ଓଡ଼ିଶା

ଥାନାରେ ପଶିଲେ, ଯାହା ପାଇଲେ ଭାଙ୍ଗିଲେ

ଗଜପତି: ଗଜପତି ଜିଲ୍ଲା ଅଡବା ଥାନା ଭିତରେ ଶତାଧିକ ଆଦିବାସୀଙ୍କ ତାଣ୍ଡବ ଲୀଳା। ଗାଁର ଜଣେ ବ୍ୟକ୍ତିଙ୍କୁ ବିନା ଦୋଷରେ ପୁଲିସ ଉଠାଇବାକୁ ବିରୋଧ କରି ଗ୍ରାମବାସୀ ତାତିଛନ୍ତି। ଏହାକୁ ନେଇ ବିଡିଓ ଓ ସ୍ଥାନୀୟ ଅଧିକାରୀ ଆସି ବୁଝାସୁଝା କରିଛନ୍ତି।

ବଡବା ଥାନା ଅଧୀନ ଝରଣପୁରୁ ଗାଁର ବିଶ୍ବନାଥ ଭୁୟାଁଙ୍କୁ ପୁଲିସ ବିନା ଦୋଷରେ ବେଆଇନ ଭାବେ ଉଠାଇ ଆଣିଥିଲା ଓ ତାଙ୍କ ନାମରେ ମିଛ ମାମଲା ରୁଜୁ କରିଥିଲା। ଏହାକୁ ନେଇ ଲୋକଙ୍କ ମଧ୍ୟରେ ଦେଖା ଦେଇଥିଲା ଅସନ୍ତୋଷ। ପୁଲିସର ମନମୁଖୀ କାର୍ଯ୍ୟକୁ ବୁରୋଧ କରି ଆଦିବାସୀମାନେ ମେଳି ହୋଇ ଥାନା ଭିତରେ ପଶିବା ରଚାଇଥିଲେ ତାଣ୍ଡବ।

ଥାନାର ଆସଭାବପତ୍ର, କମ୍ପ୍ୟୁଟର, ଲାପଟପ ଆଦି ଭାଙ୍ଗି ଦେଇଥିଲେ। ଆଦିବାସୀଙ୍କ ସଂଘବଦ୍ଧ ଆକ୍ରମଣକୁ ଦେଖି ଥାନାର ସବୁ କର୍ମଚାରୀ ସେଠାରୁ ଛତ୍ରଭଙ୍ଗ ଦେଇଥିଲେ। ତେବେ ଆଜି ଘଟଣା ସମ୍ପର୍କରେ ଜଣା ପଡିବା ପରେ ବିଡିଓ ତଥା ଉପରିସ୍ଥ ଅଧିକାରୀ ଲୋକଙ୍କୁ ବୁଝାଶୁଝା କରିବାରେ ଲାଗିଛନ୍ତି। ଘଟଣାର ସତ୍ୟାସତ୍ୟ ଯାଞ୍ଚ କରିବାକୁ କହିଛନ୍ତି।

Leave a Reply

Your email address will not be published.

Back to top button