AFGHANISTAN

  • ଆଫଗାନିସ୍ତାନ ପରେ ଥରିଲା ନେପାଳ…

    ନେପାଳରେ ଅନୁଭୂତ ହୋଇଛି ମଧ୍ୟମ ଧରଣର ଭୂମିକମ୍ପ। ସକାଳ ପ୍ରାୟ ୫:୧୯ ସମୟରେ ଭୂମିକମ୍ପ ଅନୁଭୂତ ହୋଇଛି। ବର୍ତ୍ତମାନ ଜୀବନ ଓ ସମ୍ପତ୍ତି ନଷ୍ଟ ହେବା ନେଇ କୌଣସି ସୂଚନା ମିଳି ନାହିଁ। ନେପାଳରେ ପୁଣିଥରେ ଭୂମିକମ୍ପ ଅନୁଭୂତ ହୋଇଛି। ନୋପାଳ ରାଜଧାନୀ କାଠମାଣ୍ଡୁ ଠାରୁ ୧୬୧ କିଲୋମିଟର ଦୂରରେ ଏହା କେନ୍ଦ୍ରିଭୂତ ହୋଇଥିବା ସୂଚନା ରହିଛି। ରିକ୍ଟର ସ୍କେଲରେ ଏହାର ତୀବ୍ରତା ୪.୩ ରେକର୍ଡ କରାଯାଇଛି। ତେବେ ଏହି ଭୂକମ୍ପରେ ପ୍ରାରମ୍ଭିକ ଅବସ୍ଥାରେ କୌଣସି ଜୀବନ ହାନୀ ହୋଇଥିବାର କୌଣସି ସୂଚନା ମିଳି ନାହିଁ। ହେଲେ ଭୂକମ୍ପ ଅନୁଭୂତ ସ୍ଥାନରେ ରାସ୍ତା ଘାଟରେ ସୃଷ୍ଟି ହୋଇଛି ହାଲକା ଫାଟ। ଏହାକୁ ନେଇ ସ୍ଥାନୀୟ ଅଞ୍ଚଳରେ ଭୟର ବାତାବାରଣ ଖେଳିଯାଇଛି।ଆପଣଙ୍କୁ କହିରଖୁ କି, କର୍ଣ୍ଣାଟକରେ ମଧ୍ୟ ସ୍ବଳ୍ପ ତୀବ୍ରତାର ଭୂକମ୍ପ ଝଟକା ହୋଇଛି।

    ବିପର୍ଯ୍ୟୟ ପରିଚାଳନା ଅଧିକାରୀଙ୍କ ଅନୁଯାୟୀ କର୍ଣ୍ଣାଟକର ହାସନ ଜିଲ୍ଲା ତଥା ପଡୋଶୀ ଅଞ୍ଚଳର କିଛି ଅଞ୍ଚଳରେ ମଧ୍ୟ ଭୂମିକମ୍ପ ଅନୁଭୂତ ହୋଇଛି। ଏହାର ତ୍ରୀବତା ୩.୪ ରହିଥିଲା।ଏହା ପୂର୍ବରୁ ଜୁନ୍ ୨୧ ରେ ଆଫଗାନିସ୍ତାନରେ ଭୂମିକମ୍ପ ହୋଇଥିବା ବେଳେ ବ୍ୟାପକ କ୍ଷୟକ୍ଷତି ହୋଇଥିଲା। ଏହି ଭୂମିକମ୍ପର ତ୍ରୀବତା ୬.୧ ରହିଥିଲା। ଜେଣେ ଆଫଗାନିସ୍ତାନ ଅଧିକାରୀ କହିବା ଅନୁସାରେ, ବର୍ତ୍ତମାନ ପର୍ଯ୍ୟନ୍ତ ଏହି ଭୂମିକମ୍ପରେ ୧ ହଜାରରୁ ଉର୍ଦ୍ଧ୍ୱ ଲୋକଙ୍କର ମୃତ୍ୟୁ ହୋଇ ସାରିଲାଣି। ଏହାର ସଂଖ୍ୟା ବୃଦ୍ଧି ପାଇବାରେ ଲାଗିଛି। ଏଥିସହିତ ୧୫୦୦ ରୁ ଅଧିକ ଲୋକ ଆହତ ହୋଇଥିବା ସୂଚନା ମିଳିଛି। ଅଧିକାରୀଙ୍କ କହିବା ଅନୁସାରେ ଏହି ଭୂମିକମ୍ପ ଯୋଗୁଁ ଶହ ଶହ ଘର ମଧ୍ୟ ନଷ୍ଟ ହୋଇଯାଇଛି।

    • ଶୁଭଲକ୍ଷ୍ମୀ ସାହୁଙ୍କ ରିପୋର୍ଟ
  • ଆଫଗାନରେ ଭୂକମ୍ପ ତାଣ୍ଡବ: ୯୫୦ ମୃତ୍ୟୁ, ୬୧୦ ଆହତ

    ଆଫଗାନିସ୍ତାନରେ ଭୟଙ୍କର ଭୂକମ୍ପ। ଏହି ଭୂମିକମ୍ପରେ ୯୫୦ ଜଣଙ୍କ ମୃତ୍ୟୁ ହୋଇଥିବା ବେଳେ ୬୧୦ ଜଣ ଆହତ ହୋଇଥିବା ସୂଚନା ରହିଛି। ବପର୍ଯ୍ୟୟ ପରିଚାଳନା ବିଭାଗର ଉପମନ୍ତ୍ରୀ ମୌଲବୀ ଶରଫୁଦ୍ଦିନ ଏହି ସୂଚନା ଦେଇଛନ୍ତି। ଏହା ପୂର୍ବରୁ ଭୂକମ୍ପରେ ମୋଟ ୨୫୫ ଜଣଙ୍କ ମୃତ୍ୟୁ ହୋଇଥିବା କୁହାଯାଇଥିଲା। ମଙ୍ଗଳବାର ବିଳମ୍ବିତ ରାତିରେ ହୋଇଥିଲା ଏହି ଭୂମିକମ୍ପ।

    କେବଳ ଆଫଗାନିସ୍ତାନ ନୁହେଁ ପାକିସ୍ତାନରେ ମଧ୍ୟ ଭୂକମ୍ପର ଝଟକା ଅନୁଭୂତ ହୋଇଥିଲା। ଏହି ଭୂକମ୍ପର ତୀବ୍ରତା ୬.୧ ରିକ୍ଟର ସ୍କେଲରେ ମପାଯାଇଛି। ୟୁଏସ ଜିଓଲୋଜିକାଲ ସର୍ଭେ ରିପୋର୍ଟ ମୁତାବକ, ଭୂକମ୍ପର କେନ୍ଦ୍ରସ୍ଥଳୀ ଆଫଗାନିସ୍ତାନର ଦକ୍ଷିଣପୂର୍ବ କ୍ଷେତ୍ର ଥିଲା। ଏହାର ପ୍ରଭାବରେ ଖୋସ୍ତ ଓ ପକ୍ତିକା ଅଞ୍ଚଳରେ ବ୍ୟାପକ କ୍ଷୟକ୍ଷତି ହୋଇଛି।

    ପାକିସ୍ତାନୀ ମିଡିଆ ରିପୋର୍ଟ ଅନୁଯାୟୀ, ଇସଲାମାବାଦ ସମେତ ବାକି ସହରରେ ମଧ୍ୟ ଏହାର ପ୍ରଭାବ ଅନୁଭୂତ ହୋଇଛି। ଏହା କିଛି ସେକେଣ୍ଡ ପର୍ଯ୍ୟନ୍ତ ଅନୁଭୂତ ହୋଇଥିଲା। ଏହା ପୂର୍ବରୁ ଶୁକ୍ରବାର ଦିନ ମଧ୍ୟ ପାକିସ୍ତାନରେ ଭୂମିକମ୍ପ ଅନୁଭୂତ ହୋଇଥିଲା।  ସେତେବେଳେ ଇସଲାମାବାଦ, ପେଶାବର, ରାଓଲପିଣ୍ଡି ଓ ମୁଲ୍ତାନ, ପୈସଲାବାଦ, ଏବଟାବାଦ, ସ୍ବାତ ଆଦି ଅଞ୍ଚଳରେ ଝଟକା ଅନୁଭୂତ ହୋଇଥିଲା।

  • ଦିନେ ଲୋକଙ୍କ ପାଇଁ ଖବର ପରିବେଶଣ କରୁଥିଲେ,,,ଆଜି ନିଜେ ପାଲଟିଯାଇଛନ୍ତି ଖବର…

    ଶ୍ରୀଲଙ୍କା ପରେ ଏବେ ଅଫଗାନୀସ୍ଥାନରେ ଦେଖାଦେଇଛି ଭୟଙ୍କର ଆର୍ଥିକ ସଙ୍କଟ । ଅତ୍ୟାବଶକୀୟ ସାମଗ୍ରୀର ଅହେତୁକ ଦରଦାମ ବୃଦ୍ଧି ସାଙ୍ଗକୁ ଖାଦ୍ୟ ସଙ୍କଟ ସାଧାରଣ ଲୋକଙ୍କ ମେରୁଦଣ୍ଡକୁ ଦୋହଲାଇଦେଇଛି । ଦେଶ ଆର୍ଥିକ ସଙ୍କଟ ଦେଇ ଗତି କରୁଥିବା ବେଳେ ଅଧିକାଂଶ ଘରୋଇ ସଂସ୍ଥାରେ ତାଲା ଝୁଲିଲାଣି । ଲୋକେ ଚାକିରୀ ହରାଇ ଜୀବନ ସହ ସଂଘର୍ଷ କରୁଛନ୍ତି ତାଲିବାନୀ ବାସିନ୍ଦା । ଏଥିରୁ ବାଦ ପଡିନି ଗଣମାଧ୍ୟମ ସଂସ୍ଥା । ଏକ ବୈଦ୍ୟୁତିକ ଗଣମାଧ୍ୟମର ଜଣେ ନ୍ୟୁଜ ଏଙ୍କର ଏବେ ନିଜ ଗୁଜରାଣ ମେଣ୍ଟାଇବାକୁ ରାସ୍ତା କଡରେ ଖାଦ୍ୟ ବିକ୍ରୀ କରୁଥିବା ଦୃଶ୍ୟ ସାମନାକୁ ଆସିଛି । ଯାହା ଅନେକଙ୍କୁ ବିଚଳିତ କରିଛି ।

    ଦିନେ ଲୋକଙ୍କ ପାଇଁ ଖବର ପରିବେଶଣ କରୁଥିଲେ । ଆଉ ଆଜି ନିଜେ ପାଲଟିଯାଇଛନ୍ତି ଚାଞ୍ଚଲ୍ୟକର ଖବର । ଭଲ କରି ଦେଖନ୍ତୁ ଏହି ଦୃଶ୍ୟକୁ । ଏ ଦୃଶ୍ୟ ହି ବୟାନ କରୁଛି ତାଲିବାନ ଶାସନରେ କିଭଳି ଭୂଷୁଡି ପଡିଛି ଆର୍ଥିକ ବ୍ୟବସ୍ଥା । ଏ ହେଉଛନ୍ତି ମୁସା ମହମ୍ମଦ । ଆଫଗାନିସ୍ତାନର ଜଣେ ବୈଦ୍ୟୁତିକ ଗଣମାଧ୍ୟମର ଜଣାଶୁଣା ସମ୍ୱାଦିକ । ଦିନ ଥିଲା ସେ ଥିଲେ ଜଣେ ନ୍ୟୁଜ ଆଙ୍କର ଦେଶର ତମାମ୍‌ ଖବର ଲୋକମାନଙ୍କ ପାଖରେ ପହଞ୍ଚାଉଥିଲେ। ହେଲେ ଆଜି ରାସ୍ତା କଡରେ ବସି ବିକ୍ରୀ କରୁଛନ୍ତି ଷ୍ଟ୍ରିଟ ଫୁଡ୍ ।

    ସମଗ୍ର ଦେଶ ଆର୍ଥିକ ସଙ୍କଟ ସହ ସଂଘର୍ଷ କରୁଥିବା ବେଳେ ଏଥିରୁ ବାଦ ପଡିନାହାନ୍ତି ମୁସା ମହମ୍ମଦ । ବିଭିନ୍ନ ଟିଭି ଚ୍ୟାନଲରେ ଏଙ୍କର ଏବଂ ରିପୋର୍ଟର ଭାବରେ ବର୍ଷ ବର୍ଷ ଧରି କାମ କରିଆସୁଥିଲେ ମୁସା । ବର୍ତ୍ତମାନ ତାଙ୍କ ପରିବାର ଚଳାଇବା ପାଇଁ ତାଙ୍କ ପାଖରେ କୌଣସି ଆୟ ନାହିଁ। ଏବଂ କିଛି ଟଙ୍କା ରୋଜଗାର କରିବା ପାଇଁ ସେ ଷ୍ଟ୍ରିଟ୍ ଫୁଡ୍ ବିକ୍ରି କରୁଛନ୍ତି। ଦାରିଦ୍ର ସୀମାରେଖା ତଳେ ରହି ମହମ୍ମଦ ଏବେ ପାଲଟି ଯାଇଛନ୍ତି ରାସ୍ତା କଡର ବ୍ୟବସାୟୀ।

    ମୁସା ମହମ୍ମଦ ରାସ୍ତା କଡରେ ଖାଦ୍ୟ ବିକ୍ରି କରୁଥିବାର ଫଟୋକୁ ଟ୍ୱୁଟ୍‌ କରିଥିଲେ କବୀର ହକମଲ। ସେ କହିଛନ୍ତି ଯେ, ମହମ୍ମଦ ବର୍ଷ ବର୍ଷ ଧରି ମିଡିଆ କ୍ଷେତ୍ରରେ ଏକ ଅଂଶ ଥିଲେ ହେଲେ ପରିସ୍ଥିତି ଏମିତି କରିଛି ଯେ ସେ ଏବେ ରୋଡ ସାଇଟରେ ବସି ଖାଦ୍ୟ ବିକ୍ରି କରୁଛନ୍ତି। ଦେଶ ତାଲିବାନ କ୍ଷମତାକୁ ଆସିବା ପରେ ମହମ୍ମଦ ଦାରିଦ୍ର୍ୟତା ଭିତରକୁ ଠେଲି ହୋଇ ଯାଇଛନ୍ତି। ହକମଲଙ୍କର ଏହି ଟ୍ୱୁଟ୍‌ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି। ଟ୍ୱିଟର ୟୁଜରମାନେ ଏହି ଫଟୋରେ ଭିନ୍ନ ଭିନ୍ନ ପ୍ରତିକ୍ରିୟା ଦେବା ସହିତ ଏହି ଫଟୋକୁ ଇଣ୍ଟରନେଟରେ ରି-ପୋଷ୍ଟ କରିଛନ୍ତି।

    ଏହି ଟ୍ୱୁଇଟ ଭାଇରାଲ ହେବା ପରେ ଇସ୍ଲାମିକ ଏମିରେଟ୍ ଆଫଗାନିସ୍ତାନର ଜାତୀୟ ରେଡିଓ ଓ ଟିଭିରେ ଡିଜି ତାଥା ସଂସ୍କୃତି କମିଶନର ଉପମୁଖ୍ୟ ଥିବା ଅହମଦୁଲ୍ଲାହ ୱାସିକଙ୍କ ପ୍ରତିକ୍ରୀୟା ପ୍ରକାଶ କରିଛନ୍ତି । ସେ ତାଙ୍କ ଟ୍ୱିଟର ଆକାଉଣ୍ଟରେ ଟ୍ୱନିଟ କରି ଲେଖିଛନ୍ତି ଜାତୀୟ ରୋଡିଓ ଓ ଟେଲିଭିଜନରେ ତୁରନ୍ତ ମୁସା ମହମ୍ମଦଙ୍କୁ ନିଯୁକ୍ତି ମିଳିବ. –

    • ଶୁଭଲକ୍ଷ୍ମୀ ସାହୁଙ୍କ ରିପୋର୍ଟ
Back to top button