ହାତୀ ଆକ୍ରମଣରେ ଚାଲିଗଲା ଜୀବନ

Spread the love

ଯାଜପୁର ଜିଲ୍ଲା ବଡ଼ଚଣା ବ୍ଳକ ବନ୍ଧ ପଲ୍ଲୀ ଚାରି ଗୋଛିଆ ଗାଁରେ ହାତୀ ଆତଙ୍କ । ହାତୀ ଆକ୍ରମଣରେ ଜଣଙ୍କର ମୃତ୍ୟୁ ଘଟିଛି।  ସୂଚନା ମୁତାବକ, ଵୈରି ଥାନା ଅନ୍ତର୍ଗତ ଚାରି ଗୋଛିଆ ଗ୍ରାମର ଜଙ୍ଗଲ ସୁରକ୍ଷାକର୍ମୀ ରବି ବିନ୍ଧାଣି ଆଜି ଜଙ୍ଗଲ ଜଗିବାକୁ ଯାଇଥିବା ବେଳେ ଏକ ହାତୀ ତାଙ୍କୁ ଆକ୍ରମଣ କରିଥିଲା। ଫଳରେ ଘଟଣାସ୍ଥଳରେ ରବିଙ୍କର ମୃତ୍ୟୁ ଘଟିଛି। ଖୋଜାଖୋଜି ପରେ ରବିଙ୍କ ମୃତଦେହ ଜଙ୍ଗଲରେ ପଡ଼ିଥିବା ଦେଖିବାକୁ ମିଳିଥିଲା। ଖବରପାଇ ଡାଲି ଯୋଡ଼ା ବନଖଣ୍ଡ ଅଧିକାରୀ ଓ କର୍ମଚାରୀମାନେ ଘଟଣାସ୍ଥଳରେ ପହଞ୍ଚି ବଡଚଣା ଗୋଷ୍ଟି ସ୍ୱାସ୍ଥ୍ୟକେନ୍ଦ୍ରକୁ ପଠାଇଥିଲେ। ସେଠାରେ ଡାକ୍ତର ତାଙ୍କୁ ମୃତ୍ୟୁ ଘୋଷଣା କରିଥିଲେ। ତେବେ ଆର୍ଥିକ ସହାୟତା ଯୋଗାଇଦେବାକୁ ପରିବାର ଓ ଗ୍ରାମବାସୀ ଦାବି କରିଥିବା ବେଳେ ଡାଲିଯୋଡ଼ା ବନଖଣ୍ଡ ଅଧିକାରୀ ମୃତକଙ୍କ ପରିବାରକୁ ଭେଟି ଆର୍ଥିକ ସହାୟତା ଯୋଗାଇ ଦେବାକୁ ପ୍ରତିଶ୍ରୁତି ଦେଇଛନ୍ତି   ।

Leave a Reply

Your email address will not be published. Required fields are marked *