indian air force

  • ମୋରେନରେ ଦୁଇ ବାୟୁ ସେନା ବିମାନ ଦୁର୍ଘଟଣାଗ୍ରସ୍ତ

    ଭୋପାଳ: ଶନିବାର ଦିନ ଦୁଇ ଭାରତୀୟ ବାୟୁସେନା ଯୁଦ୍ଧ ବିମାନ ସୁଖୋଇ ସୁ୩୦ ଓ ମିରାଜ ୨୦୦୦ ତାଲିମ କାଳରେ ଦୁର୍ଘଟଣାଗ୍ରସ୍ତ ହୋଇଛି। ଦୁର୍ଘଟଣା ପରେ ଉଦ୍ଧାର କାର୍ଯ୍ୟ ଆରମ୍ଭ ହୋଇଛି। ଦୁର୍ଘଟଣାରୁ ଦୁଇ ପାଇଲଟ ସୁରକ୍ଷିତ ବର୍ତ୍ତି ଯାଇଥିବା ବେଳେ ଜଣଙ୍କର ମୃତ୍ୟୁ ଘଟଛି। ସେପଟେ ଏହି ଦୁର୍ଘଟଣାକୁ ନେଇ ବାୟୁ ସେନା ପକ୍ଷରୁ କୋର୍ଟ ଅଫ ଇନକ୍ବାରୀ ନିର୍ଦ୍ଦେଶ ଦିଆଯାଇଛି।

    ଶନିବାର ଦିନ ନିୟମିତ ତାଲିମ ଅନ୍ତର୍ଗତ ବାଲିୟର ଏୟାର ଫୋର୍ସ ବେସରୁ ସୁ୩୦ ଓ ମିରାଜ ବିମାନ ଉଡାଣ ଭରିଥିଲା। ସୁଖୋଇରେ ଦୁଇ ଜଣ ପାଇଲଟ ଥିବା ବେଳେ ମିରାଜକୁ ଜଣେ ପାଇଲଟ ଉଡାଉଥିଲେ। କିନ୍ତୁ ମୋରେନ ଆକାଶରେ ବିମାନ ଉଡୁଥିବା ବେଳେ ଦୁର୍ଘଟଣାଗ୍ରସ୍ତ ହୋଇଥିଲା। ସ୍ଥାନୀୟ ଲୋକଙ୍କ ଦ୍ବାରା ଦୁର୍ଘଟଣାଗ୍ରସ୍ତ ବିମାନର ଧ୍ବଂସାବଶେଷର ଭିଡିଓ କରାଯାଇଛି।

    ଦୁର୍ଘଟଣାର ଖବର ପାଇଁ ସେନା ପକ୍ଷରୁ ତୁରନ୍ତ ଉଦ୍ଧାର କାର୍ଯ୍ୟ ଆରମ୍ଭ ହୋଇଯାଇଛି। ଦୁଇ ପାଇଲଟ ଦୁର୍ଘଟଣା ପରେ ବିମାନରୁ ନିଜକୁ ସୁରକ୍ଷିତ ବଞ୍ଚାଇବାରେ ସଫଳ ହୋଇଥିବା ବେଳେ ଜଣଙ୍କର ମୃତ୍ୟୁ ହୋଇଥିବା ଖବର ଦେଇଛି ବାୟୁସେନା। ଏହି ଦୁର୍ଘଟଣାରେ ଦୁଇ ବିମାନ ସମ୍ପୂର୍ଣ୍ଣ ରୂପେ ନଷ୍ଟ ହୋଇ ଯାଇଛି।

    ଦୁର୍ଘଟଣାକୁ ନେଇ ବାୟୁସେନା ପକ୍ଷରୁ ଆରମ୍ଭ ହୋଇଛି ତଦନ୍ତ। କିପରି ଦୁର୍ଘଟଣା ଘଟିଲା? ଆକାଶରେ ଉଭୟ ବିମାନ ପରସ୍ପର ସହ ଧକ୍କା ଖାଇବାରୁ ଏପରି ହୋଇଛି କି କଣ? ତାକୁ ନେଇ ତଦନ୍ତ ଚାଲଥିବା ବେଳେ କୋର୍ଟ ଅଫ ଇନକ୍ବାରୀ ପାଇଁ ମଧ୍ୟ ନିର୍ଦ୍ଦେଶ ଦିଆଯାଇଛି।

    ଦୁର୍ଘଟଣା ସମ୍ପର୍କରେ ବାୟୁ ସେନା ପକ୍ଷରୁ ପ୍ରତିରକ୍ଷା ମନ୍ତ୍ରୀ ରାଜନାଥ ସିଂହଙ୍କୁ ଟିକନିକ ସୂଚନା ଦିଆଯାଉଛି।

  • ସମୃଦ୍ଧ ହେଉଛି ଭାରତୀୟ ବାୟୁସେନା

    ନୂଆଦିଲ୍ଲୀ: ବାୟୁସେନାରେ ସାମିଲ୍ ହେଲା କମ୍ୱାଟ୍ ହେଲିକେପ୍ଟର। ପାହାଡିଆ ଅଞ୍ଚଳରେ ମିସାଇଲ୍ ଓ ଯୁଦ୍ଧାସ୍ତ୍ର ନେଇଯାଇପାରିବ ଏହି ସ୍ୱଦେଶୀ ହାଲୁକା ହେଲିକେପ୍ଟର। ଆକାଶମାର୍ଗରେ ରଚିପାରିବ ମୃତ୍ୟୁର ତାଣ୍ଡବ। ସର୍ଜିକାଲ ଷ୍ଟ୍ରାଇକରେ ଏହା ବ୍ୟବହାର ହୋଇପାରିବ।  ରାଜସ୍ଥାନ ଯୋଧପୁର ଏୟାରବେସ୍ ରେ ବିଧିବଦ୍ଧ ଭାବେ ସାମିଲ୍ ହୋଇଛି ହାଲୁକା ବିମାନ ପ୍ରଚଣ୍ଡ।

    ଦେଶର ପ୍ରତିରକ୍ଷା ଆମର ସର୍ବୋଚ୍ଚ ପ୍ରାଥମିକତା। ଆଉ ଏଥିଲାଗି ଆମେ ପ୍ରତିବଦ୍ଧ। ଆଗାମୀ ଦିନରେ ଭାରତ ବିଶ୍ୱ ଦରବାରରେ ସୁପରପାଓ୍ୱାର୍ ମିଲିଟାରୀ ଭାବେ ପରିଗଣିତ ହେବାକୁ ଯାଉଛି। ୟୁକ୍ରେନ ଯୁଦ୍ଧ ବହୁତ୍ କିଛି ଶିକ୍ଷା ଦେଇଛି। ଯୁଦ୍ଧକ୍ଷେତ୍ରକୁ ବଡ଼ ଓ ଭାରି ଯୁଦ୍ଧାସ୍ତ୍ରକୁ ଦ୍ରୁତ ଗତିରେ ନେବା କାଠିକର ପାଠ ଥିଲା। ହେଲେ ଏବେ ସେ ସମସ୍ୟା ଟଳିଛି। ଶତୃକୁ ସହଜ ଟାର୍ଗେଟ କରିବାକୁ ଭାରତ ପାଖରେ ସାଧନ ଆସିଗଲା। ଆଉ ତାହା ହେଲେ ସ୍ୱଦେଶୀ ହାଲୁକା ହେଲିକେପ୍ଟର।

    ରାଜସ୍ଥାନ ଯୋଧପୁର ଏୟାରବେସ୍ ରୁ ବାୟୁସେନାରେ ଲାଇଟ୍ କମ୍ୱାଟ୍ ହେଲିକେପ୍ଟରର ବିଧିବଦ୍ଧ ସାମିଲ ଅବସରରେ ଏଭଳି କହିଛନ୍ତି ପ୍ରତିରକ୍ଷା ମନ୍ତ୍ରୀ ରାଜନାଥ ସିଂ। ଦୀର୍ଘ ଦୁଇ ଦଶନ୍ଧିର ଗବେଷଣାର ଏହା ହେଉଛି ପ୍ରତିଫଳନ।

    ବିଶ୍ୱରେ ଏହି ଏଲସିଏଚ ସର୍ବୋତ୍କୃଷ୍ଟ ଅଟେ। ଏଭଳି ଏକ ଆକ୍ରମଣାତ୍ମକ ହେଲିକେପ୍ଟର, ଯିଏ ୫ହଜାର ମିଟର ଅଲଟିଚ୍ୟୁଡ ବା ୧୬ହଜାର୪ଶହ ଫୁଟରୁ ଯୁଦ୍ଧାସ୍ତ୍ର ନେଇ ଲ୍ୟାଣ୍ଡିଂ କରିପାରିବ ଓ ଟେକ୍ଅଫ ବି। ଏହି ହାଲୁକା ହେଲିକେପ୍ଟରର ସ୍ୱତନ୍ତ୍ର ଦକ୍ଷତା ରହିଛି। ହିମାଳୟ ରିଜିଅନରେ ବି ଏହା ନିଜର ଦକ୍ଷତା ଓ ସାମର୍ଥ୍ୟ ଦେଖାଇପାରିବ। ଦୁଇ ଇଞ୍ଜିନ ବିଶିଷ୍ଟ ଏହି ଲାଇଟ କମ୍ୱାଟ୍ ହେଲିକେପ୍ଟର ଉଭୟ ସ୍ଥଳ ଓ ବାୟୁସେନା ପାଇଁ ବହୁ ଆବଶ୍ୟକତା ଥିଲା। ବାୟୁସେନା ଲାଗି ୧୦ଟି ଓ ସ୍ଥଳସେନା ଲାଗି ୫ଟି ଏଲସିଏଚ ପାଇଁ ପ୍ରଧାନମନ୍ତ୍ରୀଙ୍କ ଅଧ୍ୟକ୍ଷତାରେ ସୁରକ୍ଷା ସଂକ୍ରାନ୍ତୀୟ କ୍ୟାବିନେଟ କମିଟି ମୋହର ମାରିଥିଲା।

    ଅଗଷ୍ଟ ୨୦୧୭ରେ ବାୟୁସେନାରେ ଏଲସିଏଚ ବିଧିବଦ୍ଧ ଭାବେ ସାମିଲ୍ ହେବାର ପ୍ରକ୍ରିୟା ଆରମ୍ଭ କରିଥିଲା। ସେପ୍ଚେମ୍ୱର ୨୦୨୨ରେ ପ୍ରଥମ ଏଲସିଏଚକୁ ଭାରତୀୟ ସେନାକୁ ହସ୍ତାନ୍ତର କରାଯାଇଥିଲା। ଅକ୍ଟୋବର ୨୨ ସୁଦ୍ଧା ଆଉ ଚାରୋଟି ଏଲସିଏଚକୁ ହସ୍ତାନ୍ତର କରାଯିବ। ଆଉ ନଭେମ୍ୱର ପହିଲାରୁ ଏହାର ଅପରେସନ ଆରମ୍ଭ ହେବ। ବାୟୁସେନାର ବଳ ବଢ଼ାଇବାକୁ ଏହି ସ୍ୱଦେଶୀ ହାଲୁକା ହେଲିକେପ୍ଟରକୁ ସାମିଲ ଅବସରରେ ସର୍ବଧର୍ମ ପ୍ରାର୍ଥନା ଅନୁଷ୍ଠିତ ହୋଇଥିଲା। ଜାତୀୟ ନିରାପତ୍ତା କ୍ଷେତ୍ରରେ ପ୍ରମୁଖ ଭୂମିକା ନିର୍ବାହ କରୁଥିବା ବାୟୁସେନାକୁ ଏହି ଏଲସିଏଚ ଅଧିକ ଦକ୍ଷସମ୍ପନ୍ନ କରିବ ବୋଲି ଆଶାବାଦୀ।

    ପ୍ରଦୀପ ନାୟକଙ୍କ ରିପୋର୍ଟ

  • ଭାରତୀୟ ବାୟୁସେନାରେ ଏକାଠି ବାପା-ଝିଅ

    ଭାରତୀୟ ବାୟୁସେନାରେ ଏକାଠି ନଜର ଆସିଛନ୍ତି ବାପା-ଝିଅ। ଯୁଦ୍ଧ ବିମାନ ଉଡାଇ ଇତିହାସ ସୃଷ୍ଟି କରିଛନ୍ତି ଏୟାର କମାଣ୍ଡର ସଞ୍ଜୟ ଶର୍ମା ଓ ତାଙ୍କ ଝିଅ ଅନନ୍ୟା ଶର୍ମା। ଦେଶରେ ପ୍ରଥମ ବାପ-ଝିଅ ଯିଏ ଏକାଠି ଯୁଦ୍ଧ ବିମାନ ଉଡାଇ ଇତିହାସ ରଚିଛନ୍ତି।   

    ବାପା ଝିଅଙ୍କ କୃତିତ୍ୱ। ବାୟୁସେନାରେ ବାପା ଝିଅଙ୍କ ବୀରତ୍ବ ଦେଖୁଛନ୍ତି ଦେଶବାସୀ। ଫ୍ଲାଇଙ୍ଗ ଅଫିସର ଅନନ୍ୟା ଶର୍ମା ଓ ଏୟାର କମାଣ୍ଡର ସଞ୍ଜୟ ଶର୍ମା। ଉଭୟ ବାୟୁସେନାରେ କାର୍ଯ୍ୟରତ। ୨୦୨୧ ମସିହାରେ ଭାରତୀୟ ବାୟୁସେନାରେ ଯୋଗ ଦେଇଥିଲେ ଅନନ୍ୟା। ତାଙ୍କ ପିତା ଏୟାର କମାଣ୍ଡର ସଞ୍ଜୟ ଶର୍ମା ୧୯୮୯ ମସିହାରେ ଭାରତୀୟ ବାୟୁସେନାରେ ନିଯୁକ୍ତ ହୋଇଥିଲେ। ଭାରତୀୟ ବାୟୁସେନାରେ ଆଜି ପର୍ଯ୍ୟନ୍ତ ଯାହା ଦେଖା ଯାଇ ନ ଥିଲା ତାହା କରି ଇତିହାସ ରଚିଛନ୍ତି ଏହି ବାପା-ଝିଅ । ଉଭୟ ସାଙ୍ଗହୋଇ ଯୁଦ୍ଧ ବିମାନ ଉଡାଇ ଆସିଛନ୍ତି ଚର୍ଚ୍ଚାକୁ। କର୍ଣ୍ଣାଟକ ବିଦରରେ ଏକ ଯୁଦ୍ଧ ବିମାନ ହକ-୧୩୨ ଉଡାଇ ଇତିହାସ ସୃଷ୍ଟି କରିଛନ୍ତି  ସଞ୍ଜୟ ଏବଂ ତାଙ୍କ ଝିଅ ଅନନ୍ୟା। ତେବେ ସଞ୍ଜୟଙ୍କର ଯୁଦ୍ଧ କ୍ଷେତ୍ରରେ କାର୍ଯ୍ୟ କରିବାର ବହୁ  ଅଭିଜ୍ଞତା ଥିବା ବେଳେ ସେ ମିଗ- ୨୧ ସ୍କ୍ବାଡ୍ରନ  ଏବଂ ଫ୍ରଣ୍ଟଲାଇନ ଫାଇଟର ହିସାବରେ କାମ କରିବାରେ ଦକ୍ଷତା ହାସଲ କରିଛନ୍ତି। 

    ଛୋଟବେଳୁ ଅନନ୍ୟା ତାଙ୍କ ବାପାଙ୍କୁ ଭାରତୀୟ ବାୟୁସେନାରେ ଯୁଦ୍ଧ ବିମାନ ପାଇଲଟ ଭାବେ କାମ କରୁଥିବା ଦେଖୁଥିଲେ। ବାପାଙ୍କ ବୀରତ୍ବ ଓ ଦେଶ ମାତୃକା ପ୍ରତି ପ୍ରେମଭାବରେ ଅନୁପ୍ରାଣିତ ହୋଇ ସେ ମଧ୍ୟ ଭାରତୀୟ ବାୟୁସେନାରେ କାମ କରିବାକୁ ଆଗ୍ରହ ଦେଖାଦେଇଥିଲେ । ୨୦୧୬ରେ ଭାରତୀୟ ବାୟୁସେନାରେ ମହିଳା ପାଇଲଟଙ୍କୁ ସାମିଲ ପାଇଁ ନିଷ୍ପତ୍ତି ନିଆଯିବା ପରେ ନିଜ ଦୀର୍ଘଦିନର ସ୍ୱପ୍ନ ପୂରଣ ପାଇଁ ମନ ବଳାଇଥିଲେ ଅନନ୍ୟା।  ଇଲେକ୍ଟ୍ରୋନିକ୍ସ ଏବଂ କମ୍ୟୁନିକେସନରୁ ବିଟେକ ଶେଷ କରିବା ପରେ ଅନନ୍ୟା ଆଇଏଏଫର ଫ୍ଲାଇଙ୍ଗ ଶାଖାରେ ତାଲିମ ପାଇଁ ଚୟନ ହୋଇଥିଲେ। ଡିସେମ୍ୱର ୨୦୨୧ରେ ଅନନ୍ୟା ଯୁଦ୍ଧ ବିମାନ ପାଇଲଟ ଭାବରେ ଯୋଗ ଦେଇଥିଲେ। ଏହା ପରେ ମେ ୩୦ ୨୦୨୨ରେ ଯୁଦ୍ଧ ବିମାନ ଉଡାଇବାକୁ ଉଭୟ ବାପା ଝିଅଙ୍କୁ ମିଳିଥିଲା ସୁଯୋଗ, ଯାହା ପୂର୍ବରୁ କେବେ ଘଟି ନ ଥିଲା।

    • ସୌନ୍ଦର୍ଯ୍ୟା ମହାନ୍ତିଙ୍କ ରିପୋର୍ଟ
Back to top button