assam police

  • ପୁଲିସ ଫାୟାରିଂ ଘଟଣା: ଏସପିଙ୍କ ବଦଳି

    ଗୌହାଟୀ: ଗତକାଲି ଆସାମ ମେଘାଳୟ ସୀମାବର୍ତ୍ତି ପଶ୍ଚିମ କାର୍ବି ଆଙ୍ଗଲୋଙ୍ଗ ଜିଲ୍ଲାରେ ହୋଇଥିବା ଗୁଳିମାଡ ଘଟଣାରେ ଆସାମ ସରକାର ସ୍ଥାନୀୟ ଏସପିଙ୍କୁ ବଦଳି କରିଦେଇଛନ୍ତି।  ପଶ୍ଚିମ କାର୍ବି ଆଙ୍ଗଲୋଙ୍ଗ ଏସପି ଇମଦାଦ ଅଲିଙ୍କୁ ବଦଳି କରିବା ସହ ଜିରିକିଣ୍ଡିଂ ଥାନା ଇନଚାର୍ଜ କାଜଲ ନାଥ, ଖେରୋନି ବନଖଣ୍ଡର ଶିକାରୀ ଇଙ୍ଘି ବନ ସୁରକ୍ଷା ଅଧିକାରୀଙ୍କୁ ନିଲମ୍ବିତ କରାଯାଇଛି ।  

    ଏନେଇ ଆସାମ ଗୃହ ବିଭାଗ ପକ୍ଷରୁ ବୁଧବାର ଏକ ବିଜ୍ଞପ୍ତି ଜାରି କରାଯାଇ କୁହାଯାଇଛି କି, ସରକାର ଘଟଣାର ନ୍ୟାୟିକ ତଦନ୍ତ ପାଇଁ ନିର୍ଦ୍ଦେଶ ଦିଆଯାଇଛି। ହାଇକୋର୍ଟଙ୍କ ଜଣେ ଅବସରପ୍ରାପ୍ତ ବିଚାରପତିଙ୍କ ଦ୍ବାରା ତଦନ୍ତ କରାଯିବ।

    ଗତକାଲି ପୁଲିସ ଓ ସାଧାରଣ ଜନତା ମଧ୍ୟରେ ହୋଇଥିଲା ମୁହାଁମୁହିଁ । ଲୋକଙ୍କ ପଥର ମାଡ ପରେ ପୁଲିସ ପକ୍ଷରୁ ହୋଇଥିବା ଫାୟାରିଂରେ ୫ ଜଣ ସାଧାରଣ ଜନତାଙ୍କ ସହ ଜଣେ ସୁରକ୍ଷା କର୍ମୀଙ୍କ ମୃତ୍ୟୁ ହୋଇଥିଲା। ରାଜ୍ୟ ସରକାର ପ୍ରତ୍ୟେକ ମୃତକଙ୍କ ପରିବାରକୁ ୫ ଲକ୍ଷ ଟଙ୍କା ଅନୁକମ୍ପା ରାଶି ଘୋଷଣା କରିଥିଲେ।

  • ଗିରଫ ହେଲେ ଲେଡି ସିଂଘମ

    ଭାବି ସ୍ୱାମୀଙ୍କୁ ଗିରଫ କରି ଚର୍ଚ୍ଚାକୁ ଆସିଥିବା ଆସାମ ପୁଲିସ ଅଫିସର ଜୁନମୋନି ରାଭାଙ୍କ ଗିରଫଦାରିକୁ ନେଇ ସବୁଠି ଚର୍ଚ୍ଚା। ଏବେ ଜେଲରେ ରାଭା। ତେବେ ଭାବି ସ୍ୱାମୀଙ୍କ ଠକେଇ କାରବାରକୁ ପଦାକୁ ଆଣି ନିଜେ କେଉଁ ପ୍ରକାର ଦୁର୍ନୀତିରେ ବୁଡ଼ିଥିଲେ ରାଭା। ଦେଖନ୍ତୁ ଏହି ରିପୋର୍ଟରେ।

    ଭାବି ସ୍ୱାମୀଙ୍କୁ ବାନ୍ଧିଥିଲେ। ସେଥିଲାଗି ଚର୍ଚ୍ଚାରେ ଥିଲେ। ଲୋକଙ୍କୁ ଚାକିରୀ ଦେବା ନାଁରେ ଚୂନ ଲଗାଉଥିଲେ ଭାବି ସ୍ୱାମୀ ରାଣା ପୋଗାଗ୍। ଆସାମ ପୁଲିସ ଅଫିସର ଜୁନମୋନି ରାଭା ନିଜର ଭାବି ସ୍ୱାମୀଙ୍କ ଏଭଳି କାରସାଦିକୁ ଧରାଇବାରେ ମାଷ୍ଟରମାଇଣ୍ଡ ଥିଲେ। ଏହା ପରେ ଚର୍ଚ୍ଚାର କେନ୍ଦ୍ରବିନ୍ଦୁ ପାଲଟିସାରିଥିବା ରାଭାଙ୍କୁ ଲେଡି ସିଂଘମର ଆଖ୍ୟା ଦିଆଯାଇଥିଲା। କିନ୍ତୁ ଏହି ପ୍ରଶଂସା ଓ ଆଖ୍ୟା ବେଶୀ ଦିନ ରହିଲାନି। କାରଣ ଭାବି ସ୍ୱାମୀଙ୍କୁ ବନ୍ଧେଇ ଦେଇଥିବା ଏହି ଲେଡି ପୁଲିସ ଅଫିସର ନିଜେ ବି ଏହି କାରସାଦିରେ ଭାଗିଦାରୀ ଥିଲେ। ତଦନ୍ତ ବେଳେ ଏ କଥା ସାମ୍ନାକୁ ଆସିଥିଲା। ଜେରା ବେଳେ ଦୁଇ ଜଣ କଣ୍ଟ୍ରାକ୍ଟର ଟଙ୍କା ନେଣଦେଣ କାରବାରରେ ରାଭାଙ୍କ ସଂପୃକ୍ତି ଥିବା କହିଥିଲେ। ରାଣା ଜୁନମୋନିଙ୍କ ଆଢୁଆଳରେ ରହି ଲୋକଙ୍କଠୁ ଟଙ୍କା ଆଦାୟ କରୁଥିବା ସ୍ପଷ୍ଟ କରିଥିଲେ ତଦନ୍ତକାରୀ ଅଫିସର।

Back to top button