DIVORCE

  • ଆମ ବୟାନକୁ ଅତିରଞ୍ଜିତ କରାଯାଇଛି: ମାଡ୍ରାସ ହାଇକୋର୍ଟ

    ମାଡ୍ରାସ: ମାଡ୍ରାସ ହାଇକୋର୍ଟଙ୍କ ବିରୋଧରେ ସୋସିଆଲ ମିଡିଆରେ ଝଡ। ଏକ ଛାଡପତ୍ର ମାମଲାରେ କୋର୍ଟଙ୍କ ରାୟକୁ ନେଇ ବିଭିନ୍ନ ଗଣମାଧ୍ୟମରେ ପ୍ରକାଶ ପାଇଥିବା ରିପୋର୍ଟ ପରେ କୋର୍ଟଙ୍କୁ  ସମାଲୋଚନାର ସମ୍ମୁଖୀନ ହେବାକୁ ହୋଇଛି।  ଥାଳି ବା ମଙ୍ଗଳସୂତ୍ର ବାହାର କରିବାକୁ ନେଇ  ମାଡ୍ରାସ ହାଇକୋର୍ଟ ଦେଇଥିବା ବୟାନକୁ ନେଇ ସୃଷ୍ଟି ହୋଇଥିବା ତୁମ୍ବି ତୁଫାନ  ଉପରେ ସ୍ପଷ୍ଟିକରଣ ଦେଇଛନ୍ତି କୋର୍ଟ।

    ଏକ ଛାଡପତ୍ର ମାମଲାରେ ମାଡ୍ରାସ ହାଇକୋର୍ଟ ବିବାହିତ ମହିଳାଙ୍କ ଦ୍ବାରା ନିଜ ମଙ୍ଗଳସୂତ୍ର ବାହାର କରିବାକୁ ସ୍ବାମୀଙ୍କ ପ୍ରତି ମାନସିକ ଆଘାତ ବୋଲି କହିଥିଲେ। କୋର୍ଟଙ୍କ ଏହି ମନ୍ତବ୍ୟକୁ ନେଇ ବିଭିନ୍ନ ଗଣମାଧ୍ୟମରେ  ଖବର ପ୍ରକାଶ ପାଇଥିଲା। ଏହାକୁ ନେଇ ଲୋକେ ଭ୍ରୁଲତା କୁଞ୍ଚନ କରିଥିଲେ। ସି ଶିବକୁର ବନାମ ଏ ଶ୍ରୀବିଦ୍ୟା ମାମଲାରେ ଜୁଲାଇ ୫ ତାରିଖରେ ହାଇକୋର୍ଟଙ୍କ ରାୟ ଆସିଥିଲା।

    ଏହାକୁ ନେଇ ଖବର କାଗଜରେ ଖବର ପ୍ରକାଶ ପାଇଥିଲା। ଏହାକୁ ନେଇ ମାଡ୍ରାସ ହାଇକୋର୍ଟ କହିଛନ୍ତି କି, ମିଡିଆ ରାୟକୁ ଭିନ୍ନ ରୂପରେ ଓ ଅତିରଞ୍ଜିତ କରି ପ୍ରକାଶ କରିଛି। ଏହି ମାମଲାରେ କୋର୍ଟ କହିନାହାନ୍ତି କି, ସ୍ତ୍ରୀ ନିଜେ ନିଜ ଥାଳି ବାହାର ବାହାର କରିଦେବା ସ୍ବାମୀଙ୍କ ପ୍ରତି ମାନସିକ ନିଷ୍ଠୁରତା ବୋଲି କୁହାଯାଇ ପାରେ। ଏହାର ବିପରିତ କୋର୍ଟ କହିଛନ୍ତି। ଥାଳି ବାହାର କରିଦେବାକୁ ମାନସିକ ନିଷ୍ଠୁରତା ରୂପେ ଗ୍ରହଣ କରାଯିବ ନାହିଁ।

    ଜଣେ ପୁରୁଷଙ୍କ ଦ୍ବାରା ତାଙ୍କ ସ୍ତ୍ରୀଙ୍କ ବିରୋଧରେ ଫାମିଲି କୋର୍ଟରେ ଛାଡପତ୍ର ପାଇଁ ଆବେଦନ କରାଯାଇଥିଲା। କିନ୍ତୁ ଫାମିଲି କୋର୍ଟ ଏହାକୁ ଖାରଜ କରିଦେଇଥିଲେ। ଏହାକୁ ନେଇ ପୁରୁଷଙ୍କ ଦ୍ବାରା ହାଇକୋର୍ଟରେ ଅପିଲ କରାଯାଇଥିଲା। ତେବେ ହାଇକୋର୍ଟ ସ୍ବାମୀଙ୍କୁ ଛାଡପତ୍ର ପାଇଁ ଅନୁମତି ଦେଇଥିଲେ। ତେବେ ଏହି ଅନୁମତି ପୂର୍ବରୁ ହାଇକୋର୍ଟଙ୍କ ସମ୍ମୁଖରେ ବହୁ ତଥ୍ୟ ଉପସ୍ଥାପନ କରାଯାଇଥିଲା ସ୍ତ୍ରୀଙ୍କ ବିରୋଧରେ।

    ସ୍ତ୍ରୀ ସ୍ବାମୀଙ୍କ ଚରିତ୍ରକୁ ସନ୍ଦେହ କରିବା ସହ ତାଙ୍କର ପରକ୍ରିୟା ପ୍ରିତି ଥିବା ଅଭିଯୋଗ ଆଣୁଛନ୍ତି। ଏପରି କି ମହଳା ସ୍ବାମୀଙ୍କ ସହକର୍ମୀଙ୍କ ସମ୍ମୁଖରେ ତାଙ୍କୁ ଦୁର୍ବ୍ୟବହାର କରିଥାନ୍ତି। ଏପରି କି ବେକରୁ ଥାଲି ବା ମଙ୍ଗଳଶୁତ୍ର ବାହାର କରି ଫିଙ୍ଗିଥିବା କୋର୍ଟଙ୍କ ସମ୍ମୁଖରେ ତଥ୍ୟ ଦିଆଯାଇଥିଲା। ସ୍ତ୍ରୀଙ୍କ ସମସ୍ତ ବ୍ୟବହାରକୁ ଦୃଷ୍ଟିରେ ରଖି ଏହା ଆବେଦନକାରୀ ସ୍ବାମୀଙ୍କ ପ୍ରତି ମାନସିକ ତାଡନା ବୋଲି କହିଥିଲେ କୋର୍ଟ।

  • ବନ୍ଦ କର ବୟାନବାଜି, ଅନୁଭବ ଓ ବର୍ଷାଙ୍କୁ ହାଇକୋର୍ଟଙ୍କ ନିର୍ଦ୍ଦେଶ

    ବର୍ଷା-ଅନୁଭବ ପାରିବାରିକ ବିବାଦକୁ ନେଇ ହାଇକୋର୍ଟଙ୍କ ନିର୍ଦ୍ଦେଶ । ସୋସିଆଲ ମିଡ଼ିଆରେ କୌଣସି ମନ୍ତବ୍ୟ ନ ଦେବାକୁ ହାଇକୋର୍ଟ ତାଗିଦ କରିଛନ୍ତି । ସୋସିଆଲ ମିଡ଼ିଆରେ ଉଭୟ ପରସ୍ପରକୁ ନେଇ କୌଣସି ମନ୍ତବ୍ୟ ଦେଇପାରିବେନି ଓ ସୋସିଆଲ ମିଡ଼ିଆରେ ଭିଡ଼ିଓ ଜାରି ନ କରିବାକୁ ଅନୁଭବଙ୍କୁ ନିର୍ଦ୍ଦେଶ ଦେଇଛନ୍ତି ହାଇକୋର୍ଟ । ପୂର୍ବରୁ ଅନୁଭବ ସୋସିଆଲ ମିଡ଼ିଆରେ ଭିଡ଼ିଓ ପୋଷ୍ଟ କରି ଚରିତ୍ର ସଂହାର କରୁଥିବା କହି ହାଇକୋର୍ଟର ଆଶ୍ରୟ ନେଇଥିଲେ ବର୍ଷା । ଆଉ ଆଜି ଏହାର ଶୁଣାଣି କରି ହାଇକୋର୍ଟ ଅନୁଭବଙ୍କୁ ଭିଡ଼ିଓ ପୋଷ୍ଟ ନ କରିବାକୁ ନିର୍ଦ୍ଦେଶ ଦେଇଛନ୍ତି ।

    ଅନୁଭବ ଲଗାତାର ଗୋଟିଏ ପରେ ଗୋଟିଏ ୩ଟି ଭିଡ଼ିଓ ଅନୁଭବ ସୋସିଆଲ ମିଡ଼ିଆ ଛାଡ଼ିଥିଲେ। ଏହାକୁ ନେଇ ବର୍ଷା ସାଇବର ଥାନାରେ ଅଭିଯୋଗ ମଧ୍ୟ କରିଥିଲେ। ତେଣେ ସାମାଜିକ ଗଣମାଧ୍ୟମରେ ଦୁହିଁଙ୍କ ନାମରେ ଥିବା ଫ୍ୟାନ୍ କ୍ଲବ ଆକାଉଣ୍ଟରେ ଏହି ଘଟଣାର ବାଦ ପ୍ରତିବାଦ, ଆରୋପ ପ୍ରତ୍ୟାରୋପ ଦେଖାଦେଇଥିଲା। ଯାହା ସାଧାରଣରେ ଚର୍ଚ୍ଚାର ବିଷୟ ହୋଇଛି। ଦୁହିଁଙ୍କ ପାରିବାରିକ ବିଚ୍ଛେଦ ମାମଲା ମଧ୍ୟ କୋର୍ଟରେ ଚାଲୁଛି। ମାମଲାର ସମାଧାନ ହୋଇ ନ ଥିବା ବେଳେ ଫିଲ୍ମ ଦୁନିଆର ଏହି ଚର୍ଚ୍ଚିତ ଜୋଡ଼ିଙ୍କ ପାରିବାରିକ କଳି ବଢ଼ି ଚାଲିଛି। କୋର୍ଟଙ୍କ ନିର୍ଦ୍ଦେଶ ଆସିବା ପରେ ଆଗକୁ ପରିସ୍ଥିତି କ’ଣ ହେଉଛି ତାହା ଉପରେ ସମସ୍ତଙ୍କ ଦୃଷ୍ଟି ରହିଛି।

Back to top button