ରେଲୱେ ଓଡ଼ିଶା ରେଳ ଦୁର୍ଘଟଣାରେ ଏବେ ପର୍ଯ୍ୟନ୍ତ ୨୮୫ ମାମଲାରେ ଦିଆଗଲାଣି ୩.୨୨ କୋଟିର ସହାୟତା

ନୂଆଦିଲ୍ଲୀ : ରେଲୱେ ଓଡ଼ିଶାରେ ହୋଇଥିବା ରେଳ ଦୁର୍ଘଟଣାରେ ଏବେ ପର୍ଯ୍ୟନ୍ତ ୨୮୫ ମାମଲା(୧୧ ମୃତ୍ୟୁ, ୫୦ ଗୁରୁତର ଆହତ ଏବଂ ୨୨୪ ଆହତ ମାମଲା)ରେ ଅନୁଦାନ ରାଶି ଭାବରେ ୩.୨୨ କୋଟି ଟଙ୍କାର ଅନୁଦାନ କରାଯାଇଛି ।

ରେଳବାଇ ପକ୍ଷରୁ ରବିବାର ଦିନ କୁହା ଯାଇଛି ଯେ ଏହି ସେବା ଲଗାତାର ଜାରି ରହିବ ଏବଂ ରେଳ ମନ୍ତ୍ରୀଙ୍କ ଦ୍ୱାରା ଘୋଷିତ ବଢ଼ିଥିବା ଅନୁଦାନ ରାଶିର ତ୍ୱରିତ ବିତରଣ ସୁନିଶ୍ଚିତ କରା ଯିବ । ଓଡ଼ିଶାର ବାଲେଶ୍ୱର ଜିଲ୍ଲାରେ ହୋଇଥିବା ରେଳ ଦୁର୍ଘଟଣାରେ ମୃତକଙ୍କୁ ୧୦ ଲକ୍ଷ, ଗୁରୁତର ଆହତଙ୍କୁ ୨ଲକ୍ଷ ଏବଂ ଆହତଙ୍କୁ ୫୦ ହଜାର ଟଙ୍କାର ଅନୁଦାନ ରାଶି ଦିଆଯାଉଛି । ଭାରତୀୟ ରେଲୱେ ୭ ସ୍ଥାନ- ସୋରୋ, ଖଡ଼ଗପୁର, ବାଲେଶ୍ୱର, ଖନ୍ତାପଡ଼ା, ଭଦ୍ରକ, କଟକ, ଭୁବନେଶ୍ୱରରେ ଅନୁଦାନ ରାଶି ପ୍ରଦାନ କରାଯାଉଛି ।