ସ୍କ୍ୱାସ୍ ବିଶ୍ୱକପ୍ ଚାମ୍ପିଅନସିପ୍ ଚେନ୍ନାଇରେ ଏହି ମାସ 13 ତାରିଖ ରୁ ଆରମ୍ଭ ହେବାକୁଯାଉଛି । ଏହି ଟୁର୍ଣ୍ଣାମେଣ୍ଟରେ ହଂକଂ, ଜାପାନ, ମାଲେସିଆ, ଇଜିପ୍ଟ, ଦକ୍ଷିଣ ଆଫ୍ରିକା, ଅଷ୍ଟ୍ରେଲିଆ ଏବଂ କଲମ୍ବିଆ ସହିତ ଭାରତ ଅଂଶଗ୍ରହଣ କରିବେ। ବିଶ୍ୱକପ୍ର ଶେଷ ସଂସ୍କରଣ 2011 ରେ ଚେନ୍ନାଇରେ ଖେଳାଯାଇଥିଲା ।
ସେଠାରେ ଏକ ରାଉଣ୍ଡ-ରୋବିନ୍ ପୁଲ୍ ଷ୍ଟେଜ୍ ହେବ ଏବଂ ପରେ ନକ୍ଆଉଟ୍ ଷ୍ଟେଜ୍ ହେବ । ଏହି ଟୁର୍ଣ୍ଣାମେଣ୍ଟରେ ସୌରଭ ଘୋଷାଲ, ଅଭୟ ସିଂ, ଜୋଶ୍ନା ଚିନାପ୍ପା ଏବଂ ତନଭି ଖାନ୍ନା ଭାରତର ପ୍ରତିନିଧିତ୍ୱ କରିବେ । ଚେନ୍ନାଇର ଏକ୍ସପ୍ରେସ ମଲରେ ଅନୁଷ୍ଠିତ ହେବାକୁ ଥିବା ଟୁର୍ନାମେଣ୍ଟ ପାଇଁ ତାମିଲନାଡୁର କ୍ରୀଡ଼ା ବିକାଶ ପ୍ରାଧିକରଣ ୱାର୍ଲ୍ଡ ସ୍କ୍ୱାସ୍ ଫେଡେରେସନ୍ ଏବଂ ଇଣ୍ଡିଆନ୍ ସ୍କ୍ୱାସ୍ ଏବଂ ଟ୍ରାଇଥଲନ୍ ଏକାଡେମୀ ସହିତ ସମନ୍ୱୟ ରକ୍ଷା କରି ବିସ୍ତୃତ ବ୍ୟବସ୍ଥା କରିଛି ।
ଖେଳାଳିମାନେ ଟୁର୍ନାମେଣ୍ଟରେ ଭାଗ ନେବାକୁ ନିଜକୁ ପୁରା ପ୍ରସ୍ତୁତ କରୁଛନ୍ତି । ବ୍ରିଟିଶ ଜୁନିଅର ସ୍କ୍ୱାସ୍ ଚାମ୍ପିଅନସିପ୍ ଜିତିଥିବା ତଥା ବର୍ତ୍ତମାନର 18 ଟି ଟାଇଟଲ୍ ସହ ଅଧିକାଂଶ ଜାତୀୟ ଚାମ୍ପିଅନସିପ୍ ର ରେକର୍ଡଧାରୀ ଭାରତୀୟ ଖେଳାଳି ଜୋଶନା ଚିନାପ୍ପା କହିଛନ୍ତି ଯେ ସ୍କ୍ୱାସ୍ ଏକ ମହାନ ଖେଳ ଏବଂ ମଲରେ ହଜାର ହଜାର ଲୋକଙ୍କ ଆଗରେ ଖେଳ ଖେଳିବା ଏକ ବଡ଼ ଅଭିଜ୍ଞତା ।
