ନୂଆଦିଲ୍ଲୀ: ଗୁରୁବାର ଦିନ ସୁପ୍ରିମକୋର୍ଟ ଜ୍ଞାନବାପି ମସଜିଦ ମାମଲାରେ ଅଞ୍ଜୁମନ ଇନ୍ତେଜେମିଆ ମସଜିଦର ଯାଚିକାକୁ ଅଗଷ୍ଟ ପ୍ରଥମ ସପ୍ତାହ ପର୍ଯ୍ୟନ୍ତ ସ୍ଥଗିତ ରଖିଛନ୍ତି। କୋର୍ଟ କହିଛନ୍ତି ମାମଲାରେ ବାରାଣସି ଜିଲ୍ଲା କୋର୍ଟରୁ ରାୟ ପ୍ରକାଶ ପାଇନାହିଁ। ରାୟ ପାଇଁ ଅପେକ୍ଷା କରାଯାଉଛି। ତେଣୁ ଏହି ମାମଲାକୁ ଅକ୍ଟୋବର ପ୍ରଥମ ସପ୍ତାହରେ ଶୁଣାଣି କରିବାକୁ ସୁପ୍ରିମକୋର୍ଟ ଜଣାଇଛନ୍ତି।
ସୂଚନା ଅନୁଯାୟୀ, ମସଜିଦ କମିଟିର ସ୍ବତନ୍ତ୍ର ଲିଭ ପିଟିସନକୁ ବର୍ତ୍ତମାନ ପାଇଁ ସ୍ଥଗିତ ରଖାଯିବା ସହ ଅକ୍ଟୋବର ପ୍ରଥମ ସପ୍ତାହରେ ଶୁଣାଣି କରାଯିବ। ଏଥିସହ ସର୍ଭେ କାଳରେ ଶିବ ଲିଙ୍କକୁ ପୂଜା କରିବାକୁ ଦେଇଥିବା ଅଧିକାର ଉପରେ ହୋଇଥିବା ଯାଚିକାର ଶୁଣାଣି କରିବାକୁ କିନ୍ତୁ ମନା କରି ଦେଇଛନ୍ତି ସର୍ବୋଚ୍ଚ କୋର୍ଟ। ଶୁଣାଣି କାଳରେ ବିଚାରପତି ଜଷ୍ଟିସ ଚନ୍ଦ୍ରଚୂଡଙ୍କ କୋର୍ଟରେ ଓକିଲ ହୁଜେଫା ଅହମ୍ମଦି କହିଥିଲେ ନିୟମ ବିରୋଧରେ ମସଜିଦ ଭିତରେ ସର୍ଭେ କାର୍ଯ୍ୟ ହୋଇଥିଲା।