KABUL

  • କାବୁଲର ମସଜିଦରେ ଭୟଙ୍କର ବିସ୍ଫୋରଣ, ୨୧ ମୃତ, ୪୦ରୁ ଅଧିକ ଆହତ

    ଥରିଲା ଆଫଗାନିସ୍ତାନ l ରାଜଧାନୀ କାବୁଲରେ ହୋଇଛି ବଡ ଧରଣର ବୋମା ବିସ୍ଫୋରଣ । ବିସ୍ଫୋରଣରେ ୨୧ ଜଣଙ୍କ ମୃତ୍ୟୁ ଘଟିଥିବାବେଳେ ପାଖାପାଖି ୪୦ ଜଣ ଆହତ ହୋଇଛନ୍ତି। ଏହି ବିସ୍ଫୋରଣ କାବୁଲର ଏକ ମସଜିଦରେ ଘଟିଛି। କାବୁଲର ଏମରଜେନ୍ସି ହସ୍ପିଟାଲରେ ମୋଟ୍ ୨୭ ଜଣଙ୍କୁ ଭର୍ତ୍ତି କରାଯାଇଛି ଏବଂ ଏଥିରେ ପାଞ୍ଚ ଜଣ ଶିଶୁ ସାମିଲ୍।
    ସୂଚନା ଅନୁଯାୟୀ, କାବୁଲ ସହରର ସାର ଏ କୋଟଲା ଖୈରଖାନାରେ ଏହି ବୋମା ବିସ୍ଫୋରଣ ଘଟିଛି। କାବୁଲର ସୁରକ୍ଷା ବିଭାଗ ଖାଲିଦ ଜରଦାନ ବିସ୍ଫୋରଣ ସୂଚନା ଦେଇଛନ୍ତି। ଘଟଣାସ୍ଥଳରେ ବହୁ ସଂଖ୍ୟାରେ ସୁରକ୍ଷାକର୍ମୀଙ୍କୁ ମୁତୟନ କରାଯାଇଛି। ପୂରା ଅଞ୍ଚଳକୁ ତାଲିବାନ ସିକ୍ୟୁରିଟି ଗାର୍ଡ ସିଲ୍ କରି ଦେଇଛନ୍ତି। ଆହତଙ୍କୁ କାବୁଲର ଭିନ୍ନ ଭିନ୍ନ ହସ୍ପିଟାଲରେ ଭର୍ତ୍ତି କରାଯାଉଛି।

  • ଆଫଗାନିସ୍ତାନରେ ଥମୁନି ବିସ୍ଫୋରଣ

    ଆଫଗାନିସ୍ତାନର ରାଜଧାନୀ କାବୁଲ ସ୍ଥିତ ଏକ ମସ୍‌ଜିଦ ନିକଟରେ ବୋମା ବିସ୍ଫୋରଣ ହୋଇ ୮ ଜଣଙ୍କ ମୃତ୍ୟୁ ହୋଇଥିବା ବେଳେ ୧୮ ଜଣ ଆହତ ହୋଇଛନ୍ତି। ମସ୍‌ଜିଦ ନିକଟରେ ଠିଆ ହୋଇଥିବା ଏକ କାରରେ ବିସ୍ଫୋରଣ ହୋଇଥିଲା। ଏହି ବିସ୍ଫୋରଣ ପାଇଁ ଆଇଏସ ନିଜକୁ ଦାୟୀ କରିଛି। ଆଫଗାନିସ୍ତାନରେ ଏହି ଆତଙ୍କବାଦୀ ସଂଗଠନ ସକ୍ରିୟ ରହିଆସୁଛି। ସେହିପରି ବିସ୍ଫୋରଣ ଘଟଣା ଘଟି ଚାଲିଛି।
    କାବୁଲ ପୁଲିସ ଅନୁଯାୟୀ ତାଲିବାନ ଦ୍ବାରା ନିଯୁକ୍ତ ପ୍ରବକ୍ତା ଖାଲିଦ ଜାଦରାନଙ୍କ ଅନୁଯାୟୀ, କାବୁଲର ଶିୟା ବହୁଳ ସରେ କରିଜ କ୍ଷେତ୍ରରେ ଏହି ବିସ୍ଫୋରଣ ହୋଇଥିଲା। ବିସ୍ଫୋରଣ ପରେ ପ୍ରାରମ୍ଭିକ ରିପୋର୍ଟରେ ୨ ଜଣଙ୍କ ମୃତ୍ୟୁ ନେଇ ସୂଚନା ମିଳିଥିଲା। କିନ୍ତୁ ଗୁରୁତର ଆହତଙ୍କ ମଧ୍ୟରୁ ଆଉ ୬ ଜଣଙ୍କର ମୃତ୍ୟୁ ହୋଇଥିଲା।
    ସାର୍ବଜନୀନ ସ୍ଥାନରେ ହୋଇଥିବା ବିସ୍ଫୋରଣକୁ ନେଇ ଦେଶର ସୁରକ୍ଷା ଉପରେ ପ୍ରଶ୍ନବାଚୀ ସୃଷ୍ଟି ହୋଇଛି। ଜୁଲାଇ ୩୦ରେ କାବୁଲର ଏକ କ୍ରିକେଟ ମ୍ୟାଚ ସମୟରେ ଏକ ବିସ୍ଫୋରଣ ହୋଇଥିଲା। ତେବେ ଏହା ଏକ ଆତ୍ମଘାତୀ ବିସ୍ଫୋରଣ ଥିଲା। ଏହାକୁ ନେଇ ଷ୍ଟାଡିୟମ ଭିତରେ ଧାଁ ଦୌଡ ଆରମ୍ଭ ହୋଇଯାଇଥିଲା। ଦୁଇ ପକ୍ଷର ଖେଳାଳିଙ୍କୁ ତୁରନ୍ତ ବଙ୍କର ଭିତର ଦେଇ ସୁରକ୍ଷିତ ସ୍ଥାନକୁ ନିଆଯାଇଥିଲା। ଏହି ବିସ୍ଫୋରଣରେ କିଛି ଲୋକଙ୍କର ମୃତ୍ୟୁ ହେବା ସହ କିଛି ଲୋକ ଆହତ ହୋଇଥିଲେ।
    ସେହିପରି ଜୁନ ୧୨ ତାରିଖରେ ମଧ୍ୟ କୁନାରରେ ଏକ ବିସ୍ଫୋରଣ ହୋଇଥିଲା। ଏଥିରେ ଜଣେ ତାଲିବାନୀ ସଦସ୍ୟଙ୍କ ମୃତ୍ୟୁ ହୋଇଯାଇଥିଲା। ବହୁ ଲୋକ ମଧ୍ୟ ଆହତ ହୋଇଥିଲେ। କୁନାରର କେନ୍ଦ୍ର ଅସଦାବାଦ ସହରରେ ତାଲିବାନୀ ସୁରକ୍ଷା ବଳଙ୍କ ବାହନ ଯାଉଥିବା ବେଳେ ଲ୍ୟାଣ୍ଡ ମାଇନ ସଂସ୍ପର୍ଶରେ ଆସି ଏହି ବିସ୍ଫୋରଣ ହୋଇଥିଲା। ଏହା ପୂର୍ବରୁ ସ୍ପିନ ବୋଲ୍ଡକ ଜିଲ୍ଲାରେ ହୋଇଥିବା ଏକ ବିସ୍ଫୋରଣରେ ୫ ଜଣ ତାଲିବାନୀଙ୍କ ସହ ଏକ ନାଗରିକଙ୍କ ମୃତ୍ୟୁ ହୋଇଥିଲା। ଏହା ଏକ ଆଇଇଡି ବିସ୍ଫୋରଣ ଥିଲା।
    ୨୦୧୪ରୁ କାବୁଲର ପଶ୍ଚିମ ପ୍ରାନ୍ତର ସର ଏ କରିଜରେ ଶୁକ୍ରବାର ହୋଇଥିବା ବିସ୍ଫୋରଣରେ ୮ ଜଣଙ୍କ ମୃତ୍ୟୁ ହୋଇଛି, ଯେଉଁଥିରେ ୧୮ ଜଣ ଆହତ ହୋଇଛନ୍ତି। ମୁଖ୍ୟତଃ ରାସ୍ତାଚଲା ଲୋକଙ୍କୁ ଲକ୍ଷ୍ୟ କରି ରାସ୍ତାକଡରେ ଏକ ଠେଲା ଗାଡିରେ ରଖା ଯାଇଥିଲା। ଏହି ବିସ୍ଫୋରଣ ଆଇଏସ ଦ୍ବାରା ହୋଇଥିବା ବେଳେ ବହୁଲୋକ ଆହତ ହୋଇଥିଲେ। ୨୦୧୪ରୁ ଆଫଗାନିସ୍ତାନର ସୁରକ୍ଷା ପ୍ରତି ଆଇଏସ ଏକ ଗମ୍ଭୀର ଚ୍ୟାଲେଞ୍ଜ ହୋଇ ଠିଆହୋଇଛି।
    – ସିଲାସ୍ମିତାଙ୍କ ରିପୋର୍ଟ

Back to top button