ଘରର ଚାରି କାନ୍ଥ ଭିତରେ ରାଜନୀତିର ଅଙ୍କ କଷା ଯାଏନି : ବିଜେଡି

ଭୁବନେଶ୍ୱର : ଆଗାମୀ ୨୦୨୪ ନିର୍ବାଚନରେ ବିଜେପିର ମିଶନ ୮୦ ଟାର୍ଗେଟକୁ ନେଇ ପ୍ରତିକ୍ରିୟା ରଖିଛନ୍ତି ବିଜେଡିର ବରିଷ୍ଠ ନେତା ପ୍ରଶାନ୍ତ ମୁଦୁଲି । ସେ କହିଛନ୍ତି, ଘରର ଚାରି କାନ୍ଥ ଭିତରେ ରାଜନୀତିର ଅଙ୍କ କଷା ଯାଏନି । ବିଜେପି ଦଳ ଓଡ଼ିଶା ରାଜନୀତିକୁ ଅନେକ ଡାଏଲଗ ଦେଇଛନ୍ତି । କିନ୍ତୁ ଗାଁ ଗହଳିକୁ ବିଜେପି ଯେତେବେଳେ ଯାଉଛନ୍ତି ସେତେବେଳେର ଗୋଟିଏ କଥା ଦେଖିବାକୁ ପାଉଛନ୍ତି ତାହା ହେଉଛି ନବୀନ ପଟ୍ଟନାୟକ ।

ସେହିପରି ବିଜେପିର ଗୌହାଟି ସମ୍ମିଳନୀକୁ ନେଇ ପ୍ରଶାନ୍ତ କହିଛନ୍ତି ଯେ, ବିଜେପି ଯେଉଁଠି ସମ୍ମିଳନୀ କରୁ ସେଥିରେ ଆମର ଯାଏ ଆସେ ନାହିଁ । ରାଜନୈତିକ ଦଳ ଭାବେ ବିଜେପି ତାହାର ରଣନୀତି କରିବ । କିନ୍ତୁ ବିଜେଡି ନିଜର କାର୍ଯ୍ୟକର୍ତାଙ୍କୁ ନେଇ ସାଙ୍ଗଠନିକ ଶକ୍ତିକୁ ସୁଦୃଢ କରିବ । ସରକାରୀ ଯୋଜନାକୁ ଲୋକଙ୍କ ପାଖରେ ପହଞ୍ଚାଇବ । ତେଣୁ ପୁଣିଥରେ ବିଜେଡି ସରକାର କରିବ ଏଥିରେ କୌଣସି ଦ୍ୱିମତ ନାହିଁ । ବିଜେଡିର ସାଙ୍ଗଠନିକ ଶକ୍ତି ମଜବୁତ ଅଛି । ବିଜେଡି ତାହାର କାର୍ଯ୍ୟକ୍ରମକୁ ଶାଣିତ ଢଙ୍ଗରେ ଲୋକଙ୍କ ପାଖରେ ପହଞ୍ଚାଇଥାଏ । ଲୋକଙ୍କ ସହ ଯୋଡି ହେବାକୁ ଦଳ ବିଭିନ୍ନ କାର୍ଯ୍ୟକ୍ରମ ହାତକୁ ନିଏ ବୋଲି କହିଛନ୍ତି ପ୍ରଶାନ୍ତ ମୁଦୁଲି ।