ନୂଆ ମୁଖ୍ୟମନ୍ତ୍ରୀ ଭାବେ ଶପଥ ନେବେ:ଦେବେନ୍ଦ୍ର ଫଡନାଭିସ୍‌

ସବୁ ସସପେନ୍ସ କୁ ଦୂର କରି ତୃତୀୟଥର ପାଇଁ ନୂଆ ମୁଖ୍ୟମନ୍ତ୍ରୀ ବନିବାକୁ ଯାଉଛନ୍ତି ଦେବେନ୍ଦ୍ର ଫଡନାଭିସ୍‌। ମହାରାଷ୍ଟ୍ରରେ ଆଜି ନୂଆ ମୁଖ୍ୟମନ୍ତ୍ରୀ ଭାବେ ଶପଥ ଗ୍ରହଣ କରିବେ ଫଡନାଭିସ୍‌। ସେଥିପାଇଁ ସମସ୍ତ ପ୍ରସ୍ତୁତି ସରିଛି। ମହାରାଷ୍ଟ୍ରର ଆଜାଦ୍ ମୈଦାନରେ ଆଜି ସଂନ୍ଧ୍ୟା ୫.୩୦ରେ ଶପଥ ଗ୍ରହଣ ସମାରୋହ ଆରମ୍ଭ ହେବ।

ତେବେ ଚର୍ଚ୍ଚା ହେଉଛି ଯେ, ଶିବସେନା ନେତା ଏକନାଥ ସିନ୍ଧେ ଏବଂ NCP ମୁଖ୍ୟ ଅଜିତ୍ ପୱାର ଉପମୁଖ୍ୟମନ୍ତ୍ରୀ ଭାବେ ଆଜି ଶପଥ ନେଇପାରନ୍ତି । ଏହି ଶପଥ ଗ୍ରହଣ ସମାରୋହରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ସମେତ ନଅ ଜଣ କେନ୍ଦ୍ରୀୟମନ୍ତ୍ରୀ ଉପସ୍ଥିତ ରହିବେ। ଏଥି ସହିତ ଚନ୍ଦ୍ରବାବୁ ନାୟୁଡୁ, ନିତିଶ୍ କୁମାର ଏବଂ ଯୋଗୀ ଆଦିତ୍ୟନାଥ ମଧ୍ୟ ସାମିଲ ହୋଇପାରନ୍ତି। ବିଜେପି ବିଧାୟକ ଦଳର ନେତା ଭାବେ ନିର୍ବାଚିତ ହୋଇଛନ୍ତି ଫଡନାଭିସ୍‌ । ମୁମ୍ବାଇରେ ଦୁଇ କେନ୍ଦ୍ରୀୟ ପର୍ଯ୍ୟବେକ୍ଷକ ନିର୍ମଳା ସୀତାରମଣ ଓ ବିଜୟ ରୂପାନୀଙ୍କ ଉପସ୍ଥିତିରେ ମହାରାଷ୍ଟ୍ର ବିଜେପି ବିଧାୟକ ଦଳ ବୈଠକ ବସିଥିଲା । ସେଠାରେ ସର୍ବସମ୍ମତରେ ଫଡନାଭିସ୍‌ ମୁଖ୍ୟମନ୍ତ୍ରୀ ଭାବେ ନିର୍ବାଚିତ ହୋଇଛନ୍ତି ।