ମାଟି ତଳୁ ମୃତ ଦେହ ଉଦ୍ଧାର । ବାରଙ୍ଗ ଥାନା ଅନ୍ତର୍ଗତ ରତାଗଡ ଗାଁ ରେ ଜଣେ ବ୍ୟକ୍ତି ଙ୍କ ମୃତ ଦେହକୁ ମାଟି ତଳୁ ଉଦ୍ଧାର କରିଛି ବାରଙ୍ଗ ଥାନା ପୋଲିସ । ମୃତକ ଜଣଙ୍କ ହେଉଛନ୍ତି ଚନ୍ଦକା ଥାନା ଅନ୍ତର୍ଗତ ଅଳସୁଆ ଗ୍ରାମର ରଜନୀକାନ୍ତ ଭୋଇ l ସୂଚନା ଅନୁଯାୟୀ ରଜନୀକାନ୍ତ ବେହେରା ଦୀର୍ଘ 12 ବର୍ଷ ଧରି ଦ୍ୱିତୀୟ ପତ୍ନୀ ଙ୍କ ସହ ରତାଗଡ ଗାଁ ରେ ରହି ଆସୁଥିଲେ l ମୃତ ରଜନୀକାନ୍ତଙ୍କ ପ୍ରଥମ ପତ୍ନୀ ପ୍ରମିଳା ବେହେରା ତାଙ୍କ ସ୍ୱାମୀକୁ ହତ୍ୟା କରି ମାଟି ତଳେ ପୋତି ଦିଆ ଯାଇଥିବା ବାରଙ୍ଗ ଥାନାରେ ଅଭିଯୋଗ କରିଥିଲେ । ଆଇଆଇସି ବିଶ୍ୱଜିତ୍ ନାୟକଙ୍କ ସମେତ ଏକ ଟିମ୍ ଘଟଣାର ତଦନ୍ତ କରି ବାରଙ୍ଗ ତହସିଲଦାରଙ୍କ ଉପସ୍ଥିତିରେ ମାଟି ତଳୁ ଶବ ଉଦ୍ଧାର କରିଛନ୍ତି l ମୂର୍ତ ଦେହକୁ ବ୍ୟବଚ୍ଛେଦ ପାଇଁ କଟକ ମେଡିକାଲକୁ ପଠା ଯାଇଛି l ଅନ୍ୟପଟେ ଦ୍ୱିତୀୟ ପତ୍ନୀଙ୍କ ସମ୍ପର୍କୀୟଙ୍କ କାଳିଆ ସାମଲଙ୍କ କହିବା ଅନୁଯାୟୀ ରେଳ ଧକ୍କାରେ ରଜନୀକାନ୍ତଙ୍କର ମୃତ୍ୟୁ ହୋଇଥିଲା l ତାଙ୍କ ନିଜ ଘରକୁ ସେ ଜଣାଇ ଥିଲେ । ଘର ଲୋକେ କଥାକୁ ଗୁରୁତ୍ଵ ନ ଦେବାରୁ ତାଙ୍କୁ ମାଟି ଖୋଳି ପୋତି ଦିଆ ଯାଇଥିଲା ।
Naxatra News is now on Whatsapp
Join and get latest news update delivered to you via whatsapp
Join Now
