ଖୋର୍ଦ୍ଧା ଜିଲ୍ଲା ନାଚୁଣୀ ଥାନା ଶୁଳିଆ ଜଙ୍ଗଲରେ ବାଘ ଆତଙ୍କ। ଏକ ଷଣ୍ଢ କୁ ମାରି ଖାଇଯାଇଛି ବାଘ। ଜଙ୍ଗଲର ବିଭିନ୍ନ ସ୍ଥାନରେ ଓ ମୃତ ଷଣ୍ଢ ନିକଟରେ ମହାବଳ ବାଘର ପାଦ ଚିହ୍ନ ପଡ଼ି ରହିଛି l ବାଘକୁ କେହି ଦେଖିନଥିଲେବି l ବାଘର ବଡ଼ ବଡ଼ ପାଦଚିହ୍ନ ଦେଖି ସ୍ଥାନୀୟ ଅଞ୍ଚଳର ଲୋକେ ଭୟଭୀତ ହୋଇପଡିଛନ୍ତି । ସୂଚନା ମୁତାବକ, ଜଙ୍ଗଲଟି ଟାଙ୍ଗୀ ଫରେଷ୍ଟ ବିଭାଗ ଅଧିନସ୍ତ ସଲପଡି ବିଟ୍ ହାଉସ ଅଞ୍ଚଳରେ ରହିଥିବାରୁ ଦୁଇଦିନ ପୂର୍ବେ ଫରେଷ୍ଟ ବିଭାଗ ତରଫରୁ ପେଟ୍ରୋଲିଙ୍ଗ ଚାଲିଥିବା ବେଳେ ବନ କର୍ମଚାରୀ ମାନେ ବାଘର ପାଦଚିହ୍ନ ଦେଖିଥିଲେ l ତେବେ ଗତକାଲି ବାଘ ଏକ ଷଣ୍ଢକୁ ମାରି ଖାଇଥିବା ସମ୍ପର୍କରେ ବନବିଭାଗକୁ ସ୍ଥାନୀୟ ଲୋକେ ଖବର ଦେଇଥିଲେ। ପରେ ବନବିଭାଗ ପହଞ୍ଚି ତାହାର ଚିହ୍ନ ସବୁକୁ ଫୋଟ ଉଠାଇ ରେଞ୍ଜରଙ୍କ ଦୃଷ୍ଟି ଗୋଚର କରିଥିଲ l ଏବଂ ଜଙ୍ଗଲ ଅଭିମୁଖେ କେହି ନଯିବା ପାଇଁ ୯ ଖଣ୍ଡ ଗ୍ରାମର ଲୋକଙ୍କୁ ଆଲଟ କରିଥିଲେ l ବାଘଟି କେଉଁଠାରେ ଅଛି ବନ ବିଭାଗ ପକ୍ଷରୁ ଅନୁଧ୍ୟାନ ଚାଲିଛି l ଜଙ୍ଗଲରେ ବାଘର ଏପରି ଆତଙ୍କ ଦେଖି ସ୍ଥାନୀୟ ବାସିନ୍ଦା ଭୟଭୀତ ହୋଇ ପଡିଛନ୍ତି l ତେବେ ଜଙ୍ଗଲରୁ ବାଘ କୁ ଘେଉଡେଇବା ପାଇଁ ସାଧାରଣରେ ଦାବି ହେଉଛି।
Naxatra News is now on Whatsapp
Join and get latest news update delivered to you via whatsapp
Join Now
