କଳାହାଣ୍ଡି: କଳାହାଣ୍ଡି ଭବାନୀପାଟଣାର ଅଧିଷ୍ଠାତ୍ରୀ ଦେବୀ ମା ମାଣିକେଶ୍ୱରୀଙ୍କ ବିଶ୍ୱ ପ୍ରସିଦ୍ଧ ଛତର ଯାତ୍ରା। ଏନେଇ ଚଳଚଞ୍ଚଳ ହୋଇଉଠିଛି ଭବାନୀପାଟଣା ସହର। ମଧ୍ୟରାତ୍ରୀରେ ମା ମହାବଳୀ ଭୋଗ ଖାଇ ଜେନାଖାଲ ଆସି ମନ୍ଦିରକୁ ପ୍ରତ୍ୟାବର୍ତ୍ତନ ବେଳେ ଲକ୍ଷ ଲକ୍ଷ ଭକ୍ତ ମାଙ୍କୁ ସ୍ୱାଗତ କରିଥାନ୍ତି। ଘଣ୍ଟ, ଶଙ୍ଖ, ହୁଳହୁଳି, ବାଜା ସାଙ୍ଗକୁ ଅନେକ ସାଂସ୍କୃତିକ ଦଳ ମା ଙ୍କୁ ସ୍ୱାଗତ କରିବା ସହ ଜେନାଖାଲଠାରୁ ମାଣିକେଶ୍ୱରୀ ମନ୍ଦିର ପର୍ଯ୍ୟନ୍ତ ଏକ ବିରାଟ ପଟୁଆରରେ ମା ବିଜେ କରିଥାନ୍ତି। ରାଜରାସ୍ତାରେ ହଜାର ହଜାର ସଂଖ୍ୟାରେ ପଶୁବଳି ପଡିବା ସହ ରକ୍ତରଞ୍ଜିତ ହୋଇପଡେ ରାଜରାସ୍ତା।
