Games

କମନୱେଲଥ ଗେମ୍ସ ୨୦୨୨ ର ତୃତୀୟ ଦିନରେ ଭାରତ ଦୁଇଟି ସ୍ୱର୍ଣ୍ଣ ପଦକ ଜିତିଛି। ଏହା ସହ ବର୍ତ୍ତମାନ କମନୱେଲଥ ଗେମନ୍ସରେ ଭାରତକୁ ୬ଟି ପଦକ ମିଳିସାରିଛି। ବିଶେଷ କଥା ହେଉଛି ଯେ, ବର୍ତ୍ତମାନ ସୁଦ୍ଧା ଭାରତକୁ ସମସ୍ତ ୬ଟି ପଦକ ଭାରୋତ୍ତୋଳନକାରୀଙ୍କ ଦ୍ୱାରା ପ୍ରାପ୍ତ ହୋଇଛି। ତେବେ ରବିବାର ହୋଇଥିବା ଭାରୋତ୍ତୋଳନ କ୍ରିଡା ବ୍ୟତୀତ ଅନ୍ୟ କ୍ରିଡାରେ ଭାରତର ପ୍ରଦର୍ଶନ ପ୍ରଶଂସନୀୟ ଥିଲା।

କମନୱେଲଥ ଗେମ୍ସରେ ଭାରତକୁ ସ୍ୱର୍ଣ୍ଣର ସଫଳତା। କମନୱେଲଥ ଗେମ୍ସରେ ୨୦୨୨ର ତୃତୀୟ ଦିନରେ ଭାରତର ପ୍ରଦର୍ଶନ ବହୁତ ଆର୍କଷଣୀୟ ରହିଥିଲା। ଏହି କ୍ରିଡାରେ ଭାରତୀୟ ଭାରୋତ୍ତୋଳନ ପ୍ରତିଯୋଗୀଙ୍କ ସ୍ୱର୍ଣ୍ଣିମ ସଫଳତା ଜାରିରହିଛି। ରବିବାର ଭାରୋତ୍ତୋଳନରେ ଭାରତକୁ ଆହୁରି ଦୁଇଟି ସ୍ୱର୍ଣ୍ଣ ପଦକ ମିଳିଛି। ତେବେ ଜରେମି ଲାଲରିନ୍ନୁଙ୍ଗା  ଓ ଅଚିନ୍ତ ଶିଉଲି ଏହି ୨ଟି ସ୍ୱର୍ଣ୍ଣ ପଦକ ଜିତିଛନ୍ତି। ଜରେମି ଲାଲରିନ୍ନୁଙ୍ଗାଙ୍କୁ ମାତ୍ର ୧୯ ବର୍ଷ ହୋଇଥିବା ବେଳେ ସେ ୬୭ କିଗ୍ରା ଭାରୋତ୍ତୋଳନ କରି ପୁରୁଷ ବର୍ଗରେ ରାଜ୍ୟଗୋଷ୍ଠି କୀର୍ତ୍ତିମାନ ସହ ସ୍ୱର୍ଣ୍ଣ ପଦକ ହାସଲ କରିଛନ୍ତି। ଫାଇନାଲରେ ଜରେମି  ମୋଟ ୩୦୦ କିଗ୍ରା ଭାରୋତ୍ତୋଳନ  କରିଥିଲେ। ସେହିପରି ଅଚିନ୍ତ ଶିଉଳି ପୁରୁଷ ୭୩ କିଗ୍ରା ବର୍ଗରେ ସ୍ୱର୍ଣ୍ଣପଦକ ଜିତିଛନ୍ତି। ସେ ମୋଟ ୩୧୩ କିଗ୍ରା ଭାର ଉଠାଇଥିଲେ।

• ଶୁଭଲକ୍ଷ୍ମୀ ସାହୁଙ୍କ ରିପୋର୍ଟ

ରାଜ୍ୟଗୋଷ୍ଠୀ କ୍ରୀଡାରୁ ବାଦ ପଡିଛନ୍ତି ଜାଭେଲିନ ଆଥଲେଟ ନୀରଜ ଚୋପ୍ରା। ବିଶ୍ୱ ଆଥଲେଟିକ୍ସ ଚାମ୍ପିଅନସିପ ଫାଇନାଲରେ ନୀରଜ ଆହତ ହୋଇଥିଲେ। ଏହି ଆହତ କାରଣରୁ ବର୍ମିହୋମରେ ଅନୁଷ୍ଠିତ ହେବାକୁ ଥିବା ରାଜ୍ୟଗୋଷ୍ଠୀ କ୍ରୀଡା ଖେଳିବେ ନାହିଁ। ଏନେଇ ଭାରତୀୟ ଅଲିମ୍ପିକ୍ସ ଆସୋସିଏସନର ସାଧାରଣ ସମ୍ପାଦକ ରାଜୀବ ମେହେଟ୍ଟା ସୂଚନା ଦେଇଛନ୍ତି।

ଟୋକିଓ ଅଲିମ୍ପିକ୍ସରେ ସ୍ୱର୍ଣ୍ଣ ପଦକ ଜିତିବା ସହ ଭାରତକୁ ଗର୍ବିତ କରିଥିଲେ ନୀରଜ। ଏହସହ ଓ୍ୱାର୍ଲ୍ଡ ଆଥଲେଟିକ୍ସରେ ରୌପ୍ୟ ପଦକ ଜିତିଥିଲେ। ୮୮.୧୩ ମିଟର ଦୂରତାକୁ ଜାଭେଲିନ ଫିଙ୍ଗି ରୌପ୍ୟ ଜିତିଥିଲେ। ଏହି ସମୟରେ ତାଙ୍କର ଜଙ୍ଘରେ ଆହତ ହୋଇଥିଲା। ତାଙ୍କୁ ୨୦ ଦିନ ବିଶ୍ରାମ ନେବାକୁ ଡାକ୍ତର ପରାମର୍ଶ ଦେଇଚନ୍ତି। ସେପଟେ ରାଜ୍ୟଗୋଷ୍ଠୀ କ୍ରୀଡାରେ ମଧ୍ୟ ନୀରଜ ସ୍ୱର୍ଣ୍ଣ ପଦକ ଜିତିବେ ବୋଲି ସମସ୍ତଙ୍କର ଆଶା ରହିଥିଲା। ହେଲେ ସେ ଆହତ ହେବା କାରଣରୁ ଦେଶବାସୀଙ୍କୁ ନିରାଶ ହେବାକୁ ପଡିଛି।

• ସୌନ୍ଦର୍ଯ୍ୟା ମହାନ୍ତିଙ୍କ ରିପୋର୍ଟ