ELECTION

ଆଗକୁ ସାଧାରଣ ନିର୍ବାଚନ । ଏପରିକି ଓଡ଼ିଶାରେ ଆଗୁଆ ନିର୍ବାଚନ ହୋଇ ପାରେ ବୋଲି ଚର୍ଚ୍ଚା ହେଉଛି । ଆଉ ଏହା ଭିତରେ ରାଜ୍ୟ ସରକାରଙ୍କ ପ୍ରସ୍ତୁତି ବି ଆଗୁଆ ନିର୍ବାଚନ ଦିଗରେ ଅନେକ କିଛି ସଂକେତ ଦେଉଛି । ରାଜ୍ୟରେ ଅସମ୍ପୂର୍ଣ୍ଣ ରହିଥିବା ପ୍ରକଳ୍ପକୁ ସମ୍ପୂର୍ଣ୍ଣ କରିବା ଏବଂ ଜନସାଧାରଣଙ୍କ ହିତକୁ ଦୃଷ୍ଟିରେ ରଖି କିଛି ନୂତନ ଯୋଜନା କାର୍ଯ୍ୟକାରୀ କରିବା ଲାଗି ସରକାର ଚିନ୍ତା କରିଛନ୍ତି । ଏହାକୁ ନେଇ ଅର୍ଥ ବିଭାଗ ପକ୍ଷରୁ ଅତିରିକ୍ତ ବଜେଟ୍ ଆଣିବାପାଇଁ ପ୍ରସ୍ତୁତି ଜୋରଦାର ଆରମ୍ଭ ହୋଇଛି। ମୌସୁମୀ ଅଧିବେଶନ ହେଉ କିମ୍ବା ଶୀତକାଳୀନ ଅଧିବେଶନ ସମୟରେ ରାଜ୍ୟ ସରକାରଙ୍କ ପକ୍ଷରୁ ଅତିରିକ୍ତ ବଜେଟ ଆସିବ। ଏହାକୁ ନେଇ ବିଭାଗୱାରୀ ପ୍ରସ୍ତାବ ଦେବାକୁ ଅର୍ଥ ବିଭାଗ ପକ୍ଷରୁ କୁହାଯାଇଛି ।

ସୋମବାର ଅର୍ଥ ବିଭାଗ ନିର୍ଦେଶକ ଡ. ସତ୍ୟପ୍ରିୟ ରଥ ସବୁ ବିଭାଗୀୟ ମୁଖ୍ୟଙ୍କୁ ଲେଖିଥିବା ଚିଠିରେ ଦର୍ଶାଇଛନ୍ତି ଯେ ୨୦୨୩-୨୪ ଆର୍ଥିକବର୍ଷର ବାର୍ଷିକ ବଜେଟ୍ ଅଧିବେଶନ ଶେଷ ହୋଇଛି । ତେବେ ବଜେଟରେ କେତେକ ଆବଶ୍ୟକତାକୁ ଦୃଷ୍ଟିରେ ରଖି ସରକାରଙ୍କ ପକ୍ଷରୁ ଅତିରିକ୍ତ ବଜେଟ ଅଣାଯିବାକୁ ନିଷ୍ପତ୍ତି ହୋଇଛି। ଏହାଦ୍ବାରା ସରକାର କେତେକ ନୂତନ ଯୋଜନା ଓ କାର୍ଯ୍ୟକ୍ରମ କରିବା ସହିତ କେନ୍ଦ୍ରୀୟ ପ୍ରବର୍ତ୍ତିତ ଯୋଜନାର କିଭଳି ଫାଇଦା ଉଠାଯାଇ ପାରିବ ତାହା ହିଁ ମୂଳ ଲକ୍ଷ୍ୟ। ସରକାରଙ୍କ ପକ୍ଷରୁ ମୌସୁମୀ କିମ୍ବା ଶୀତକାଳୀନ ଅଧିବେଶନ ସମୟରେ ଅତିରିକ୍ତ ବଜେଟ ଅଣାଯିବାକୁ ରହିଛି। ଏହାକୁ ଦୃଷ୍ଟିରେ ରଖି ଅର୍ଥବିଭାଗର ମାର୍ଗଦର୍ଶିକା ଅନୁଯାୟୀ ଚଳିତମାସ ଶେଷ ସୁଦ୍ଧା ପ୍ରଶାସନିକ ଖର୍ଚ୍ଚ ଲାଗି ଆବଶ୍ୟକ ପ୍ରସ୍ତାବ ଅର୍ଥ ବିଭାଗକୁ ଦୂରସଞ୍ଚାର ଜରିଆରେ ଦେବାକୁ ହେବ। ସେହିପରି କାର୍ଯ୍ୟକ୍ରମ ଖର୍ଚ୍ଚ ବାବଦ ପ୍ରସ୍ତାବ ଯୋଜନା ଓ ସଂଯୋଜନା ବିଭାଗକୁ ପଠାଇବାକୁ ପଡ଼ିବ। ବିଭାଗର କାର୍ଯ୍ୟକ୍ରମ ବାବଦ ପ୍ରସ୍ତାବକୁ ଯୋଜନା ଓ ସଂଯୋଜନା ବିଭାଗ ଅନୁମୋଦନ ଦେବା ପରେ ସଂପୃକ୍ତ ବିଭାଗ ଅର୍ଥ ବିଭାଗକୁ ପୁନର୍ବାର ପଠାଇବା ଲାଗି ନିର୍ଦ୍ଦେଶ ଦିଆଯାଇଛି ।

କର୍ଣ୍ଣାଟକ: ଚାଷୀ ଘର ପୁଅକୁ ବିବାହ କରିଲେ ମିଳିବ 2 ଲକ୍ଷ । ଏପରି ଘୋଷଣା କରିଛନ୍ତି କର୍ଣ୍ଣାଟକର ପୂର୍ବତନ ମୁଖ୍ୟମନ୍ତ୍ରୀ ତଥା ଜେଡିଏସ ନେତା ଏଚଡି କୁମାର ସ୍ୱାମୀ । ସେ ନିର୍ବାଚନ ଇସ୍ତାହାରରେ ଏହି ଅଫର କୁ ଲାଗୁକରି କହିଛନ୍ତି ଯେ ସେମାନଙ୍କ ଦଳ କ୍ଷମତାକୁ ଆସିଲେ ପ୍ରତେକ କୃଷକ ପୁଅକୁ ବିବାହ କରିବା ମହିଳା ମାନଙ୍କୁ 2 ମିଳିବ ଲକ୍ଷ ଟଙ୍କା ।  

କୋଲାରରେ ଅନୁଷ୍ଠିତ ପଞ୍ଚାରାଥନା ସମାବେଶକୁ ସମ୍ବୋଧିତ କରି ଏପରି କହିଛନ୍ତି ଏଚଡି କୁମାର ସ୍ୱାମୀ । ଚାଷୀ କୂଳ ଚାଷୀ ପରିବାରକୁ ଉତ୍ସାହିତ କରିବା ପାଇଁ ଏହା ସହାୟକ କରିବ ବୋଲି କହିଛନ୍ତି ମନ୍ତ୍ରୀ  । ସେ କହିଛନ୍ତି ଚାଷୀ ଶ୍ରେଣୀର ପୁଅକୁ ବିବାହ କରିବା ପାଇଁ ଝିଅମାନେ ରାଜି ହେଉନାହାନ୍ତି । ସରକାର ଏଥିରେ ପରିବର୍ତ୍ତନ ଆଣିବାକୁ ହେଲେ କୃଷକ ପରିବାରରେ ବାହା ହେଉଥିବା ଝିଅକୁ 2ଲକ୍ଷ ଟଙ୍କା ପୁରସ୍କାର କରିବା ଉଚିତ ।

ଏହା ସାମାଜିକ ଉନ୍ନତି କ୍ଷେତ୍ରରେ ଶ୍ରେଷ୍ଠ ହେବ । ଆସନ୍ତା ମେ ମାସ 10 ତାରିଖରେ କର୍ଣ୍ଣାଟକରେ ଗୋଟିଏ ପର୍ଯ୍ୟାୟରେ ବିଧାନସଭା ମତଦାନ ଥିବାରୁ ।  ଜେଡିଏସ  ଏଥିରେ 224 ବିଧାନ ସଭା ସିଟରୁ ଅତିକମରେ 123 ସିଟ ହାସଲ କରିବାର ଲକ୍ଷ ରଖିଛି । ଯାହାର ଫଳାଫଳ 13 ତାରିଖରେ ଘୋଷଣା କରାଯିବ ।

()୨୦୨୩ ରାଜ୍ୟ ରାଜନୀତିରେ ଅନେକ ଗୁରୁତ୍ୱ ରଖୁଛି । ରାଜ୍ୟର ୩ ପ୍ରମୁଖ ଦଳ ପାଇଁ ଏହା ଏକ ଚ୍ୟାଲେଞ୍ଜର ବର୍ଷ ହେବାକୁ ଯାଉଛି । କାରଣ ଆଗୁଆ ନିର୍ବାଚନ ସମ୍ଭାବନା ଥିବାରୁ ସବୁ ଦଳ ସଂଗଠନ ସଜାଡ଼ିବାକୁ ଲାଗି ପଡିଛନ୍ତି। ତେବେ ୬ ଥର ଜିତି ମୁଖ୍ୟମନ୍ତ୍ରୀ ଭାବେ ନବୀନ ରେକର୍ଡ କରିବାକୁ ବିଜେଡି ଫୁଲ ତୈୟାର। ସେପଟେ ବିରୋଧି ବିଜେଡ଼ିକୁ ଚେକମେଣ୍ଟ ଦେବାକୁ ପ୍ରସ୍ତୁତ କରିଛନ୍ତି ଖସଡ଼ା ।

୨୩ରେ ଆଗୁଆ ନିର୍ବାଚନ ସମ୍ଭାବନା। ତେଣୁ ନୂଆବର୍ଷ ରାଜନୈତିକ ଦୃଷ୍ଟି କୋଣରୁ ମଧ୍ୟ ନୂଆ ଆହ୍ବାନ ନେଇ ଆସୁଛି। ବିଶେଷ କରି ବିଜେଡିକୁ ଚେକ ଦେବା ବିରୋଧୀଙ୍କ ପାଇଁ ବଡ଼ ଚାଲେଞ୍ଜ। ନିରଙ୍କୁଶ ଭାବେ ୨୨ ବର୍ଷ ଧରି ଶାସନ କରୁଥିବା ବିଜେଡି ପାଇଁ ବର୍ଷ ୨୦୨୩ ବେଶ୍ ଗୁରୁତ୍ୱ ପୂର୍ଣ୍ଣ । କାରଣ ମୁଣ୍ଡ ଉପରେ ସାଧାରଣ ନିର୍ବାଚନ ଥିବାବେଳେ ଟିକେଟ ଆଶାୟୀଙ୍କ ସଂଖ୍ୟା ବଢୁଛି। ଦଳୀୟ ଅନ୍ତଃକନ୍ଦଳକୁ ପ୍ରଶମିତ କରି ଦଳ ମ୍ୟାନେଜମେଣ୍ଟ ବଡ଼ ଟାସ୍କ ସାଜିବ। କାରଣ ଧାମନଗର ପରାଜୟର ପୁନରାବୃତ୍ତି କିଭଳି ନ ହେବ, ସେଥିଲାଗି ଜଗିବ ବିଜେଡି। ଆଉ ବିଜେଡିକୁ ଟକ୍କର ଦେବାକୁ ମୋଦିଙ୍କ ଲୋକାଭିମୁଖୀ ଯୋଜନା ବିଜେପିର ଅମୋଘ ଅସ୍ତ୍ର ସାଜିବ । କିନ୍ତୁ ବିଜେଡ଼ି ସହ ମଧୁର ଓ ତିକ୍ତ ସମ୍ପର୍କର ଫେଣ୍ଟାଫେଣ୍ଟି ଅଧ୍ୟାୟରେ ତୃଣମୂଳକର୍ମୀଙ୍କୁ ସ୍ପଷ୍ଟ ବାର୍ତ୍ତା ଯିବା ଦରକାର। ଓଡ଼ିଶାରେ ଦଳର କମାଣ୍ଡ କାହା ହାତରେ ରହିବ, ସେ ଅଡ଼ୁଆ ସୂତାକୁ ହଟାଇବାକୁ ପଡ଼ିବ। ଆଉ ନେତୃତ୍ୱ କନ୍ଦଳ ଲାଗି ସବୁବେଳେ ଚର୍ଚ୍ଚାରେ ଥିବା  ଓଡ଼ିଶା କଂଗ୍ରେସକୁ ଗୃହଯୁଦ୍ଧର ଅବସାନ କରିବାକୁ ପଡ଼ିବ। ଭାରତ ଯୋଡ଼ ଯାତ୍ରାର ସଫଳତାକୁ ଆଧାର କରି ଦଳ ୯ରୁ ୯୦ ସ୍ୱପ୍ନକୁ ସାକାର କରିବାକୁ ପଡ଼ିବ।

ତେବେ ୨୦୨୩ ତିନି ଦଳ ପାଇଁ ବେଶ ଗୁରୁତ୍ୱ ପୁର୍ଣ୍ଣ ରହିବ ବୋଲି କହିଛନ୍ତି ରାଜନୈତିକ ବିଶେଷଜ୍ଞ । କାରଣ ଯଦି ଆଗୁଆ ନିର୍ବାଚନ ହୁଏ ତାହେଲେ ଏହି ବର୍ଷ ହେବାର ସମ୍ଭାବନା ରହିଛି । ବିଶେଷ କରି କ୍ରମାଗତ ଷଷ୍ଠ ଥର କ୍ଷମତା ଚୌକି ହାତେଇବାକୁ ବିଜେଡିର ଲକ୍ଷ୍ୟ ରହିଛି। ଆଉ ବିଜେପିର ମିଶନ ୧୨୦କୁ କଂଗ୍ରେସର ୯ରୁ ୯୦ ମିଶନ। ଆଗୁଆ ନିର୍ବାଚନ ହେବାର ଅନେକ ନଜିର ଥିବାରୁ ବର୍ଷ ୨୩ ହିଁ ଅଗ୍ନୀପରୀକ୍ଷା ସଦୃଶ ହେବ। ୨୨ରେ କାହାର ପଲ୍ଲା ଭାରି ହେବ ଓ କିଏ ଖସିବ, ତାକୁ ନେଇ ବି ଅବଗଣନା ଆରମ୍ଭ ହୋଇଛି ଜ୍ୟୋତିର୍ବିଦଙ୍କ ମହଲରେ।

୨୨ ଆରମ୍ଭରୁ ଅନେକ ପ୍ରସଙ୍ଗରେ ହଲ୍ଲାପଟ୍ଟା କରିଥିବା ସତ୍ତ୍ୱେ ପଞ୍ଚାୟତ ଓ ପୌର ନିର୍ବାଚନରେ ନବୀନଙ୍କ ଚମକ ଓ ବିଜେଡିର ବିଜୟରଥକୁ ଧାମନଗରରେ ଅଟକାଇବାରେ ସକ୍ଷମ ବିଜେପିକୁ ପୁଣି ହରାଇ ସୁଧମୂଳ ସହ ପଦ୍ମପୁରରେ ଆଦାୟ କରିଦେଇଥିଲା ବିଜେଡି। ଆଉ ସବୁଠି ନିରାଶା ପ୍ରଦର୍ଶନ ଯେମିତି କଂଗ୍ରେସର ମାପକାଠି ସାଜିଥିଲା ୨୨ରେ।  

ନବ କିଶୋର ସାହୁ

ବରଗଡ: ପଦ୍ମପୁରରେ ଉପନିର୍ବାଚନକୁ ନେଇ ଚାଲିଛି ଜୋରଦାର ପ୍ରଚାର। ମାଳ ମାଳ ନେତା ଡେରା ପକାଇ ନିଜ ନିଜ ପ୍ରାର୍ଥୀଙ୍କ ପାଇଁ ଭୋଟ ଭିକ୍ଷା କରୁଛନ୍ତି। ଆଜି ପ୍ରଚାର ମୈଦାନକୁ ଓହ୍ଲାଇଛନ୍ତି କେନ୍ଦ୍ର କୃଷିମନ୍ତ୍ରୀ ନରେନ୍ଦ୍ର ସିଂ ତୋମାର। ଏହାସହ କେନ୍ଦ୍ର ରେଳ ମନ୍ତ୍ରୀ ଅଶ୍ୱିନୀ ବୈଷ୍ଣବ ମଧ୍ୟ ବିଜେପି ପ୍ରାର୍ଥୀ ପ୍ରଦୀପ ପୁରୋହିତଙ୍କ ପାଇଁ ପ୍ରଚାର କରିବେ। ନିର୍ବାଚନ ଯେତିକି ପାଖେଇ ଆସୁଛି, ସେତିକି ପ୍ରଚାର ଜମୁଛି। ଏପଟେ କଂଗ୍ରେସର ଛାମୁଆ ନେତା ବି ପଦ୍ମପୁରରେ ଡେରା ପକାଇଲେଣି। ସମସ୍ତ ଦଳର ଷ୍ଟାର ପ୍ରଚାରକ ସହିତ ଦଳୀୟ କର୍ମୀମାନେ ମଧ୍ୟ ଭୋଟ ହାତେଇବାକୁ କସରତ କରୁଛନ୍ତି।

ବରଗଡ: ପଦ୍ମପୁର ନିର୍ବାଚନ ପାଇଁ ଆରମ୍ଭ ହୋଇ ଯାଇଛି କସରତ। ଆଜି ନାମାଙ୍କନପତ୍ର ଭରିବେ ପ୍ରାର୍ଥୀ। ଶକ୍ତି ପ୍ରଦର୍ଶନ ସହ ନାମାଙ୍କନ ଭରିବେ ତିନି ପ୍ରମୁଖ ଦଳର ପ୍ରାର୍ଥି। ପଦ୍ମପୁର ଉପଜିଲ୍ଲାପାଳଙ୍କ କାର୍ଯ୍ୟାଳୟରେ ନାମାଙ୍କନ ଭରିବେ ପ୍ରାର୍ଥି। ବିଜେଡିରୁ ବର୍ଷା ସିଂ ବରିହା, ବିଜେପିରୁ ପ୍ରଦୀପ ପୁରୋହିତ , କଂଗ୍ରେସରୁ ସତ୍ୟ ଭୂଷଣ ସାହୁ ଭରିବେ ନାମାଙ୍କନ। ଏହା ପ୍ରାର୍ଥୀପତ୍ର ଦାଖଲ କରିବେ ସ୍ୱଧୀନ ପ୍ରର୍ଥିୀ। ସୂଚନା ଅନୁଯାୟୀ ପ୍ରାୟ ୧୧ ଜଣ ପ୍ରାର୍ଥି ପ୍ରତ୍ର ଦାଖଲ ପାଇଁ ଫର୍ମ ନେଇଛନ୍ତି। କିନ୍ତୁ ଚାଷୀଙ୍କୁ ବୀମା ରାଶି ପ୍ରଦାନ ଓ ପଦ୍ମପୁର ଜିଲ୍ଲା ଦାବିକୁ ନେଇ ଆନ୍ଦେଳନ ଚାଲିଥିବାରୁ କେହି ନାମାଙ୍କନ ଦାଖଲ କରିନଥିବା ଚର୍ଚ୍ଚା ହେଉଛି ।

ଭଦ୍ରକ: ଧାମନଗରେ ପ୍ରଚାର ଧମାକା। ଗଳିକନ୍ଦିରେ ଉଡ଼ୁଛି ଦଳୀୟ ବାନା। ଘରକୁ ଘର ବୁଲୁଛନ୍ତି ହେବିୱେଟ। ବିଜେପି ତରଫରୁ କେନ୍ଦ୍ରୀୟ ନେତା ପ୍ରଚାର ମଙ୍ଗ ଧରିଥିବା ବେଳେ ବିଜେଡ଼ି କଂଗ୍ରେସ ମଧ୍ୟ ଟାଣୁଆ ନେତା ଓ ପ୍ରଭାବୀ ପ୍ରଚାରକଙ୍କୁ କାମରେ ଲଗାଇଛନ୍ତି। ବିଜେପି ପାଇଁ ଆଜି ପ୍ରଚାର ମୈଦାନକୁ ଓହ୍ଲାଇଛନ୍ତି କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ, ବିଶେଶ୍ୱର ଟୁଡୁ, ଓ ରାଷ୍ଟ୍ରିୟ ମୁଖପାତ୍ର ସମ୍ୱିତ ପାତ୍ର। ବିଭିନ୍ନ ସ୍ଥାନରେ ରୋଡ଼ ଶୋ କରି ସୂର୍ଯ୍ୟବଂଶି ସୁରଜ ପାଇଁ ମାଗିଛନ୍ତି ଭୋଟ । ସ୍ୱାଭିମାନର ମାଟି ଧାମନଗରରେ ଏଥର ଶାସକ ଦଳର ଟ୍ରାକ୍ ରେକର୍ଡ ବଦଳିବା ନିଶ୍ଚୟଁ ବୋଲି ଦୃଢୋକ୍ତି ଦେଖାଇଛନ୍ତି। ଅନ୍ୟପଟେ କଂଗ୍ରେସ ପ୍ରାର୍ଥୀ ହରେକୃଷ୍ଣଙ୍କ ପାଇଁ ପିସିସି ସଭାପତି ଓ କଂଗ୍ରେସ ବିଧାୟକମାନେ ପ୍ରଚାର କରିଛନ୍ତି। ବିଜେପି ଓ ବିଜେଡ଼ି ରାଜ୍ୟବାସୀଙ୍କୁ ଠକିଛନ୍ତି। ତେଣୁ ଏଥର ଭୋଟର କଂଗ୍ରେସ ଉପରେ ଆସ୍ଥା ପ୍ରକଟ କରିବେ ବୋଲି କହିଛନ୍ତି ।

ସେପଟେ ଶେଷ ପର୍ଯ୍ୟାୟ ପ୍ରଚାରକୁ ଜୋରଦାର କରିଛି ବିଜେଡ଼ି। ମାଳମାଳ ମନ୍ତ୍ରୀଙ୍କ ସହ ଉପକୂଳିଆ ବିଧାୟକମାନେ ଧାମନଗରରେ ଡେରା ପକାଇଛନ୍ତି। ଏମିତିକି ପଞ୍ଚାୟତଓ୍ୱାରୀ ଜଣେ ଜଣେ ମନ୍ତ୍ରୀଙ୍କୁ ପ୍ରଚାର କମାଣ ଧରେଇ ଦିଆଯାଇଛି। ତେବେ ବିଜେଡ଼ି କହିଛି ଜିତିବୁ ନିଶ୍ଚୟଁ, ତାହା ପୁଣି ବୃହତ୍ତ ବ୍ୟବଧାନରେ। କେନ୍ଦ୍ରମନ୍ତ୍ରୀଙ୍କ ପ୍ରଚାର ପ୍ରଭାବଶୂନ୍ୟ କହି କଟାକ୍ଷ କରିଛି ଦଳ।

ତେବେ ମତଦାନ ସମୟ ପାଖେଇ ପାଖେଇ ଆସୁଛି। ତେଣୁ ସ୍ୱାଭାବିକ ଭାବେ ପ୍ରଚାର ମୈଦାନ କମ୍ଫିବା ଥୟ। ଏବଂ ରାଜନୈତିକ ଆରୋପ ପ୍ରତ୍ୟାରୋପ ଯେହେତୁ ଜାରି ରହିଛି ତେଣୁ କାହାକୁ ସ୍ଥାନୀୟ ଲୋକ ଭରଷା କରିବେ ଓ କାହା ବିରୋଧରେ ଜନମତ ଯିବ ତାର ହିସାବକିତାବ ଚାଲିଛି ।।

ଭଦ୍ରକ: ଧାମନଗର ଉପନିର୍ବାଚନ ପାଇଁ ଆଜି ପ୍ରକାଶ ପାଇବ ବିଧିବଦ୍ଧ ବିଜ୍ଞପ୍ତି। ଆଜିଠୁ ଆରମ୍ଭ ହେବ ନାମାଙ୍କନ ପ୍ରକ୍ରିୟା। ଅକ୍ଟୋବର ୧୪ ତାରିଖ ସୁଦ୍ଧା ନାମାଙ୍କନପତ୍ର ଦାଖଲ କରିବେ ପ୍ରାର୍ଥୀ। ଏହାପରେ ୧୫ ତାରିଖରେ ପାର୍ଥିପତ୍ର ଯାଞ୍ଚ କରାଯିବ। ନାମାଙ୍କନପତ୍ର ପ୍ରତ୍ୟାହାରର ଶେଷ ତାରିଖ ରହିଛି ଅକ୍ଟୋବର ୧୭। ତେବେ ନଭେମ୍ୱର ୩ ତାରିଖରେ ଉପନିର୍ବାଚନ ଭୋଟିଂ ହୋଇଥିବା ବେଳେ ଧାମନଗର ନିର୍ବାଚନମଣ୍ଡଳୀର 252 ଟି ବୁଥରେ ମତଦାନ ହେବ। ୬ ତାରିଖରେ ଗଣତି ହୋଇ ଫଳାଫଳ ପ୍ରକାଶ ପାଇବ। ତେବେ ନଭେମ୍ବର 8 ତାରିଖ ସୁଦ୍ଧା ଉପନିର୍ବାଚନ ପ୍ରକ୍ରିୟା ସାରିବା ପାଇଁ ନିର୍ବାଚନ ଆୟୋଗଙ୍କ ଦ୍ଵାରା କାର୍ଯ୍ୟସୂଚୀ ନିର୍ଦ୍ଧାରଣ କରାଯାଇଛି। ଗତ ସେପ୍ଟେମ୍ୱର ୧୯ରେ ଧାମନଗର ବିଧାୟକ ବିଷ୍ଣୁ ସେଠିଙ୍କ ପରଲୋକ ହୋଇଥିଲା। ବିଷ୍ଣୁ ସେଠୀଙ୍କ ବିୟୋଗରେ ଖାଲି ପଡ଼ିଛି ଧାମନଗର ବିଧାନସଭା ଆସନ। ସପଟେ ନଭେମ୍ୱର ୩ରେ ଓଡ଼ିଶା ସମେତ ୬ଟି ରାଜ୍ୟର ୭ଟି ବିଧାନସଭା ଆସନରେ ଉପନିର୍ବାଚନ ହେବ। ଏସବୁ ଉପନିର୍ବାଚନ ପାଇଁ ୨୦୨୨ ଜାନୁଆରୀ ପହିଲା ସୁଦ୍ଧା ଭୋଟର ତାଲିକାରେ ନାଁ ଥିବା ଭୋଟର ଭୋଟ ଦେଇପାରିବେ।

ଦୀର୍ଘ ୧୦ ବର୍ଷ ଧରି ବିଜେପିର କେନ୍ଦ୍ରୀୟ ନିର୍ବାଚନ କମିଟିରେ ସଦସ୍ୟ ଥିଲେ। ହେଲେ ସଦ୍ୟ ଗଠିତ କେନ୍ଦ୍ରୀୟ ନିର୍ବାଚନ କମିଟିରେ ମିଳିନି ତାଙ୍କୁ ସ୍ଥାନ। ଓଡ଼ିଶା ବିଜେପିର ଆଦିବାସୀ ଚେହେରା ତଥା ସାଂସଦ ଜୁଏଲ ଓରାମଙ୍କୁ ସିଇସିରୁ ବାଦ୍ ଦେଲା ପରେ ଏହାକୁ ନେଇ ରାଜନୈତିକ ମହଲରେ ପୁଣି ଚର୍ଚ୍ଚାକୁ ଖୋରାକ ଯୋଗାଇଛି। ଜୁଏଲଙ୍କ ପକ୍ଷଛେଦନ କରାଯାଇଛି କି ବୋଲି ରାଜନୀତିକ ମହଲର ଦୃଷ୍ଟିଭଙ୍ଗୀ ଦେଖୁଛି।

ମୋଦି ମନ୍ତ୍ରିମଣ୍ଡଳରେ ସ୍ଥାନ ନ ପାଇ ମନସ୍ତାପରେ ଥିବା ଜୁଏଲ ଓରାମ ସପ୍ତାହକ ତଳେ ଧର୍ମେନ୍ଦ୍ରଙ୍କ ଉପସ୍ଥିତିରେ ନିଜ ମନର ଅନେକ କଥା ଓଗାଳିଥିଲେ। ରାଉରକେଲା ନିଟରେ ଆୟୋଜିତ ସମାବର୍ତ୍ତନ ଉତ୍ସବରେ ନିଜକୁ ବାଜିଗର ବୋଲି କହିଥିଲେ ଜୁଏଲ। ସତ ଓ ସିରିଅସ କଥା କହିଲେ ଭୋଟ ମିଳେନି। ବୁଦ୍ଧିଜୀବି ଓ ବେପାରୀଙ୍କ ଭିତରେ ତଫାତ୍ କୁ ଦର୍ଶାଇ କିଭଳି ସେ ହାରିବା ଲାଗି ନିର୍ବାଚନ ଲଢ଼ୁଥିଲେ ବୋଲି କଥାର ଅବତାରଣା କରିଥିଲେ।

କେନ୍ଦ୍ରମନ୍ତ୍ରୀ ଧର୍ମେନ୍ଦ୍ରଙ୍କ ପିତା ଦେବେନ୍ଦ୍ର ପ୍ରଧାନଙ୍କ ସହ ନିର୍ବାଚନ ପ୍ରଚାର ବେଳେ ସବୁଠି କେମିତି ଜିତିଲେ ମନ୍ତ୍ରୀ ହେବି କଥାର ଦୃଷ୍ଟାନ୍ତ ଦେଇଥିଲେ। ମୋଦି ମନ୍ତ୍ରିମଣ୍ଡଳରେ ସ୍ଥାନ ପାଇନଥିବା ଜୁଏଲ କାହିଁକି ସମାବର୍ତ୍ତନ ଉତ୍ସବରେ ପଲିଟିକାଲ ଥିଓରୀ ଓ ପ୍ରାକ୍ଟିକାଲକୁ ଅଧିକ ଫୋକସ କରିଥିଲେ, ତାହା ବୁଝିବା ଲୋକକୁ ବୁଝିବା ଆଉ ବାକି ନାହିଁ। ହେଲେ ଦୀର୍ଘ ୧୦ ବର୍ଷ ଧରି ବିଜେପି ଶୀର୍ଷ କମିଟିରେ ଥିବା ଜୁଏଲଙ୍କ ପୁଣି ପକ୍ଷଛେଦନ ହୋଇଛି। ସିଇସି ବା କେନ୍ଦ୍ରୀୟ ନିର୍ବାଚନ କମିଟିରୁ ତାଙ୍କୁ ବାଦ୍ ଦିଆଯାଇଛି। କିଛି ଦିନ ତଳେ କେନ୍ଦ୍ର ସ୍ୱରାଷ୍ଟ୍ର ମନ୍ତ୍ରୀ ଅମିତ ଶାହା ୨୪ ପାଇଁ ଓଡ଼ିଶା ନେତାଙ୍କ କାନରେ ରଣନୀତି ଫୁଙ୍କି ଯାଇଛନ୍ତି। ଓଡ଼ିଶାରେ ଏଥର ବିଜେପି କ୍ଷମତାକୁ ଆସିବ ବୋଲି ଦମ୍ଭୋକ୍ତି ଦେଖାଇଥିଲେ। ଦଳୀୟ କର୍ମକର୍ତ୍ତାଙ୍କ ଭିତରେ ନୂଆ ଉତ୍ସାହ ଉଦ୍ଦୀପନାରେ ବିଜେପି ପାର୍ଟି ଅଫିସ ଫାଟି ପଡ଼ିଥିଲା ଯେମିତି।

ଆଉ ଏତିକି ବେଳେ ଓଡ଼ିଆ ଭାବରେ ବିଜେପିର ଶୀର୍ଷ କମିଟିରୁ ଜୁଏଲଙ୍କୁ ବାଦ୍ ଦେବା ତାଙ୍କ ଅବନତି ବୋଲି କୁହାଯାଉଛି। ୨୦୧୪ରେ ଓଡ଼ିଶାରୁ ଏକମାତ୍ର ପଦ୍ମ ଫୁଟାଇଥିବା ଜୁଏଲଙ୍କ ଜିତାପଟ୍ଟ ଓ ମୋଦିଙ୍କ ପ୍ରଧାନମନ୍ତ୍ରୀ ଇନିଂସ ସମାନ ସମୟରେ ଆରମ୍ଭ ହୋଇଥିଲା। ହେଲେ ୧୦ ବର୍ଷ ପରେ ଜୁଏଲ ଆଜି ଏକୁଟିଆ। ଅବଶ୍ୟ ମନକୁ ବୁଝାଉଥିବେ, ସଂସଦୀୟ ବୋର୍ଡରେ ଧର୍ମେନ୍ଦ୍ର ବି ନାହାନ୍ତି।

• ପ୍ରଦୀପ ନାୟକଙ୍କ ରିପୋର୍ଟ

ନୂଆଦିଲ୍ଲୀ: ସୁପ୍ରିମକୋର୍ଟ ବୁଧବାର ଦିନ ଦିଲ୍ଲୀରେ ମୁନିସିପାଲ ନିର୍ବାଚନ କରାଇବାକୁ ନେଇ ରାଜ୍ୟ ନିର୍ବାଚନ କମିଶନରଙ୍କୁ ନୋଟିସ କରିଛନ୍ତି। ଆପ ପକ୍ଷରୁ ଦାୟର ଯାଚିକାରେ କୁହାଯାଇଥିଲା କି, ଦିଲ୍ଲୀରେ ମୁନିସିପାଲ ନିର୍ବାଚନକୁ କେନ୍ଦ୍ରର ହସ୍ତକ୍ଷେପ ବିନା ସ୍ବାଧୀନ, ସ୍ବଚ୍ଛ ଓ ତ୍ବରିତ କରାଇବାକୁ କୋର୍ଟ ରାଜ୍ୟ ନିର୍ବାଚନ କମିଶନରଙ୍କୁ ନୋଟିସ କରିବାକୁ କହିଥିଲେ।
ଜଷ୍ଟିସ ଏଏମ ଖନୱିଲକର କେନ୍ଦ୍ର ଓ ରାଜ୍ୟ ନିର୍ବାଚନ କମିଶନଙ୍କୁ ଆପର ଯାଚିକା ସମ୍ବନ୍ଧରେ ମତ ଲୋଡିବା ସହ ଆସନ୍ତା ଅଗଷ୍ଟ ୨୬ ତାରିଖକୁ ମାମଲା ଶୁଣାଣି କରିବାକୁ ସ୍ଥଗିତ ରଖିଛନ୍ତି। ବରିଷ୍ଠ ଓକିଲ ଅଭିଶେଖ ମନୁ ସିଙ୍ଘବି କୋର୍ଟଙ୍କ ନିକଟରେ ନିର୍ବାଚନକୁ ତୁରନ୍ତ କରିବାକୁ ଅନୁରୋଧ କରିଛନ୍ତି। ଦିଲ୍ଲୀ ଇଲେକ୍ସନ କମିଶନର ନିର୍ବାଚନକୁ ଅନିର୍ଦ୍ଦିଷ୍ଟ କାଳ ପାଇଁ ସ୍ଥଗିତ ରଖିବା ପରେଏହି ଯାଚିକା ମାର୍ଚ୍ଚରେ ଦାୟର ହୋଇଥିଲା । ଏହା ପୂର୍ବରୁ ଏଲଟି କହିଥିଲେ କି, କେନ୍ଦ୍ର ତ୍ରୁଟିପୂର୍ଣ୍ଣ ଦିଲ୍ଲୀ ମୁନସିପାଲ କର୍ପୋରେସନକୁ ନେଇ ନୂଆ ନୀତି ପ୍ରଣୟନ କରିବାକୁ ଯାଉଛି।

• ଶିଳା ରାୟଙ୍କ ରିପୋର୍ଟ

ମୁମ୍ବାଇ: ରାଷ୍ଟ୍ରପତି ନିର୍ବାଚନ ଆସନ୍ତା ୧୮ ତାରିଖରେ ହେବାକୁ ଥିବା ବେଳେ ଏହା ପୂର୍ବରୁ ଭଞ୍ଚିତ ବହୁଜନ ଅଘାଡି ପାର୍ଟିର ଜାତୀୟ ସଭାପତି ପ୍ରକାଶ ଆମ୍ବେଦକର ଶନିବାର ଦିନ ବିରୋଧୀ ପ୍ରାର୍ଥୀ ଜଶୱନ୍ତ ସିହ୍ନାଙ୍କୁ ଦୌଡରୁ ଓହରି ଯିବାକୁ ଅନୁରୋଧ କରିଛନ୍ତି। ସେ କହିଛନ୍ତି ବହୁ ଏସଟି ଓ ଏସଟି ସଦସ୍ୟ ବିଭିନ୍ନ ଦଳରେ ରହିଥିବାରୁ ସେମାନଙ୍କ ସମର୍ଥନ ଏନଡିଏ ପ୍ରାର୍ଥୀ ଦ୍ରୌପଦୀ ମୁର୍ମୁଙ୍କୁ ପ୍ରଦାନ କରୁଛନ୍ତି। କଂଗ୍ରେସ ନେତୃତ୍ବରେ ବିରୋଧୀ ମେଣ୍ଟ ଜସୱନ୍ତ ସିହ୍ନାଙ୍କୁ ରାଷ୍ଟ୍ରପତି ନିର୍ବାଚନରେ ପ୍ରାର୍ଥୀ କରିଛି। ସେପଟେ ଏନଡିଏ ପକ୍ଷରୁ ଦ୍ରୌପଦୀ ମୁର୍ମୁଙ୍କୁ ପ୍ରାର୍ଥୀ କରାଯାଇଛି।

ଦ୍ରୌପଦୀଙ୍କୁ ପ୍ରାର୍ଥୀ କରାଯିବା ପରେ ୟୁପିଏର ସହଯୋଗୀ ଦଳ ମଧ୍ୟରୁ ଅନେକ ଦ୍ରୌପଦୀ ଜଣେ ମହିଳା ଓ ଆଦିବାସୀ ସମ୍ପ୍ରଦାୟର ହୋଇଥିବାରୁ ତାଙ୍କୁ ସମର୍ଥନ କରିବାକୁ ଘୋଷଣା କରିଛନ୍ତି। ଏପରି କି କଂଗ୍ରେସ ଓ ଏନସିପି ସହ ମହାରାଷ୍ଟ୍ରରେ ମେଣ୍ଟ କରିଥିବା ଶିବସେନା ମେଣ୍ଟ ନିଷ୍ପତ୍ତିକୁ ଏଡାଇ ଦ୍ରୌପଦୀଙ୍କୁ ସମର୍ଥନ କରୁଛନ୍ତୁ। ସେହିପରି ସମାଜବାଦୀ ପାର୍ଟି, ଆରଜେଡି, ଜେଏମଏମ ଆଦି ଦଳ ମଧ୍ୟ ୟୁପିଏ ପ୍ରାର୍ଥୀଙ୍କ ବଦଳରେ ଦ୍ରୌପଦୀଙ୍କୁ ସମର୍ଥନ କରୁଛନ୍ତି। ଏପରି ସମୟରେ ଜଶବନ୍ତ ସିହ୍ନାଙ୍କୁ ରାଷ୍ଟ୍ରପତି ଦୌଡରୁ ଓହରି ଯିବାକୁ ଅନୁରୋଧ କରିଛନ୍ତି ପ୍ରକାଶ ଆମ୍ବେଦକର।

• ଶିଳା ରାୟଙ୍କ ରିପୋର୍ଟ