FORMER PM

ଆଜି ପୂର୍ବତନ ପ୍ରଧାନମନ୍ତ୍ରୀ ସ୍ୱର୍ଗତଃ ଅଟଳ ବିହାରୀ ବାଜପେୟୀଙ୍କ ୪ର୍ଥ ତମ ଶ୍ରାଦ୍ଧ ବାର୍ଷିକୀ। ଏନେଇ ଦିଲ୍ଲୀ ସ୍ଥିତ ତାଙ୍କ ସମାଧୀ ପୀଠ ସଦୈବ ଅଟଳଠାରେ ତାଙ୍କୁ ଶ୍ରଦ୍ଧାଞ୍ଜଳି ଦିଆଯାଇଛି। ରାଷ୍ଟ୍ରପତି ଦ୍ରୌପଦୀ ମୁର୍ମୁ, ପ୍ରଧାନମନ୍ତ୍ରୀ ନରେନ୍ଦ୍ର ମୋଦି, ଉପରାଷ୍ଟ୍ରପତି ଜଗଦୀପ ଧନଖଡ ତାଙ୍କୁ ଶ୍ରଦ୍ଧାଞ୍ଜଳି ଜଣାଇଛନ୍ତି। ଏହାସହ ଜେପି ନଡ୍ଡା, ରାଜନାଥ ସିଂଙ୍କ ସମେତ ବହୁ ବରିଷ୍ଠ ବ୍ୟକ୍ତି ଶ୍ରଦ୍ଧାସୁମନ ଜ୍ଞାପନ କରିଥିବା ଜଣାପଡିଛି। ଏମାନଙ୍କ ବ୍ୟତୀତ ବାଜପେୟୀଙ୍କ ପୋଷ୍ୟା କନ୍ୟା ନମିତା ବାଜପେୟୀ ଏବଂ ଜ୍ୱାଇଁ ରଞ୍ଜନ ଭଟ୍ଟାଚାର୍ଯ୍ୟ ମଧ୍ୟ ଉପସ୍ଥିତ ରହି ଶ୍ରଦ୍ଧାଞ୍ଜଳି ଜଣାଇଛନ୍ତି। ଆଜିର ଦିନ ଅର୍ଥାତ ୨୦୧୮ ମସିହା ଅଗଷ୍ଟ ୧୬ରେ ୯୩ ବର୍ଷ ବୟସରେ ତାଙ୍କର ଦେହାନ୍ତ ହୋଇଥିଲା। ୧୯୨୪ ମସିହା ଡିସେମ୍ୱର ୨୫ରେ ମଧ୍ୟପ୍ରଦେଶ ଗ୍ୱାଲିୟରରେ ଜନ୍ମଗ୍ରହଣ କରିଥିଲେ ବାଜପେୟୀ। ୨୦୧୫ ମସିହାରେ ଭାରତର ସର୍ବୋଚ୍ଚ ନାଗରିକ ସମ୍ମାନ ଭାରତ ରତ୍ନ ପ୍ରଦାନ କରାଯାଇଥିଲା।

୧୯୯୬ ମସିହାରୁ ୨୦୦୪ ମଧ୍ୟରେ ସେ ତିନିଥର ଭାରତର ପ୍ରଧାନମନ୍ତ୍ରୀ ହୋଇଥିବା ବେଳେ ଜଣେ ହିନ୍ଦୀ କବି, ସାମ୍ୱାଦିକ ଏବଂ ଜଣେ ଦକ୍ଷ ବକ୍ତା ଭାବେ ଜଣାଶୁଣା ଥିଲେ। ସେ ଏଭଳି ଜଣେ ନେତା ଥିଲେ ଯିଏ ୪ଟି ରାଜ୍ୟ ଉତ୍ତରପ୍ରଦେଶ, ଗୁଜୁରାଟ, ମଧ୍ୟପ୍ରଦେଶ ଏବଂ ଦିଲ୍ଲୀରୁ ୬ଟି ଲୋକସଭା ଆସନରୁ ନିର୍ବାଚନ ଜିତିଥିଲେ। ୧୯୯୬ ମସିହାରେ ଏକ ସଭାରେ ଯୋଗଦେବାକୁ ଆମଲା ସୁଭାସ ଇଣ୍ଟର କଲେଜ ପରିସରକୁ ଆସିଥିଲେ ବାଜପେୟୀ। ସେଠାରେ ତାଙ୍କ ବକ୍ତବ୍ୟ ଶୁଣିବାକୁ ନାହଁନଥିବା ଭିଡ ଦେଖିବାକୁ ମିଳିଥିଲା।

• ସୌନ୍ଦର୍ଯ୍ୟା ମହାନ୍ତିଙ୍କ ରିପୋର୍ଟ

ଆଖି ବୁଜିଦେଲେ ଜାପାନର ଲୋକପ୍ରୀୟ ନେତା ତଥା ପୂର୍ବତନ ପ୍ରଧାନମନ୍ତ୍ରୀ ସିଞ୍ଜୋ ଆବେ। ଦୁର୍ବୁତଙ୍କ ଗୁଳି ମାଡର ଶିକାର ହେବା ପରେ ଚିକିତ୍ସାଧିନ ଅବସ୍ଥାରେ ତାଙ୍କ ମୃତ୍ୟ ଘଟିଛି । ଆସନ୍ତା ରବିବାର ହେବାକୁ ଥିବା ଜାପାନର ଉଚ୍ଚ ସଦନ ନିର୍ବାଚନ। ତାପୂର୍ବରୁ  ଶୁକ୍ରବାର ସକାଳ ୮ ଟା ସମୟରେ ନାରା ସହରରେ ଏକ ସାଧାରଣ ସଭା ଆୟୋଜିତ ହୋଇଥିଲା। ଏହି କାର୍ଯ୍ୟକ୍ରମରେ ଆବେ ଉଦବୋଧନ ଦେଉଥିବା ବେଳେ ଗୁଳିମାଡର ଶିକାର ହୋଇଥିଲେ ସିଞ୍ଜୋ ଆବେ । ର୍ଦୁବୁତ୍ତଙ୍କ ଗୁଳିର ଶିକାର ହେବା ପରେ ଆବେଙ୍କ ବେକରେ ଆଘାତ ଲାଗିଛି ଏବଂ ତାଙ୍କ ଛାତି ଭିତରେ ରକ୍ତସ୍ରାବ ହୋଇଥିଲା । ଗୁରୁତର ଅବସ୍ଥାରେ ଉଦ୍ଧାର କରାଯାଇ ତାଙ୍କୁ ଏୟାର ଆମ୍ୱୁଲାନ୍ସରେ ଟୋକିଓର ଏକ ହସ୍ପିଟାଲରେ ଭତ୍ତି କରାଯାଇଥିଲା । ଡାକ୍ତରଙ୍କ ସମସ୍ତ ପ୍ରଚେଷ୍ଟା ସତ୍ୱେ ଚିକିତ୍ସାଧିନ ଅବସ୍ଥାରେ ତାଙ୍କ ବିୟୋଗ ହୋଇଯାଇଛି । ସେପଟେ  ଘଟଣା ସ୍ଥଳରୁ ଜଣେ ୪୧ ବର୍ଷର ସନ୍ଦିଗ୍ଧଙ୍କୁ ଗିରଫ କରିଛି ପୁଲିସ । ସୂଚନା ଅନୁଯାୟୀ, ଆକ୍ରମଣକାରୀ ଜଣକ ସାମୁଦ୍ରିକ ଆତ୍ମରକ୍ଷା ବାହିନୀର ଜଣେ ସଦସ୍ୟ । ସେ ନାରା ସହରର ବାସିନ୍ଦା ହୋଇଥିବା ତାଙ୍କ  ନାମ ଟେଟସୁୟା ୟାମାଗାମି ବୋଲି ଜଣାପଡିଛି।  ତେବେ ଆବେଙ୍କ ଉପରେ କାହିଁକି ଗୁଳିମାଡ ହୋଇଛି, ତାହାର କାରଣ ଜଣାପଡି ନାହିଁ। ସିଞ୍ଜୋ ଆବେ ଜାପାନର ଜଣେ ବିଶିଷ୍ଠ  ଲୋକପ୍ରୀୟ ନେତା ଥିଲେ । ଗତ  ୨୦୦୬-୨୦୦୭ ଏବଂ ୨୦୧୨-୨୦୨୦ ଯାଏଁ ଜାପାନର ପ୍ରଧାନମନ୍ତ୍ରୀ ଥିଲେ। ଜାପାନରେ ସବୁଠାରୁ ଅଧିକ ଦିନ ପ୍ରଧାନମନ୍ତ୍ରୀ ଭାବେ ସେ ଦାୟୀତ୍ୱ ତୁଲାଇଛନ୍ତି। ତାଙ୍କ ବିୟୋଗରେ ଜାପାନରେ ଶୋକର ଛାୟା ଖେଲିଯାଇଛି  ପ୍ରଧାନମନ୍ତ୍ରୀ ଫୁମିଓ କିଶିଦା ଟ୍ୱୁଟ କରି ଏହି ଆକ୍ରମଣକୁ ନିନ୍ଦା କରିବା ସହ ଗଣତନ୍ତ୍ରରେ ଏଭଳି ହିଂସାର କୌଣସି ସ୍ଥାନ ନାହିଁ ବୋଲି କହିଛନ୍ତି। ସେପଟେ ଭାରତରେ ମଧ୍ୟ ସିଞ୍ଜୋଙ୍କ ଉପରେ ହୋଇଥିବା ଆକ୍ରମଣଙ୍କୁ ନେଇ ଶୋକ ପ୍ରକାଶ ପାଇଛି । ପୂର୍ବତନ ପ୍ରଧାନମନ୍ତ୍ରୀ ତଥା କଂଗ୍ରେସ ନେତା ଡ. ମନମୋହନ ସିଂ ଦୁଃଖ ପ୍ରକାଶ କରି ଟ୍ୱିଟ କରି କହିଛନ୍ତି ”ମୋର ବନ୍ଧୁ ପୂର୍ବତନ ପ୍ରଧାନମନ୍ତ୍ରୀ ଆବେଙ୍କ ଉପରେ ହୋଇଥିବା ଆକ୍ରମଣରେ ମୁଁ ଅତ୍ୟନ୍ତ ଚକିତ। ମୋର ପ୍ରାର୍ଥନା ତାଙ୍କ ସହ ଏବଂ ତାଙ୍କ ପରିବାରର୍ଗଙ୍କ ସହ ଅଛି। ସେପଟେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ମଧ୍ୟ ଟ୍ୱିଟ କରି ସିଞ୍ଜୋ ଆବେଙ୍କ ଉପରେ ହୋଇଥିବା ଆକ୍ରମଣକୁ ନିନ୍ଦା କରି ନରେନ୍ଦ୍ର ମୋଦି କହିଛନ୍ତି ଯେ, ମୋର ପ୍ରିୟ ବନ୍ଧୁ ସିଞ୍ଜୋ ଆବେଙ୍କ ଉପରେ ହୋଇଥିବା ଆକ୍ରମଣରେ ଦୁଃଖ ପ୍ରକାଶ କରିଛନ୍ତି ପିଏମ ମୋଦୀ।

• ଶୁଭଲକ୍ଷ୍ନୀ ସାହୁଙ୍କ ରିପୋର୍ଟ