HOME MINISTRY

  • ୨୦ କୋଟି ଘର ଉପରେ ଉଡିବ ଜାତୀୟ ପତାକା

    ଦେଶର ୨୦ କୋଟି ଘର ଉପରେ ଉଡିବା ଜାତୀୟ ପତାକା । ୭୫ ତମ ସ୍ୱାଧୀନତା ଦିବସ ଅବସରରେ ଏଭଳି ଯୋଜନା କରିଛନ୍ତି ଭାରତ ସରକାର । “ହର ଘର ତିରଙ୍ଗା” କାର୍ଯ୍ୟକ୍ରମ ଅଧୀନରେ ଆସନ୍ତା ଅଗଷ୍ଟ ୧୩ ତାରିଖରୁ ୧୫ ତାରିଖ, ତିନି ଦିନ ଧରି ୨୦ କୋଟି ଘରେ ତିରଙ୍ଗା ପତାକା ଉଢାଇବାକୁ ଟାର୍ଗେଟ ନିଆଯାଇଛି । ଗୃହ ମନ୍ତ୍ରୀ ଅମିତ ଶାହା ରାଜ୍ୟ ଏବଂ କେନ୍ଦ୍ର ଶାସିତ ଅଞ୍ଚଳର ମୁଖ୍ୟମନ୍ତ୍ରୀ ମାନଙ୍କ ସହ ଏନେଇ ଆଲୋଚନା କରିଛନ୍ତି । ଏହି କାର୍ଯ୍ୟକ୍ରମକୁ ସଫଳ କରିବା ପାଇଁ ରାଜ୍ୟ ମାନଙ୍କୁ କୁହାଯାଇଛି ।

    ପ୍ରଥମ ଥର ପାଇଁ ଲୋକ ମାନଙ୍କ ମନରେ ଦେଶପ୍ରେମ ବଢାଇବା ପାଇଁ ଏଭଳି ଯୋଜନା କରାଯାଇଥିବା କହିଛନ୍ତି ଗୃହମନ୍ତ୍ରୀ ଅମିତ ଶାହା, ଏଥିସହ ଅଗଷ୍ଟ ୧୧ ରୁ ୧୪ ମଧ୍ୟ୍ୟରେ ସାକାଳୁ ସବୁ ଗାଁ ରେ ରାଜନୈତିକ ଦଳ ସରକାରୀ ଅଫିସ ଏବଂ ଏନଜିଓ ମାନଙ୍କୁ ନେଇ ପ୍ରଭାତ ଫେରୀ କରିବାକୁ କୁହାଯାଇଛି । ଗୃହମନ୍ତ୍ରୀ ସମସ୍ତ ସରକାରୀ ୱେବ୍‌ସାଇଟ ହୋମ୍ ପେଜରେ ଜୁଲାଇ ୨୨ ତାରିଖରୁ ତିରଙ୍ଗା ରଖିବାକୁ ନିର୍ଦ୍ଦେଶ ଦେଇଛନ୍ତି । ଏଥିସହ ସମସ୍ତ ନାଗରିକ ମାନଙ୍କୁ ସେମାନଙ୍କ ଫେସବୁକ ଟୁଇଟର ଇନଷ୍ଟାଗ୍ରାମ ଆକାଉଣ୍ଟରେ ତିରଙ୍ଗା ଫଟୋ ରଖିବାକୁ ଅନୁରୋଧ କରିଛନ୍ତି । ଆଜାଦୀ କା ଅମ୍ରିତ ମହୋତ୍ସବ ର ଏକଂ ଅଂଶ ଭାବେ ଏହି କାର୍ଯ୍ୟକ୍ରମ ହାତକୁ ନିଆଯାଇଥିବା ଗୃହମନ୍ତ୍ରୀ ସୁଚନା ଦେଇଛନ୍ତି ।

    • ସ୍ମରଜିତ୍ ଆର୍ଯ୍ୟଙ୍କ ରିପୋର୍ଟ
  • ଉଦୟପୁର ହତ୍ୟାର NIA ତଦନ୍ତ ପାଇଁ ଗୃହ ମନ୍ତ୍ରାଳୟର ନିର୍ଦେଶ

    ଉଦୟପୁର ହତ୍ୟାର NIA ତଦନ୍ତ ପାଇଁ ଗୃହ ମନ୍ତ୍ରାଳୟ ର ନିର୍ଦେଶ l ଏହି ମାମଲାକୁ ଦୃଷ୍ଟିରେ ରଖି ଉଦୟପୁରରେ 144 ଧାରା ଲାଗୁ କରାଯାଇଛି | ଆଇନ ଶୃଙ୍ଖଳା ବଜାୟ ରଖିବା ପାଇଁ, ଇଣ୍ଟରନେଟ୍ ସେବା ସମଗ୍ର ରାଜ୍ୟରେ 24 ଘଣ୍ଟା ପାଇଁ ସ୍ଥଗିତ ରଖାଯାଇଛି l ବିଜେପିର ନିଲମ୍ବିତ ସଦସ୍ୟ ନୁପୁର ଶର୍ମାଙ୍କ ବିବାଦୀୟ ମନ୍ତବ୍ୟ କୁ ନେଇ ହତ୍ୟା ହୋଇଥିବା ପ୍ରାଥମିକ ତଦନ୍ତରୁ ସୂଚନା l ତେବେ ସେହି କାରଣରୁ ଦୁଇ ଜଣ ବ୍ୟକ୍ତି ଅତି ନିର୍ମମ ଭାବରେ ଜଣେ ଦରଜିଙ୍କୁ ହତ୍ୟା କରିଛନ୍ତି | ସେମାନେ ଭିଡିଓ ଛାଡି ମୁଣ୍ଡ କାଟିବାର ଦାବି କରିଥିବାବେଳେ ସେମାନେ ପ୍ରଧାନମନ୍ତ୍ରୀ ମୋଦୀଙ୍କୁ ମଧ୍ୟ ଧମକ ଦେଇଥିଲେ l ପୋଲିସ ଦୁଇ ଅଭିଯୁକ୍ତଙ୍କୁ ଗିରଫ କରିଥିବାବେଳେ ପଚରାଉଚରା କରି ସେମାନଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି କହିଛି l ଏହାପରେ ଆଜି ଗୃହମନ୍ତ୍ରୀ ଅମିତ ଶାହା ଏହି ପ୍ରସଙ୍ଗରେ NIA ତଦନ୍ତ ପାଇଁ ନିର୍ଦେଶ ଦେଇଛନ୍ତି l

Back to top button