hijab

  • ହିଜାବକୁ ସମର୍ଥନ କରି ଗିରଫ ଓସ୍କାର ବିଜୟିନୀ ଅଭିନେତ୍ରୀ

    ତେହରାନ: ହିଜାବ ବିରୋଧୀ ପ୍ରଦର୍ଶନ ଇରାନ୍‌ରେ ଥମିବାର ନାମ ନେଉନାହିଁ। ସରକାରଙ୍କ ହିଜାବ ଓ ଡ୍ରେସ୍ କୋଡକୁ ବିରୋଧ କରି ରାସ୍ତାକୁ ଓହ୍ଲାଇଛନ୍ତି ହଜାର ହଜାର ଲୋକେ । ସେପଟେ ସରକାର ମଧ୍ୟ ନିଜ ଆଭିମୁଖ୍ୟରୁ ବାଦ ପଡୁନାହାନ୍ତି।  ଏହି ବିକ୍ଷୋଭ ପ୍ରଦର୍ଶନକୁ ଇରାନର ଜଣେ ଓସ୍କାର ବିଜୟୀ ଅଭିନେତ୍ରୀ ସମର୍ଥନ କରି ଅଡୁଆରେ। ହିଜାବ୍ ବିରୋଧୀ ପ୍ରତିବାଦ ସମ୍ପର୍କରେ ମିଥ୍ୟା ପ୍ରଚାର ଅଭିଯୋଗରେ ଇରାନ୍‌ର ସବୁଠୁ ପ୍ରସିଦ୍ଧ ଅଭିନେତ୍ରୀ ତାରାନେହ ଅଲିଦୁସ୍ତିଙ୍କୁ ଗିରଫ କରାଯାଇଛି।

    ରିପୋର୍ଟ ମୁତାବକ, ୩୮ ବର୍ଷୀୟା ତାରାନେହ ଅଲିଦୁସ୍ତିଙ୍କୁ ମିଛ ଓ ବିକୃତ ସାମଗ୍ରୀ ପ୍ରକାଶିତ କରିବା ଓ ଅରାଜକତାକୁ ଉସ୍‌କାଇବା ଅଭିଯୋଗରେ ଗିରଫ କରାଯାଇଛି। ଅତୀତରେ ଦେଶବ୍ୟାପୀ ପ୍ରତିବାଦ ଚାଲିଥିବା ବେଳେ ମୁଣ୍ଡକାଟ କରାଯାଇଥିବା ପ୍ରଥମ ବ୍ୟକ୍ତିଙ୍କୁ ‘ଇନ୍‌ଷ୍ଟାଗ୍ରାମ୍‌’ରେ ସମର୍ଥନ ଜଣାଇ ଥିଲେ। ‘ଇନ୍‌ଷ୍ଟା’ ଆକାଉଣ୍ଟ୍‌ରେ ସେୟାର୍ ହୋଇଥିବା ଫଟୋରେ ଉଲ୍ଲେଖ ଥିଲା, ଆପଣମାନଙ୍କ ନିରବତା ଅର୍ଥ ଅତ୍ୟାଚାର ଓ ଅତ୍ୟାଚାରୀକୁ ସମର୍ଥନ କରିବା। ପୋଷ୍ଟର ଏକ ସପ୍ତାହ ପରେ ତାରାନେହଙ୍କୁ ଅଟକ ରଖାଯାଇଥିଲା। ଏହାପରେ ଶନିବାର ତାଙ୍କୁ ଗିରଫ କରାଯାଇଛି।

    ଉଲ୍ଲେଖଯୋଗ୍ୟ, ୨୦୧୬ରେ ଫିଲ୍ମ ଦ ସେଲ୍ସମ୍ୟାନ୍ ପାଇଁ ଅଲିଦୁସ୍ତିଙ୍କୁ ଓସ୍କାର ପୁରସ୍କାର ମିଳିଥିଲା। ନିକଟରେ ସେ”Leila’s Brothers” ଫିଲ୍ମରେ ଅଭିନୟ କରିଥିଲେ। ଏହି ଫିଲ୍ମଟି ଚଳିତ ବର୍ଷ କାନ୍ ଫିଲ୍ମ ଫେଷ୍ଟିଭାଲରେ ପ୍ରଦର୍ଶିତ ହୋଇଥିଲା।

  • ହିଜାବ ମାମଲାରେ ଶୁଣାଣି କରିବେ ସର୍ବୋଚ୍ଚ ଅଦାଲତ

    ଆସନ୍ତା ସପ୍ତାହରେ ହିଜାବ ବିବାଦର ହେବ ଶୁଣାଣି। କର୍ଣ୍ଣାଟକ ଶିକ୍ଷାନୁଷ୍ଠାନରେ ହିଜାବ ପିନ୍ଧିବାକୁ ମାମଲାର ଶୁଣାଣି ଆସନ୍ତା ସପ୍ତାହରେ କରିବେ ବୋଲି କହିଛନ୍ତି ସୁପ୍ରିମକୋର୍ଟ। ବହୁଚର୍ଚ୍ଚିତ ହିଜାବ ମାମଲା । ହିଜାବ ନିଷିଦ୍ଧ ନେଇ କର୍ଣାଟକ ହାଇକୋର୍ଟଙ୍କ ରାୟ ବିରୋଧରେ ଦାୟର ପିଟସନ ଶୁଣାଣି ଲାଗି ସହମତି ପ୍ରକାଶ କରିଛନ୍ତି ସୁପ୍ରିମକୋର୍ଟ । ଆସନ୍ତା ସପ୍ତାହରେ ମାମଲା ର ଶୁଣାଣୀ ସର୍ବୋଚ୍ଚ ଅଦାଲତରେ ହେବ। ଗତ ମାର୍ଚ୍ଚ ୧୫ ରେ କର୍ଣାଟକ ହୋଇକୋର୍ଟ ଦର୍ଶାଇଥିଲେ ଇସଲାମ ଧର୍ମରେ ହିଜାବ ଅନିବାର୍ଯ୍ୟ୍ ନୁହେଁ ।

    ପ୍ରଧାନ ବିଚାରପତି ଏନଭି ରମଣାଙ୍କୁ ନେଇ ଗଠିତ ଖଣ୍ଡପୀଠ ଏହି ମାମଲାର ଶୁଣାଣୀ ଲାଗି ସହମତି ପ୍ରକାଶ କରିଛନ୍ତି lବୁଧବାର ଦିନ ବିଚାରପତି ଏନଭି ରମନା ଏବଂ କୃଷ୍ଣ ମୁରାରୀଙ୍କ ଖଣ୍ଡପୀଠ ଓକିଲ ଦେଇଥିବା ଦସ୍ତାବିଜ ଉପରେ କହିଛନ୍ତି। ତେବେ ଏହାକୁ ନେଇ ଛାତ୍ରଛାତ୍ରୀଙ୍କ ପାଠପଢା ନଷ୍ଟ ହେଉଥିବା ଦର୍ଶାଇ ତୁରନ୍ତ ବିଚାର କରିବାକୁ କୋର୍ଟଙ୍କୁ ନିବେଦନ କରିଛନ୍ତି ଆବେଦନକାରୀଙ୍କ ଓକିଲ ପ୍ରଶାନ୍ତ ଭୂଷଣ। ମାମଲାର ଯାଚିକା ଗତ ମାର୍ଚ୍ଚ ୧୫ରେ ଦାଖଲ ହୋଇଥିଲା ବେଳେ କିନ୍ତୁ ବହୁ ସମୟ ବିତି ଯାଇଥିଲେ ମଧ୍ୟ ଶୁଣାଣି ହୋଇନାହିଁ। ଏନେଇ ଆସନ୍ତା ସପ୍ତାହରେ ଶୁଣାଣି କରିବା ପାଇଁ ଅନୁରୋଧ କରାଯାଇଛି।

    • ସ୍ମରଜିତ୍ ଆର୍ଯ୍ୟ ଏବଂ ସୌନ୍ଦର୍ଯ୍ୟା ମହାନ୍ତିଙ୍କ ରିପୋର୍ଟ
Back to top button