JAPAN

  • ଜାପାନ ରାଜନୀତିର ବାଦସାହା ଥିଲେ ଆବେ

    ଟୋକିଓ: ଜାପାନର ପୂର୍ବତନ ପ୍ରଧାନମନ୍ତ୍ରୀ ଶିଂଜୋ ଆବେଙ୍କର ଶୁକ୍ରବାର ଗୁଳିମାଡରେ ମୃତ୍ୟୁ ହୋଇଛି। ଜାପାନର ଅପର ହାଉସ ପାଇଁ ହେବାକୁ ଥିବା ନିର୍ବାଚନ ପାଇଁ ପ୍ରଚାର କରୁଥିବା ବେଳେ ତାଙ୍କ ଉପରେ ଗୁଳିମାଡ ହୋଇଥିଲା। ସେଠାରୁ ତାଙ୍କୁ ଗମ୍ଭୀର ଅବସ୍ଥାରେ ହସ୍ପିଟାଲରେ ଭର୍ତ୍ତି କରାଯାଇଥିବା ବେଳେ କିନ୍ତୁ ତାଙ୍କ ମୃତ୍ୟୁ ହୋଇଛି।

    ଆବେ ଥିଲେ ଜାପାନ ରାଜନୀତିର ବାଦସାହା।  ସେ ଜାପାନର ଏକ ପ୍ରତିଷ୍ଠିତ ରାଜନୈତିକ ପରିବାରରୁ ଆସିଥିଲେ। ତାଙ୍କ ଜେଜେ ନୋବୁସୁକେ କିଶି ମଧ୍ୟ ଥିଲେ ଜାପାନର ପ୍ରଧାନମନ୍ତ୍ରୀ। ୧୯୯୩ ମସିହାରେ ଆବେ ପ୍ରଥମ ଥର ପାଇଁ ସାଂସଦ ହୋଇଥିଲେ। ୨୦୦୫ରେ ସେ ତତ୍କାଳୀନ ପ୍ରଧାନମନ୍ତ୍ରୀ ଜୁନିଚିରୋ କୋଡଜୁମୀଙ୍କ କ୍ୟାବିନେଟରେ ମନ୍ତ୍ରୀ ହୋଇଥିଲେ ଓ ତାଙ୍କୁ ଚିଫ କ୍ୟାବିନେଟ ସଚିବ ପରି ଗୁରୁତ୍ବପୂର୍ଣ୍ଣ ପଦ ମିଳିଥିଲା।

    ୨୦୦୬ରେ ଦ୍ୱିତୀୟ ବିଶ୍ୱଯୁଦ୍ଧ ପରେ ଜାପାନର ସବୁଠାରୁ ଯୁବ ପ୍ରଧାନମନ୍ତ୍ରୀ ହୋଇଥିଲେ। କିନ୍ତୁ ତାଙ୍କ ସରକାର ବିରୋଧରେ ବିଭିନ୍ନ ସ୍କାଣ୍ଡାଲ ଆସିବାରୁ ତାଙ୍କ ଦଳ ଲିବରଲ ଡେମୋକ୍ରାଟିକ ଦଳ ଅପର ହାଉସରେ ବହୁ ସମସ୍ୟାର ସମ୍ମୁଖୀନ ହୋଇଥିଲା। ସେହି ବର୍ଷ ସେପ୍ଟେମ୍ବର ମାସରେ ସେ ପଦଛାଡିଥିଲେ ତାଙ୍କ ସ୍ବାସ୍ଥ୍ୟଗତ ସମସ୍ୟା ପାଇଁ। ଏହା ପରେ ୨୦୧୨ରେ ଆବେ ପୁଣି ପ୍ରଧାନମନ୍ତ୍ରୀ ପଦ ଅକ୍ତିଆର କରିବାରେ ସକ୍ଷମ ହୋଇଥିଲେ। ଏହା ପରେ ପୁଣି ସେ ୨୦୧୪ ଓ ୨୦୧୭ରେ ପ୍ରଧାନମନ୍ତ୍ରୀ ହୋଇଥିଲେ। ଜାପାନ ଇତିହାସରେ ଦୀର୍ଘକାଳୀନ ପ୍ରଧାନମନ୍ତ୍ରୀ ହେବାର ରେକର୍ଡ ରହିଛି ଆବେଙ୍କ ନାମରେ।

  • ପୂର୍ବତନ ପ୍ରଧାନମନ୍ତ୍ରୀ ସିଞ୍ଜୋ ଆବେଙ୍କୁ ଗୁଳି କରି ହତ୍ୟା

    ଆଖି ବୁଜିଦେଲେ ଜାପାନର ଲୋକପ୍ରୀୟ ନେତା ତଥା ପୂର୍ବତନ ପ୍ରଧାନମନ୍ତ୍ରୀ ସିଞ୍ଜୋ ଆବେ। ଦୁର୍ବୁତଙ୍କ ଗୁଳି ମାଡର ଶିକାର ହେବା ପରେ ଚିକିତ୍ସାଧିନ ଅବସ୍ଥାରେ ତାଙ୍କ ମୃତ୍ୟ ଘଟିଛି । ଆସନ୍ତା ରବିବାର ହେବାକୁ ଥିବା ଜାପାନର ଉଚ୍ଚ ସଦନ ନିର୍ବାଚନ। ତାପୂର୍ବରୁ  ଶୁକ୍ରବାର ସକାଳ ୮ ଟା ସମୟରେ ନାରା ସହରରେ ଏକ ସାଧାରଣ ସଭା ଆୟୋଜିତ ହୋଇଥିଲା। ଏହି କାର୍ଯ୍ୟକ୍ରମରେ ଆବେ ଉଦବୋଧନ ଦେଉଥିବା ବେଳେ ଗୁଳିମାଡର ଶିକାର ହୋଇଥିଲେ ସିଞ୍ଜୋ ଆବେ । ର୍ଦୁବୁତ୍ତଙ୍କ ଗୁଳିର ଶିକାର ହେବା ପରେ ଆବେଙ୍କ ବେକରେ ଆଘାତ ଲାଗିଛି ଏବଂ ତାଙ୍କ ଛାତି ଭିତରେ ରକ୍ତସ୍ରାବ ହୋଇଥିଲା । ଗୁରୁତର ଅବସ୍ଥାରେ ଉଦ୍ଧାର କରାଯାଇ ତାଙ୍କୁ ଏୟାର ଆମ୍ୱୁଲାନ୍ସରେ ଟୋକିଓର ଏକ ହସ୍ପିଟାଲରେ ଭତ୍ତି କରାଯାଇଥିଲା । ଡାକ୍ତରଙ୍କ ସମସ୍ତ ପ୍ରଚେଷ୍ଟା ସତ୍ୱେ ଚିକିତ୍ସାଧିନ ଅବସ୍ଥାରେ ତାଙ୍କ ବିୟୋଗ ହୋଇଯାଇଛି । ସେପଟେ  ଘଟଣା ସ୍ଥଳରୁ ଜଣେ ୪୧ ବର୍ଷର ସନ୍ଦିଗ୍ଧଙ୍କୁ ଗିରଫ କରିଛି ପୁଲିସ । ସୂଚନା ଅନୁଯାୟୀ, ଆକ୍ରମଣକାରୀ ଜଣକ ସାମୁଦ୍ରିକ ଆତ୍ମରକ୍ଷା ବାହିନୀର ଜଣେ ସଦସ୍ୟ । ସେ ନାରା ସହରର ବାସିନ୍ଦା ହୋଇଥିବା ତାଙ୍କ  ନାମ ଟେଟସୁୟା ୟାମାଗାମି ବୋଲି ଜଣାପଡିଛି।  ତେବେ ଆବେଙ୍କ ଉପରେ କାହିଁକି ଗୁଳିମାଡ ହୋଇଛି, ତାହାର କାରଣ ଜଣାପଡି ନାହିଁ। ସିଞ୍ଜୋ ଆବେ ଜାପାନର ଜଣେ ବିଶିଷ୍ଠ  ଲୋକପ୍ରୀୟ ନେତା ଥିଲେ । ଗତ  ୨୦୦୬-୨୦୦୭ ଏବଂ ୨୦୧୨-୨୦୨୦ ଯାଏଁ ଜାପାନର ପ୍ରଧାନମନ୍ତ୍ରୀ ଥିଲେ। ଜାପାନରେ ସବୁଠାରୁ ଅଧିକ ଦିନ ପ୍ରଧାନମନ୍ତ୍ରୀ ଭାବେ ସେ ଦାୟୀତ୍ୱ ତୁଲାଇଛନ୍ତି। ତାଙ୍କ ବିୟୋଗରେ ଜାପାନରେ ଶୋକର ଛାୟା ଖେଲିଯାଇଛି  ପ୍ରଧାନମନ୍ତ୍ରୀ ଫୁମିଓ କିଶିଦା ଟ୍ୱୁଟ କରି ଏହି ଆକ୍ରମଣକୁ ନିନ୍ଦା କରିବା ସହ ଗଣତନ୍ତ୍ରରେ ଏଭଳି ହିଂସାର କୌଣସି ସ୍ଥାନ ନାହିଁ ବୋଲି କହିଛନ୍ତି। ସେପଟେ ଭାରତରେ ମଧ୍ୟ ସିଞ୍ଜୋଙ୍କ ଉପରେ ହୋଇଥିବା ଆକ୍ରମଣଙ୍କୁ ନେଇ ଶୋକ ପ୍ରକାଶ ପାଇଛି । ପୂର୍ବତନ ପ୍ରଧାନମନ୍ତ୍ରୀ ତଥା କଂଗ୍ରେସ ନେତା ଡ. ମନମୋହନ ସିଂ ଦୁଃଖ ପ୍ରକାଶ କରି ଟ୍ୱିଟ କରି କହିଛନ୍ତି ”ମୋର ବନ୍ଧୁ ପୂର୍ବତନ ପ୍ରଧାନମନ୍ତ୍ରୀ ଆବେଙ୍କ ଉପରେ ହୋଇଥିବା ଆକ୍ରମଣରେ ମୁଁ ଅତ୍ୟନ୍ତ ଚକିତ। ମୋର ପ୍ରାର୍ଥନା ତାଙ୍କ ସହ ଏବଂ ତାଙ୍କ ପରିବାରର୍ଗଙ୍କ ସହ ଅଛି। ସେପଟେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ମଧ୍ୟ ଟ୍ୱିଟ କରି ସିଞ୍ଜୋ ଆବେଙ୍କ ଉପରେ ହୋଇଥିବା ଆକ୍ରମଣକୁ ନିନ୍ଦା କରି ନରେନ୍ଦ୍ର ମୋଦି କହିଛନ୍ତି ଯେ, ମୋର ପ୍ରିୟ ବନ୍ଧୁ ସିଞ୍ଜୋ ଆବେଙ୍କ ଉପରେ ହୋଇଥିବା ଆକ୍ରମଣରେ ଦୁଃଖ ପ୍ରକାଶ କରିଛନ୍ତି ପିଏମ ମୋଦୀ।

    • ଶୁଭଲକ୍ଷ୍ନୀ ସାହୁଙ୍କ ରିପୋର୍ଟ
Back to top button