍। ଯାହାକୁ ନେଇ ନିଜର ମାନସିକ ସନ୍ତୁଳନ ହରାଇବସିଥିଲେ ରାଜ୍। ଏପରିକି କିଛି ବର୍ଷ ତଳେ ନ୍ୟୟର୍କରେ କୁଆଡ଼େ ରାଜ୍ ଟାକ୍ସି ଚଲାଉଥିବା କେହି କେହି ଦେଖିଥିବାର ଦାବି କରୁଥିବା କହିଥିଲେ ତାଙ୍କ ବନ୍ଧୁ ଦୀପ୍ତି ନାଭାଲ୍। ୨୦୧୧ରେ ଋଷି କପୁର ବି ତାଙ୍କ ବାବଦରେ ଖୋଜଖବର ନେଇଥିଲେ। ଆଉ ଜଣାପଡ଼ିଥିଲା କି, ରାଜ୍ ଆମେରିକାର ଏକ ପାଗଳଖାନାରେ ଅଛନ୍ତି। ରାଜକିରନଙ୍କ ପତ୍ନୀଙ୍କ କହିବା କଥା, ତାଙ୍କ ସ୍ୱାମୀ ଦୀର୍ଘ ବର୍ଷ ହେଲା ନିଖୋଜ ଅଛନ୍ତି।

ତାଙ୍କର ଅନୁସନ୍ଧାନ ଜାରି ରହିଛି। ରାଜ କିରନଙ୍କୁ ଟିଭିରେ ଶେଷ ଥର ପାଇଁ ୧୯୯୪ରେ ଶେଖର ସୁମନଙ୍କ ଅଭିନୀତ ସିରିଏଲ ରିପୋର୍ଟସରେ ଦେଖିବାକୁ ମିଳିଥିଲା। ମାନସିକ ଅବସାଦକୁ ଚାଲିଗଲା ପରେ ଏମିତି ବି କୁହାଯାଉଛି କି, ତାଙ୍କର ସମସ୍ତ ସମ୍ପତ୍ତି ତାଙ୍କ ନିଜ ଲୋକେ ଅକ୍ତିଆର କରିନେଇଛନ୍ତି। ସତ କଅଣ ଏବେ ବି ଅସ୍ପଷ୍ଟ। କିନ୍ତୁ ଏହା ସତ ଯେ, ମାୟାନଗରୀର ଚକମକ ଦୁନିଆରୁ ଏକ ତାରା ଏବେ ବି ନିଖୋଜ। ୮୦ ଦଶକରେ ଚର୍ଚ୍ଚିତ ନିର୍ଦେଶକ ବି.ଆର.ଚୋପ୍ରାଙ୍କ ପିଲ୍ମ କାଗଜ କି ନାଓ ଚଳଚ୍ଚିତ୍ରରେ ଡେବ୍ୟୁ କରିଥିଲେ କିରନ୍। ବଲିଉଡର ଲିଜେଣ୍ଡ୍ରି ଆକ୍ଚର ରିଷି କପୁରଙ୍କ ସହ କର୍ଜ ଫିଲ୍ମରେ ଅଭିନୟ କରିଥିଲେ। କିରନଙ୍କ ସାଙ୍ଗ ଦିପ୍ତୀ ନାଭାଲ ସୋସିଆଲ ମିଡିଆରେ କିରନଙ୍କ ଖୋଜଖବର ପାଇଁ ପ୍ରୟାସ ଆରମ୍ଭ କରିଛନ୍ତି। ନିଜ ସାଙ୍ଗ ରାଜ୍ କୁ ସେ ଖୋଜୁଛନ୍ତି। ନ୍ୟୁୟର୍କରେ କ୍ୟାବ୍ ଡ୍ରାଇଭିଂ କରୁଥିବା କଥା କାହାଠୁ ଶୁଣୁଛି ତ କିଏ ଅଲଗା କଥା କହୁଛି। କାହା ପାଖରେ କୌଣସି ଖବର ଥିଲେ ଜଣାନ୍ତୁ ବୋଲି ଅନୁରୋଧ କରିଛନ୍ତି ଦୀପ୍ତି।

• ପ୍ରଦୀପ ନାୟକଙ୍କ ରିପୋର୍ଟ

Naxatra News is now on Whatsapp

Join and get latest news update delivered to you via whatsapp

Join Now