GANGRAPE

ପାରାଦୀପ: ବନ୍ଦର ନଗରୀ ପାରାଦୀପରେ ଲଜ୍ଜା। ଆସିଲେ ଅଟକାଇଲେ, କାରରେ ଉଠାଇ ନେଇ ନେହେରୁବଙ୍ଗଳାରେ କଲେ ଗଣ ଦୁଷ୍କର୍ମ। ଆଉ ବିଡମ୍ବନାର ବିଷୟ, ଗଣ ଦୁଷ୍କର୍ମର ଶିକାର ହୋଇଛନ୍ତି ଜଣେ ଆଶା ଦିଦି। 

ଗତକାଲି ରାତ୍ରିରେ ଏଭଳି ଲଜ୍ଜାକର  ଘଟଣା ଘଟିଛି ବନ୍ଦର ନଗରୀ ପାରାଦୀପରେ। ନୂଆବଜାରରୁ କାମ ସାରି ନିଜ ଘର ସଣ୍ଡକୁଦକୁ ସାଇକେଲ ଯୋଗେ ଫେରୁଥିଲେ ଆଶା ଦିଦି। କିନ୍ତୁ ଘରେ ପହଞ୍ଚିବା ଆଗରୁ ଅଧ ରାସ୍ତାରେ ଏମ୍ପୋରିୟସ ହୋଟେଲ ନିକଟରେ ତାଙ୍କୁ ୪ ଦୁର୍ବୃତ୍ତ ଅଟକାଇଥିଲେ। ସେ କିଛି ଭାବିବା ବୁଝିବା ଆଗରୁ ଦୁର୍ବୃତ୍ତମାନେ ତାଙ୍କୁ ଉଠାଇନେଲେ ନାଲି ରଙ୍ଗର ଏକ କାରରେ। ସେଠାରୁ ନେହେରୁ ବଙ୍ଗଳା ନେଇ ସେଠାରେ ଜଣକ ପରେ ଜଣେ ତାଙ୍କ ସହ ଦୁଷ୍କର୍ମ କରି ନିଜ ବିକୃତ ମନସାଦ ମେଣ୍ଟାଇଥିଲେ।

ପୀଡିତା ଆଶା ଦିଦି ଘରେ ଏସମ୍ପର୍କରେ ଜଣାଇବା ପରେ ଥାନାରେ ଏକ ଅଭିଯୋଗ ହୋଇଛି। ଅଭିଯୋଗ ଆଧାରରେ ପୋଲିସ ଘଟଣାର ତଦନ୍ତ ଆରମ୍ଭ କରି ଜଣଙ୍କୁ ଅଟକ ରଖିଥିବା ବେଳେ ପୀଡିତାଙ୍କ ଡାକ୍ତରୀମାଇନା କରାଯାଇଛି। ଘଟଣାର ଅଧିକ ତଦନ୍ତ କରିବା ପାଇଁ ସନ୍ଧାନୀ କୁକୁର ଓ ସାଇଣ୍ଟିଫିକ୍ ଟିମର ମଧ୍ୟ ସହାୟତା ନିଆଯାଇଛି। ଅନ୍ୟ ତିନିଜଣ ଅଭିଯୁକ୍ତ ଫେରାର ହୋଇଥିବା ଜଣାପଡିଛି।

ମୁମ୍ୱାଇ: ଦିନକୁ ଦିନ ଅପରାଧ ସୀମା ଲଙ୍ଘିବାରେ ଲାଗିଛି। ଦେଶରେ ହତ୍ୟା ଠାରୁ ଆରମ୍ଭ କରି ଶୋଷଣ, ବଳାତ୍କାର ଏବଂ ଗଣଦୁଷ୍କର୍ମ ପରି ସାଙ୍ଘାତିକ ଅପରାଧ ବୃଦ୍ଧି ପାଉଛି। ନିତିଦିନି ବିଭିନ୍ନ ସ୍ଥାନରୁ ଏଭଳି ଘଟଣା ସାମ୍ନାକୁ ଆସିବା ଯେମିତି ଏକ ସ୍ୱାଭାବିକ କଥା ପାଲଟି ଯାଇଛି। ଯଦିଓ ଏହାକୁ ରୋକିବା ପାଇଁ ସରକାର ଓ ପୋଲିସ ପ୍ରଶାସନ ସମସ୍ତ ପ୍ରକାର ଉଦ୍ୟମ କରିଥାନ୍ତି, କିନ୍ତୁ ସମାଜରେ ଥିବା ଅପରାଧୀ ସେମାନଙ୍କ ଯୋଜନାରେ ସଫଳ ହୋଇଚାଲିଛନ୍ତି। ଏହାରି ମଧ୍ୟରେ ମହାରାଷ୍ଟ୍ରରୁ ଏକ ଲଜ୍ଜ୍ୟାଜନକ ଘଟଣା ସାମ୍ନାକୁ ଆସିଛି। ଜଣେ ନାବାଳିକାଙ୍କ ସହ ଗଣଦୁଷ୍କର୍ମ ମାମଲା ସାମ୍ନାକୁ ଆସିଛି। ୧୧ ବର୍ଷର ନାବାଳିକା ସହ ଗଣଦୁଷ୍କର୍ମ। ମହାରାଷ୍ଟ୍ର ନାଗପୁର ସହରରେ ଜଣେ ୧୧ ବର୍ଷର ବାଳିକାକୁ ୯ ଜଣ ଗଣଦୁଷ୍କର୍ମ କରିଥିବା ଅଭିଯୋଗ ହୋଇଛି। ଗୁରୁବାର ଦିନ ଅଭିଯୁକ୍ତମାନଙ୍କୁ ଗିରଫ କରାଯାଇଛି ବୋଲି ପୋଲିସ ସୂଚନା ଦେଇଛି।

 ପୋଲିସ ଦେଇଥିବା ସୂଚନା ଅନୁଯାୟୀ, ନାବାଳିକାଙ୍କୁ ଏକ ମାସ ମଧ୍ୟରେ ଅନେକ ଥର ଗଣଦୁଷ୍କର୍ମ କରାଯାଇଛି। ଏହି ଘଟଣାରେ ପୋଲିସ ୯ଜଣ ଅଭିଯୁକ୍ତଙ୍କୁ ଗିରଫ କରିଛି। ନାଗପୁର ସହରଠାରୁ ୬୦ କିଲୋମିଟର ଦୂରରେ ଥିବା ଏକ ସହରରେ ଏହି ଘଟଣା ଘଟିଛି। ନାବାଳିକାକୁ ଜୁନ୍ ୧୯ ରୁ ଜୁଲାଇ ୧୫ ମଧ୍ୟରେ ଅନେକ ଥର ବଳତ୍କାର କରାଯାଇଥିଲା। ଏହି ଘଟଣାରେ ପୋଲିସ ପ୍ରେମଦାସ ଗଠିବନ୍ଦେ (୩୮), ଗୋବିନ୍ଦା ନାଥ (୨୨), ରୋଶନ କରଗାଁୱକର (୨୯), ପ୍ରଦ୍ୟୁମ୍ନ କରୁତକର (୨୨), ନିଖିଲ ନରୁଲେ (୨୪), ରାକେଶ ମହାକାଲକର (୨୪), ଗଜାନନ୍  ମୁରସ୍କର (୪୦), ସୌରଭ ରିଠେ (୨୨) ନୀତେଶ ଫୁକତା (୩୦) ଏହି ଅବିଯୁକ୍ତମାନଙ୍କୁ ଗିରଫ କରିଛି।

ପୋଲିସ ସୂଚନା ଅନୁଯାୟୀ, ପୀଡିତାର ମାତା-ପିତା ଶ୍ରମିକ କାମ କରନ୍ତି। ଅଭିଯୁକ୍ତ ରୋସନ ନାବାଳିକାର ଘରକୁ  ସବୁବେଳେ ଯିବା ଆସିବା କରୁଥିଲା। ପୀଡିତାର ମା ବାପା କହିଛନ୍ତି ଯେ, ଜୁନ୍ ୧୯ରେ ରୋସନ ତାଙ୍କ ଝିଅକୁ ନେଇ କୁଆଡେ ପଳାଇ ଯାଇଥିଲା। ସେଠାରେ ରୋସନର ସାଙ୍ଗ ନୀତେଶ ନାବାଳିକାକୁ ବଳାତ୍କାର କରିଥିଲା। ଏହାପରେ ବାକି ଅଭିଯୁକ୍ତ ମାନେ ନାବାଳିକୁ ଗଣଦୁର୍ଷ୍କମ କରିଥିଲେ। ସମସ୍ତ ଅଭିଯୁକ୍ତଙ୍କ ବିରୋଧରେ ୩୭୬ (d), ୩୭୬ (୨), ୫୦୬ ଏବଂ ଆଇପିସିର ପୋସ୍କୋ ଆକ୍ଟ ଅନୁଯାୟୀ ମାମଲା ରୁଜୁ ହୋଇଛି।

• ଶୁଭଲକ୍ଷ୍ମୀ ସାହୁଙ୍କ ରିପୋର୍ଟ