ଭୁବନେଶ୍ବର: ରାତି ଯାଏ ସକାଳ ଆସେ , ରାଜଧାନୀର ରାଜରାସ୍ତାରେ ଅନେକ ଗାଡି ଯିବା ଆସିବା କରେ । ସମୟ ଯେତିକି ଗଡୁଥାଏ ସେତିକି ବଢିଥାଏ ଗାଡି ସଂଖ୍ୟା । ଆଉ ଏହାକୁ ନିୟନ୍ତ୍ରଣ କରିବା ପାଇଁ ନିୟୋଜିତ ହୋଇଥାନ୍ତି ଛକ ଛକରେ ଟ୍ରାଫିକ ପୋଲିସ୍ । ପୁରୁଷ ଟ୍ରାଫିକ ପୋଲିସ ମାନଙ୍କ ସହ ମହିଳା ଟ୍ରାଫିକ ପୋଲିସ ମାନେ ସକାଳୁ ରାତି ଯାଏଁ ଏ ସହରର ଜୀବନ ରେଖାର ଦାୟିତ୍ୱକୁ ସମ୍ଭାଳିଥାନ୍ତି । ଖରା, ବର୍ଷା, ଶୀତ କାକରରେ ରାସ୍ତା ଉପରେ ଛିଡା ହୋଇ ଟ୍ରାଫିକକୁ ନିୟନ୍ତ୍ରଣ କରିଥାନ୍ତି ।
ଖରା, ବର୍ଷା, ଶୀତ କାକରରେ ରାସ୍ତା ଉପରେ ଛିଡା ହୋଇ ଟ୍ରାଫିକକୁ ନିୟନ୍ତ୍ରଣ କରିଥାନ୍ତି ପୁରୁଷ ଟ୍ରାଫିକ ପୁଲିସଙ୍କ ସହ ମହିଳା ଟ୍ରାଫିକ ପୁଲିସ । କେଉଁ ଗାଡି କେଉଁ ରାସ୍ତାରେ ଛଡା ଯିବ, କେତେବେଳେ କେଉଁ ରାସ୍ତାକୁ ବନ୍ଦ କରାଯିବ, ଭିଡକୁ କିଭଳି ନିୟନ୍ତ୍ରଣ କରାଯିବା ଏସବୁ ଉପରେ ଏମାନଙ୍କର ନଜର କେନ୍ଦ୍ରୀଭୂତ ହୋଇଥାଏ । ଘର ଜଞ୍ଜାଳ ତୁଟାଇ ରାସ୍ତା ଉପରେ ସହରର ବ୍ୟସ୍ତ ବହୁଳ ଟ୍ରାଫିକ୍ ସମ୍ଭାଳିଥାନ୍ତି ଏହି ମହିଳା ଟ୍ରାଫିକ ପୋଲିସମାନେ । ବେଳେବେଳେ ରାସ୍ତା ଉପରେ ଅନେକ ନାନା ଅଶ୍ଳୀଳ କଥା କହି ଚାଲିଯାଆନ୍ତି , ତଥାପି କାହାରି କଥାକୁ ଏମାନଙ୍କ ନଜର ନ ଥାଏ। ନିଜ କାର୍ଯ୍ୟ କରିଚାଲିଥାନ୍ତି ଓ ବ୍ୟସ୍ତ ବହୁଳ ରାସ୍ତାକୁ ଶୃଙ୍ଖଳିତ କରି ଜୀବନ ଯାତ୍ରାକୁ ସହଜ କରିବାରେ ହୋଇଥାନ୍ତି ସହାୟକ।
ସକାଳ ହେଲେ ପ୍ରତ୍ୟକ ଛକରେ ମହିଳା ଟ୍ରାଫିକ ପୋଲିସମାନେ ନିଜ କାମରେ ଯୋଗ ଦେଇଥାନ୍ତି । ସକାଳୁ ରାତି ଯାଏଁ ନିଜର କର୍ତ୍ତବ୍ୟକୁ ଅତି ନିଷ୍ଠାର ସହ କରିଥାନ୍ତି । ଖରାକୁ ଖାତିର ନଥାଏ କି ବର୍ଷାକୁ ଡର ନଥାଏ । ଧୂଳି ଧୂସର ରାସ୍ତା ଉପରେ ଛିଡା ହୋଇ ପୂରା ସହରର ଟ୍ରାଫିକକୁ ନିୟନ୍ତ୍ରଣ କରିଥାନ୍ତି ଏମାନେ । ନୀଳ ପ୍ୟାଣ୍ଟ ଧଳା ସାର୍ଟ, ହାତରେ ଗୋଲ୍ବସ , ମୁଣ୍ଡରେ ଟୋପି ଆଉ ଆଖିରେ କଳା ଚଷମା ଲଗାଇ ଛିଡା ହୋଇଥାନ୍ତି ବିଭିନ୍ନ ଛକରେ ।
କେତେବେଳେ ଥକା ଲାଗିଲେ ରାସ୍ତା କଡର ଗଛ ଛାଇ ଏହିମାନଙ୍କ ଆଶ୍ରୟସ୍ଥଳୀ ହୋଇଥାଏ। ପୂର୍ବ ଅପେକ୍ଷା ସରକାର ଏମାନଙ୍କ ପାଇଁ ଅନେକ ସୁରକ୍ଷା ବ୍ୟବସ୍ଥା ଗ୍ରହଣ କରିଛନ୍ତି । ଏମାନଙ୍କ ସ୍ବାସ୍ଥ୍ୟ ପାଇଁ ମଧ୍ୟ ସରକାରଙ୍କ ତରଫରୁ ପ୍ରତ୍ୟକ ମାସରେ ହେଲ୍ଥ ଚେକଅପର ବ୍ୟବସ୍ଥା ରହିଛି । ବିଭିନ୍ନ ଛକ ଗୁଡିରେ ଟ୍ରାଫିକ ପୋଷ୍ଟ ମଧ୍ୟ ନିର୍ମାଣ କରାଯାଇଛି । କିନ୍ତୁ କିଛି ଜାଗାରେ ଏବେ ସୁଧା ଟ୍ରାଫିକ ପୋଷ୍ଟ କରାଯାଇ ନାହିଁ କି ଆଉ କିଛି ଛକରେ ଶୌଚାଳୟ ବ୍ୟବସ୍ଥା ମଧ୍ୟା ନାହିଁ । ଯଦି ଏମାନଙ୍କ ପାଇଁ ଶୌଚାଳୟ ସହ ଏକ ଟ୍ରାଫିକ ପୋଷ୍ଟର ବ୍ୟବସ୍ଥା କରାଯାଇପାରିବ ବୋଧେ ଏହାହିଁ ଏମାନଙ୍କ ପାଇଁ ଶ୍ରେଷ୍ଠ ଉପହାର ହେବ ।
କାଦମ୍ୱରୀ ସାହୁଙ୍କ ରିପୋର୍ଟ