incovacc

ନୂଆଦିଲ୍ଲୀ: ମହାମାରୀ କରୋନା ଲଢେଇରେ ଆଉ ଏକ ପାଦ ଆଗେଇଛି ଭାରତ। ଭାରତର ପ୍ରଥମ ନାଜାଲ ଭ୍ୟାକ୍ସିନକୁ ଲଞ୍ଚ କରାଯାଇଛି ଗୁରୁବାର ଦିନ। କେନ୍ଦ୍ର ସ୍ବାସ୍ଥ୍ୟମନ୍ତ୍ରୀ ଡ ମନସୁଖ ମାଣ୍ଡଭିୟ ଓ ବିଜ୍ଞାନ ତଥା ଟେକନିକ ମନ୍ତ୍ରୀ ଜିତେନ୍ଦ୍ର ସିଂହ ଭାରତ ବାୟୋଟେକର ମେଡ ଇଣ୍ଡିଆ କୋଭିଡ-୧୯ ନାଜାଲ ଟୀକା ଇନକୋଭେକକୁ ଲଞ୍ଚ କରିଛନ୍ତି। ଫଳରେ ବିନା ଛୁଞ୍ଚିରେ ଲୋକେ କୋଭିଡ ଟୀକା ନେଇପାରିବେ।

ଭାରତ ବାୟୋଟେକ ମୁତାବକ, ସରକାରକୁ ଏହି ଟୀକା ପାଇଁ ୩୨୫ ଟଙ୍କା ଦେବାକୁ ପଡିବା ବେଳେ ଘରୋଇ ହସ୍ପିଟାଲକୁ ୮୦୦ ଟଙ୍କା ପଡିବ। ନାଜାଲ ଭ୍ୟାକ୍ସିନ ବୁଷ୍ଟର ଡୋଜ ରୂପେ ନିଆଯାଇ ପାରିବ। ଏହାକୁ ଉଭୟ କୋଭିସିଲ ଓ କୋଭାକ୍ସିନ ଟୀକା ନେଇଥିବା ଲୋକେ ମଧ୍ୟ ନେଇ ପାରିବେ। ଏହି ନାଜାଲ ଭ୍ୟାକ୍ସିନକୁ ଡିସେମ୍ବର ୨୩ ତାରିଖରେ କେନ୍ଦ୍ର ମଞ୍ଜୁରୀ ମିଳିଥିଲା।

ନାଜାଲ ଭ୍ୟାକ୍ସିନ ସମ୍ପର୍କରେ ଭାରତ ବାୟୋଟେକ ଏମଡି  ଓ ଚେୟାରମ୍ୟାନ ଡ କୃଷ୍ଣା ଏଲ୍ଲା କିଛି ସମୟ ପୂର୍ବରୁ କହିଥିଲେ କି, ପୋଲିଓ ପରି ଏହି ଟୀକାର ୪ ବୁନ୍ଦା କରୋନା ପ୍ରତିହତ ପାଇଁ ଯଥେଷ୍ଟ ହେବ। ଏହାର କୌଣସି ପାର୍ଶ୍ବ ପ୍ରତିକ୍ରିୟା ନାହିଁ ତଥା ଏହା ଦ୍ବାରା ଛୁଞ୍ଚି ଓ ସିରିଞ୍ଜର ଅଳିଆ କମ ହେବ ବୋଲି କହିଛନ୍ତି ନାଜାଲ ଭ୍ୟାକ୍ସିନ।

ନୂଆଦିଲ୍ଲୀ: ପୁଣି କରୋନା ତାର କାୟା ମେଲାଇବାକୁ ବସିଥିବା ବେଳେ  ଭାରତ ସରକାର ଆଗୁଆ ସତର୍କ ରହିଛନ୍ତି।  ବୁଧବାର ଠାରୁ କରୋନାକୁ ନେଇ କେନ୍ଦ୍ର ପକ୍ଷରୁ ନିର୍ଦ୍ଦେଶନାମା ଜାରି କରାଯାଇଥିବା ବେଳେ ଗୁରୁବାର ଦିନ ନୂଆ ନାଜାଲ କରୋନା ଭ୍ୟାକ୍ସିନକୁ ବିଶେଷଜ୍ଞ ଟିମ ମଞ୍ଜୁରୀ ଦେଇଛନ୍ତି।

ଏସମ୍ପର୍କରେ ସ୍ବାସ୍ଥ୍ୟମନ୍ତ୍ରୀ ମନସୁଖ ମାଣ୍ଡଭିୟ ରାଜ୍ୟ  ସଭାରେ ଗୁରୁବାର ସୂଚନା ଦେଇଛନ୍ତି କି, ନାଜାଲ କରୋନା ଭ୍ୟାକ୍ସିନକୁ ମଞ୍ଜୁରୀ ମିଳିଛି।  ଫଳରେ ଆଗାମୀ ଦିନରେ ଇଞ୍ଜେକସନ ନେବାକୁ ହେବ ନାହିଁ। ଚାହିଁଲେ ଲୋକେ  ଏହି ଟିକା ନେଇ ପାରିବେ।

ସୂଚନାଯୋଗ୍ୟ, ନଭେମ୍ବର ୨୮ ତାରିଖରେ ଭାରତ ବାୟୋଟେକ ଇଣ୍ଟରନାସନାଲ ଲିମିଟେଡ ଘୋଷଣା କରିଥିଲା କି, ଇନକୋଭେକ ବିନା ଛୁଞ୍ଚିରେ ନାକରେ ପକାଇବାର ପ୍ରଥମ ଭ୍ୟାକ୍ସିନ ପ୍ରସ୍ତୁତ ହୋଇସାରିଛି। ଏହାକୁ ଇଣ୍ଟ୍ରାନୋଜଲ କୋଭିଡ ଭ୍ୟାକ୍ସିନ କୁହାଯାଏ।  ଭାରତ ବାୟୋଟେକ ମୁତାବକ ଇନକୋଭେକକୁ ସଂରକ୍ଷଣ କରିବାକୁ ୨ରୁ ୮ ଡିଗ୍ରୀ ସେଲସିୟସର ଆବଶ୍ୟକତା ପଡିବ।

କମ୍ପାନୀ କହିଛି କି, ନାକରେ ଦିଆଯାଉଥିବା ଏହି ଟୀକା ବିଶେଷ ରୂପେ କମ ଓ ମଧ୍ୟମ ଆୟକାରୀ ଦେଶକୁ ଲକ୍ଷ୍ୟକରି ବିକାଶ କରାଯାଇଛି। ଟୀକାକୁ ଆମେରିକାର ସେଣ୍ଟ ଲୁଇସ ସ୍ଥିତ ୱାସିଂଟନ ବିଶ୍ବବିଦ୍ୟାଳୟ ସହ ମିଶି ବିକଶିତ କରାଯାଇଛି।