crisis

  • ପଡୋଶୀ ଦେଶରେ ରାଜନୈତିକ ଅସ୍ଥିରତା

    ଶ୍ରୀଲଙ୍କା ଭୟଙ୍କର ଆର୍ଥିକ ସଂହ୍କଟ ଦେଇ ଗତି କରୁଚି । ଏହାର ପ୍ରଭାବରେ ଦେଶରେ ରାଜନୈତିକ ଅସ୍ଥିରତା ସୃଷ୍ଟି କରିଛି । ଶ୍ରୀଲଙ୍କାର ଏହି ଭୟଙ୍କର ସଂକଟ ଭିତରେ ପ୍ରଧାନମନ୍ତ୍ରୀ ରନିଲ ବିକ୍ରଂସିଂହେ ନିଜ ପଦ ଛାଡିଛନ୍ତି । ସେହିପରି ରାଷ୍ଟ୍ରପତି ଗୋଟାବାୟା ରାଜପାକ୍ଷେ ରାଷ୍ଟ୍ରପତି ଭବନ ଛାଡି କୌଣସି ଗୁପ୍ତ ସ୍ଥାନରେ ଲୁଚିଛନ୍ତି । ଖୁବ ଶ୍ରୀଘ୍ର ସେ ମଧ୍ୟ୍ୟ ନିଜ ପଦରୁ ଇସ୍ତପା ଦେବେ। ଏ ସବୁ ଭିତରେ ସାଧାରଣ ଜନତା ରାଷ୍ଟ୍ରପତି ଭବନକୁ ନିଜ କବଜାକୁ ନେଇଛନ୍ତି । ଏ ସବୁ ଭିତରେ ଜନତା ଙ୍କ ଦୁଖଃକୁ ଅଧିକ ବଡାଇ ଦେଇଛି ଜରୁରୀକାଳିନ ସାମଗ୍ରୀ ଦର ଆକାଶଛୁଁଆ ହୋଇଛି । ଶ୍ରୀଲଙ୍କାରେ ଟମାଟୋ କିଲୋ ୧୫୦, ମୁଳା ଦର ୪୯୦ ଟଙ୍କା, ପିଆଜ ୨୦୦, ଆଳୁ ୨୨୦ ଟଙ୍କାରେ ବିକ୍ରି ହେଉଛି . ଏହି ସବୁ ଦର ବୃଦ୍ଧି ଶ୍ରୀଲଙ୍କାରେ ଖାଦ୍ୟ ସଂଙ୍କଟ ସୃଷ୍ଟି କରିଛି ।

    କେବେଳ ପନିପରିବା ନୁହେଁ ପୁର୍ବରୁ ପେଟ୍ରୋଲ ଡିଜେଲ ଦର ବୃଦ୍ଧି ଖାଉଟିଙ୍କ ଚିନ୍ତା ବଢାଇଥିଲା । ବିଦ୍ୟୁତସେବା ମଧ୍ୟ୍ୟ ବାଧାପ୍ରପ୍ତ ହେଉଛି । ରୁଣ ଭାରରେ ବୁଡ ରହିତିବା ଶ୍ରୀଲଙ୍କାରେ ଏବେ ବିଦେଶୀ ମୁଦ୍ରାର ଘୋର ଅଭାବ । ସ୍ଥିତି ଏପରି ହୋଇଚି ଯେ ପେଟ୍ରୋଲ ପମ୍ପରେ ସେନା ମୁତୟନ କରାଯାଇଛି । ସ୍ବାଧିନତା ପରେ ଏହା ଶ୍ରୀଲଙ୍କା ପାଇଁ ସବୁଠାରୁ ବଡ ସଂଙ୍କଟ ଭାବେ ଉଭା ହୋଇଛି । ୨.୨ କୋଟି ଜନସଂଙ୍ଖ୍ୟା ବିଶିଷ୍ଟ ଶ୍ରୀଲଙ୍କାରେ ଏବେ ଔଷଧ ପାଇଁ ଲୋକ ବିକଳ ହେଉଛନ୍ତି । ଲୋକଙ୍କୁ ରୋଷୋଇ ପାଇଁ କିରୋସିନି ତେଲ କିମ୍ଭା ଏଲପିଜି ସିଲିଣ୍ଡର ମିଳୁନାହିଁ । ଶ୍ରୀଲଙ୍କାରେ ଏବେ ସ୍କୁଲ ଗୁଡିକ ବନ୍ଦ କରାଯାଇଛି । କେବଳ ଜରୁରୀ ସେବା ପାଇଁ ଇନ୍ଧନ ମହଜୁଦ ଅଛି । ପେଟ୍ରୋଲ ଡିଜେଲ ଭୟଙ୍କର ସଂଙ୍କଟ ଯୋଗୁଁ ରୋଗୀ ଡାକ୍ତରଖାନାରେ ପହଞ୍ଚି ପାରୁନାହାଁନ୍ତି । ଟ୍ରେନ ଚଳାଚଳ ସଂଖ୍ୟା କମ କରାଯାଇଛି ଫଳରେ ଲୋକ ମାନେ ବଗି ଉୁପରେ ବସି ଯାତ୍ରା କରୁଛନ୍ତି ।

    • ସ୍ମରଜିତ ଆର୍ଯ୍ୟଙ୍କ ରିପୋର୍ଟ
  • ପଦରୁ ହଟିଲେ ଗୋଆ ବିଧାନସଭା ବିରୋଧୀ ଦଳ ନେତା

    ପାନାଜୀ: ମହାରାଷ୍ଟ୍ର ସ୍ଥିତି ଗୋଆରେ ସୃଷ୍ଟି ହେବା ଆଶଙ୍କା। ଗୋଆ କଂଗ୍ରେସର ୯ ବିଧାୟକ ବିଜେପିରେ ସାମିଲ ହେବା ନେଇ ଚର୍ଚ୍ଚା ଜୋର ଧରିଛି। ଗୋଆର ବିଧାନସଭାରେ ୪୦ ସିଟ ଥିବା ବେଳେ କଂଗ୍ରେସକୁ ହାସଲ ହୋଇଥିଲା ୧୧ଟି। ମୋଟ ୧୧ କଂଗ୍ରେସ ନେତାଙ୍କ ମଧ୍ୟରୁ ୯ ଦଳ ଛାଡିବା ପରେ ଦଳରେ ମାତ୍ର ୨ ବିଧାୟକ ରହିଯିବା ଆକଳନ କରାଯାଉଛି। ଗୋଆ ବିଧାନସଭାରେ ୧୧ କଂଗ୍ରେସ ବିଧାୟକଙ୍କ ମଧ୍ୟରୁ ୮ ବିଧାୟକ ନୂଆ ନିର୍ବାଚିତ ହୋଇଥିଲେ। ଏହି ମାନେ ସତ୍ତାକୁ ଆସିବାକୁ ବିଜେପି ସହ ଯୋଡି ହୋଇଥିବା କୁହାଯାଉଛି।    କିନ୍ତୁ ଦଳ ପ୍ରାରମ୍ଭିକ ଅବସ୍ଥାରେ  ଏହି ଚର୍ଚ୍ଚାକୁ ଖଣ୍ଡନ କରିଥିବା ବେଳେ ପରବର୍ତ୍ତୀ ସମୟରେ ଗୋଆ ଏଆଇସିସି ମୁଖ୍ୟ ଦିନେସ ଗୁଣ୍ଡୁ ରାଓ ସାମ୍ବାଦିକ ସମ୍ମିଳନୀ କରି କହିଛନ୍ତି, ବିଧାୟକଙ୍କୁ ହାଇଜାକ କରିବାକୁ ଦଳର ୨ ଜଣ ନେତା ଦିଗମ୍ବର କାମାତ ଓ ବିଧାନସଭାର ବିରୋଧୀ ଦଳ ନେତା ମିଚେଲ ଲୋବୋ ବିଜେପି ସହ ମିଶି ଷଡଯନ୍ତ୍ର କରିଛନ୍ତି। ତେଣୁ ମିଚେଲଙ୍କୁ ତାଙ୍କ ପଦରୁ ହଟାଇ ଦିଆଯାଇଥିବା ରାଓ କହିଛନ୍ତି।

    ରବିବାର ହୋଇଥିବା ସାମ୍ବାଦିକ ସମ୍ମିଳନୀର କିଛି ସମୟ ପୂର୍ବରୁ ଦିନେଶ ଗୁଣ୍ଡୁ ରାଓଙ୍କ ସମେତ ଦଳର ବହୁ ବରିଷ୍ଠ ନେତା ଏହି ଚର୍ଚ୍ଚାକୁ ଅପପ୍ରଚାର କହିଛନ୍ତି। ଏହାରି ମଧ୍ୟରେ ଗୋଆ ବିଧାନସଭା ଅଧ୍ୟକ୍ଷ ରମେଶ ତାବଡକର ରବିବାର ଡେପୁଟି ସ୍ପିକର ପଦ ପାଇଁ ନିର୍ବାଚନ ଘୋଷଣାର ଅଧିସୂଚନାକୁ ରଦ୍ଦ କରିଦେଇଛନ୍ତି। ଏହି ନିର୍ବାଚନ ଆସନ୍ତା ଜୁଲାଇ ୧୨ରେ ହେବାକୁ ଥିଲା।

Back to top button