maharashtra

ପୁଷ୍ଟିହୀନତାରୁ କଲବଲ ହୋଇ ଶିଶୁଙ୍କ ଜୀବନ ଯାଉଛି। ଅଥଚ ପ୍ରଶାସନ ନୀରବଦ୍ରଷ୍ଟା ହୋଇ ବସିଛି। କେବଳ ଆଜିକାର କଥା ନୁହେଁ। ଗଲା ୧୬ ବର୍ଷ ଧରି ମହାରାଷ୍ଟ୍ରର ମେଲଘାଟରେ ଥିବା ଆଦିବାସୀ ପଡ଼ାରେ ପୁଷ୍ଟିହୀନତାରୁ ମୃତ୍ୟୁର ବିଭୀଷିକା ଜାରି ରହିଛି। କଅଣ କରୁଛନ୍ତି ସରକାର। ଅମରାବତୀ ଜିଲ୍ଲା ପ୍ରଶାସନ କାହିଁକି ଏଥିରେ ଲଗାମ ଲଗାଇପାରୁନି। ଏଭଳି ଶବ୍ଦରେ ବମ୍ୱେ ହାଇକୋର୍ଟ ଚିନ୍ତାପ୍ରକଟ କରିବା ସହ କାହିଁକି ମୃତ୍ୟୁ ସଂଖ୍ୟା ହ୍ରାସ ପାଇନି ବୋଲି ସରକାରଙ୍କୁ ପଚାରିଛନ୍ତି। ପୁଷ୍ଟିହୀନତାରେ ପିଲାଙ୍କ ଜୀବନ ଯାଉଛି କହି ୨୦୦୬ରୁ ଅଦାଲତରେ ଜନସ୍ୱାର୍ଥ ମାମଲା ହେଲାଣି। ସେହିଭଳି ପାଲଘର ଜିଲ୍ଲାରେ ଜଣେ ମାଆ ନିଜର ଦୁଇ ଜାଆଁଳା ଛୁଆଙ୍କୁ ଅକାଳରେ ହରାଇଦେଲା। କାରଣ ବୋଟୋସି ଗାଁରେ କୌଣସି ହସ୍ପିଟାଲ ନଥିଲା। ଏ କଥାକୁ ବି ମୁଖ୍ୟ ବିଚାରପତି ନିଜ ଦୃଷ୍ଟିକୁ ଆଣିଛନ୍ତି। ମୁଖ୍ୟ ବିଚାରପତି ଦିପଙ୍କର ଦତ୍ତା, ଜଷ୍ଟିସ ଏମ.ଏସ. କାର୍ଣ୍ଣିକଙ୍କ ଖଣ୍ଡପୀଠ ଏହାର ଶୁଣାଣୀ କରିଥିଲେ।

ମେଲଘାଟ ଅଞ୍ଚଳରେ ବିଶେଷଜ୍ଞ ଡାକ୍ତର, ଆବଶ୍ୟକୀୟ ପୁଷ୍ଟିକର ଖାଦ୍ୟ ଯୋଗାଣ ସହ ପିଲା ଓ ଗର୍ଭବତୀଙ୍କ ପାଇଁ ଉପଯୁକ୍ତ ସ୍ୱାସ୍ଥ୍ୟ ସୁବିଧା ଯୋଗାଇବାକୁ ଆବେଦନକାରୀ ଅଦାଲତର ହସ୍ତକ୍ଷେପ ଲୋଡ଼ିଥିଲେ। ଆବେଦନକାରୀ ଡକ୍ଚର ରାଜେନ୍ଦ୍ର ବର୍ମାଙ୍କ ଓକିଲ ଜେ.ଟି. ଗିଲଡା କୋର୍ଟକୁ ଜଣାଇଥିଲେ କି, ଜୁଲାଇ ୧୫ରୁ ଅଗଷ୍ଟ ୧୫ ମାସକ ଭିତରେ ଗୋଟିଏ ଗାଁରେ କେବଳ ୧୮ ପିଲାଙ୍କ ମୃତ୍ୟୁ ହୋଇଛି। ଅବଶ୍ୟ ସେ ଅଞ୍ଚଳରେ ଡାକ୍ତର ନିଯୁକ୍ତ ହୋଇଛନ୍ତି। କିନ୍ତୁ ସେମାନଙ୍କ ଭିତରୁ ୫୦ ପ୍ରତିଶତ ଡାକ୍ତର ଡ୍ୟୁଟିରେ ଜଏନ କରିନାହାନ୍ତି। ଯଦିଓ ଡାକ୍ତରଙ୍କୁ ମୋଟା ତଥା ଆକର୍ଷଣୀୟ ଦରମା ଦିଆଯାଉଛି। ଏହାକୁ ଶୁଣି ଜଷ୍ଟିସ କାର୍ଣ୍ଣିକ ଅନୁପସ୍ଥିତ ତଥା ଡ୍ୟୁଟିରେ ଜଏନ କରିନଥିବା ସମସ୍ତ ଡାକ୍ତରଙ୍କ ତାଲିକା ମାଗିଛନ୍ତି। ଯଦି ଏହା ସତ ତେବେ ସାଙ୍ଘାତିକ। କେବଳ ଏତିକି ନୁହେଁ। ଅଧିକାଂଶ ମୃତ୍ୟୁ ପଛରେ ପାଣି ବି ଦାୟୀ ବୋଲି କହିଛନ୍ତି ଆଇନଜୀବି ଗିଲ୍‌ଡା। ବିଶୁଦ୍ଧ ପାଣି ଟିକକ ମିଳୁନି। କାରଣ ପଞ୍ଚାୟତ ଉପରେ ବିଦ୍ୟୁତ୍ ବିଲ୍ ବାକି ଥିବାରୁ ଲାଇନ୍ କଟିଯାଇଛି। ସେଥିଲାଗି ଟ୍ୟାପ୍ ଯୋଗେ ପାଣି ମିଳୁନି। ଆଦିବାସୀ ଅଧିକାର ଉପରେ ଲଢୁଥିବା ଜଣେ ଆକ୍ଟିଭିଷ୍ଟ ବନ୍ଦୁ ସାମପାତ୍ରୋ ସାଣେ କହିଛନ୍ତି କି, ଗଲା ଡିସେମ୍ୱରରୁ ଶିଶୁରୋଗ, ସ୍ତ୍ରୀ ଓ ପ୍ରସୂତୀ ରୋଗ ବିଶେଷଜ୍ଞ ଆସୁନାହାନ୍ତି।

କାରଣ ଡାକ୍ତରଙ୍କ ରହିବା ଲାଗି କୌଣସି ସୁବିଧା କରିନି ପ୍ରଶାସନ। ନନ୍ଦୁରବାର ଜିଲ୍ଲାରେ ବି ପୁଷ୍ଟିହୀନତାରୁ ଅନେକ ଶିଶୁ ମରିଛନ୍ତି। ଯେ ପର୍ଯ୍ୟନ୍ତ ମୁମ୍ୱାଇରେ ବସି ଅଫିସର ସମୀକ୍ଷା କରୁଥିବେ ଓ ଗ୍ରାଉଣ୍ଡକୁ ଯାଇନାହାନ୍ତି, ସେଯାଏ ପିଲା ଏମିତି ମରୁଥିବେ ବୋଲି କ୍ଷୋଭର ସହ ଅଦାଲତ ଆଗରେ କହିଛନ୍ତି ଆକ୍ଟିଭିଷ୍ଟ। ଏ ସବୁ ଶୁଣି ଆଡଭୋକେଟ ଜେନେରାଲଙ୍କୁ ଅଦାଲତ ନିର୍ଦେଶ ଦେଇଛନ୍ତି କି, ତୁରନ୍ତ ଏହାକୁ ରୋକିବାକୁ ଦୀର୍ଘମିଆଦୀ ଓ ସ୍ୱଳ୍ପମିଆଦୀ ଖସଡ଼ା ସରକାର ପ୍ରସ୍ତୁତ କରନ୍ତୁ। ମାମଲାର ପରବର୍ତ୍ତୀ ଶୁଣାଣୀ ସେପ୍ଟେମ୍ୱର ୧୨ରେ କରିବାକୁ ଅଦାଲତ ତାରିଖ ଧାର୍ଯ୍ୟ କରିଛନ୍ତି। କିନ୍ତୁ ଏହାରି ଭିତରେ ପୁଷ୍ଟିହୀନତାରୁ ବଢ଼ୁଥିବା ମୃତ୍ୟୁ ସଂଖ୍ୟାକୁ କିଭଳି ତ୍ୱରିତ ରୋକାଯାଇପାରିବ, ସେ ଦିଗରେ ଆବଶ୍ୟକୀୟ ପଦକ୍ଷେପ ନିଅନ୍ତୁ ସରକାର ବୋଲି ନିର୍ଦେଶ ଦେଇଛନ୍ତି।

• ପ୍ରଦୀପ ନାୟକଙ୍କ ରିପୋର୍ଟ

ଶିବସେନା ନାଁ ରାଜନୀତି କରୁଥିବା ସିନ୍ଧେ ଦଳ ଉଭୟ ଠାକରେ ଏବଂ ହିନ୍ଦୁତ୍ବ ଛାଡିବାକୁ ଚାହୁଁନାହାଁନ୍ତି । ଏଭଳି ପରିସ୍ଥିତିରେ ଏକନାଥ ସିନ୍ଧେ ଦଳର ୩୮ ଜଣ ବିଧାୟକ ରାଜ ଠାକରେଙ୍କ ପାର୍ଟୀ MNS ରେ ଯୋଗ ଦେଇପାରିବେ । ତାଙ୍କ ପାଇଁ ସବୁଠୁ ସହଜ କଥା ହେଉଛି ରାଜ ଠାକେର ଙ୍କ ପାର୍ଟୀ MNS ରେ ମିଶ୍ରଣ । ଗତ ସପ୍ତାହ ମହାରାଷ୍ଟ୍ରରେ ଚାଳିଥିବା ରାଜନୈତିକ ନାଟକ ରେ ନୁଆ ସମୀକରଣ ଗଠନ ହେବାକୁ ଯାଉଛି । ବର୍ତ୍ତମାନ ଖବର ପ୍ରକାଶ ପାଇଛି ଯେ ଶିବସେନା ର ବିଦ୍ରୋହୀ ନେତା ଏକନାଥ ସିନ୍ଧେ ବିକଳ୍ପ ଅନୁସନ୍ଧାନ କରୁଛନ୍ତି । ଶିବସେନା ନାଁ ରେ ରାଜନୀତି କରୁଥିବା ସିନ୍ଧେ ଦଳ ଉଭୟ ହିନ୍ଦୁତ୍ବ ଓ ଠାକରେ ଙ୍କ ନାମ ଛାଡିବାକୁ ଚାହୁଁନାହାଁନ୍ତି । ଏଭଳି ସ୍ଥିତି ୩୮ ବିଧାୟକଙ୍କୁ ଧରି ସିନ୍ଧେ ରାଜ ଠାକରେ ଙ୍କ ପାର୍ଟିରେ ଯୋଗ ଦେଇପାରିବେ ।

ତଥ୍ୟ ଅନୁସାରେ ଏକନାଥ ସିନ୍ଧେ ରାଜ ଠାକରେ ଙ୍କ ସହ ଦୁଇ ଥର କଥା ହୋଇଛନ୍ତି । ଫଳରେ ନୁଆ ସମୀକରଣ ସୃଷ୍ଟି ହୋଇପାରେ । ଗୁପ୍ତ ଭାବରେ ସବୁକିଚି ସ୍ଥିର ହୋଇଥିଲା । ରାଜ ଠାକରେ ଙ୍କ ବୈଠକ ସମୟରେ କେନ୍ଦ୍ର ମନ୍ତ୍ରୀ ଅମିତ ଶାହା ମଧ୍ୟ୍ୟ ଉପସ୍ଥିତ ଥିଲେ । କିନ୍ତୁ ବର୍ତ୍ତମାନ ସୁଦ୍ଧା ସ୍ଥିତି ଷ୍ପଷ୍ଟ ହୋଇନାହିଁ । ମିଶ୍ରଣ କାହିଁକି ଆବଶ୍ୟକ । ଯଦିଓ ଏକନାଥ ସିନ୍ଧେ ଙ୍କର ୩୮ ବିଦ୍ରୋହୀ ବିଧାୟକଙ୍କ ସମର୍ଥନ ରହିଛି ଏକ ନୁତନ ଦଳ ଭାବରେ ମାନ୍ୟତା ପାଇବା ସହଜ ନୁହେଁ । ଏଭଳି ପରିସ୍ଥିତିରେ ରାଷ୍ଟ୍ରପତି ନିର୍ବାଚନ ପୁର୍ବରୁ ସିନ୍ଦେ ଦଳ ଏହି ସମସ୍ୟାର ସମାଧାନ କରିବାକୁ ଚାହୁଁଛନ୍ତି । ତେଣୁ ରାଜ ଠାକରେଙ୍କ ପାର୍ଟି MNS ସହ ମିଶ୍ରଣ ହେବା ସହଜ ହେବ । ଏଭଳି ପରିସ୍ଥିତିରେ ଠାକରେ ଙ୍କ ନାମ ରହିବ ହିନ୍ଦୁତ୍ହ ଏଜେଣ୍ଡା ମଧ୍ୟ୍ୟ ରହିବ । ସାମ୍ପ୍ରତିକ ରାଜନୈତିକ ପରିସ୍ଥିତି ରାଜ ଠାକରେ ହିଁ ସିନ୍ଦେଙ୍କ ପ୍ରଥମ ପସନ୍ଦ ହେବେ ।

ମୁମ୍ୱାଇ: ମହାରାଷ୍ଟ୍ର ସରକାରର ସତ୍ତା ଲେଉଟେଇବା ପରି ସ୍ଥିତି ସୃଷ୍ଟି ହୋଇଛି। ମୁଖ୍ୟମନ୍ତ୍ରୀ ଉଦ୍ଧବ ଠାକରେ ଓ ତାଙ୍କ ମହା ବିକାଶ ଅଖାଡିର ନିଦ ହଜାଇ ଦେଇଛନ୍ତି ଶିବସେନା ନେତା ଏକନାଥ ସିନ୍ଧେ। ଶିବସେନାର ବାଗି ନେତାକୁ ଏକତ୍ରୀତ କରି ସରକାର ଭାଙ୍ଗିବାକୁ ଗୋଟି ଚଳାଇବାରେ ଲାଗିଛନ୍ତି ଏକନାଥ ।
କିଏ ଏହି ଏକନାଥ?
କଣ ତାଙ୍କ ପରିଚୟ?
ଏକନାଥ ସିନ୍ଧେ! ମହାରାଷ୍ଟ୍ରରେ ଏହି ନାମ ଘରେ ଘରେ ପରିଚିତ। ଉଦ୍ଧବ ଯେତିକି ପରିଚିତ ନୁହଁନ୍ତି, ତା ଠାରୁ ଅଧିକ ପରିଚିତ ଏକନାଥ। ସେ ବାଳା ଠାକରେଙ୍କ ଠାରୁ ଆରମ୍ଭ କରି ଉଦ୍ଧବ ଠାକରେ ଓ ଆଦିତ୍ୟଙ୍କ ସହ କାର୍ଯ୍ୟ କରିଛନ୍ତି। ରାଜ୍ୟ ରାଜନୀତିରେ ରହିଛି ଏକନାଥଙ୍କ ଗୁରୁତ୍ବପୂର୍ଣ୍ଣ ଭୂମିକା। ବର୍ତ୍ତମାନ ସରକାର ଭାଙ୍ଗିବାର ଦକ୍ଷତା ରଖିଛନ୍ତି ଏହି ୫୮ ବର୍ଷୀୟ ଶିବସେନା ନେତା

ତେବେ ଆଜି ଯେଉଁ ସ୍ଥାନରେ ସେ ପହଞ୍ଚିଛନ୍ତି, ତାହା ସହଜ ନ ଥିଲା ଏକନାଥଙ୍କ ପାଇଁ। ତାଙ୍କ ଶୈଶବ ଓ କୈଶୋର କଟିଥିଲା ଦାରିଦ୍ର୍ୟର ତାଡନା ମଧ୍ୟରେ। ମହାରାଷ୍ଟ୍ରର ସତାରା ଜିଲ୍ଲାରେ ଜନ୍ମିତ ଏକନାଥଙ୍କ ପରିବାର ଥିଲା ଅତି ହିଁ ଗରିବ। ସ୍ଥିତି ଏମିତି ହୋଇଥିଲା କି, ମାତ୍ର ୧୬ ବର୍ଷ ବୟସରୁ ପାଠପଢାରେ ଡୋରି ବାନ୍ଧି ପରିବାରର ଭରଣପୋଷଣ ଭାର ନିଜ କାନ୍ଧକୁ ନେଇଥିଲେ ଏକନାଥ। ଅଟୋ ରିକ୍ସା ଚଳାଇ ପରିବାର ମୁହଁରେ ଦେଉଥିଲେ ଦାନା। ଏହା ପରେ ଅଧିକ ଅର୍ଥ ଉପାର୍ଜନ ପାଇଁ ଏକ ମଦ କାରଖାନାରେ କାମ କରିଥିଲେ ବହୁ ବର୍ଷ ଧରି।
୮୦ ଦଶକରେ ଏକନାଥ ବାଲ ଠାକରେଙ୍କ ନେତୃତ୍ବରେ ବହୁ ଭାବେ ପ୍ରଭାବିତ ହୋଇଥିଲେ। ସେହି ସମୟରେ ଶିବସେନା ଏକମାତ୍ର ଦଳ ଥିଲା, ଯାହା ହିନ୍ଦୁତ୍ବ ମୁଦ୍ଦାକୁ ନେଇ ରାଜ୍ୟବାସୀଙ୍କ ଦ୍ବାରା ଆଦୃତ ହୋଇଥିଲା।

ଏପରି କି, ବିଜେପି ମଧ୍ୟ ଶିବସେନା ଠାରୁ ଏହି ମୁଦ୍ଦାରେ ପଛରେ ପଡିଯାଇଥିଲା। ତେବେ ଏକନାଥ ଯେତିକି ବାଲ ଠାକରେଙ୍କ ଦ୍ୱାରା ପ୍ରଭାବିତ ହୋଇଥିଲେ ମଧ୍ୟ ତାଙ୍କୁ ଦଳକୁ ଆଣିଥିଲେ ଦଳର ପ୍ରଭାବଶାଳୀ ନେତା ଆନନ୍ଦ ଦିଘେ। ଦିଘେଙ୍କ ମାର୍ଗ ଦର୍ଶନରେ ସେ ଦଳରେ ସାମିଲ ହେବା ସହ ତୁଲାଇଥିଲେ ବହୁ ଗୁରୁତ୍ବପୂର୍ଣ୍ଣ ଭୂମିକା। ଧୀରେ ଧୀରେ ସେ ଶିବସେନା ଶାଖା ପ୍ରମୁଖ ଓ ପରେ ଠାଣେ ମୁନିସିପାଲ କର୍ପୋରେଟର ନିର୍ବାଚିତ ହୋଇଥିଲେ। ୨୦୦୪ରେ ଏକନାଥ ପ୍ରଥମ ଥର ପାଇଁ ବିଧାୟକ ହୋଇଥିଲେ। ବାଲ ଠାକରେଙ୍କ ପରେ ଏକନାଥଙ୍କର ଦଳରେ ଗୁରୁତ୍ବ ରହିଥିଲା ଓ ଯେତେବେଳେ ଠାକରେଙ୍କ ମୃତ୍ୟୁ ହୋଇଥିଲା, ସେ ପାଲଟି ଯାଇଥିଲେ ଦଳର ସର୍ବମୟ କର୍ତ୍ତା।
ତେବେ ଏକନାଥଙ୍କ ପିଲା ଦିନ ପରି ତାଙ୍କ ଜୀବନ ମଧ୍ୟ ରହିଛି ସଂଗ୍ରାମପୂର୍ଣ୍ଣ। ତାଙ୍କ ଜୀବନ ଯାତ୍ରା ସ୍ବାଭାବିକ ହେବାକୁ ଆରମ୍ଭ କରିବା ପରେ ହଠାତ ଜୀବନ ଆକାଶରେ ମାଡି ଆସିଥିଲା ଝଡ ତୋଫାନ।

ଉଡାଇ ନେଲା ତାଙ୍କ ସବୁ ସୁଖ ଶାନ୍ତି। ଜୀବନ ଉପରୁ ଭରସା ଉଠିଗଲା ଏକନାଥଙ୍କର ଓ ସେ ରାଜନୀତିରୁ ସୈନ୍ୟାସ ନେବାକୁ ଦୃଢ ନିଷ୍ପତ୍ତି ନେଇଥିଲେ। ୨୦୦୦ ମସିହା ଜୁନ ୨ ତାରିଖ। ଏକନାଥ ନିଜ ପିଲାଙ୍କ ସହ ସତାରା ଯାଇଥିଲେ। ସେଠାରେ ବୋଟିଂ କରୁଥିବା ବେଳେ ହଠାତ୍ ବୋଟ ଦୁର୍ଘଟଣାର ସମ୍ମୁଖୀନ ହୋଇଥିଲା ଓ ଏକନାଥଙ୍କ ଆଗରେ ତାଙ୍କ ୧୧ ବର୍ଷର ପୁଅ ଓ ୭ ବର୍ଷର ଝିଅ ପାଣିରେ ବୁଡି ପ୍ରାଣ ହରାଇଥିଲେ। ଏହି ଦୃଶ୍ୟ ଏକନାଥଙ୍କୁ ଏଭଳି କବଳିତ କରିଥିଲା କି, ସେ ରାଜନୀତି ଛାଡିବାକୁ ନିଷ୍ପତ୍ତି ନେଇଥିଲେ। କିନ୍ତୁ ସେତେବେଳେ ଏକନାଥଙ୍କୁ ସାହାରା ଦେଇଥିଲେ ଆନନ୍ଦ ଦିଘେ। ଦିଘେ ତାଙ୍କୁ ଧୈର୍ଯ୍ୟ ଧରିବାକୁ ଗୁରୁମନ୍ତ୍ର ଦେବା ସହ ରାଜ୍ୟବାସୀଙ୍କ ପ୍ରତି ତାଙ୍କ ଦାୟିତ୍ୱବୋଧ ସ୍ମରଣ କରାଇଥିଲେ। ଶେଷରେ ଏକନାଥ ତାଙ୍କର ଏକମାତ୍ର ଜୀବିତ ୧୪ ବର୍ଷର ପୁତ୍ରକୁ ନେଇ ଜୀବନ ଜୀଇଁବା ଆରମ୍ଭ କରିଥିଲେ ଓ ରାଜ୍ୟବାସୀଙ୍କ ସେବାରେ ନିଜ ଜୀବନ ଉତ୍ସର୍ଗ କରିଦେଇଥିଲେ।

କିନ୍ତୁ ୨୦୦୧ ଅଗଷ୍ଟ ୨୬ରେ ଏକନାଥ ନିଜ ରାଜନୈତିକ ଗୁରୁ ଦିଘେଙ୍କୁ ମଧ୍ୟ ହରାଇ ବସିଥିଲେ। ମୃତ୍ୟୁ ବେଳକୁ ଠାଣେର ସର୍ବମୟ କର୍ତ୍ତା ଥିଲେ ଦିଘେ। ତାଙ୍କ ମୃତ୍ୟୁ ପରେ ଠାଣେରେ ଯେତେବେଳେ ଶିବସେନା ଦୁର୍ବଳ ହେବାକୁ ଲାଗିଲା, ସେତେବେଳେ ଏକନାଥ ଗୁରୁଙ୍କ ଭାର ନିଜ କାନ୍ଧକୁ ନେଇଥିଲେ। ୨୦୦୪ ରେ ପ୍ରଥମ ଥର ପାଇଁ ବିଧାୟକ ହେବା ପରେ ଏକନାଥ କ୍ରମାଗତ ଭାବେ ୨୦୦୯, ୨୦୧୪, ୨୦୧୯ରେ ଲଗାତର ବିଧାୟକ ନିର୍ବାଚିତ ହୋଇ ଆସିଛନ୍ତି। ସେହିପରି ସରକାରରେ ମଧ୍ୟ ବିଭିନ୍ନ ଗୁରୁତ୍ବପୂର୍ଣ୍ଣ ବିଭାଗ ତୁଲାଇଛନ୍ତି ଏକନାଥ। ୨୦୧୯ ନିର୍ବାଚନ ପରେ ଶିବସେନା କଂଗ୍ରେସ ଓ ଏନସିପି ସହ ମିଶି ମହା ବିକାଶ ଅଘାଡି ମେଣ୍ଟ ଗଠନ କରିଥିଲା। ଆଉ ଦଳ ବାଲ ଠାକରେଙ୍କ ନୀତି ଆଦର୍ଶରୁ ଦୂରେଇ ଗଲା। ଉଦ୍ଧବ ଠାକରେ ମୁଖ୍ୟମନ୍ତ୍ରୀ ପଦ ହାସଲ କରିବାକୁ ହିନ୍ଦୁତ୍ବ ମୁଦ୍ଦାକୁ ପଛରେ ପକାଇଥିଲେ।

ଖାଲି ସେତିକି ନୁହେଁ, ବାଲ ଠାକରେଙ୍କ ସରକାର କାଳରେ ସେ କଦାପି ତାଙ୍କ ପରିବାର ସଦସ୍ୟଙ୍କୁ ସରକାରରେ ସାମିଲ କରି ନ ଥିଲେ। ହେଲେ ଉଦ୍ଧବ ମୁଖ୍ୟମନ୍ତ୍ରୀ ହେବା ସହ ପୁଅ ଆଦିତ୍ୟଙ୍କୁ ମନ୍ତ୍ରୀମଣ୍ଡଳରେ ସାମିଲ କରିଥିଲେ, ଯାହା ଦଳରେ ବିଭେଦ ସୃଷ୍ଟି କରିଥିଲା। ଦଳର ପୁରୁଣା ଓ ଏକନିଷ୍ଠ ନେତାଙ୍କୁ ଉଦ୍ଧବଙ୍କ କାର୍ଯ୍ୟଶୈଳୀ ବ୍ୟଥିତ କରିଥିଲା, ଯେଉଁଥିରୁ ସୃଷ୍ଟି ହୋଇଛି ବର୍ତ୍ତମାନର ରାଜନୈତିକ ସଂକଟ ଓ ଏହାର ସୂତ୍ରଧର ହୋଇଛନ୍ତି ଏକନାଥ ସିନ୍ଧେ।

• ଶିଳାସ୍ମିତା ରାୟଙ୍କ ରିପୋର୍ଟ

ଭାରତ ଏକ ଏଭଳି ଦେଶ ଯାହାର ବିଭିର୍ଣ୍ଣ ଅଞ୍ଚଳ ପରଷ୍ପର ଠାରୁ ଭୌଗଳିକ ଭାବେ ବହୁତ ଅଲଗା l ଏକସମୟରେ କେଉଁଠି ପ୍ରବଳ ବନ୍ୟା ହୋଇ ଯୋଗାଯୋଗ ବିଛିର୍ଣ୍ଣ ହେଉଥିବା ବେଳେ ଆଉ କେଉଁଠି ମରୁଡି ପରିସ୍ଥିତି ରେ ହନ୍ତସନ୍ତ ହେଉଛନ୍ତି ଲୋକେ…ଆସନ୍ତୁ ଦେଖିବା ଏହି ରିପୋର୍ଟ
ଭାରତ ର ଉତ୍ତରପୂର୍ବ ରାଜ୍ୟ ମେଘାଳୟ ରେ ବନ୍ୟା ବିପତ୍ତି। ବନ୍ୟାଜଳ ରେ ବ୍ରିଜ଼ ଧୋଇହୋଇ ଯୋଗାଯୋଗ ବିଛିନ୍ନ ହୋଇଛି l ଗୁରୁବାର ଦିନ ମେଘାଳୟର ଜିଜିକା ଓ ମେଗୁଆକୁ ସଂଯୋଗ କରୁଥିବା କାଠ ସେତୁ ଧୋଇ ହୋଇଯାଇଛି । ମେଘାଳୟର ଦକ୍ଷିଣ ଗାରୋ ପାହାଡ ଏବଂ ପଶ୍ଚିମ ଗାରୋ ପାହାଡ ସୀମାବର୍ତ୍ତୀ ଅଞ୍ଚଳ ମଧ୍ୟରେ ଯୋଗାଯୋଗ ବିଛିନ୍ନ ହୋଇଛି l
ବର୍ଷା ଯୋଗୁଁ ଭୂସ୍ଖଳନ ଓ ବନ୍ୟା ପରିସ୍ଥିତି ଏ ପର୍ଯ୍ୟନ୍ତ ଅନେକଙ୍କ ମୃତ୍ୟୁ ମଧ୍ୟ ଘଟିଛି। ଆସାମର ବାରକ ଉପତ୍ୟକା ଏବଂ ଡିମା ହାସାଓ ଜିଲ୍ଲାକୁ ସଡକ ଏବଂ ରେଳ ସଂଯୋଗ ବିଛିନ୍ନ ହୋଇଛି। ସଡ଼କ କିମ୍ବା ରେଳପଥରେ ପଡୋଶୀ ରାଜ୍ୟ ତ୍ରିପୁରା, ମିଜୋରାମ ଏବଂ ଆସାମକୁ ଯାତ୍ରା ମଧ୍ୟ ବାଧାପ୍ରାପ୍ତ ହୋଇଛି |

#WATCH | A wooden bridge connecting Jijika to Megua which is the border area of Meghalaya's South Garo Hills and West Garo Hills district, was washed away by flood waters on Thursday, June 9

(The viral video has been confirmed by police) pic.twitter.com/q8Q0l0nWI9

— ANI (@ANI) June 10, 2022

ଅପରପକ୍ଷରେ ପଶ୍ଚିମ ରାଜ୍ୟ ମହାରାଷ୍ଟ୍ର ରେ ଭୀଷଣ ଜଳ ସମସ୍ୟା ଦେଖାଦେଇଛି l ଏକ ବାଲ୍ଟି ପାଣି ପାଇଁ ଜୀବନ କୁ ବାଜି ଲଗାଉଛନ୍ତି ଗାଁ ଲୋକ l ଖବର ଟି ମହାରାଷ୍ଟ୍ରର ମେଲଘାଟର ଖଡିଆଲ ଗାଁର, ଯେଉଁଠାରେ ଲୋକମାନେ ଏକ ବାଲ୍ଟି ପାଣି ପାଇଁ ନିଜ ଜୀବନକୁ ବିପଦରେ ପକାଉଛନ୍ତି l

#WACTH | Maharashtra: People of Khadial village in Melghat are risking their lives for a bucket of water

"There are only two wells in the village which have almost dried up, a village of 1500 population is dependent on 2-3 tankers for water every day", said a villager pic.twitter.com/5tWAjDgqci

— ANI (@ANI) June 10, 2022

ଗ୍ରାମରେ କେବଳ ଦୁଇଟି କୂଅ ଅଛି ଯାହା ପ୍ରାୟ ଶୁଖି ଯାଇଥିବାବେଳେ 1500 ଜନସଂଖ୍ୟା ବିଶିଷ୍ଟ ଏହି ଗାଁ ପ୍ରତିଦିନ ପାଣି ପାଇଁ 2-3 ଟ୍ୟାଙ୍କର୍ ଉପରେ ନିର୍ଭରଶୀଳ ବୋଲି ଗ୍ରାମବାସୀ କହିଛନ୍ତି। ଦୁଇଟି ଟ୍ୟାଙ୍କର୍ ମାଧ୍ୟମ ରେ ପ୍ରଥମେ ଏହି ଶୁଖିଲା କୂଅରେ ପାଣି ଢଳାଯାଏ ପରେ ଗ୍ରାମବାସୀ କୂଅରୁ ନିଜ ଜୀବନକୁ ବିପଦରେ ପକାଇ ପାଣି ନେଇଥାନ୍ତି , ଏହି ମଇଳା ପାଣି ପିଇବା ପରେ ରୋଗ ରେ ମଧ୍ୟ ପଡୁଛନ୍ତି ବୋଲି ଗ୍ରାମବାସୀ ଅଭିଯୋଗ କରିଛନ୍ତି l

• ଅଭିଷେକ ପୁରୋହିତଙ୍କ ରିପୋର୍ଟ