ଭାରତୀୟ ମହିଳା ଉଦ୍ୟୋଗୀଙ୍କୁ ଆମେରିକାର ଏକ ବିମାନବନ୍ଦରରେ ବହୁତ ଖରାପ ବ୍ୟବହାର କରାଯାଇଥିବା ନେଇ ଏବେ ଖବର ସାମ୍ନାକୁ ଆସିଛି । ଏହି ଖବରକୁ ମହିଳା ଉଦ୍ୟୋଗୀ ଶ୍ରୁତି ଚତୁର୍ବେଦୀ ନିଜେ ତାଙ୍କ ସୋସିଆଲ ମିଡିଆ ମାଧ୍ୟମରେ ସେୟାର କରିଛନ୍ତି। ଶ୍ରୁତି କହିଛନ୍ତି ଯେ, ତାଙ୍କୁ ଆମେରିକୀୟ ବିମାନବନ୍ଦରରେ ଆଠ ଘଣ୍ଟା ପାଇଁ ଅଟକ ରଖାଯାଇଥିଲା।ତାଙ୍କ ବ୍ୟାଗରେ ଏକ ପାୱାର ବ୍ୟାଙ୍କ ଥିବାରୁ ଜଣେ ପୁରୁଷ ଅଧିକାରୀ ତାଙ୍କର ଶାରୀରିକ ଯାଞ୍ଚ ମଧ୍ୟ କରିଥିଲେ। ଏହି ପାଓ୍ବାର ବ୍ୟାଙ୍କକୁ ସନ୍ଦେହଜନକ ବୋଲି ପୁରୁଷ ଅଧିକାରୀ ଜଣକ ବିବେଚନା କରିଥିଲେ।
ଇଣ୍ଡିଆ ଆକ୍ସନ ପ୍ରୋଜେକ୍ଟ ଏବଂ ଚାୟପାଣିର ସଂସ୍ଥାପକ ଚତୁର୍ବେଦୀ କହିଛନ୍ତି ଯେ,ତାଙ୍କୁ ଶୌଚାଳୟ ବ୍ୟବହାର କରିବାକୁ ଅନୁମତି ଦିଆଯାଇନଥିଲା। ଏଥିପାଇଁ ତାଙ୍କୁ ବିମାନକୁ ହରାଇବାକୁ ପଡିଥିଲା । ତାଙ୍କଠାରୁ ମୋବାଇଲ୍ ଫୋନ୍ ଏବଂ ପର୍ସ ମଧ୍ୟ ଛଡ଼ାଇ ନିଆଯାଇଥିଲା। ଆଲାସ୍କାର ଆଙ୍କୋରେଜ୍ ବିମାନବନ୍ଦରରେ ତାଙ୍କର ସବୁଠାରୁ ଖରାପ ଅଭିଜ୍ଞତା ବିଷୟରେ କହିଛନ୍ତି ସେ । କେବଳ ଏତିକି ନୁହେଁ ତାଙ୍କୁ ତାଙ୍କର ଗରମ ପୋଷାକ କାଢ଼ି ଦିଆଯାଇଥିଲା । ଏକ ଥଣ୍ଡା କୋଠରୀରେ ଅପେକ୍ଷା କରିବାକୁ ପଡିଥିଲା । ପୋଲିସ ଏବଂ FBI ଦ୍ୱାରା ପଚରାଉଚରା କରାଯାଇଥିଲା ଏବଂ ଫୋନ୍ କଲ୍ କରିବାକୁ ମଧ୍ୟ ଅନୁମତି ଦିଆଯାଇ ନଥିଲା। ତେବେ ତାଙ୍କ ହ୍ୟାଣ୍ଡବ୍ୟାଗରେ ଥିବା ପାୱାର ବ୍ୟାଙ୍କ ଯୋଗୁଁ ଏସବୁ ଘଟିଥିଲା।
ତେବେ ଶ୍ରୁତି ତାଙ୍କ ସୋସିଆଲ ମିଡିଆରେ ଭାରତୀୟ ବୈଦେଶିକ ମନ୍ତ୍ରୀ ଏସ.ଜୟଶଙ୍କର ଏବଂ ବୈଦେଶିକ ମନ୍ତ୍ରଣାଳୟକୁ ଟ୍ୟାଗ୍ କରି କହିଛନ୍ତି ଯେ, “ମୁଁ କଳ୍ପନା କରିବାକୁ ଆବଶ୍ୟକ ନାହିଁ, ପ୍ରଥମତଃ ସବୁଠାରୁ ଖରାପ ୭ ଘଣ୍ଟା ବିତି ସାରିଛି ଏବଂ ଆମେ ସମସ୍ତେ ଜାଣୁ କାହିଁକି । ମୋର ଏହି ପୋଷ୍ଟ ଏହା ଦର୍ଶାଇବାକୁ ଯଥେଷ୍ଟ କି, ରାଷ୍ଟ୍ରପତି ଟ୍ରମ୍ପଙ୍କ ପ୍ରଶାସନ ଏବଂ ନୀତି ପରିବର୍ତ୍ତନ ଅଧୀନରେ ଆମେରିକାର ପ୍ରବାସ ନୀତି କିପରି କଠୋର ହେଉଛି। ଏପରି ପରିବେଶ ଆନ୍ତର୍ଜାତୀୟ ଯାତ୍ରୀଙ୍କ ମଧ୍ୟରେ ଆଶଙ୍କା ସୃଷ୍ଟି କରିଛି।
Naxatra News is now on Whatsapp
Join and get latest news update delivered to you via whatsapp
Join Now
