ନିର୍ମାଣାଧୀନ ଆଦାନି ବନ୍ଦରକୁ ବିରୋଧ କରି ହଙ୍ଗାମା। ୩୦୦୦ରୁ ଅଧିକ ଲୋକଙ୍କ ବିରୋଧରେ ରୁଜୁ ହୋଇଛି ମାମଲା। କେରଳର ବିଞ୍ଜିଂଜମରେ ନିର୍ମାଣାଧୀନ ଥିବା ଆଦାନି ବନ୍ଦରକୁ ଆନ୍ଦୋଳନ ତୀବ୍ର ରୂପ ଧାରଣ କରିଛି। ବିକ୍ଷୋଭ, ନାରାବାଜି ଓ ପ୍ରତିବାଦ ବେଳେ ଅପ୍ରୀତିକର ପରିସ୍ଥିତି ସୃଷ୍ଟି ହୋଇଛି। ଗତକାଲି ରାତିରେ ବିଞ୍ଜିଂଜମରେ ପୋଲିସ ଷ୍ଟେସନ ଉପରେ ହୋଇଥିବା ହିଂସାକାଣ୍ଡ ପରେ ପୋଲିସ ଦୃଢ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ଯୋଜନା କରିଛି। ବେଆଇନ ସଭା, ଦଙ୍ଗା ଓ ଅପରାଧିକ ଷଡଯନ୍ତ୍ର ଅଭିଯୋଗରେ ପୋଲିସ ୩୦୦୦ରୁ ଅଧିକ ଲୋକଙ୍କ ବିରୋଧରେ ମାମଲା ରୁଜୁ କରିଛି। ପୋଲିସ ଷ୍ଟେସନ ଭଙ୍ଗାରୁଜା ଘଟଣାରେ ପୋଲିସ ୩୦୦୦ ଲୋକଙ୍କ ନାମରେ ମାମଲା ରୁଜୁ କରିଥିବାବେଳେ ସେମାନଙ୍କୁ ଚିହ୍ନଟ କରିଛି। ଏହି ଅଭିଯୁକ୍ତଙ୍କ ମଧ୍ୟରେ ମହିଳା ଓ ଛୋଟ ପିଲା ମଧ୍ୟ ଅଛନ୍ତି। ଗତକାଲି ହୋଇଥିବା ହିଂସାକାଣ୍ଡରେ ୪୦ରୁ ଅଧିକ ପୋଲିସ କର୍ମଚାରୀ ସମେତ କିଛି ସ୍ଥାନୀୟ ଲୋକେ ଆହତ ହୋଇଛନ୍ତି।
