loot

  • LUMEX RESOURCES INQUIRY (ଲୁମେକ୍ସ ଅଭିଯୁକ୍ତଙ୍କ ପାଖରେ କାହିଁକି ପହଞ୍ଚିପାରୁନି ବ୍ୟବସ୍ଥା)

    24/03/2023

    () ଲୁମେକ୍ସ ସଂସ୍ଥା ଖୋଲି ନିବେଶକଙ୍କୁ କୋଟି କୋଟି ଟଙ୍କାର ଚୂନ ଲଗାଇଥିବା ଠକ ଦମ୍ପତ୍ତି ରାଜୀବ ଦାସ ଓ ସୋନିଆ ତ୍ରିପାଠୀଙ୍କ ପାଖରେ ପହଞ୍ଚିପାରୁନି ପୁଲିସ। ହଁ ଅବଶ୍ୟ ଅଭିଯୋଗକାରିଙ୍କୁ ଡାକିଛି। ପ୍ରମାଣ ମାଗିଛି। କିନ୍ତୁ ଅଭିଯୁକ୍ତଙ୍କୁ ଠାବ କରିପାରିନି। କୋଟିଏରୁ ବେଶୀ ଟଙ୍କାର ଆର୍ଥିକ ହେରଫେର ମାମଲାରେ ଅର୍ଥନୈତିକ ଅପରାଧ ଶାଖାକୁ ବି ତଦନ୍ତ ହସ୍ତାନ୍ତର କରୁନି। ଏହାକୁ ନେଇ ମୁଖ୍ୟମନ୍ତ୍ରୀଙ୍କୁ ଚିଠି ଲେଖିବେ ବିରୋଧୀ ଦଳ। ସେପଟେ ପୁଲିସର ପାରଦର୍ଶିତା ଅଭାବରୁ ଜଣେ ବରିଷ୍ଠ ଆଇପିଏସଙ୍କ ସମ୍ପର୍କୀୟ ବୋଲି ତଦନ୍ତ ଆଗଉନି କହି ଅଙ୍ଗୁଳି ଉଠୁଥିବା କଥା କହିଛନ୍ତି ଅବସରପ୍ରାପ୍ତ ଡିଜି।

    ଡିସିପି ପ୍ରତୀକ ସିଂ କହିଛନ୍ତି, ଲୁମେକ୍ସ ବଡ଼ ଧରଣର ଆର୍ଥିକ ଅନିୟମିତତା ମାମଲା ଥିବାରୁ ସବୁ ଦିଗକୁ ପୁଲିସ ନିରୀକ୍ଷଣ କରୁଛି। ତଦନ୍ତ କରୁଛି। ସେଥିଲାଗି ସମୟ ଲାଗୁଛି। ଅଭିଯୋଗକାରିଙ୍କୁ ଡାକିଛନ୍ତି। ତଥ୍ୟ ପ୍ରମାଣ ନେଇଛନ୍ତି। ହେଲେ ବଡ଼ ପ୍ରଶ୍ନ, ଅଭିଯୁକ୍ତକୁ କେତେ ଥର ପଚାରିଲାଣି ପୁଲିସ। ଅଭିଯୁକ୍ତର ଅତାପତ୍ତା କେଉଁଠି। କୋର୍ଟ କଅଣ କହିଥିଲେ। ଏତଲା ଦେବାର ୧୭ ମାସ ବିତିଗଲା। ତଥାପି ତଦନ୍ତ ସରୁନି। ଅଭିଯୁକ୍ତଙ୍କ ଆଗୁଆ ଜାମିନ୍ ୨ଥର ଖାରଜ ହେଲାଣି। ଉଚ୍ଚ ନ୍ୟାୟାଳୟଙ୍କ ନିର୍ଦେଶକୁ ବି ୩ ମାସ ବିତିଲାଣି। କୋର୍ଟ ନିର୍ଦେଶ ଦେଇଥିଲେ କି ଅଭିଯୋଗକାରିଣୀଙ୍କୁ ଡିସିପି ଶୁଣିବେ। ଆଉ ଏହା ଉପରେ ବିଚାର କରିବେ। ହେଲେ ବିଚାର ସରୁନି। ଅଭିଯୁକ୍ତ ପୁଲିସକୁ ତଦନ୍ତରେ ସହଯୋଗ କରିଛନ୍ତି କି। ସେପଟେ କୋଟିଏରୁ ବେଶୀ ଟଙ୍କା ହେରଫେର ମାମଲା ଅର୍ଥନୈତିକ ଅପରାଧ ଶାଖାକୁ ଯିବା କଥା। ଏଠି କ୍ରାଇମବ୍ରାଞ୍ଚ ପୁରା ନୀରବ। ନେବାକୁ ଚାହୁଁନି ନା କମିଶନରେଟ ପୁଲିସ ଦେବାକୁ ଚାହୁଁନି। ଏ କି ପ୍ରକାର ପ୍ରହସନ ଚାଲିଛି କହି ବିରୋଧୀ ଅଙ୍ଗୁଳି ଉଠାଇଲେଣି। ଅଭିଯୋଗକାରୀକୁ ଥାନାକୁ ଡକାଯାଉଛି। କିନ୍ତୁ ଅଭିଯୁକ୍ତକୁ ନୁହେଁ। ମୁଖ୍ୟମନ୍ତ୍ରୀଙ୍କୁ ଚିଠି ଲେଖିବେ ବୋଲି କହିଛନ୍ତି ବାହିନୀପତି। ବିରୋଧୀ ଦଳ ନେତା କହୁଛନ୍ତି, ଆଇନ ଅନୁସାରେ ଯଦି ପଦକ୍ଷେପ ନିଆଯାଉଛି, ତାହେଲେ କାହିଁକି ନିଆଯାଉନି। ଆଉ ଶାସକ ଦଳର କହିବା କଥା, ଯେହେତୁ ବିଧାନସଭାରେ ଏ କଥା ଉଠିଛି। ଆଉ ଡିସିପି ଯେହେତୁ କହିଲେଣି, ତ୍ୱରିତ ଆକ୍ସନ। ସେଥିଲାଗି ଆଇନ ଉପରେ ଆସ୍ଥା ରଖନ୍ତୁ।

    ସେପଟେ ଏଭଳି ସ୍ଥିତିରେ ପୁଲିସ ପାରଦର୍ଶିତା ସହ ତଦନ୍ତ କରିବା ଜରୁରୀ ବୋଲି ମତ ରଖିଛନ୍ତି ଅବସରପ୍ରାପ୍ତ ଡିଜି ସଞ୍ଜୀବ ମାରିକ୍। ତା ନହେଲେ ବରିଷ୍ଠ ଆଇପିଏସଙ୍କ ସମ୍ପର୍କୀୟ ହେତୁ ତଦନ୍ତ ଢିଲା ହୋଇଛି ବୋଲି ସାଧାରଣରେ ସନ୍ଦେହ ଉଠିବ। ଆଉ ବରିଷ୍ଠ ଆଇନଜୀବିଙ୍କ ମତରେ, ଅଭିଯୁକ୍ତ ପାଖରେ ଏ ଯାଏ ପହଞ୍ଚିପାରିଲାନି ପୁଲିସ। ଅଭିଯୋଗକାରିଣୀ ତା ହେଲେ ନ୍ୟାୟ ପାଇବେ କେମିତି। ଏଯାଏ ଅଭିଯୁକ୍ତଠୁ ଠାବ କରିପାରିଲାନି ପୁଲିସ୍। ଅଭିଯୁକ୍ତଙ୍କ ସମ୍ପତ୍ତି ଜବତ ହୋଇଛି କି। ସେମାନେ ଫେରାର୍ କି। ଯଦି ଫେରାର୍, ତେବେ ଠାବ ନେଇ ପୁଲିସ କଅଣ କରିଛି ବୋଲି କହିଛନ୍ତି ବରିଷ୍ଠ ଆଇନଜୀବି ଚିତ୍ତରଞ୍ଜନ ମହାନ୍ତି ।

    କମିଶନରେଟ ପୁଲିସର ଦକ୍ଷତାକୁ ନେଇ କାହାରି ସନ୍ଦେହ ନାହିଁ। କିନ୍ତୁ ଲୁମେକ୍ସ ମହାଠକେଇ ଘଟଣାର ପୁରା ପ୍ରକରଣକୁ ଦେଖିଲେ ସାଧାରଣରେ ସନ୍ଦେହ ଘନୀଭୂତ ହେଲାଣି। ନିବେଶକାରୀ ନିଶାରାଣୀଙ୍କ ଚାରିପଟେ ତଦନ୍ତ ସୀମିତ ରହିଯାଇଛି କି ପୁଲିସର। ନା ଅଭିଯୁକ୍ତକୁ ଠାବ କରିବାକୁ ପୁଲିସର କଳ ଓ ବଳ ପାଉନି। କୋଟିଏରୁ ଉର୍ଦ୍ଧ୍ୱ ଟଙ୍କା ଅନିୟମିତତା ମାମଲାରେ ଇଓଡବ୍ଲୁ ବି କାହିଁକି ଆଖି ବୁଜିଦେଇଛି। ଏମିତି ତମାମ ପ୍ରଶ୍ନଜାଲରେ କମିଶନରେଟ ପୁଲିସର ପାରିଲାପଣିଆ ପଡ଼ିଯାଇଛି କହିଲେ ଭୁଲ ହେବନି।

    ବ୍ୟୁରୋ ରିପୋର୍ଟ ନକ୍ଷତ୍ର ନ୍ୟୁଜ୍

  • LUMEX RESOURCE EOW ACTION (ଠକଙ୍କୁ ଧରିବ ଇଓଡବ୍ଲୁ)

    29/03/2023

    () ଲୁମେକ୍ସ ଲୁଟ୍ ମାମଲାକୁ ଘାଣ୍ଟିବ ଇଓଡବ୍ଲୁ। ରାଜୀବ ଦାସ ଓ ସୋନିଆ ତ୍ରିପାଠୀଙ୍କ ସମେତ ୫ ଜଣଙ୍କ ଅଭଯୁକ୍ତଙ୍କ ନାଁରେ ଇଓଡବ୍ଲୁ ମାମଲା ରୁଜୁ କରିଛି। ସବୁ ଦିଗକୁ ତଦନ୍ତ ହେବ। ତଦନ୍ତକୁ ନିଜେ ଅନୁଧ୍ୟାନ କରିବେ ଅରୁଣ ବୋଥ୍ରା। ମୁଖ୍ୟମନ୍ତ୍ରୀଙ୍କୁ ବି ଏ ସନ୍ଦର୍ଭରେ ଚିଠି ଲେଖିଛନ୍ତି ବାହିନୀପତି। ଆଉ ଫାଇଭ-ଟି ଉପକ୍ରମ ଆଧାରରେ ତଦନ୍ତରେ ସ୍ୱଛତା ବଜାୟ ରଖିବାକୁ ଆରମ୍ଭ ହୋଇଛି ପଦକ୍ଷେପ।

    ଲୁମେକ୍ସ ମହାଠକେଇ ମାମଲାରେ ଦୁର୍ନୀତି ଓ ଜାତିଆତିର ଚେର ବେଶ୍ ଗଭୀର। ଏଭଳି ଠକେଇକୁ ନେଇ ଓଡ଼ିଶା ଉଠୁଛି ପଡ଼ୁଛି। କାରଣ କମିଶନରେଟ ପୁଲିସର ପାରିଲାପଣିଆ ପଦାରେ ପଡ଼ିବା ଆଉ ବିଧାନସଭାରେ ତୁମ୍ୱିତୋଫାନ ପରେ ଇଓଡବ୍ଲୁ ଏହି ମାମଲାକୁ ହାତକୁ ନେବା ପରେ ଏହାର ଗୁରୁତ୍ୱ ଅଧିକ ବଢ଼ିଯାଇଛି। କୋଟି କୋଟି ଟଙ୍କାର ଠକେଇ ଅଭିଯୁକ୍ତଙ୍କ ଦେହରେ କାହିଁକି କମିଶନରେଟ ପୁଲିସ ହାତ ମାରିପାରୁନି, ତାକୁ ନେଇ ଗୋଟିଏ ପଟେ ସନ୍ଦେହର ବଳୟ ଛିଡ଼ା ହୋଇଛି। ତ ସେପଟେ ମୁଖ୍ୟମନ୍ତ୍ରୀଙ୍କ ନିର୍ଦେଶ ପରେ କ୍ରାଇମବ୍ରାଞ୍ଚ ଏଡିଜି ଅରୁଣ ବୋଥ୍ରା ଏହି ମାମଲାକୁ ଇଓଡବ୍ଲୁକୁ ତଦନ୍ତ ଲାଗି ଦେଇଛନ୍ତି। ଅଭିଯୋଗପତ୍ରରୁ ଜଣାପଡ଼ିଛି, ସିଙ୍ଗାପୁରରେ ବ୍ଲେସବକ୍ ଇଣ୍ଟରନାସନାଲ କମ୍ପାନୀ ସେମାନଙ୍କର ଅଛି କହି ଅଭିଯୁକ୍ତମାନେ ନିଶାରାଣୀ ଓ ତାଙ୍କ ସ୍ୱାମୀ ପ୍ରଜ୍ଞାପ୍ରକାଶ ନାୟକଙ୍କୁ ଭୁଆଁ ବୁଲାଇଥିଲେ। ଏ କମ୍ପାନୀରେ ସେମାନେ ନିର୍ଦେଶକ ଅଛନ୍ତି ବୋଲି କହି ବିଭିନ୍ନ ଜାଲି ଦସ୍ତାବିଜ୍ ଦେଖାଇଥିଲେ। ସିଙ୍ଗାପୁରରେ ଥିବା ଏହି କମ୍ପାନୀ ସେମାନଙ୍କର ସମସ୍ତ ଆନ୍ତର୍ଜାତୀୟ ବେପାରର ବୁଝାସୁଝା କରୁଛି ବୋଲି ବିଶ୍ୱାସ ଜନ୍ମାଇ ଆରମ୍ଭ କରିଥିଲେ କାରସାଦି। ଆଉ ନିଶାରାଣୀ ଓ ପ୍ରଜ୍ଞାଙ୍କଠୁ ଟଙ୍କା ନେଇଥିଲେ। ଡିଏଲଏଫ ସାଇବର ସିଟିରେ ଯେଉଁ ଘର ଲୁମେକ୍ସ କମ୍ପାନୀ ନାଁରେ ଭଡ଼ା ସୂତ୍ରରେ ନେଇଥିଲେ, ସେ ଘର ଥିଲା ବିଜେଡି ନେତ୍ରୀ ଲୋପାମୁଦ୍ରା ବକ୍ସିପାତ୍ରଙ୍କର। ଲୋପାମୁଦ୍ରାଙ୍କୁ ବି ଛାଡ଼ିନାହାନ୍ତି ଅଭିଯୁକ୍ତ। କୁଆଡ଼େ ଲୋପାମୁଦ୍ରାଙ୍କର ଦସ୍ତଖତକୁ ଜାଲି କରି ଆରଓସିରେ କମ୍ପାନୀ ପଞ୍ଜୀକରଣ କରିବାକୁ ସକ୍ଷମ ହୋଇଥିଲେ ବୋଲି କୁହାଯାଉଛି। ଏଭଳି ସ୍ଥିତିରେ ଅଭିଯୁକ୍ତ ରାଜୀବ ଦାସ, ସୋନିଆ ତ୍ରିପାଠୀ, ଉଷାରାଣୀ ପାଣିଗ୍ରାହୀ, ହିମାଂଶୁ ପାଣିଗ୍ରାହୀ ଓ ବିମଳ ପାଢ଼ୀଙ୍କ ଉପରେ ଆଇନଗତ ଆକ୍ସନ ଓ ସେମାନଙ୍କଠୁ ଟଙ୍କା ଫେରସ୍ତ ନେଇ ଦୀର୍ଘ ଦିନ ହେଲା ଧାଉଁଛନ୍ତି ନିଶାରାଣୀ ଓ ପ୍ରଜ୍ଞା। ହେଲେ କୋର୍ଟଙ୍କ ନିର୍ଦେଶ ପରେ ବି କମିଶନରେଟ ପୁଲିସର ଶୀଥିଳତା ଓ ତଦନ୍ତରେ ଅହେତୁକ ବିଳମ୍ୱ ସାଙ୍ଗକୁ କେବଳ ଅଭିଯୋଗକାରୀଙ୍କ ଚାରିପଟେ ତଦନ୍ତ ବୁଲୁଛି ବୋଲି ସନ୍ଦେହ ହେଉଥିଲା। ଏହାକୁ ନେଇ ବିଧାନସଭାରେ ସରକାରଙ୍କଠୁ ଉତ୍ତର ଲୋଡ଼ିଥିଲେ ବିରୋଧୀ। ଠକକୁ ଗିରଫ ଓ ନିବେଶକାରୀକୁ ନ୍ୟାୟ ଦେବା ସକାଶେ ଅନବରତ ପ୍ରୟାସ କରି ବିଧାନସଭାରେ ସ୍ୱର ଉଠାଇଥିଲେ ବାହିନୀପତି। ବାହିନୀପତିଙ୍କୁ ସମର୍ଥନ କରି ବିଜେପି ବି ସମସ୍ୱରରେ ଜବାବ ମାଗିଥିଲା ସରକାରଙ୍କୁ। ଆଉ କମିଶନରେଟ ପୁଲିସ ଏଭଳି ମାମଲାରେ ଅପରାଧିକ ଦିଗକୁ ଉନ୍ମୋଚନ କରିବାରେ ବିଳମ୍ୱ କରୁଥିବା କଥା ମୁଖ୍ୟମନ୍ତ୍ରୀଙ୍କ ଦପ୍ତର ବି ହୃଦବୋଧ କରିଛି। ସେଥିଲାଗି ତ ମାମଲା ଏବେ ଇଓଡବ୍ଲୁ ହାତକୁ ନେବା ପରେ ତଦନ୍ତ ତ୍ୱରିତ ହେବ ବୋଲି ଆଶା କରାଯାଉଛି। ମୁଖ୍ୟମନ୍ତ୍ରୀଙ୍କୁ ଚିଠି ବି ଲେଖିଛନ୍ତି ବାହିନୀପତି।

    ସେପଟେ ଇଓଡବ୍ଲୁ ମାମଲା ହାତକୁ ନେବା ପରେ ତଦନ୍ତ ତ୍ୱରିତ ହେବ ବୋଲି ଆଶା ରହିଛି। ଅଭିଯୁକ୍ତଙ୍କ ସମ୍ପର୍କୀୟ ଅତିରିକ୍ତ ସିପି ଉମାଶଙ୍କର ଦାସ ହୋଇଥିବା ହେତୁ ତଦନ୍ତ ଆଗଉନି କହି ଅଭିଯୋଗକାରିଣୀ ମୁଖ୍ୟମନ୍ତ୍ରୀ, ଫାଇଭ-ଟି ସଚିବ, ଗୃହ ସଚିବ ଓ ଡିଜିଙ୍କୁ ଚିଠି ଲେଖିଥିଲେ। ଆଉ ତଦନ୍ତରେ ସ୍ୱଛତା ବଜାୟ ରଖିବା ସହ ତ୍ୱରିତ ନ୍ୟାୟ ଦେବାକୁ ଶେଷରେ ମୁଖ୍ୟମନ୍ତ୍ରୀଙ୍କ ନିର୍ଦେଶ କ୍ରମେ ଫାଇଭ-ଟି ସଚିବ ଓ ଏଡିଜି କ୍ରାଇମବ୍ରାଞ୍ଚ ଅରୁଣ ବୋଥ୍ରା ଉଦ୍ୟମ ଆରମ୍ଭ କରିସାରିଛନ୍ତି। ଅରୁଣ ବୋଥ୍ରାଙ୍କ ଭଳି ଦକ୍ଷ ଅଫିସର ବି ଏହି ମାମଲାରେ ତଦନ୍ତରୁ ସବୁ ଦିଗକୁ ନିଜେ ଅନୁଧ୍ୟାନ କରିବେ ବୋଲି କହିଛନ୍ତି।  ଏଣିକି ନ୍ୟାୟ ଲାଗି ନିଶାରାଣୀ ଓ ପ୍ରଜ୍ଞାଙ୍କୁ ଅଧିକ ସମୟ ଅପେକ୍ଷା କରିବାକୁ ପଡ଼ିବନି ବୋଲି ସବୁଠି ଚର୍ଚ୍ଚା।

    ଦେଖିବାର କଥା, ଅଭିଯୁକ୍ତ କେବେ ବନ୍ଧା ହେବେ। ଏତେ ବଡ଼ ଧରଣର ଆର୍ଥିକ ନେଣଦେଣର ସବୁ ପ୍ରମାଣ ହାତା ପାହାନ୍ତାରେ। ଦୁର୍ନୀତିର ଚେରକୁ ଧରିବ ଇଓଡବ୍ଲୁ।

    ବ୍ୟୁରୋ ରିପୋର୍ଟ ନକ୍ଷତ୍ର ନ୍ୟୁଜ

  • LUMEX RESOURCE FRAUD(ନିବେଶକଙ୍କ ଭରସା ଭାଙ୍ଗିବନି ତ ଇଓଡବ୍ଲୁ )

    21/04/2023

    () ଲୁମେକ୍ସ ମହାଠକେଇ ମାମଲାରେ କେତେଦୂର ଗଲାଣି ତଦନ୍ତ। ଇଓଡବ୍ଲୁ ଏ ଯାଏ ଅଭିଯୁକ୍ତଙ୍କ ପାଖରେ ପହଞ୍ଚିସାରିଛି ନା ପହଞ୍ଚିବାକୁ ଏ ଯାଏ ବାଟ ପାଉନି। କାରଣ କମିଶନରେଟ ପୁଲିସଠୁ ଇଓଡବ୍ଲୁ ତଦନ୍ତ ଭାର ନେଇକି ମାସେ ବିତିଗଲାଣି। କିନ୍ତୁ ଅଭିଯୁକ୍ତଙ୍କ ବାବଦରେ କୌଣସି ସୂଚନା ନାହିଁ। ନିବେଶକାରୀ କେଉଁ ଭରସାରେ ନ୍ୟାୟ ପାଇବେ ବୋଲି ଆଶା ରଖିବେ। ଏମିତି ତମାମ ପ୍ରଶ୍ନଜାଲରେ ଆପେ ଆପେ ଛନ୍ଦି ହୋଇଗଲାଣି ଇଓଡବ୍ଲୁ। ଲୁମେକ୍ସ ମହାଠକେଇ ମାମଲାରେ କମିଶନରେଟ ପୁଲିସର ପାରିଲାପଣିଆକୁ ନେଇ ପ୍ରଶ୍ନ ଉଠିବା ପରେ ଏହାର ତଦନ୍ତ ଭାର ଇଓଡବ୍ଲୁକୁ ଦେଇଥିଲେ ମୁଖ୍ୟମନ୍ତ୍ରୀ। ବଡ଼ କଥା ହେଲା, କ୍ରାଇମବ୍ରାଞ୍ଚ ଏଡିଜି ଅରୁଣ ବୋଥ୍ରା ଏହାର ନିଜେ ଅନୁଧ୍ୟାନ କରିବେ ବୋଲି ବିଧିବଦ୍ଧ ବିଜ୍ଞପ୍ତି ବି ପ୍ରକାଶ ପାଇଥିଲା। ହେଲେ ଇଓଡବ୍ଲୁର ଆକ୍ସନ ଏ ଯାଏ ଆଖିଦୃଶିଆ ହୋଇପାରିଲାନି। ୧୭ ମାସ ହେଲା ତଦନ୍ତ ନାଁରେ ନିବେଶକ ନିଶାରାଣୀଙ୍କୁ ଭୂଆଁ ବୁଲାଉଥିବା କମିଶନରେଟ ପୁଲିସର ଶିଥିଳତା ପଛରେ ଅନେକ କାରଣ କୁହାଗଲା। ଅତିରିକ୍ତ ସିପି ଉମାଶଙ୍କର ଦାସ ଅଭିଯୁକ୍ତ ରାଜୀବ ଦାସଙ୍କ ସମ୍ପର୍କୀୟ ହେତୁ ତଦନ୍ତ ଆଗଉନି ବୋଲି ନିଶାରାଣୀ ମୁଖ୍ୟମନ୍ତ୍ରୀ, ଫାଇଭ-ଟି ସଚିବ, ଗୃହ ସଚିବ ଓ ଡିଜିଙ୍କ ଦୃଷ୍ଟି ଆକର୍ଷଣ କରିଥିଲେ। ବିଧାନସଭାରେ ବିରୋଧୀ ଏହାକୁ ନେଇ ସ୍ୱର ଉଠାଇଥିଲେ। ଉମାଶଙ୍କରଙ୍କୁ ବଦଳି, ୧୭ ମାସ ହେଲା ତଦନ୍ତରେ ଅବହେଳା କରିଥିବା ଅଧିକାରୀଙ୍କ ବିରୁଦ୍ଧରେ ଦୃଢ଼ ଆକ୍ସନ ପାଇଁ ବି ବାହିନୀପତି ଚିଠି ଲେଖିଥିଲେ ମୁଖ୍ୟମନ୍ତ୍ରୀଙ୍କୁ। ଏ ସବୁ ପରେ ଇଓଡବ୍ଲୁ ତଦନ୍ତଭାର ହାତକୁ ନେବା ପରେ ଆଶା ଥିଲା ନିବେଶକାରୀ ତ୍ୱରିତ ନ୍ୟାୟ ପାଇବେ। ହେଲେ ସମୟ ଗଡ଼ୁଛି ସିନା। ନା ତଦନ୍ତ ଆଗଉଛି ନା ଅଭିଯୁକ୍ତଙ୍କ ପାଖରେ ପହଞ୍ଚିପାରିଲା ଏ ଯାଏ ଇଓଡବ୍ଲୁ। ଏହାରି ଭିତରେ ଲୁମେକ୍ସ ସହ ଜିଓକେମ୍, ଜିନ୍ଦଲ, ଆଦିତ୍ୟ ବିର୍ଲା ଭଳି ଅନେକ ସଂସ୍ଥା ସହ ବ୍ୟବସାୟିକ କାରବାରର ମିଛ ଓ ଜାଲି ଦସ୍ତାବିଜ୍ ସହ ପ୍ରମାଣ ସାମ୍ନାକୁ ଆସିସାରିଛି। ଡିଏଲଏଫ ସାଇବର ସିଟିରେ ଥିବା ବିଜେଡି ନେତ୍ରୀ ଲୋପାମୁଦ୍ରା ବକ୍ସିପାତ୍ରଙ୍କ ଯେଉଁ ଘରେ ଭଡ଼ା ନେଇ ଲୁମେକ୍ସ ସଂସ୍ଥା ଖୋଲିଥିଲା, ଲୋପାମୁଦ୍ରାଙ୍କ ଦସ୍ତଖତକୁ ଜାଲି କରି ରାଜୀବ ଓ ତାଙ୍କ ସହଯୋଗୀଆରଓସିରେ କମ୍ପାନୀ ପଞ୍ଜୀକରଣ କରିଥିବାର ଗୁମର ବି ଖୋଲିସାରିଲାଣି। କୋର୍ଟ ଅଫିସରଙ୍କ ଫରେନସିକ ଅଡିଟରେ ବି ଏହାର ସ୍ୱୀକାରୋକ୍ତି ଜଳଜଳ କରି ଦିଶୁଛି। ହେଲେ ଇଓଡବ୍ଲୁ ଏ ସବୁ ଦିଗ ପ୍ରତି କାହିଁକି ଆଖି ବୁଜିଦେଉଛି ବୋଲି ଆରୋପ ଆସିଛି। ବାହିନୀପତି କହିଛନ୍ତି, ତଦନ୍ତରେ ଅବହେଳା କରିଥିବା ସମସ୍ତ ଅଧିକାରୀଙ୍କୁ ତଦନ୍ତ ପରିସରଭୁକ୍ତ କରିବା ଜରୁରୀ। ଇଓଡବ୍ଲୁ ତଦନ୍ତ ଭାର ନେବା ପରଠୁ ବି ସେମିତି କୌଣସି ଆଖିଦୃଶିଆ ଆକ୍ସନ ହୋଇନି। ଅତିରିକ୍ତ ସିପି ଉମାଶଙ୍କର ଦାସଙ୍କର ଏ ଯାଏ ବଦଳି ହେଲାନି। ନା ରେଡ୍ ହେଉଛି। ନା ସିଜ୍ ହେଉଛି। ନା ଆକାଉଣ୍ଟକୁ ଅଚଳ କରାହେଉଛି। ହାଇକୋର୍ଟଙ୍କ ନିର୍ଦେଶକୁ କମିଶନରେଟ ପୁଲିସ ଅନୁପାଳନ କରିନଥିଲା ବୋଲି ଆରୋପ ଆସିଥିଲା।  ଆଗୁଆ ଜାମିନ ଦୁଇ ଦୁଇ ଥର ଖାରଜ ହୋଇସାରିଛି। ବିଜେପି ବିଧାୟକ ନାଉରୀ ନାୟକ କହିଛନ୍ତି, ପୁଲିସ ସେମାନଙ୍କୁ ଫେରାର ବୋଲି ଦର୍ଶାଇ ନିଜର କାମ ସାରିଦେଇଥିଲା। କିନ୍ତୁ ଅଭିଯୁକ୍ତଙ୍କ ପାଖରେ ପହଞ୍ଚିବାକୁ କୌଣସି କସରତ କରିନଥିଲା କମିଶନରେଟ ପୁଲିସ। ଇଓଡବ୍ଲୁ ବି ତଦନ୍ତଭାର ନେଇକି ମାସେ ହେଲାଣି। ଯାହା ତ୍ୱରିତ ଆକ୍ସନ ହେବ ବୋଲି ଆଶା କରାଯାଉଥିଲା, ତାହାର କାଣିଚାଏ ବି ଦେଖାଯାଉନି। ଲାଗୁଛି ଯେମିତି ତଦନ୍ତକାରୀ ସଂସ୍ଥା ଧୃତରାଷ୍ଟ୍ର ସାଜିଛି। ଆଉ ଶାସକ ଦଳ ବିଧାୟକ ଧୃବ ସାହୁ କହୁଛନ୍ତି, ଆଇନ ଉପରେ ଭରସା ରଖନ୍ତୁ। ନିଶ୍ଚୟ ଇଓଡବ୍ଲୁ ଠୋସ୍ ନିଷ୍କର୍ସରେ ପହଞ୍ଚିବ ଓ ଅଭିଯୁକ୍ତ ବନ୍ଧା ହେବେ। କିନ୍ତୁ ବରିଷ୍ଠ ଆଇନଜୀବିଙ୍କ ମତରେ, ଯେତେ ବିଳମ୍ୱ ହେଉଛି, ପ୍ରମାଣ ନଷ୍ଟ କରିବାକୁ ଅଭିଯୁକ୍ତ ସମୟ ପାଉଛି। ଏ ସବୁ ଆକଳନ ଭିତରେ ଇଓଡବ୍ଲୁ ଭଳି ଦକ୍ଷ ତଦନ୍ତକାରୀ ସଂସ୍ଥା ଓ ଏହାର ଦକ୍ଷ ଅଫିସର ବୋଥ୍ରା ଓ ତାଙ୍କ ଟିମ୍ ପ୍ରତି ଭରସା ତୁଟୁଛି କି। ତା ନହେଲେ ମାସେ ହେଲା ଏହି ମହାଠକେଇ ମାମଲାରେ ଏ ଯାଏ ଆଖିଦୃଶିଆ କାର୍ଯ୍ୟାନୁଷ୍ଠାନ ନ ଆସିବା ପଛରେ କାରଣ କଅଣ ବୋଲି ସବୁଠି ଚର୍ଚ୍ଚା। କମିଶନରେଟ ପୁଲିସ ଭଳି ନିବେଶକଙ୍କ ଭରସା ଭାଙ୍ଗିବନି ତ ଇଓଡବ୍ଲୁ ବୋଲି ଚର୍ଚ୍ଚା ଆରମ୍ଭ ହୋଇଛି।

    ଭୁବନେଶ୍ୱରରୁ ନବକିଶୋର ସାହୁ ଓ ପ୍ରଦୀପ ନାୟକଙ୍କ ରିପୋର୍ଟ, ନକ୍ଷତ୍ର ନ୍ୟୁଜ୍..।

  • LUMEX RESOURCE EOW ACTION (ଲୁମେକ୍ସ ଲୁଟ୍ ମାମଲାକୁ ଘାଣ୍ଟିବ ଇଓଡବ୍ଲୁ)

    01/04/2023

    () ଲୁମେକ୍ସ ଲୁଟ୍ ମାମଲାକୁ ଘାଣ୍ଟିବ ଇଓଡବ୍ଲୁ। ରାଜୀବ ଦାସ ଓ ସୋନିଆ ତ୍ରିପାଠୀଙ୍କ ସମେତ ୫ ଜଣଙ୍କ ଅଭଯୁକ୍ତଙ୍କ ନାଁରେ ଇଓଡବ୍ଲୁ ମାମଲା ରୁଜୁ କରିଛି। ସବୁ ଦିଗକୁ ତଦନ୍ତ ହେବ। ତଦନ୍ତକୁ ନିଜେ ଅନୁଧ୍ୟାନ କରିବେ ଅରୁଣ ବୋଥ୍ରା। ମୁଖ୍ୟମନ୍ତ୍ରୀଙ୍କୁ ବି ଏ ସନ୍ଦର୍ଭରେ ଚିଠି ଲେଖିଛନ୍ତି ବାହିନୀପତି। ଆଉ ଫାଇଭ-ଟି ଉପକ୍ରମ ଆଧାରରେ ତଦନ୍ତରେ ସ୍ୱଛତା ବଜାୟ ରଖିବାକୁ ଆରମ୍ଭ ହୋଇଛି ପଦକ୍ଷେପ।

    () ଲୁମେକ୍ସ ମହାଠକେଇ ମାମଲାରେ ଦୁର୍ନୀତି ଜାତିଆତିର ଚେର ବେଶ୍ ଗଭୀର ଏଭଳି ଠକେଇକୁ ନେଇ ଓଡ଼ିଶା ଉଠୁଛି ପଡ଼ୁଛି। କାରଣ କମିଶନରେଟ ପୁଲିସର ପାରିଲାପଣିଆ ପଦାରେ ପଡ଼ିବା ଆଉ ବିଧାନସଭାରେ ତୁମ୍ୱିତୋଫାନ ପରେ ଇଓଡବ୍ଲୁ ଏହି ମାମଲାକୁ ହାତକୁ ନେବା ପରେ ଏହାର ଗୁରୁତ୍ୱ ଅଧିକ ବଢ଼ିଯାଇଛି। କୋଟି କୋଟି ଟଙ୍କାର ଠକେଇ ଅଭିଯୁକ୍ତଙ୍କ ଦେହରେ କାହିଁକି କମିଶନରେଟ ପୁଲିସ ହାତ ମାରିପାରୁନି, ତାକୁ ନେଇ ଗୋଟିଏ ପଟେ ସନ୍ଦେହର ବଳୟ ଛିଡ଼ା ହୋଇଛି ତ ସେପଟେ ମୁଖ୍ୟମନ୍ତ୍ରୀଙ୍କ ନିର୍ଦେଶ ପରେ କ୍ରାଇମବ୍ରାଞ୍ଚ ଏଡିଜି ଅରୁଣ ବୋଥ୍ରା ଏହି ମାମଲାକୁ ଇଓଡବ୍ଲୁକୁ ତଦନ୍ତ ଲାଗି ଦେଇଛନ୍ତି। ଅଭିଯୋଗପତ୍ରରୁ ଜଣାପଡ଼ିଛି, ସିଙ୍ଗାପୁରରେ ବ୍ଲେସବକ୍ ଇଣ୍ଟରନାସନାଲ କମ୍ପାନୀ ସେମାନଙ୍କର ଅଛି କହି ଅଭିଯୁକ୍ତମାନେ ନିଶାରାଣୀ ତାଙ୍କ ସ୍ୱାମୀ ପ୍ରଜ୍ଞାପ୍ରକାଶ ନାୟକଙ୍କୁ ଭୁଆଁ ବୁଲାଇଥିଲେ ଏ କମ୍ପାନୀରେ ସେମାନେ ନିର୍ଦେଶକ ଅଛନ୍ତି ବୋଲି କହି ବିଭିନ୍ନ ଜାଲି ଦସ୍ତାବିଜ୍ ଦେଖାଇଥିଲେ ସିଙ୍ଗାପୁରରେ ଥିବା ଏହି କମ୍ପାନୀ ସେମାନଙ୍କର ସମସ୍ତ ଆନ୍ତର୍ଜାତୀୟ ବେପାରର ବୁଝାସୁଝା କରୁଛି ବୋଲି ବିଶ୍ୱାସ ଜନ୍ମାଇ ଆରମ୍ଭ କରିଥିଲେ କାରସାଦି ଆଉ ନିଶାରାଣୀ ଓ ପ୍ରଜ୍ଞାଙ୍କଠୁ ଟଙ୍କା ନେଇଥିଲେ। ଡିଏଲଏଫ ସାଇବର ସିଟିରେ ଯେଉଁ ଘର ଲୁମେକ୍ସ କମ୍ପାନୀ ନାଁରେ ଭଡ଼ା ସୂତ୍ରରେ ନେଇଥିଲେ, ସେ ଘର ଥିଲା ବିଜେଡି ନେତ୍ରୀ ଲୋପାମୁଦ୍ରା ବକ୍ସିପାତ୍ରଙ୍କର। ଲୋପାମୁଦ୍ରାଙ୍କୁ ବି ଛାଡ଼ିନାହାନ୍ତି ଅଭିଯୁକ୍ତ କୁଆଡ଼େ ଲୋପାମୁଦ୍ରାଙ୍କର ଦସ୍ତଖତକୁ ଜାଲି କରି ଆରଓସିରେ କମ୍ପାନୀ ପଞ୍ଜୀକରଣ କରିବାକୁ ସକ୍ଷମ ହୋଇଥିଲେ ବୋଲି କୁହାଯାଉଛି। ଏଭଳି ସ୍ଥିତିରେ ଅଭିଯୁକ୍ତ ରାଜୀବ ଦାସ, ସୋନିଆ ତ୍ରିପାଠୀ, ଉଷାରାଣୀ ପାଣିଗ୍ରାହୀ, ହିମାଂଶୁ ପାଣିଗ୍ରାହୀ ଓ ବିମଳ ପାଢ଼ୀଙ୍କ ଉପରେ ଆଇନଗତ ଆକ୍ସନ ଓ ସେମାନଙ୍କଠୁ ଟଙ୍କା ଫେରସ୍ତ ନେଇ ଦୀର୍ଘ ଦିନ ହେଲା ଧାଉଁଛନ୍ତି ନିଶାରାଣୀ ଓ ପ୍ରଜ୍ଞା। ହେଲେ କୋର୍ଟଙ୍କ ନିର୍ଦେଶ ପରେ ବି କମିଶନରେଟ ପୁଲିସର ଶୀଥିଳତା ତଦନ୍ତରେ ଅହେତୁକ ବିଳମ୍ୱ ସାଙ୍ଗକୁ କେବଳ ଅଭିଯୋଗକାରୀଙ୍କ ଚାରିପଟେ ତଦନ୍ତ ବୁଲୁଛି ବୋଲି ସନ୍ଦେହ ହେଉଥିଲା ଏହାକୁ ନେଇ ବିଧାନସଭାରେ ସରକାରଙ୍କଠୁ ଉତ୍ତର ଲୋଡ଼ିଥିଲେ ବିରୋଧୀ। ଠକକୁ ଗିରଫ ଓ ନିବେଶକାରୀକୁ ନ୍ୟାୟ ଦେବା ସକାଶେ ଅନବରତ ପ୍ରୟାସ କରି ବିଧାନସଭାରେ ସ୍ୱର ଉଠାଇଥିଲେ ବାହିନୀପତି ବାହିନୀପତିଙ୍କୁ ସମର୍ଥନ କରି ବିଜେପି ବି ସମସ୍ୱରରେ ଜବାବ ମାଗିଥିଲା ସରକାରଙ୍କୁ। ଆଉ କମିଶନରେଟ ପୁଲିସ ଏଭଳି ମାମଲାରେ ଅପରାଧିକ ଦିଗକୁ ଉନ୍ମୋଚନ କରିବାରେ ବିଳମ୍ୱ କରୁଥିବା କଥା ମୁଖ୍ୟମନ୍ତ୍ରୀଙ୍କ ଦପ୍ତର ବି ହୃଦବୋଧ କରିଛି ସେଥିଲାଗି ତ ମାମଲା ଏବେ ଇଓଡବ୍ଲୁ ହାତକୁ ନେବା ପରେ ତଦନ୍ତ ତ୍ୱରିତ ହେବ ବୋଲି ଆଶା କରାଯାଉଛି। ଇଓଡବ୍ଲ୍ୟୁ ମଧ୍ୟ ତାର ତଦନ୍ତକୁ ତ୍ୱାରାନ୍ବିତ କରିଛି। କମିଶନରେଟ ପୋଲିସଠୁ ଏ ସଂକ୍ରାନ୍ତୀୟ ଆବଶ୍ୟକ ନଥିପତ୍ର ନେଇସାରିଛି। ମାମଲା ଗମ୍ଭୀରତାକୁ ଦେଖି ଏକାହୁ ଅନୁଶୀଳନ କରିବା ଆରମ୍ଭ କରିସାରିଲାଣି ଇଓଡବ୍ଲ୍ୟୁ। ଆବଶ୍ୟକ ପଡିଲେ ଅଭିଯୋଗକାରୀଙ୍କୁ ପୁଣି ଡାକିବ ଇଓଡବ୍ଲ୍ୟୁ। ଆଉ ଅଭିଯୁକ୍ତଙ୍କ ପାଖରେ ଖୁବଶୀଘ୍ର ପହଞ୍ଚିବ ବୋଲି ସୂଚନା ଦେଇଛନ୍ତି ଇଓଡବ୍ଲ୍ୟୁ ଏସପି ଦିଲ୍ଲୀପ ତ୍ରୀପାଠୀ।  ଆଉ ଫାଇଭ-ଟି ଉପକ୍ରମ ଆଧାରରେ ତଦନ୍ତରେ ସ୍ୱଛତା ବଜାୟ ରଖିବାକୁ ଆରମ୍ଭ ହୋଇଛି ପଦକ୍ଷେପ।

     () ସେପଟେ ଇଓଡବ୍ଲୁ ମାମଲା ହାତକୁ ନେବା ପରେ ତଦନ୍ତ ତ୍ୱରିତ ହେବ ବୋଲି ଆଶା ରହିଛି। ଅଭିଯୁକ୍ତଙ୍କ ସମ୍ପର୍କୀୟ ଅତିରିକ୍ତ ସିପି ଉମାଶଙ୍କର ଦାସ ହୋଇଥିବା ହେତୁ ତଦନ୍ତ ଆଗଉନି କହି ଅଭିଯୋଗକାରିଣୀ ମୁଖ୍ୟମନ୍ତ୍ରୀ, ଫାଇଭ-ଟି ସଚିବ, ଗୃହ ସଚିବ ଓ ଡିଜିଙ୍କୁ ଚିଠି ଲେଖିଥିଲେ। ଆଉ ତଦନ୍ତରେ ସ୍ୱଛତା ବଜାୟ ରଖିବା ସହ ତ୍ୱରିତ ନ୍ୟାୟ ଦେବାକୁ ଶେଷରେ ମୁଖ୍ୟମନ୍ତ୍ରୀଙ୍କ ନିର୍ଦେଶ କ୍ରମେ ଫାଇଭ-ଟି ସଚିବ ଓ ଏଡିଜି କ୍ରାଇମବ୍ରାଞ୍ଚ ଅରୁଣ ବୋଥ୍ରା ଉଦ୍ୟମ ଆରମ୍ଭ କରିସାରିଛନ୍ତି। ଅରୁଣ ବୋଥ୍ରାଙ୍କ ଭଳି ଦକ୍ଷ ଅଫିସର ବି ଏହି ମାମଲାରେ ତଦନ୍ତରୁ ସବୁ ଦିଗକୁ ନିଜେ ଅନୁଧ୍ୟାନ କରିବେ ବୋଲି କହିଛନ୍ତି।  ଏଣିକି ନ୍ୟାୟ ଲାଗି ନିଶାରାଣୀ ପ୍ରଜ୍ଞାଙ୍କୁ ଅଧିକ ସମୟ ଅପେକ୍ଷା କରିବାକୁ ପଡ଼ିବନି ବୋଲି ସବୁଠି ଚର୍ଚ୍ଚା

     () ଦେଖିବାର କଥା, ଅଭିଯୁକ୍ତ କେବେ ବନ୍ଧା ହେବେ। ଏତେ ବଡ଼ ଧରଣର ଆର୍ଥିକ ନେଣଦେଣର ସବୁ ପ୍ରମାଣ ହାତା ପାହାନ୍ତାରେ। ଦୁର୍ନୀତିର ଚେରକୁ ଧରିବ ଇଓଡବ୍ଲୁ ଏଥିରେ ସମ୍ପୃକ୍ତ ମାଷ୍ଟରମାଇଣ୍ଡ ବି ଅଧିକ ଦିନ ଆଉ ଆଇନ ସହ ଲୁଚକାଳି ଖେଳି ପାରିବନି ବୋଲି ସାଧାରଣରେ ବିଶ୍ୱାସ ଦୃଢୀଭୂତ ହେବାକୁ ଲାଗିଲାଣି। ଲୁମେକ୍ସ ମହାଠକେଇର ମହାଠକଙ୍କୁ ଫାଇଭ-ଟି ଛାଟ ବାଜିବାକୁ ଆଉ ବେଶୀ ଦୂର ନୁହେଁ ବୋଲି ସବୁଠି ଚର୍ଚ୍ଚା। ବିରୋଧୀ ବି ସରକାରଙ୍କ ଏଭଳି ତତ୍ପରତାକୁ ସାଧୁବାଦ ଜଣାଇଛନ୍ତି। 

  • LUMEX INQUARY POLICE EFFICIENCY (ଲୁମେକ୍ସ ମହାଠକେଇ ତଦନ୍ତ ଜାରି)

    04/04/2023

    () ଲୁମେକ୍ସ ଲୁଟ ଓ କମିଶନରେଟ ପୁଲିସର ଲୁଚକାଳି ଖେଳକୁ ନେଇ ସବୁଠି ଚର୍ଚ୍ଚା। ଅବଶ୍ୟ ଇଓଡବ୍ଲୁ ନିଜ ହାତକୁ ତଦନ୍ତ ଭାର ନେବା ପରେ ଆଶା ସଞ୍ଚାର ହୋଇଛି ନିବେଶକ ନ୍ୟାୟ ପାଇବେ ବୋଲି। କିନ୍ତୁ ରାଜୀବ ଓ ସୋନିଆଙ୍କ କାରନାମା ଯେଉଁଠି ବି ଦେଖିଲେ, ସବୁଠି ଫ୍ରଡ୍‌ର ଚିହ୍ନ। ଯେଉଁ ସଂସ୍ଥା ନାଁରେ ଓ ନିବେଶକଙ୍କ ଟଙ୍କା ବ୍ୟବହାର କରି ଜାଲି ଦସ୍ତାବିଜ୍ ବଳରେ ରାଜୀବ ନିଜର ଜାଲିଆତି ସାମ୍ରାଜ୍ୟ ବିଛାଇଥିଲା, ସେମାନଙ୍କ ଏତଲା ଉପରେ କଅଣ କରିଛି ପୁଲିସ। ଆଜି ଦେଖନ୍ତୁ କେଉଁ ସ୍ତରର ଠକେଇ କରିଛନ୍ତି ରାଜୀବ ଓ ତାଙ୍କ ସହଯୋଗୀ। ସବୁଠି ଗୋଟିଏ ସ୍ୱର। ଫ୍ରଡ୍ ହିଁ ଫ୍ରଡ୍।

    ଲୁମେକ୍ସ ମହାଠକେଇ ମାମଲାରେ କମିଶନରେଟ ପୁଲିସର ଶୀଥିଳତାକୁ ନେଇ ଚାରିଆଡ଼େ ଚର୍ଚ୍ଚା। ବିଳମ୍ୱରେ ହେଲେ ବି ଇଓଡବ୍ଲୁ ଏହି ମାମଲା ହାତକୁ ନେଇଛି ସତ। ଦକ୍ଷ ଅଫିସର ଅରୁଣ ବୋଥ୍ରା ଏହାର ଅନୁଧ୍ୟାନ ନିଜେ କରିବେ କିନ୍ତୁ ଭୁବନେଶ୍ୱର ଡିସିପି ଗଲା ମାସରେ ଲୁମେକ୍ସ ମହାଠକେଇ ମାମଲାରେ କୋର୍ଟଙ୍କ ନିର୍ଦେଶକୁ କେତେଦୂର ଅନୁପାଳନ ହୋଇଛି, ତାହାର ଉତ୍ତର ଏମିତି ଢଙ୍ଗରେ ରଖିଥିଲେ।

    ଏନେଇ ଭୁବନେଶ୍ୱର ଡିସିପି ପ୍ରତୀକ ସିଂଙ୍କ କହିଛନ୍ତି  ମୂଳ କଥା ହେଲା, ପୋଲିସ କମିଶନରେଟ ଅତ୍ୟନ୍ତ ପ୍ରଫେସନାଲ ଢଙ୍ଗରେ କାର୍ଯ୍ୟ କରେ । ତାହେଲେ କଅଣ ତଦନ୍ତ କେବଳ ଅଭିଯୋଗକାରିଙ୍କ ଚାରିପଟେ ବୁଲୁଥିଲା। ଅଭିଯୁକ୍ତଙ୍କ ପାଖରେ ପହଞ୍ଚିବାକୁ କାହିଁକି ହାତ ଯାଉନଥିଲା ବୋଲି ଅଭିଯୋଗ କରି ବିଧାନସଭାରେ ବିରୋଧୀ ସ୍ୱର ଉଠାଇଥିଲେ। ମୁଖ୍ୟମନ୍ତ୍ରୀଙ୍କୁ ଚିଠି ଲେଖିଥିଲେ ତାରାପ୍ରସାଦ ବାହିନୀପତି। ଅଭିଯୁକ୍ତ ରାଜୀବ ଦାସ ଅତିରିକ୍ତ ସିପି ଉମାଶଙ୍କର ଦାସଙ୍କ ସମ୍ପର୍କୀୟ ହେତୁ ପୁଲିସ ପଛଘୁଞ୍ଚା ଦେଉଛି ବୋଲି କଥା ଉଠିଥିଲା କେବଳ ନିଶାରାଣୀ କି ପ୍ରଜ୍ଞାପ୍ରକାଶ ଅଭିଯୋଗକାରୀ ନଥିଲେ। ଜିଓଚେମ୍, ଜିନ୍ଦଲ ଭଳି ସଂସ୍ଥା ସହ କାରବାର ଓ ଚାଇନାକୁ କ୍ରୋମ୍ ରପ୍ତାନୀ ଚାଲିଛି କହି ରାଜୀବ ଓ ସୋନିଆ ନିବେଶକଙ୍କୁ ଚୂନ ଲଗାଉଥିଲେ। ଏ କଥା ଜାଣିବା ପରେ କିଛି ସଂସ୍ଥା ବି ଏହି ଦମ୍ପତ୍ତିଙ୍କ ବିରୁଦ୍ଧରେ ଥାନାରେ ଏତଲା ଦେଇଥିଲେ। ହେଲେ ପୁଲିସ ତଦନ୍ତ କଲା କି ନାହିଁ, ତାହା ବି ଅନ୍ଧାରରେ ସେପଟେ ଜିନ୍ଦଲ ବି ଲୁମେକ୍ସ ସଂସ୍ଥା ସହ କୌଣସି କାରବାର କରିନଥିବା ସ୍ପଷ୍ଟ କରିଛି ଆଉ ରାଜୀବ ଜଣେ ଠକ ବୋଲି ମାନିଛି ଆଇନଗତ ପଦକ୍ଷେପ ନିଆଯିବ ବୋଲି ଚେତାଇଦେଇଛି ସଂସ୍ଥା। ଏନେଇ ସୂଚନା ଦେଇଛନ୍ତି ଜିଓଚେମ୍ ଲାବୋରୋଟୋରୀ ଏସ.କେ. ସାହୁ ।

    ବିଜେଡି ନେତ୍ରୀ ଲୋପାମୁଦ୍ରା ବକ୍ସିପାତ୍ରଙ୍କ ଡିଏଲଏଫ ସାଇବର ସିଟିରେ ଥିବା ଘରେ ଲୁମେକ୍ସ ସଂସ୍ଥା ଖୋଲିଥିଲା। ଏଠି ବି ଲୋପାମୁଦ୍ରାଙ୍କର ଜାଲି ଦସ୍ତଖତ ବଳରେ କୁଆଡ଼େ ରାଜୀବ ଆରଓସିରେ କମ୍ପାନୀ ପଞ୍ଜୀକୃତ କରିଥିବା ଅଭିଯୋଗ ହୋଇଛି। କାରଣ ପାର୍ଟନରସିପ ଫର୍ମର ବର୍ଷେ ପରେ କମ୍ପାନୀ କେମିତି ଗଠନ ହେଲା ତାକୁ ନେଇ ପ୍ରଶ୍ନ ଉଠିଥିଲା। ସମ୍ପର୍କିତ ଅଭିଯୋଗ ଆରଓସି, ଲିକ୍ୟୁଡିଟର ଅଫିସରଙ୍କ ପାଖରେ ଦାଖଲ ସହ ଥାନାରେ ବି ଏତଲା ଦିଆଯାଇଛି ହେଲେ ସେ ବାବଦରେ ଅଗ୍ରଗତି କେତେଦୂର ଗଲା, ତାକୁ ନେଇ ବି ସବୁ ଅନ୍ଧାରରେ। ବଡ଼ କଥା ହେଲା କମ୍ପାନୀର ଏବେକାର ଷ୍ଟାଟସ କଅଣ, ତାକୁ ନେଇ ରିପୋର୍ଟ ଦାଖଲ କରିବାକୁ ନିଯୁକ୍ତ ହୋଇଥିଲେ କୋର୍ଟ ଅଫିସର। ଆଉ କମ୍ପାନୀ କେଉଁଠି ଅଛି, ଏବେକାର ସ୍ଥିତି ପରଖିଲା ବେଳକୁ କମ୍ପାନୀରେ ତାଲା ପଡ଼ିଥିଲା ଆସବାବପତ୍ର ବି ନଥିଲା ଲୁମେକ୍ସ କମ୍ପାନୀ ଘର ଭଡ଼ା ଦେବାକୁ ବି ଅସମର୍ଥ ଥିଲା ବୋଲି କୁଆଡ଼େ ଏହାର ନିର୍ଦେଶକ ଫେରାର୍ ହୋଇଯାଇଥିଲେ। ଏ ସମ୍ପର୍କିତ ରିପୋର୍ଟ ଗଲା ଡିସେମ୍ୱର ମାସରୁ ଦାଖଲ ସରିଲାଣି ବୋଲି ସୂଚନା ମିଳିଛି। ୫ ନିର୍ଦେଶକଙ୍କ ଭିତରେ ବିମଳ ପାଢ଼ୀଙ୍କ ବି ଖୋଜଖବର ନାହିଁ। ଆଇଡିଏଫସି ବ୍ୟାଙ୍କରୁ କ୍ରେଡିଟ କାର୍ଡ ଆଧାରରେ ଟଙ୍କା ନେଇ ଆଉ ଧରାଛୁଆଁ ଦେଉନାହାନ୍ତି ବିମଳ ଦୁଇ ମାସ ହେଲା ତାଙ୍କୁ ଯୋଗାଯୋଗ କରୁଛନ୍ତି ଫିଲ୍ଡ ଅଫିସର ନା ଫୋନ୍ ଉଠାଉଛନ୍ତି ନା ତାଙ୍କର ଠିକଣା ଠାବ ହୋଇପାରୁଛି ଆସନ୍ତା ମାସରୁ ବ୍ୟାଙ୍କ ବିମଳ ପାଢୀଙ୍କ ବିରୁଦ୍ଧରେ ଆଇନଗତ ଆକ୍ସନ ନେବାକୁ ଚିନ୍ତା କରିଛି ବୋଲି କହିଛନ୍ତି ଆଇଡିଏଫସି ବ୍ୟାଙ୍କ ଅଫିସର ଜ୍ୟୋତିର୍ମୟ ମହାପାତ୍ର  ।

    କୋର୍ଟ ଅଫିସର ଫରେନସିକ ଅଡିଟର ମାନିଲେ ଏହା ଫ୍ରଡ କମ୍ପାନୀ ସମସ୍ତ ଟଙ୍କା ନେଣଦେଣ ବ୍ୟକ୍ତିଗତ ପରିବାର ସମ୍ପର୍କୀୟଙ୍କ ଭିତରେ ହୋଇଥିଲା ନିବେଶକଙ୍କୁ ଚୂନ ଲଗାଇବା ପାଇଁ କୌଣସି ବାଟ ଛାଡିନଥିଲେ ଏହି ଠକ ଦମ୍ପତ୍ତି ନିବେଶକଙ୍କୁ ଚୂନ ଲଗାଇବାକୁ କିଭଳି ରାଜୀବ, ସୋନିଆ ଓ ତିନି ସହଯୋଗୀ ଜାଲ ବିଛାଇଥିଲେ, ତାହା ସମସ୍ତଙ୍କୁ ତାଜୁବ କରୁଛି। କାହାକୁ ବି ଛାଡ଼ିଲେନି ଏହି ରାକେଟ୍ ଏବେ ଇଓଡବ୍ଲୁ ମୂଳରୁ ଖୋଜିବ ଏହି ଦୁର୍ନୀତିର ଚେରକୁ। ଆଉ ମାମଲାର ଗମ୍ଭୀରତାକୁ ଦେଖି ଜାଲିଆତିର ଗଭୀରତାକୁ ଖୋଜୁଛି ଇଓଡବ୍ଲୁ ଜାଲିଆତିର ସାମ୍ରାଜ୍ୟର ଏହି ମାଷ୍ଟରମାଣ୍ଡକୁ ଧରିବାକୁ ତନାଘନା ଆରମ୍ଭ କରିଛି ଇଓଡବ୍ଲୁ।

    ବ୍ୟୁରୋ ରିପୋର୍ଟ ନକ୍ଷତ୍ର ନ୍ୟୁଜ୍

  • LUMEX RESOURCES LOOT INQUARY( ଲୁମେକ୍ସ ସଂସ୍ଥା ନାଁରେ ଆର୍ଥିକ ହେରଫେର)

    08/04/2023

    () ଗୋଟିଏ ଉଦ୍ଦେଶ୍ୟ ଥିଲା। ରାତାରାତି ଠକିବା। ଆଉ କୋଟି କୋଟି ଟଙ୍କା ନେଇ ପାର୍ ହୋଇଯିବା। ଚକାଚକ୍‌ ଅଫିସ, ବାବୁଙ୍କ ଭଳି ଠାଣିରେ ଏମିତିରେ ବି କେହି ଅବିଶ୍ୱାସ କରିବାର ପ୍ରଶ୍ନ ଉଠୁନଥିଲା। ଆଉ ବହୁ ବଡ଼ବଡ଼ିଆଙ୍କ ସହ ସମ୍ପର୍କ ସାଙ୍ଗକୁ ନାମୀଦାମୀ ସଂସ୍ଥା ସହ କାରବାର କରୁଥିବାର ମିଛ ଭେଳିକିକୁ ବି ସହଜେ କେହି ଧରିପାରିବେନି ବୋଲି ଭ୍ରମରେ ଥିଲେ ଠକ। କିନ୍ତୁ ଠକାମୀ ବେଶୀ ଦିନ ଚାଲିପାରିଲାନି। କମିଶନରେଟ ପୁଲିସରୁ ତଦନ୍ତ ଭାର ଇଓଡବ୍ଲୁ ନେଇ ଏବେ ଖୋଜୁଛି ଏହି ଠକଙ୍କୁ ଆଉ ଏମାନଙ୍କ ନେଟଓ୍ୱର୍କକୁ।

    ଜାଲ ବିଛାଇଥିଲେ ଆଉ ପାଲରେ ପକାଇଦେଇଥିଲେ ନିଶାରାଣୀ ମହାପାତ୍ରଙ୍କୁ ଲୁମେକ୍ସ ସଂସ୍ଥା ନାଁରେ ଡିଏଲଏଫ ସାଇବର ସିଟିରେ ଅଫିସ ଖୋଲି ଜାଲି ଦସ୍ତାବିଜ୍‌ ଦେଖାଇ ଆଗ ନିଶାରାଣୀଙ୍କ ଭଳି ନିବେଶକଙ୍କଠୁ ଟଙ୍କା ନେବାରେ ସଫଳ ହୋଇଥିଲେ ଠକ ଦମ୍ପତ୍ତି ରାଜୀବ ଦାସ ଓ ସୋନିଆ ତ୍ରିପାଠୀ। କିଛି ମାସ ଭଲ ରିଟର୍ଣ୍ଣ ଦେଇ ନିଶାରାଣୀଙ୍କ ସ୍ୱାମୀ ପ୍ରଜ୍ଞାପ୍ରକାଶଙ୍କୁ ବି ଜାଲରେ ପକାଇଲେ।। ପ୍ରଜ୍ଞାଙ୍କୁ ବ୍ରାଇଟ ହୋମ୍ସ ଡେକର ସଂସ୍ଥା ନାଁରେ ଚୂନ ଲଗାଇବା ଆରମ୍ଭ କଲେ ପୋଖରୀପୁଟରେ ଲକଜରି ଭିଲ୍ଲା ଓ ଡୁପ୍ଲେକ୍ସ ଦେବା ନାଁରେ ନେଇଗଲେ କୋଟି କୋଟି ଟଙ୍କା। ଉଭୟ ପତି ପତ୍ନୀଙ୍କ ବିଶ୍ୱାସରେ ବିଷ ଦେଇ କମ୍ପାନୀରେ ତାଲା ଠୁଙ୍କି ଫେରାର୍ ହୋଇଗଲେ ଏହି ଠକ ଦମ୍ପତ୍ତିଙ୍କ ସମେତ ଅନ୍ୟ ତିନି ସହଯୋଗୀ ଉଷାରାଣୀ ପାଣିଗ୍ରାହୀ, ହିମାଂଶୁ ପାଣିଗ୍ରାହୀ ଓ ବିମଳ ପାଢ଼ୀ। କମିଶନରେଟ ପୁଲିସର ଶୀଥିଳତା, କୋର୍ଟଙ୍କ ନିର୍ଦେଶକୁ ଅନୁପାଳନରେ ପୁଲିସର ପଛଘୁଞ୍ଚା, ଅତିରିକ୍ତ ସିପି ଉମାଶଙ୍କର ଦାସଙ୍କ ସହ ରାଜୀବଙ୍କ ସମ୍ପର୍କ, ବିଧାନସଭାରେ ବିରୋଧୀଙ୍କ ଗର୍ଜନ, ମୁଖ୍ୟମନ୍ତ୍ରୀଙ୍କୁ ଚିଠି ଆଉ ଶେଷରେ ଇଓଡବ୍ଲୁ ତଦନ୍ତ ହାତକୁ ନେବା ସବୁ ଅତୀତ ଏବେ କଥା ପଡ଼ିଛି, ଇଓଡବ୍ଲୁ କମିଶନରେଟ ପୁଲିସଠୁ ଆବଶ୍ୟକୀୟ ସମସ୍ତ ନଥିପତ୍ର ନେଇସାରିଲାଣି କେବେଠୁ। ଏଡିଜି ଅରୁଣ ବୋଥ୍ରା ପୁଣି ତଦନ୍ତକୁ ନିଜେ ଅନୁଧ୍ୟାନ କରୁଛନ୍ତି। କିନ୍ତୁ ସେପଟେ ଯେଉଁ ତଥ୍ୟ, ପ୍ରମାଣ ଏବେ ସମସ୍ତଙ୍କ ସାମ୍ନାରେ ରହିଛି ହୁଏତ, ଇଓଡବ୍ଲୁ ଭଳି ଦକ୍ଷ ତଦନ୍ତକାରୀ ସଂସ୍ଥାକୁ ତଦନ୍ତକୁ ଆଗେଇନେବାରେ ବିଳମ୍ୱ ଲାଗିନପାରେ ଆଉ ଅଭିଯୁକ୍ତଙ୍କ ପାଖରେ ପହଞ୍ଚିବା ବି ସମୟସାପେକ୍ଷ ହୋଇନପାରେ ଏନେଇ ନିଜର ମତ ପୋଷଣ କରିଛନ୍ତି କଂଗ୍ରେସ ନେତା ସନ୍ତୋଷ ସିଂ ସାଲୁଜା ।

    କାରଣ କୋର୍ଟ ଅଫିସର ଫରେନସିକ ଅଡିଟରୁ ମାନିଛନ୍ତି, ଲୁମେକ୍ସ ପୁରା ଫେକ୍ ତଦନ୍ତରେ ଦେଖିବାକୁ ପାଇଥିଲେ ଯେ, କମ୍ପାନୀରେ ତାଲା ପଡ଼ିଥିଲା ଏପରିକି ଚେୟାର ଟେବୁଲ୍‌ ବି ପାଇନଥିଲେ ନିବେଶର ସବୁ ଟଙ୍କା ନିର୍ଦେଶକମଣ୍ଡଳୀ ନିଜ ନିଜ ଭିତରେ ବାଣ୍ଟିକି ଖାଇ ଯାଇଛନ୍ତି ବିଶେଷକରି ରାଜୀବ, ଉଷା ବିମଳଙ୍କ ଆକାଉଣ୍ଟକୁ ଟଙ୍କା ଯାଇଛି କେବଳ ଏତିକି ନୁହେଁ। ଲୁମେକ୍ସ ସଂସ୍ଥା ଯାହା ସହ ବ୍ୟବସାୟିକ ଚୁକ୍ତି କରିଥିଲା ଆଉ ନେଣଦେଣ କରିଛି ବୋଲି ଦର୍ଶାଇଥିଲା, ସେ ସବୁ ବି ଫେକ୍ ବୋଲି ମାନିଛନ୍ତି। କାରଣ ଏହା ଆଇନସଙ୍ଗତ ବୋଲି ପ୍ରମାଣ କରିବାକୁ କୌଣସି ତଥ୍ୟପ୍ରମାଣ କୋର୍ଟ ଅଫିସରଙ୍କ ହାତରେ ଲାଗିନଥିଲା। ଏପରିକି ରାଜୀବ ହାର୍ଡଡିସ୍କ ନେଇ ପାର୍ ହୋଇଯାଇଛନ୍ତି ବିମଳଙ୍କୁ ବ୍ୟାଙ୍କ ଖୋଜୁଛି ଅନେକ ବ୍ୟାଙ୍କରୁ ଋଣ ନେଇ ଧରାଛୁଆଁ ଦେଉନାହାନ୍ତି ବୋଲି ଅଭିଯୋଗ ଆସିଛି। ଉଷା ହିମାଂଶୁଙ୍କ ଅବସ୍ଥା ବି କିଛି ଏମିତି ବ୍ରହ୍ମପୁରର ନୂଆଗାଁସ୍ଥିତ ଯେଉଁ ରୋୟାଲ ଫାର୍ମାସି ଫ୍ଲାଟରେ ରହୁଥିଲେ, ସେ ଘରକୁ ଆଉ କାହାକୁ ଦେଇସାରିଲେଣି। ଏହି ଫ୍ଲାଟରେ ଏବେ ରହୁଛନ୍ତି ଗଙ୍ଗାଧର ପାଣିଗ୍ରାହୀ। ଯଦିଓ ଘରର ପଞ୍ଜୀକରଣ କ୍ରେତାଙ୍କ ନାଁରେ ଏ ଯାଏ ସରିନି। ଗଙ୍ଗାଧରଙ୍କ କହିବା କଥା, ଏହି ଫ୍ଲାଟକୁ ତାଙ୍କ ନାଁରେ ଏ ଯାଏ ପଞ୍ଜୀକୃତ ହୋଇପାରିନି। କେବଳ ଏଗ୍ରିମେଣ୍ଟ ହୋଇଛି। ପଞ୍ଜାବ ନାସନାଲ ବ୍ୟାଙ୍କ, କର୍ଣ୍ଣାଟକ ବ୍ୟାଙ୍କରୁ ୨୨ ଲକ୍ଷ ଟଙ୍କାର ଋଣ ପାଣିଗ୍ରାହୀ ଦମ୍ପତ୍ତି ନେଇଛନ୍ତି ଗଙ୍ଗାଧରଙ୍କଠୁ ବି ଲକ୍ଷ ଟଙ୍କା ଧାର ନେଇଛନ୍ତି ଘର ପଞ୍ଜୀକରଣ ହେଲେ ଯାଇ ଋଣ ଟଙ୍କା ପରିଶୋଧ କରିବେ ବୋଲି ଗଙ୍ଗାଧର ପାଣିଗ୍ରାହୀ ସମତି ଦେଇ ଅପେକ୍ଷାରେ। ଆଉ ଚଳିତ ମାସରୁ ଗଙ୍ଗାଧରଙ୍କ ଆକାଉଣ୍ଟରୁ ଇଏମଆଇ କଟିବା ଆରମ୍ଭ ହୋଇଛି। ଏ ବିଷୟରେ କହିଛନ୍ତି କୋର୍ଟ ଅଫିସର ସୁରେଶ ପଟ୍ଟନାୟକ

    ଲାଗୁଛି ଯେମିତି ୫କୁ ଯେମିତି ପେଞ୍ଚ କରି ଅନ୍ୟକୁ ନିଜ ପଞ୍ଝାରେ ଫସାଇବାକୁ ଚେଷ୍ଟା କରିଥିଲେ, ଏବେ ସେମିତି ନିଜେ ଭୋଗୁଛନ୍ତି କିଏ ଆଇନ ଆଖିରେ ଧୂଳି ଦେଇ ଲୁଚିଛି ତ କିଏ ବ୍ୟାଙ୍କକୁ ଚୂନ ଲଗାଇ ଧରାଛୁଆଁ ଦେଉନି। ନିବେଶକଙ୍କ ବିଶ୍ୱାସରେ ବିଷ ଦେଇଥିବା ଏହି ଠକ ଗୋଷ୍ଠୀ ବି ଜାଣିବା ଦରକାର, ଆଇନର ହାତ ବହୁତ ଲମ୍ୱା ଅପରାଧ କରି ଯେତେ ଲୁଚିଲେ କି ଫନ୍ଦି କଲେ। କି କୌଣସି ପ୍ରଭାବଶାଳୀର ସମ୍ପର୍କୀୟ କହି ସାଧାରଣରେ ପ୍ରଭାବ ଦେଖାଇବାକୁ ଚେଷ୍ଟା କଲେ ବି ପରିଣତି ଶେଷରେ କଅଣ ହୁଏ, ଏ କଥା ଉଣା ଅଧିକେ ସମସ୍ତଙ୍କୁ ଜଣା।

    ବ୍ୟୁରୋ ରିପୋର୍ଟ ନକ୍ଷତ୍ର ନ୍ୟୁଜ୍

  • LUMEX RESOURCE FRAUD(ଲୁମେକ୍ସ ଠକେଇର ମାଷ୍ଟରମାଇଣ୍ଡି ରାଜୀବ ଦାସ)

    12/04/2023

    () ପାଣି ଭଳି ପ୍ରାଞ୍ଜଳ। ଲୁମେକ୍ସ ଠକେଇର ମୁଖ୍ୟ ମାଷ୍ଟରମାଇଣ୍ଡ ରାଜୀବ ଦାସଙ୍କର ନିଇତି କେଳେଙ୍କାରୀର ନୂଆ ନୂଆ ଚିଠା ଖୋଲୁଛି। କିନ୍ତୁ ଅଭିଯୁକ୍ତ କେଉଁଠି। ତଦନ୍ତକାରୀ ଏଜେନ୍ସି ଇଓଡବ୍ଲୁ ବି କଅଣ କମିଶନରେଟ ପୁଲିସ ଭଳି ଅଭିଯୋଗକାରୀଙ୍କ ଚାରିପଟେ ଖାଲି ବୁଲୁଛି କି। କାହିଁକି ଏ ଯାଏ କୌଣସି ଆଖିଦୃଶିଆ ପଦକ୍ଷେପ ନେଇପାରିନି। ଏହି ପ୍ରଶ୍ନ ଭିତରେ ରାଜୀବ ଓ ତାହାର ସହଯୋଗୀ କିଭଳି ବିଭିନ୍ନ ସେଲିବ୍ରିଟିଙ୍କୁ ନେଇ ବଡ଼ ହୋଟେଲରେ କାର୍ଯ୍ୟକ୍ରମ କରି ନିବେଶକଙ୍କୁ ଅତୀତରେ ଆକୃଷ୍ଟ କରିବାକୁ ଫନ୍ଦି କରିଥିଲେ, ତାହାର ଏକ ପ୍ରମାଣ ସାମ୍ନାକୁ ଆସିଛି। ପ୍ରାୟ୧୭ ମାସ ବିତିଗଲାଣି। ନିବେଶକାରୀ ନିଶାରାଣୀ ନ୍ୟାୟ ଲାଗି ଦୌଡୁଛନ୍ତି। ଜାଲି ଦସ୍ତାବିଜ୍ ବଳରେ ତାଙ୍କଠୁ ରାଜୀବ, ସୋନିଆ ଓ ତାଙ୍କର ସହଯୋଗୀ କୋଟି କୋଟି ଟଙ୍କା ଲୁଟିନେଲେ। ଲୁମେକ୍ସ ସଂସ୍ଥାରେ ତାଲା ଠୁଙ୍କି ପାର୍ ହୋଇଗଲେ। କମିଶନରେଟ ପୁଲିସ ନ୍ୟାୟ ଦେଇପାରିଲାନି। ଅତିରିକ୍ତ ସିପି ଉମାଶଙ୍କର ଦାସଙ୍କ ସମ୍ପର୍କୀୟ ହେତୁ ରାଜୀବ ଦେହରେ ହାତ ମାରିବାକୁ କମିଶନରେଟ ପୁଲିସ ସାହସ କୁଳାଇପାରିଲାନି ବୋଲି ମୁଖ୍ୟମନ୍ତ୍ରୀଙ୍କଠୁ ନେଇ ଫାଇଭ-ଟି ସଚିବ, ଗୃହ ସଚିବ ଓ ଡିଜିଙ୍କୁ ଚିଠି ଲେଖି ଆଶଙ୍କାବ୍ୟକ୍ତ କରିଥିଲେ ନିଶାରାଣୀ। ବିଧାନସଭାରେ ଏହାକୁ ନେଇ ବିରୋଧୀ ସ୍ୱର ଉଠାଇବା ସହ ମୁଖ୍ୟମନ୍ତ୍ରୀଙ୍କୁ ଚିଠି ଲେଖିଥିଲେ ବାହିନୀପତି। ଆଉ ଶେଷରେ ଇଓଡବ୍ଲୁକୁ ଏହାର ତଦନ୍ତ ଭାର ଦେଲେ ସରକାର। ହେଲେ କମିଶନରେଟ ପୁଲିସଠୁ ଇଓଡବ୍ଲୁ କେବେଠୁ ନଥିପତ୍ର ନେଇସାରିଲାଣି। କିନ୍ତୁ ଆଖିଦୃଶିଆ ପଦକ୍ଷେପ କାଇଁ। ତଦନ୍ତ ନାଁରେ କେବଳ ଆଇଓ୍ୱାସ ପାଇଁ ଏହା ଉଦ୍ଦିଷ୍ଟ ନୁହେଁ ତ ବୋଲି ସନ୍ଦେହ ହେଲାଣି। କମିଶନରେଟ ପୁଲିସ ପାରିଲାନି ବୋଲି ନିଜର ଟେନସନ ଇଓଡବ୍ଲୁକୁ ଦେଇଦେଲା। ହେଲେ ଇଓଡବ୍ଲୁ ଭଳି ଦକ୍ଷ ତଦନ୍ତକାରୀ ଏଜେନ୍ସି ଓ ଏହାର ଦକ୍ଷ ଅଫିସର ଅରୁଣ ବୋଥ୍ରାଙ୍କ ତଦନ୍ତ ଶୈଳୀ ନିବେଶକଙ୍କ ଭିତରେ ଆଶାସଞ୍ଚାର କରିଥିଲା। ହେଲେ ସମୟ ଗଡ଼ୁଛି ସିନା। ନିବେଶକ ନ୍ୟାୟ ଅପେକ୍ଷାରେ ସନ୍ତୁଳିତ ହେଉଛନ୍ତି ଖାଲି। ବିଜେପି ନେତା ପୃଥ୍ୱୀରାଜ ହରିଚନ୍ଦନ କହିଛନ୍ତି, ଓଡ଼ିଶାରେ ଅନେକ ଆର୍ଥିକ କେଳେଙ୍କାରୀ ଭଳି ଏହା ବି ଏକ ବଡ଼ ଧରଣର ଠକେଇ। ଏହି ପ୍ରସଙ୍ଗ ବିଧାନସଭାରେ ବିରୋଧୀ ଦଳ ନେତା ଉଠାଇଥିଲେ। କୌଣସି ବଡ଼ବଡ଼ିଆଙ୍କ ଚାପରେ ଯଦି ତଦନ୍ତକୁ ଦିଗହରା ସହ ବିଳମ୍ୱ କରାଯାଉଥାଏ। ତେବେ ଏହା ମୁଖ୍ୟମନ୍ତ୍ରୀଙ୍କ ଦୁର୍ନୀତି ବିରୋଧୀ ଶୂନ୍ୟ ସହନଶୀଳତା ନୀତି ପ୍ରତି କୁଠାରଘାତ କରୁଛି। ଠକ ଦମ୍ପତ୍ତି ରାଜୀବ ଓ ସୋନିଆଙ୍କୁ କେଉଁ ପରିସ୍ଥିତିରେ ସୁରକ୍ଷା ଦିଆଯାଉଛି କହି ଏହାର ଉତ୍ତର ରାଜ୍ୟବାସୀଙ୍କୁ ସରକାର ଦେବା ଦରକାର ବୋଲି କହିଛନ୍ତି। ପିସିସି ସଭାପତି ଶରତ ପଟ୍ଟନାୟକ କହିଛନ୍ତି, ଠକ ଦମ୍ପତ୍ତିଙ୍କୁ କାହା ଛତ୍ରଛାୟା ତଳେ ସୁରକ୍ଷା ଦିଆଯାଉଛି। ଜିରୋ ଟଲେରାନ୍ସ କେଉଁଠି ବି ଦେଖାଯାଉନି। ସେପଟେ ଶିଳ୍ପମନ୍ତ୍ରୀ ପ୍ରତାପ ଦେବ କହିଛନ୍ତି, ଏଭଳି ଠକାମୀର ତଦନ୍ତ ଲାଗି ସରକାର ସଜାଗ ଅଛନ୍ତି। ନିବେଶକାରୀଙ୍କୁ ଚୂନ ଲଗାଉଥିବା ଅନେକ ଫ୍ରଡ୍ କମ୍ପାନୀ ବିରୁଦ୍ଧରେ ଆକ୍ସନ ଲାଗି ଉଭୟ କେନ୍ଦ୍ରୀୟ ତଦନ୍ତକାରୀ ଏଜେନ୍ସି ଓ ରାଜ୍ୟ ସରକାରଙ୍କ ଏଜେନ୍ସି କାମ କରୁଛନ୍ତି।

    ତେବେ ରାଜୀବ କେମିତି ନିବେଶକଙ୍କୁ ପାଲରେ ପକାଉଥିଲେ, ତାହାର ଏକ ପ୍ରମାଣ ଲାଗିଛି ହାତରେ। ୨୦୧୯ର କଥା। ମେ ଫେୟାର ହୋଟେଲରେ ବଡ଼ ଜାକଜମକରେ ଓଲିଉଡ୍ ଅଭିନେତ୍ରୀ ଅନୁ ଚୌଧୁରୀଙ୍କ ଭଳି ସେଲିବ୍ରିଟିଙ୍କୁ ଡାକି ଯେଉଁ କମ୍ପାନୀ ଜନ୍ମ ନେଇଥିଲା, ତାହାର ନାଁ ଥିଲା ରେଭାଟାଜ ଗ୍ଲୋବାଲ। ଯେଉଁ ରେଭାଟାଜ ଗ୍ଲୋବାଲ କମ୍ପାନୀ ଏବେ ଗୁଗଲରେ ସର୍ଚ୍ଚ କଲେ ଅସ୍ଥାୟୀ ଭାବେ ବନ୍ଦ ଥିବା ଦର୍ଶାଉଛି। ଆଉ ଯେଉଁ ଠିକଣା ଦିଆଯାଇଥିଲା, ସେଠି ଏବେ ଅଫିସର କୌଣସି ଚିହ୍ନବର୍ଣ୍ଣ ନାହିଁ। ବଡ଼ କଥା ହେଲା ଏବେ ବି ଏହି କମ୍ପାନୀ ଆକ୍ଟିଭ୍। ଓଲିଉଡ୍ ଅଭିନେତ୍ରୀ ଅନୁ ଚୌଧୁରୀଙ୍କ ସହ ରାଜୀବ ଦାସ, ପତ୍ନୀ ସୋନିଆ ତ୍ରିପାଠୀ ଓ ତାଙ୍କର ସହଯୋଗୀ ବିକ୍ରମ ସାହୁଙ୍କ ଫଟୋ ପଦାକୁ ଆସିଛି। ନିବେଶକଙ୍କୁ ଆକୃଷ୍ଟ କରିବାକୁ ଅନୁଙ୍କ ଭଳି ସେଲିବ୍ରିଟିଙ୍କୁ ଡାକି କାର୍ଯ୍ୟକ୍ରମ କରିଥିଲେ ରାଜୀବ ଓ ତାଙ୍କର ସହଯୋଗୀ। କିନ୍ତୁ କୋର୍ଟ ଅଫିସରଙ୍କ ଫରେନସିକ୍ ଅଡିଟ ରିପୋର୍ଟ ସ୍ପଷ୍ଟ କରିସାରିଛି ଯେ, ଲୁମେକ୍ସରେ ନିବେଶକ ଖଟାଇଥିବା ଟଙ୍କାକୁ ରେଭାଟାଜ ଗ୍ଲୋବାଲକୁ ଯାଇଥିଲା। ରେଭାଟାଜ ଗ୍ଲୋବାଲ କମ୍ପାନୀ ଫ୍ରଡ୍ ବୋଲି କୋର୍ଟ ଅଫିସର ବି କହିସାରିଛନ୍ତି। ଲୁମେକ୍ସ ଗଠନର କିଛି ମାସ ପରେ ହିଁ ରେଭାଟାଜ ଗ୍ଲୋବାଲ କମ୍ପାନୀ ଆରମ୍ଭ ହୋଇଥିଲା। ଆଉ ନିବେଶକଙ୍କ ପୁରା ଟଙ୍କାକୁ ନିଜ ନିଜ ଭିତରେ ରାଜୀବ ଓ ତାଙ୍କ ସହଯୋଗୀ ଚଳୁ କରିଥିଲେ ବୋଲି ଜଣାପଡ଼ୁଛି। ସେଥିଲାଗି ପୁରା ଟଙ୍କାକୁ ରେଭାଟାଜରୁ ରିକଭରି ହେବା ଦରକାରବୋଲି କୋର୍ଟ ଅଫିସର ମତ ଦେଇଥିଲେ। ଗୋଟିଏ କମ୍ପାନୀ ବନ୍ଦ ହେଲେ ଆଉ ଗୋଟିଏ ଖୋଲିବାକୁ ବେଶୀ କସରତ କରିବାକୁ ପଡ଼ୁନଥିଲା ରାଜୀବ ଓ ତାଙ୍କର ସହଯୋଗୀଙ୍କୁ। କାରଣ ମୁଖ୍ୟ ଉଦେଶ୍ୟ ଥିଲା, ନିବେଶକଙ୍କୁ ଲୁଟ୍ କରିବା ଆଉ ନିବେଶକଙ୍କ ଟଙ୍କାକୁ ନିଜ ନିଜ ଭିତରେ ଭାଗ ବଣ୍ଟୁଆରା କରି ଲକଜରି ଲାଇଫ୍ ଜିଇଁବା। ନିବେଶକ ତେଣିକି ଚୁଲିକୁ ଯାଆନ୍ତୁ ପରବାଏ ନାହିଁ। ପୁରା ପ୍ରକରଣକୁ ଦେଖିଲେ ଲାଗୁଛି, କ୍ୟୁ-ନେଟ୍‌ ଭଳି ବଡ଼ ସ୍କାମ୍ ଯେମିତି ଅତୀତରେ ନିଜର କାୟା ମେଲାଇଥିଲା। ଆଉ ସବୁ ବର୍ଗର ଲୋକଙ୍କୁ ଆକୃଷ୍ଟ କରି ସେମାନଙ୍କ ନିବେଶ ଟଙ୍କାକୁ ଧରି ଛୁ ମାରିଥିଲା। ଅନୁରୂପ ଭାବେ ତେଲେଙ୍ଗାନା ଭଳି ରାଜୀବ ଓ ତାଙ୍କର ସହଯୋଗୀ ଏମିତି ଜାଲ ବିଛାଇଛନ୍ତି ଓଡ଼ିଶାରେ। ହେଲେ ଅଭିଯୁକ୍ତଙ୍କ ପାଖରେ ଏ ଯାଏ ପହଞ୍ଚିପାରୁନି ପୁଲିସ। ଅଭିଯୁକ୍ତଙ୍କୁ ନ ଧରିଲା ଯାଏ, କେମିତି ଏ ସବୁର ଗୁମର ଫିଟିବ। କେମିତି ନିବେଶକାରୀ ନ୍ୟାୟ ପାଇବେ। ତାହା ହିଁ ବଡ଼ ପ୍ରଶ୍ନ।

    ବ୍ୟୁରୋ ରିପୋର୍ଟ ନକ୍ଷତ୍ର ନ୍ୟୁଜ୍

  • ମୋ ବସରୁ ନେଇଗଲେ 50,000 ଟଙ୍କା

    ଭୁବନେଶ୍ୱର: ପୁଣି ଥରେ ବସ ଯାତ୍ରୀଙ୍କ ଠାରୁ ଟଙ୍କା ଲୁଟ୍ । ବରମୁଣ୍ଡାରୁ କଟକ ଜଗତପୁର ଯାଉଥିବା 18 ନଂ ମୋ ବସରୁ ମଙ୍ଗଳବାର ଦିନ 50,000 ଟଙ୍କା ଚୋରି ହୋଇଥିବା ଅଭିଯୋଗ ହୋଇଛି । ଏନେଇ ଚନ୍ଦ୍ରଶେଖରପୁର ଥାନାରେ ଅଭିଯୋଗ କରିଛନ୍ତି ବାଙ୍କୀ ଥାନା ଅଧୀନ ବିଲୁପଡା ବଡପଦନପୁରର ରାଜକିଶୋର ଜେନା ।

    ରାଜକିଶୋରଙ୍କ କହିବା ଅନୁଯାୟୀ ମଙ୍ଗଳବାର ଦିନ ସେ ତାଙ୍କ ପରିବାର ସହ ବାଙ୍କିରୁ ତ୍ରିଶୁଳିଆକୁ ଆସିଥିଲେ । ସେଠାରୁ ସେମାନେ ଭୁବନେଶ୍ୱର ଆସିବା ପାଇଁ ମୋ ବସରେ ବସିଥିଲେ । ସେ ନିଜର ଗନ୍ତବ୍ୟ ସ୍ଥଳରେ ପହଞ୍ଚିବା ପୂର୍ବରୁ ତାଙ୍କ ଟଙ୍କା ଚୋରି ହୋଇଥିବା ଜାଣିପାରିଥିଲେ । ରାଜକିଶୋର ତାଙ୍କ ଟଙ୍କା ଚୋରି ଜାଣିବା ପରେ ମୋ ବସ ର କଣ୍ଡକ୍ଟରଙ୍କୁ ଜଣାଇଥିଲେ । ବସ କର୍ମଚାରୀ ବସରେ ଥିବା ସମସ୍ତ ଯାତ୍ରୀଙ୍କୁ ଯାଞ୍ଚ କରିଥିଲେ କିନ୍ତୁ କାହାରି ପାଖରେ ଟଙ୍କା ମିଳିନଥିଲା । ପରେ ସେ ଥାନାକୁ ଯାଇ ଏ ସମ୍ପର୍କରେ ଏତଲା ଦେଇଥିଲେ ।

    ଚଳିତ ମାସ 10 ତାରିଖରେ ଝିଅ ବାହାଘର ସାରିଥିବାରୁ ବାହାଘର ଚଳଣିକୁ ବଜାୟ ରଖିବା ପାଇଁ ଭୁବନେଶ୍ୱରକୁ ଲୁଗା କିଣିବାକୁ ଆସିଥିଲେ ରାଜକିଶୋର । କିନ୍ତୁ ତାଙ୍କ ଖୁସିକୁ ଯେମିତି କାହାର ନଜର ଲାଗିଯାଇଥିଲା ।

    ମୋ ବସରେ ଏପରି ଘଟଣା କିଛି ନୂଆ ନୁହେଁ । ଆଗରୁ ମଧ୍ୟ ଅନେକ ଚେନ, ମୋବାଇଲ ଓ ଟଙ୍କା ଲୁଟେରା ମୋ ବସରୁ ଧରାପଡିଛନ୍ତି । ଗତ ବର୍ଷ ଏକ କ୍ୟାନସର ରୋଗୀ ଠାରୁ 42 ହଜାର ଟଙ୍କା ଚୋରି ହୋଇଥିଲା । ଏନେଇ କମିଶନରେଟ ପୋଲିସ ଏକ ସାତ ଜଣିଆ ଟିମ ଗଠନ କରି ଲୁଟେରା ଗ୍ୟାଙ୍ଗକୁ ଧରିବାରେ ସଫଳ ହୋଇଥିଲା । ତେବେ ଅଧିକ ଭିଡ ଯୋଗୁ ବସରେ ଲୁଟ୍ ର ସଂଖ୍ୟା ବଢୁଥିବା କଥା ଜଣାପଡିଥିଲା ।

  • ରାତିରେ ଫୁଲ ତୋଳି ଲୁଟର ଶିକାର ହେଲେ ମହିଳା

    ଭୁବନେଶ୍ୱର: ରାଜଧାନୀରେ ରାତି ଅଧିଆ ମାତିଛନ୍ତି ଲୁଟେରା । ଫୁଲ ତୋଳିବାକୁ ବାହାରୁଥିବା ବ୍ୟକ୍ତିଙ୍କୁ କରୁଛନ୍ତି ଲୁଟ । ଜଣେ ମହିଳାଙ୍କୁ ଲୁଟ ହୋଇଥିବା ପୂରା ଦୃଶ୍ୟ ସିସିଟିଭିରେ ହୋଇଛି କଏଦ । ତେବେ ଘଟଣାଟି ଦେଖିବାକୁ ମିଳିଛି  ଲକ୍ଷ୍ମୀ ସାଗର ଥାନା ଅଧୀନ ଓସ୍କାର ଅଞ୍ଚଳରେ । ପୋଲିସ ମାମଲା ରଜୁ କରି ଆରମ୍ଭ କରିଛି ତଦନ୍ତ ।

    ମିଳିଥିବା ସୂଚନା ଅନୁଯାୟୀ, ରବିବାର ରାତି ପ୍ରାୟ 3.20 ସମୟରେ ଜଣେ ମହିଳା ଫୁଲ ତୋଳିବା ପାଇଁ ନିଜ ଘରୁ ବାହାରକୁ ଯାଇଥିଲେ । ସେ ଫୁଲ ତୋଳିବାର ଦେଖି ଜଣେ ଦୁର୍ବୃତ୍ତ ତାଙ୍କୁ ହଠାତ୍ ଗୋଡାଇଥିଲା । ମହିଳା ଜଣକ ଦୌଡି ପଳାଉଥିଲେ । କିନ୍ତୁ ହଠାତ ସେ ପଡିଯାଇଥିଲେ । ମହିଳା ଜଣକ ପଡିଯିବା ପରେ ଦୁର୍ବୃତ୍ତ ତାଙ୍କ ଉପରେ ମାଡି ବସି ତାଙ୍କ ବେକରେ ଲାଗିଥିବା ସୁନା ଚେନକୁ ଟାଣି ନେଇଯାଇଥିଲା । ଏନେଇ ମହିଳା ଲକ୍ଷ୍ମୀ ସାଗର ଥାନାରେ ଲିଖିତ ଅଭିଯୋଗ କରିଥିଲେ ।

    ଅଭିଯୋଗ ଅନୁଯାୟୀ ପୋଲସ ଉକ୍ତ ଜାଗାରେ ଥିବା ସିସିଟିଭିକୁ ଫୁଟେଜକୁ  ଆଧାର କରି  ତଦନ୍ତ ଆରମ୍ଭ କରିଛି ।

  • ମହିଳା ବିଚାରପତିଙ୍କ ଠାରୁ ଲୁଟ୍

    ନୂଆଦିଲ୍ଲୀ: ଦେଶରେ ଅପରାଧିକ ମାମଲା ଏତେ ବଢି ଗଲାଣି ଯେ ସାଧାରଣ ବ୍ୟକ୍ତିଙ୍କ ଠାରୁ ଆରମ୍ଭ କରି କୋର୍ଟର ବିଚାରପତିଙ୍କ ଜୀବନ ବି ସଙ୍କଟରେ  । ନିକଟରେ ରାଜଧାନୀ ଦିଲ୍ଲୀରେ ଘଟିଛି ଏପରି ଘଟଣା । ଦୁଇ ଲୁଟେରା ଲୁଟ୍ କରିବା ପାଇଁ ବିଚାରପତିଙ୍କୁ ଟାର୍ଗେଟ କରିଥଲେ ଓ ଲୁଟ୍ ପରେ ଜଜ୍ ଜଣଙ୍କୁ ଧକ୍କା ମାରିବାରୁ ତାଙ୍କର ମୁଣ୍ଡରେ ଆଘାତ ଲାଗିଥିଲା । ତେବେ ବିଚାରପତିଙ୍କ ଅଭିଯୋଗ ପରେ ପୋଲିସ ଦୁଇ ଜଣକୁ ଗିରଫ କରିଛି ।  
    ପୋଲିସ ଠାରୁ ମିଳିଥିବା ସୂଚନା ଅନୁଯାୟୀ ରଚନା ତିୱାରୀ ନାମକ ଏହି ମହିଳା ଜଜ ନିଜ ପୁଅ ସହ ଘର ବାହାରେ ରାତି 10ଟାରେ ବୁଲୁଥିଲେ । ହଠାତ ସେଠାରେ ଦୁଇଜଣ ଲୁଟେରା ପହଞ୍ଚି ମହିଳାଙ୍କ ପାଖରେ ଥିବା ବ୍ୟାଗକୁ ଛଡାଇ ନେଇଥିଲେ । ବ୍ୟାଗକୁ ଛଡାଇବା ପରେ ସେମାନେ ମହିଳାଙ୍କୁ ଧକ୍କା ମାରିଥିଲେ, ଫଳରେ ଜଜ ଜଣକ ତଳେ ପଡିଯାଇଥିଲେ ଏବଂ ତାଙ୍କ ମୁଣ୍ଡରେ ଆଘାତ ଲାଗିଥିଲା । ବ୍ୟାଗରେ 8 ରୁ 10 ହଜାର ଟଙ୍କା , ଏ ଟି ଏମ କାର୍ଡ ଆଉ କିଛି ଗୁରୁତ୍ୱପୂର୍ଣ୍ଣ ଦଲିଲ ଥିବା ଜଣା ପଡିଛି ।

    ଘଟଣା ପରେ ଜଜଙ୍କ ପୁଅ ତାଙ୍କ ବାପାଙ୍କୁ ତୁରନ୍ତ ଖବର ଦେଲେ ଓ ସେମାନେ ମହିଳାଙ୍କୁ ହସ୍ପିଟାଲ କୁ ନେଇ ଯାଇଥିଲେ । ଘଟଣାଟି ବିଚାରପତିଙ୍କୁ ସହ ଜଡିତ ଥିବାରୁ ପୋଲିସ ତୁରନ୍ତ କର୍ଯ୍ୟାନୁଷ୍ଠାନ ଗ୍ରହଣ କରି ଦୁଇଜଣକୁ ଗିରଫ କରିଥିଲେ । ଅଭିଯୁକ୍ତକୁ ଧରିବାକୁ ପୋଲିସକୁ ସିସିଟିଭି ଯାଞ୍ଚ କରିଥିଲା। ଦୁଇ ଅଭିଯୁକ୍ତ ହେଉଛନ୍ତି ଦିଲଶାଦ ଓ ରାହୁଲ ।

    ଅଭିଯୁକ୍ତ ଦିଲଶାଦ ଜଣେ ପେଶାଦାର ଅପରାଧୀ ଥିଲାବେଳେ ତା ବିରୁଦ୍ଧରେ ଥାନାରେ 10ଟି ମାମଲା ଅଛି ଏବଂ ରାହୁଲର ଏହା ପ୍ରଥମ ଘଟଣା ଥିବା ତଦନ୍ତରୁ ଜଣା ପଡିଛି ।  ପୋଲିସ ସେମାନଙ୍କଠାରୁ ଚୋରି ପାଇଁ ବ୍ୟବହୃତ ବାଇକ, 4 ହଜାର ଟଙ୍କା ଏବଂ ଦୁଇ ଏ ଟି ଏମ କାର୍ଡକୁ ଜବତ କରିଛି । 

Back to top button