judge

  • ନ୍ୟାୟପାଳିକା ଉପରେ ଆକ୍ରମଣ ଏକ ଟ୍ରେଣ୍ଡ

    ଗଣମାଧ୍ୟମ ପ୍ରତି ନ୍ୟାୟପାଳିକା ମଧ୍ୟରେ କୁହୁଳୁଥିବା ଅସନ୍ତୋଷ ସମୟ ସମୟରେ ବୟାନ ଆକାରରେ ପଦାକୁ ଆସୁଛି। ପୂର୍ବରୁ ମୁଖ୍ୟ ବିଚାରପତିଙ୍କ ଗଣମାଧ୍ୟମ ଦ୍ଵାରା କଙ୍ଗାରୁ କୋର୍ଟକୁ ନେଇ ବୟାନ ପରେ ଗୁରୁବାର ଦିନ ବଚାର ପତି ଡି ୱାଇ ଚନ୍ଦ୍ରଚୂଡ ପୁଣି ନିଜ ଅକ୍ରୋଶ ପ୍ରକାଶ କରିଛନ୍ତି। ବର୍ତ୍ତମାନ ନ୍ୟାୟପାଳିକା ଉପରେ ଆକ୍ରମଣର ଟ୍ରେଣ୍ଡକୁ ନେଇ ଭର୍ତ୍ସନା କରିଛନ୍ତି।ଗଣମାଧ୍ୟମ ଉପରେ ବର୍ଷିଲେ ବିଚାରପତି। ସୁପ୍ରିମକୋର୍ଟର ବିଚାରପତି ଜଷ୍ଟିସ ଡି ୱାଇ ଚନ୍ଦ୍ରଚୂଡ ବର୍ଷିଲେ ନ୍ୟାୟପାଳିକା ବିରୋଧରେ ପ୍ରକାଶ ପାଇଥିବା ଆଲଖ୍ୟ ଉପରେ। ଆମକୁ ଏକ ବ୍ରେକ ଦରକାର। ବିଚାରପତିଙ୍କୁ ଆକ୍ରମଣ କରିବାର ଏକ ସୀମା ରହିଛି ବୋଲି ବିଚାରପତି କହିଛନ୍ତି। ଗୁରୁବାର ଦିନ ଖ୍ରୀଷ୍ଟିଆନ ସମ୍ପ୍ରଦାୟ ଉପରେ ହେଉଥିବା ହିଂସା ମାମଲାକୁ ଗୁରୁତ୍ବ ଦେଇ ତ୍ବରିତ ଶୁଣାଣି କରିବାକୁ ଓକିଲଙ୍କ ଅପିଲ ପରେ ବର୍ଷିଛନ୍ତି ଜଷ୍ଟିସ ଚନ୍ଦ୍ରଚୂଡ।

    ଆମକୁ ବିରତି ଦିଅ। ମାମଲାର ଶୁଣାଣିରେ ଜଡିତ ଜଣେ ବିଚାରପତି କୋଭିଡରେ ସଂକ୍ରମିତ ହେବାରୁ ଶୁଣାଣି ହୋଇପାରି ନ ଥିଲା। ତେବେ ବିଚାରପତିଙ୍କୁ ଟାର୍ଗେଟ କରିବାର ଏକ ସୀମା ରହିଛି… କିଏ ଏହି ଖବର ପ୍ରକାଶ କରୁଛନ୍ତି ବୋଲି ପ୍ରଶ୍ନ କରିଛନ୍ତି ବିଚାରପତି । ତେବେ ଜଷ୍ଟିସ ସୂର୍ଯ୍ୟକାନ୍ତଙ୍କୁ ନେଇ ଗଠିତ ଖଣ୍ଡପୀଠ ମାମଲାର ଶୁଣାଣି ପାଇଁ ରାଜି ହେବା ସହ ଏହାକୁ ତାଲିକାଭୂକ୍ତ କରିବାକୁ ନିର୍ଦ୍ଦେଶ ଦେଇଛନ୍ତି। ଏଥିସହ କହିଛନ୍ତି, ନୋହିଲେ ଆଉ ଏକ ଖବର ପ୍ରକାଶ ପାଇବ।ଏପ୍ରିଲ ମାସରେ ଏକ ରିଟ ପିଟିସନ ସୁପ୍ରିମକୋର୍ଟରେ ଦାୟର କରାଯାଇ ସଂଖ୍ୟାଲଘୁ ଖ୍ରୀଷ୍ଟିଆନଙ୍କ ପ୍ରତି ହେଉଥିବା ହିଂସା ରୋକିବାକୁ ଅପିଲ କରାଯାଇଥିଲା।

    ଜୁନ ଶେଷ ସପ୍ତାହରେ ସୁପ୍ରିମକୋର୍ଟ ପିଟିସନର ଶୁଣାଣି ପାଇଁ ଜୁଲାଇ ୧୧ ତାରିଖକୁ ଦିନ ଧାର୍ଯ୍ୟ କରାଯାଇଥିଲା। କିନ୍ତୁ ପରେ ଏହାକୁ ଜୁଲାଇ ୧୫କୁ ଖଣ୍ଡପୀଠ ସ୍ଥଗିତ ରଖିଥିଲେ। ହେଲେ ଧାର୍ଯ୍ୟ ତାରିଖ ପୂର୍ବରୁ ଜଷ୍ଟିସ ଚନ୍ଦ୍ରଚୂଡ କୋଭିଡ ଆକ୍ରାନ୍ତ ହୋଇଥିଲେ। କିନ୍ତୁ ଜୁଲାଇ ୧୯ ତାରିଖରେ କିଛି ନ୍ୟୁଜ ପୋର୍ଟାଲରେ ଏକ ଖବର ବାହାରିଥିଲା କି, ଦେଶର ସର୍ବୋଚ୍ଚ କୋର୍ଟ ଶୁଣାଣିରେ ବିଳମ୍ବ କରୁଥିବା । ଏହାର ଗୋଟିଏ ଦିନ ପରେ ଖ୍ରୀଷ୍ଟିଆନ ବିରୋଧୀ ହିଂସା ଯାଚିକାର ଶୁଣାଣିରେ ବିଳମ୍ବ, ଶୀର୍ଷକ ଏକ ଖବର ପ୍ରକାଶ ପାଇଥିଲା। ଏହାକୁ ନେଇ ଜଷ୍ଟିସ କ୍ଷୋଭ ବ୍ୟକ୍ତ କରିଛନ୍ତି।

    • ଶିଳା ରାୟଙ୍କ ରିପୋର୍ଟ
  • ୨୫ ହଜାର ନ୍ୟାୟିକ ଅଧିକାରୀଙ୍କୁ ଅଶ୍ଵସ୍ତି

    ନୂଆଦିଲ୍ଲୀ: ଦେଶର ପ୍ରାୟ ୨୫ ହଜାର ନ୍ୟାୟିକ ଅଧିକାରୀଙ୍କୁ ଅଶ୍ଵସ୍ତି । ଖୁବ ଶ୍ରୀଘ୍ର ମିଳିବ ବର୍ଧିତ ବେତନ । ୧ ଜାନୁଆରୀ ୨୦୧୬ ରୁ ବଢିଥିବା ବେତନ ଲାଗୁ କରିବା ପାଇଁ ନିର୍ଦ୍ଦେଶ ଦେଇଛନ୍ତି ସର୍ବୋଚ୍ଚ ନ୍ୟାୟାଳୟ । ଏହା ସହ ତିନୋଟି କିସ୍ତିରେ ଲାଗୁ ବକେୟା ଏରିଅର ଦେବା ପାଇଁ ରାଜ୍ୟ ତଥା କେନ୍ଦ୍ର ସରକାରଙ୍କୁ ସୁପ୍ରିମକୋର୍ଟ କହିଛନ୍ତି । ପ୍ରଥମ ତିନି ମାସ ମଧ୍ୟରେ ୨୫ ପ୍ରତିଶତ ବକେୟା ଦିଆଯିବ । ଏହାର ତିନି ମାସ ମଧ୍ୟରେ ୨୫ ପ୍ରତିଶତ ବକେୟା ଦରମା ୩୦ ଜୁନ୍ ୨୦୨୩ ସୁଦ୍ଧା ମିଳିପାରିବ ।

    ଏହା ପୂର୍ବରୁ ତେଲେଙ୍ଗାନାରେ ଆୟୋଜିତ ଏକ କାର୍ଯ୍ୟକ୍ରମରେ ଯୋଗ ଦେଇ ମୁଖ୍ୟ ବିଚାରପତି ଏନଭି ରମଣା କହିଥିଲେ ଯେ ମାନସିକ ଶାରୀରିକ ସୁସ୍ଥତା ପାଇଁ ବିତ୍ତୀୟ କଲ୍ୟାଣ ଏକ ମହତ୍ବପୂର୍ଣ୍ଣ ପ୍ରସଙ୍ଗ ଅଟେ । ଖୁବଶୀଘ୍ର ବେତନ ଆୟୋଗ ସମ୍ବର୍ଦ୍ଧିତ ପ୍ରସଙ୍ଗରେ ନ୍ୟାୟିକ ଅଧିକାରୀଙ୍କୁ ଖୁସି ଖବର ମିଳିବ । ସପ୍ତମ ବେତନ ଆୟୋଗଙ୍କ ସୁପାରିଶ କ୍ରମେ କେନ୍ଦ୍ର ସରକାରଙ୍କ କର୍ମଚାରୀ ( ୧ ଜାନୁଆରୀ ୨୦୧୬ ) ବର୍ଦ୍ଧିତ ବେତନ ଲାଗୁ ହେବ ।

    ଗତ ୨୦୦୬ ରେ ଜିଲ୍ଲା ନ୍ୟାୟପାଳିକାଙ୍କ ନ୍ୟାୟାଧୀଶଙ୍କ ବେତନ ସଂଶୋଧନ କରାଯାଇଥିଲା । ଏହା ପରେ ସର୍ବୋଚ୍ଚ ନ୍ୟାୟାଳୟ ନ୍ୟାୟପାଳିକାଙ୍କ ବେତନ, ସେବା, ସର୍ତ୍ତ ଆଦିର ସମୀକ୍ଷା କରି ୨୦୧୭ ରେ ଦ୍ବିତୀୟ ରାଷ୍ଟ୍ରୀୟ ନ୍ୟାୟିକ ବେତନ ଆୟୋଗର ଗଠନ କରିଥିଲେ । ଏହା ବିରୋଧରେ କେତେକ ରାଜ୍ୟ ଆପତ୍ତି ଉଠାଇଥିଲେ । ନ୍ୟାୟପାଳିକା ବର୍ଗ ଅଲଗା ହୋଇଥିବା ସେମାନେ ଦାବି କରିଥିଲେ । ସଂଶୋଧିତ ନିୟମ ଲାଗୁ ହୋଇଥିଲେ କିଛି ସ୍ତରର ନ୍ୟାୟିକ ଅଧିକାରୀଙ୍କୁ ସିଭିଲ ସର୍ଭିସରେ ଉତ୍ତୀର୍ଣ୍ଣ ଅଧିକାରୀଙ୍କ ବେତନ ଠାରୁ ଅଧିକ ପ୍ରାପ୍ୟ ମିଳିଥାନ୍ତା ।

    • ସ୍ମରଜିତ ଆର୍ଯ୍ୟଙ୍କ ରିପୋର୍ଟ
  • ପୂର୍ବତନ ବିଚାରପତିଙ୍କ ବିରୋଧରେ କୋର୍ଟ ଅବମାନନା ମାମଲା…

    ନୂଆଦିଲ୍ଲୀ: ପୂର୍ବତନ ଦିଲ୍ଲୀ ହାଇକୋର୍ଟଙ୍କ ବିଚାରପତି ଜଷ୍ଟିସ ଏନ ଏନ ଡିଙ୍ଗେ, ପୂର୍ବତନ ଅତିରିକ୍ତ ସଲିସିଟର ଜେନେରାଲ ଅମନ ଲେଖି ଓ ଓକିଲ କେ ଆର କୁମାରଙ୍କ ବିରୋଧରେ କୋର୍ଟ ଅବମାନନା ମାମଲାରେ ନିଜ ସମ୍ମତି ଦେବାକୁ ଭାରତର ଆଟର୍ଣ୍ଣି ଜେନେରାଲ କେ କେ ବେଣୁ ଗୋପାଳ ମନା କରିଦେଇଛନ୍ତି। ଏମାନେ ନୂପୁର ଶର୍ମା ମାମଲାରେ ସୁପ୍ରିମକୋର୍ଟଙ୍କ ଦ୍ବାରା ମୌଖିକ ଟିପ୍ପଣୀକୁ ବିରୋଧ କରିବା ସହ ସମାଲୋଚନା କରିଥିଲେ। ଏହାକୁ ନେଇ ଏମାନଙ୍କ ବିରୋଧରେ ସୁପ୍ରିମକୋର୍ଟ ଅବମାନନା ମାମଲା ଦାୟରକୁ ସମ୍ମତି ଦେଇ ନାହାନ୍ତି ଆଟର୍ଣ୍ଣି ଜେନେରାଲ।

    ପ୍ରଫେଟ ମହମ୍ମଦଙ୍କ ବିରୋଧରେ ବିବାଦୀୟ ବୟାନ ଦେବା ପରେ ନୂପୁର ଶର୍ମାଙ୍କ ବିରୋଧରେ ଦେଶବ୍ୟାପୀ ବିଭିନ୍ନ ସ୍ଥାନରେ ମାମଲା ହୋଇଥିବାରୁ ଶର୍ମା ସୁପ୍ରିମକୋର୍ଟଙ୍କ ନିକଟରେ ସମସ୍ତ ମାମଲାକୁ ଦିଲ୍ଲୀ ସ୍ଥାନାନ୍ତର କରିବାକୁ ଅପିଲ କରିଥିଲେ। ଏହାର ଶୁଣାଣି କାଳରେ ଦୁଇ ଜଣିଆ ଖଣ୍ଡପୀଠ ନୂପୁରଙ୍କୁ ନାନାଭାବେ ଭର୍ତ୍ସନା କରିବା ସହ ନୂପୁରଙ୍କ ପାଇଁ ଦେଶ ଜଳୁଛି ଓ ଉଦୟପୁର ଟେଲରଙ୍କ ହତ୍ୟା ତାଙ୍କ ପାଇଁ ହୋଇଥିବା କହିଥିଲେ। ଏହାକୁ ନେଇ ସେତେବେଳେ ସମସ୍ତ ଗଣମାଧ୍ୟମରେ ଖବର ପ୍ରସାରଣ ହୋଇଥିଲା। ଜଷ୍ଟିସ ଏନ ଏନ ଡିଙ୍ଗେ, ପୂର୍ବତନ ଅତିରିକ୍ତ ସଲିସିଟର ଜେନେରାଲ ଅମନ ଲେଖି ଓ ଓକିଲ କେ ଆର କୁମାର ସୁପ୍ରିମ କୋର୍ଟଙ୍କ ମୌଖିକ ଟିପ୍‌ପଣୀର ସମାଲୋଚନା କରିଥିଲେ।

    ଶିଳା ରାୟଙ୍କ ରିପୋର୍ଟ

Back to top button