husband

  • ସଇତାନ ସ୍ବାମୀର ବର୍ବରକାଣ୍ଡ

    ମାଲକାନଗିରି: ସାମ୍ନାକୁ ଆସିଲା କିଡନୀ ଚୋରୀ ଘଟଣା । ଅର୍ଥ ଲାଳସାରେ ପ୍ରତାରଣା କରି ସ୍ତ୍ରୀର କିଡ୍ନୀ ବିକିଲା ସ୍ୱାମୀ । ସ୍ତ୍ରୀର ଅଜାଣତରେ ଘଟିଛି ଏପରି ଘଟଣା । ସ୍ତ୍ରୀର କିଡନୀ ବିକ୍ରି କଲା ବିଶ୍ବାସଘାତକ ସ୍ବାମୀ   ।  ସ୍ତ୍ରୀର ଅଜାଣତରେ ଭୁବନେଶ୍ବର କଳିଙ୍ଗ ହସ୍ପିଟାଲରେ ସ୍ବାମୀ କିଡନୀ ବିକ୍ରି  କରିଥିବା ଅଭିଯୋଗ ଆଣିଲେ ସ୍ତ୍ରୀ  ।

    ଏହି ଘଟଣା ହେଉଛି ମାଲକାନଗିରିର  ।  ମାଲକାନଗିରି ଜିଲ୍ଲା ମାଥିଲି ବ୍ଲକର କୋତାମେଟା ଗାଁର ପ୍ରଶାନ୍ତ କୁଣ୍ଡୁଙ୍କୁ ରଞ୍ଜିତା କୁଣ୍ଡୁ ୧୨ ବର୍ଷ ପୂର୍ବେ ପ୍ରେମ ବିବାହ କରିଥିଲେ  ।  ହେଲେ ସବୁ ସମୟରେ ଦେଖାଦେଉଥିଲା ପାରିବାରିକ ବିବାଦ  । ସ୍ତ୍ରୀର ଅଭିଯୋଗ ଅନୁଯାୟୀ ୨୦୧୮ ମସିହାରେ ତାଙ୍କର ଚିକିତ୍ସା କରିବା ବାହାନାରେ ଏହି ଘଟଣା ଭିଆଇବା ପରେ ଏମଭି ୩୮ ଗାଁର ଅସିମ ହାଲଦାରଙ୍କୁ ବିକ୍ରି କରିଛନ୍ତି  । ଏହା ସହିତ  ସ୍ତ୍ରୀକୁ ଛାଡି ଅନ୍ୟ ମହିଳାଙ୍କ ସହ ରହୁଥିବା କହିଛନ୍ତି  ରଞ୍ଜିତା। ଏନେଇ  କାର୍ଯ୍ୟାନୁଷ୍ଟାନ ଦାବିରେ ମାଲକାନଗିରରି ପୋଲିସର ଦ୍ବାରସ୍ଥ ହୋଇଛନ୍ତି ରଞ୍ଜିତା ଏବଂ ତାଙ୍କ ପରିବାର…।

    ଏହି ଘଟଣା ଏବେ ମାଲକାନଗିରି ଜିଲ୍ଲାରେ ହଇଚଇ ସୃଷ୍ଟି କରିଛି  । କିଭଳି ଭିନ୍ନ ଭିନ୍ନ ଆଧାରକାର୍ଡ କରି ଏଭଳି ଚଞ୍ଚକତା କରିଛନ୍ତି ସେ ନେଇ ପ୍ରଶ୍ନ କରିଛନ୍ତି ସମାଜସେବୀ   । ଅନ୍ୟପଟେ ବିଶେଷଜ୍ଞ ଡାକ୍ତର କୌଣସି ମାନବ ଅଙ୍ଗ  ସ୍ଥାନନ୍ତରିତ କରିବା ଏତେ ସହଜ ନାହେଁ ବୋଲି କହିଛନ୍ତି । ଏଥିନେଇ ବହୁ ନୀତି ନିୟମ ରହିଥିବା ବେଳେ ସମସ୍ତ ନୀତି ନିୟମ ସମ୍ପୁର୍ଣ୍ଣ ପରେ ଏହା ସଫଳ ହେଇଥାଏ ବୋଲି କହିଛନ୍ତି ।

    ସେପେଟ କିଡନୀ ଚୋରୀ ଘଟଣାରେ ତଦନ୍ତ  କରିବା ସହ ଗାଁରେ ପହଞ୍ଚିଛନ୍ତି ମଙ୍ଗଳ ବିଭାଗର କର୍ମଚାରୀ  । ତେବେ ସମ୍ପୁଣ୍ଣ ଘଟଣାକୁ ନେଇ ମାଲକାନଗିରି ପୋଲିସ ପକ୍ଷରୁ କୌଣସ ପ୍ରତିକ୍ରିୟା ରଖିନଥିବା ବେଳେ ଡାକ୍ତରୀ ପରୀକ୍ଷା ପରେ ଏହି ଘଟଣାର ସତ୍ୟତା ଜଣାପଡିବ ।

    ସନ୍ତୋଷ ନାଗଙ୍କ ରିପୋର୍ଟ

  • ମିଛ କହି ବିବାହ କରିବା ପଡ଼ିଲା ମହଙ୍ଗା

    କଥାରେ ଅଛି ବିବାହ ହେଉଛି ପବିତ୍ର ସାମାଜିକ ବନ୍ଧନର ପ୍ରତୀକ। ବର କନ୍ୟା ଯେତେବେଳେ ପରସ୍ପରର ହାତ ଧରନ୍ତି ଓ ଅଗ୍ନିକୁ ସାକ୍ଷୀ ରଖି ବିବାହ କରନ୍ତି। ସେଠି ସତ ଓ ବିଶ୍ୱାସର ଡୋରି ସାତ ଜନମକୁ ବନ୍ଧା ହୋଇଗଲା ବୋଲି ବିବେଚନା କରାଯାଇଥାଏ। ହେଲେ ଏଠି ଆମେ ଏମିତି ଏକ ଯୁବକର କଥା କହିବୁ, ଯେ ମିଛ ଉପରେ ମିଛ କହି କିଭଳି ବିବାହ ତ କରିଥିଲା। ତା ଉପରେ ବି ମିଛର ସିରିଜ୍ ଏମିତି ଜାରି ରଖିଲା କି, ତା କଥାରେ ଭଳି ଯାଇ ଶ୍ୱଶୂର ଘର ବି ଜାଲରେ ପଡ଼ି ଲକ୍ଷ ଲକ୍ଷ ଟଙ୍କା ତା ପଛରେ ଖର୍ଚ୍ଚ କଲେ। ଶେଷରେ ଏଭଳି ଧୂର୍ତ୍ତ ବର ଓ ତା ବାପାକୁ ଗିରଫ କରିବାରେ ସଫଳ ହୋଇଛି ପୁଲିସ। ମିଛ କହି ବିବାହ କରିବା ଶେଷରେ ମହଙ୍ଗା ପଡ଼ିଲା।

    ଘଟଣାଟି ମହାସମୁନ୍ଦରୁ ଆସିଛି। ଯୁବକ ଜଣକ ବେରୋଜଗାର ଥିଲା। କିନ୍ତୁ ଚାକିରୀ କରୁଥିବାର ମିଛ ନିଯୁକ୍ତି ପତ୍ର ଦେଖାଇ ପତ୍ନୀ ଓ ଶ୍ୱଶୁରାଳୟକୁ ଚକମା ଦେଇଥିଲା। କେବଳ ଏତିକି ନୁହେଁ, ସାଢେ ୧୦ ଲକ୍ଷରୁ ଅଧିକ ଟଙ୍କାର ଚୂନ ବି ଲଗାଇଥିଲା ଶ୍ୱଶୁରଘରକୁ। ଆଉ ଏହାକୁ ପରେ ଜାଣିପାରି ପତ୍ନୀ ଧୋକା ଖାଇଥିବାର ମାମଲା ରୁଜୁ କରିଥିଲେ ଥାନାରେ। ପୀଡିତା ଯୋଗିତା ସାବତ ଅଭିଯୋଗ କରିଥିଲେ କି, ଭାରତ ସାଓଙ୍କ ସହ ସେ ରୀତିନୀତି ସହ ବିବାହ କରିଥିଲେ। କିନ୍ତୁ ତାଙ୍କ ସ୍ୱାମୀ ଭାରତ ଓ ତାଙ୍କ ଶ୍ୱଶୁର ଘାସିରାମ ମିଛ କହି ତାଙ୍କ ଘରେ ବନ୍ଧୁ ବାନ୍ଧିଥିଲେ। ପୁଅ ସରକାରୀ ଚାକିରୀ କରୁଛି।

    ଜିଲ୍ଲା ସହକାରୀ ବ୍ୟାଙ୍କରେ ଆକାଉଣ୍ଟ ଅଫିସର ଅଛି ବୋଲି କହିଥିଲେ। ଆଉ ବିବାହ ପରେ ଭାରତ କାହିଁକି ଚାକିରୀକୁ ଯାଉନି ବୋଲି ଜାଣିବାକୁ ଚାହିଁବାରୁ କୁଆଡ଼େ ତାଙ୍କୁ ବ୍ୟାଙ୍କ ଚାକିରୀରୁ ବହିଷ୍କାର କରାଯାଇଛି ବୋଲି ମିଛ ସୂଚନା ଦେଇଥିଲେ। ଏହା ପରେ ପୁଣି ପୁଲିସ ବିଭାଗରେ ଡିଏସପି ଚାକିରୀ ପାଇଁ ଚୟନ ହୋଇଛନ୍ତି ବୋଲି ଆଉ ଏକ ମିଛ କହିଥିଲେ। ଏହାକୁ ନେଇ ଜାଲି ନିଯୁକ୍ତିପତ୍ର ଦେଖାଇ ପତ୍ନୀ ଓ ଶ୍ୱଶୁରଘରର ବିଶ୍ୱାସ ଜିତିଥିଲେ। ଟ୍ରେନିଂର ଦସ୍ତାବିଜ୍ ଦେଖାଇ ପତ୍ନୀଙ୍କ ବାପା ଓ ଭାଇଙ୍କଠୁ ୧୦ଲକ୍ଷ ୬୦ ହଜାର ଟଙ୍କା ନେଇଥିଲେ। ଆଉ ପତ୍ନୀ ଏ ସବୁ ମିଛ ବୋଲି ଜାଣିବା ପରେ ପୁଲିସରେ ଅଭିଯୋଗ କରିଥିଲେ। ତୁରନ୍ତ ପୁଲିସ ଭାରତ ଓ ତାଙ୍କ ବାପାଙ୍କୁ ଗିରଫ କରି ପଚରାଉଚୁରା ପରେ ସବୁ ସତ ଓଗାଳିଥିଲେ ଉଭୟ। ଉଭୟ ବାପ ପୁଅଙ୍କୁ ନ୍ୟାୟିକ ରିମାଣ୍ଡକୁ ପଠାଇ ଦିଆଯାଇଛି।

    • ପ୍ରଦୀପ ନାୟକଙ୍କ ରିପୋର୍ଟ
  • ହୋଟେଲ ରୁମରେ ପ୍ରେମିକ ସହ ଥିଲେ ପତ୍ନୀ, ପହଞ୍ଚିଲେ ପତି, ତା ପରେ…

    ହିମାଚଳ ପ୍ରଦେଶର କୁଲ୍ଲୁ ଜିଲ୍ଲାର ଏକ ହୋଟେଲରେ ଶୁକ୍ରବାର ଘଟିଛି ଅଭାବନୀୟ ଘଟଣା। ହୋଟେଲ ରୁମରେ ପତ୍ନୀଙ୍କ ପ୍ରେମିକଙ୍କୁ ଗୁଳି କରିବା ପରେ ନିଜକୁ ଗୁଳି କରି ଆତ୍ମହତ୍ୟା କଲେ। ଘଟଣା ପରେ ପୁଲିସ ଘଟଣାସ୍ଥଳରେ ପହଞ୍ଚି ତଦନ୍ତ କରୁଛି। ପୁଲିସ ମୁତାବକ, ଦିଲ୍ଲୀର ଦୁଇ ମହିଳା ମନାଲି ଆସି ଏକ ହୋଟେଲରେ ରହିଥିଲେ। ମହିଳାଙ୍କ ମଧ୍ୟ ମଧ୍ୟରୁ ଜଣେ ବିବାହିତା ମହିଳା ଥିଲେ। ସେମାନେ ହୋଟେଲରେ ରୁମ ନେବା ପରେ ବିବାହିତା ମହିଳା ତାଙ୍କ ପୁରୁଷ ବନ୍ଧୁ ସନିଙ୍କୁ ସେଠାକୁ ଡକାଇଥିଲେ। ସନି ଆସିବା ପରେ ଉଭୟ ସେଠାରେ ରହିଥିଲେ। ପରଦିନ ମହିଳାଙ୍କ ସ୍ୱାମୀ ସେଠାରେ ପହଞ୍ଚିବା ଯାଇଥିଲେ ଓ ସନିକୁ ସେଠାରେ ଦେଖି ରାଗରେ ହିତାହତ ଜ୍ଞାନ ଭୁଲିଯାଇଥିଲେ।

    ଏହା ପରେ ପକେଟରୁ ବନ୍ଧୁକ ବାହାର କରି ସନିକୁ ଗୁଳି କରି ହତ୍ୟା କରିବା ପରେ ନିଜେ ନିଜକୁ ମଧ୍ୟ ହତ୍ୟା କରିଛନ୍ତି ବୋଲି ମହିଳା ଜଣକ ପୁଲିସକୁ ସୂଚନା ଦେଇଛନ୍ତି। ହୋଟେଲ କର୍ମଚାରୀଙ୍କ ଅନୁଯାୟୀ, ସକାଳୁ ସକାଳୁ ହଠାତ୍ ହୋଟେଲ ଭିତରୁ ଗୁଳି ମାଡ ଶବ୍ଦ ଶୁଭିଥିଲା। ଏହା ଶୁଣି ସେଠାକୁ ଯାଇ କର୍ମଚାରୀ ଦେଖନ୍ତି ତ ଦୁଇଟି ମୃତଦେହ ସେଠାରେ ପଡିଥିଲା ଓ ହୋଟେଲ ରୁମର ଚଟାଣରେ ରକ୍ତ ବହୁଥିଲା। ହୋଟେଲ କର୍ମଚାରୀଙ୍କ ସୂଚନା ପାଇ ପୁଲିସ ସେଠାରେ ପହଞ୍ଚି ମୃତଦେହ ଜବତ କରିଛି ଓ ଫରେନ୍ସିକ ଟିମ ସେଠାରେ ପହଞ୍ଚି ସେମାନଙ୍କ ତଦନ୍ତ ଆରମ୍ଭ କରି ଦେଇଛି।

Back to top button