meghalaya

  • ବିଜେପି ନେତାଙ୍କ ବେଶ୍ୟାଳୟ

    ଲକ୍ଷ୍ନୌ: ମେଘାଳୟରେ ବେଶ୍ୟାଳୟ ଚଲାଉଥିବା ବିଜେପି ନେତାଙ୍କୁ ଉତ୍ତରପ୍ରଦଶରୁ ଗରିଫ କରାଯାଇଛି । ମେଘାଳୟର ବିଜେପି ଉପସଭାପତି ବି ଏନ ମାରକଙ୍କୁ ଉତ୍ତରପ୍ରଦେଶ ପୋଲିସ ଗିରଫ କରିଛି । ମେଘାଳୟ ପୋଲିସ ମାରକଙ୍କୁ .ଟ୍ରାଞ୍ଜିଟ୍ ରିମାଣ୍ଡ ଜରିଆରେ ମେଘାଳୟ ଆଣିବା ପାଇଁ ଉତ୍ତରପ୍ରଦେଶ ଯାଇଛି ।ମେଘାଳୟ ପୋଲିସ ମାରକଙ୍କୁ ଗିରଫ କରିବା ପାଇଁ ଲୁକଆଉଟ ନୋଟିସ ଜାରି କରିଥିଲା ।

    ମାରକଙ୍କୁ ପୋକ୍ସ ଏବଂ ଅନୈତିକ ଦେହ ବେପାର ଆଇନ ସହ ଆଇପିସିର ଅନେକ ଧାରା ଆଧାରରେ ଉତ୍ତରପ୍ରଦେଶର ହାପୁଡ ଜିଲ୍ଲାରୁ ଗିରଫ କରିଛି ପୋଲିସ । ତାଙ୍କ ବିରୋଧରେ ମେଘାଳୟର ତୁରାରେ ନିଜ ଫାର୍ମହାଉସରେ ବେଶ୍ୟାଳୟ ଚଲାଉଥିବାର ଅଭିଯୋଗ ରହିଛି । ଶନିବାର ରେଡ ସମୟରେ ଛଅ ଜଣ ନାବାଳିକାଙ୍କୁ ଉଦ୍ଧାର କରାଯାଇଥିଲା ଏବଂ ତାଙ୍କ ଫାର୍ମହାଉସ ରିମ୍ପୁ ବାଗାନରୁ ୭୩ ଜଣଙ୍କୁ ଗିରଫ କରାଯାଇଥିଲା ।

    ଏହା ପରେ ମାରକ ଫେରାର ହୋଇଯାଇଥିଲେ । ପୋଲିସ କହିଥିଲା ମାରକଙ୍କୁ ତଦନ୍ତରେ ସହଯୋଗ କରିବା ଦୁରର କଥା ତାଙ୍କର ଦର୍ଶନ ମିଳୁନାହିଁ । ରେଡ ସମୟରେ ୪୭ ଯୁବକ ଓ ୨୬ ମହିଳାଙ୍କୁ ହେପାଜତରେ ନିଆଯାଇଥିଲା । ଏମାନଙ୍କ ମଧ୍ୟ୍ୟରୁ ଅନେକ ନଗ୍ନ ଏବଂ ନିଷାଶକ୍ତ ଅବସ୍ଥାରେ ଥିଲେ । ଛୋଟ ଶିଶୁଙ୍କୁ ମଧ୍ୟ ଉଦ୍ଧାର କରାଯାଇଥିଲା । ଏହା ବ୍ୟତିତବିପୁଳ ପରିମାଣର ମଦ ୫୦୦ ପ୍ୟାକେଟ କଣ୍ଡୋମ, ସେଲଫୋନ ଏବଂ ଅପତ୍ତିଜନକ ଦସ୍ତାବିଜ ଜବତ କରାଯାଇଥିଲା । କୋର୍ଟ ତାଙ୍କ ବିରୋଧରେ ଜାମିନ ବୀହିନ ପରୱାନ ଜାରି କରିଥିଲେ ।

    ସ୍ମରଜିତ ଆର୍ଯ୍ୟ, ନକ୍ଷତ୍ର ନ୍ୟୁଜ

  • ହତ୍ୟା ଅଭିଯୋଗ: ଟ୍ରାଏଲ କୋର୍ଟଙ୍କ ଦଣ୍ଡବିଧାନ ରଦ୍ଦ କଲେ ହାଇକୋର୍ଟ

    ଅପରାଧିକ ପ୍ରକ୍ରିୟା ସଂହିତା ବା ସିଆରପିସି ୧୯୭୩ର ଧାରା ୩୧୩ ଅନୁଯାୟୀ ଟ୍ରାଏଲ କୋର୍ଟ ଦ୍ବାରା ହତ୍ୟା ଅଭିଯୋଗରେ ଦୋଷୀ ସାବ୍ୟସ୍ତ ଅଭିଯୁକ୍ତର ଦୋଷସିଦ୍ଧି ଓ ଦଣ୍ଡବିଧାନକୁ ରଦ୍ଦ କରିଦେଇଛନ୍ତି ମେଘାଳୟ ହାଇକୋର୍ଟ। ଟ୍ରାଏଲ କୋର୍ଟ ନିଜ କର୍ତ୍ତବ୍ୟ ପାଳନ ସଠିକ ରୂପେ କରି ନ ଥିବା ଦର୍ଶାଇ ଧାରା ୩୧୩ ଅନ୍ତର୍ଗତ ଏପରି କହିଛନ୍ତି ସୁପ୍ରିମକୋର୍ଟ। ମାମଲାରେ ହାଇକୋର୍ଟ ନିଜ ରାୟରେ କହିଛନ୍ତି, ଟ୍ରାଏଲ କୋର୍ଟଙ୍କୁ ଅଭିଯୁକ୍ତମାନଙ୍କର ବିଶିଷ୍ଟ ଧ୍ୟାନ ସେହି ସବୁ ସାମଗ୍ରୀ ଆଡକୁ ଆକର୍ଷିତ କରିବାର ଆବଶ୍ୟକତା ରହିଛି, ଯାହା ଉପରେ ଦୋଷସିଦ୍ଧି କରିବା ବେଳେ ବିଶେଷ ବିଚାର କରିବାର ସମ୍ଭାବନା ରହିଛି।

    ଧାରା ୩୧୩ ପର୍ଯ୍ୟାୟରେ ପୁନଃ ପରୀକ୍ଷଣର ଆଦେଶ ପାରିତ କରି, ମୁଖ୍ୟ ବିଚାରପତି ସଂଜୀବ ବାନାର୍ଜୀ ଓ ଜଷ୍ଟିସ ଡବ୍ଲୁ ଡିଏଙ୍ଗଦୋହଙ୍କ ଖଣ୍ଡପୀଠ କହିଛନ୍ତି କି, ସାମ୍ପ୍ରତିକ ମାମଲାରେ ରେକର୍ଡ ଦର୍ଶାଉଛି କି, ଟ୍ରାଏଲ କୋର୍ଟ ଉଚିତ ଭାବେ ଟ୍ରାଏଲ କରି ନାହାନ୍ତି। ୨୦୧୭ରେ ଧାରା ୩୦୨ ଅନ୍ତର୍ଗତ ଜଣେ ଦୋଷୀଙ୍କ ବିରୋଧରେ ହୋଇଥିବା ଦଣ୍ଡବିଧାନ ବିରୋଧରେ ହାଇକୋର୍ଟରେ ଏକ ଚାଲେଞ୍ଜ କରାଯାଇଥିଲା। ଆବେଦନକାରୀ କହିଥିଲେ କି, ଧାରା ୩୧୩ ସିଆରପିସି ସ୍ତରରେ ଟ୍ରାଏଲ କୋର୍ଟ ଦ୍ବାରା ମାମଲାକୁ ଯେଉଁଭଳି ସଂଚାଳିତ କରିଥିଲା, ହାଇକୋର୍ଟକୁ ସେହି ମାମଲାରେ ସେହିସବୁ ଦିଗ ପ୍ରତି ଧ୍ୟାନ ଦେବାର ଆବଶ୍ୟକତା ରହିଛି।

    ଆବେଦନକାରୀ ଆହୁରି କୋର୍ଟଙ୍କୁ ଜଣାଇଥିଲେ କି, ପ୍ରମାଣ ଉପସ୍ଥାପନ କରିବାକୁ ତାଙ୍କୁ ଉଚିତ ସମୟ ଦିଆଯାଇ ନ ଥିଲା, ଯାହା ସ୍ପଷ୍ଟ ଭାବେ ତାହା ବିରୋଧରେ ରହିଛି। ଏହାକୁ ନେଇ ହାଇକୋର୍ଟ କହିଛନ୍ତି କି, ପ୍ରତି କୋର୍ଟଙ୍କୁ ଧାରା ୩୧୩ ଅନ୍ତର୍ଗତ ଅଭିଯୁକ୍ତଙ୍କୁ ଟ୍ରାଏଲ କାଳରେ କୌଣସି ଶପଥ ପାଠ କରାଯାଇ ପାରିବ ନାହିଁ।

    • ଶିଳାସ୍ମିତା ରାୟ ଙ୍କ ରିପୋର୍ଟ
  • ଜଳ ବହୁଳେ ସୃଷ୍ଟି ନାଶ, ଜଳ ବିହୁନେ ସୃଷ୍ଟି ନାଶ

    ଭାରତ ଏକ ଏଭଳି ଦେଶ ଯାହାର ବିଭିର୍ଣ୍ଣ ଅଞ୍ଚଳ ପରଷ୍ପର ଠାରୁ ଭୌଗଳିକ ଭାବେ ବହୁତ ଅଲଗା l ଏକସମୟରେ କେଉଁଠି ପ୍ରବଳ ବନ୍ୟା ହୋଇ ଯୋଗାଯୋଗ ବିଛିର୍ଣ୍ଣ ହେଉଥିବା ବେଳେ ଆଉ କେଉଁଠି ମରୁଡି ପରିସ୍ଥିତି ରେ ହନ୍ତସନ୍ତ ହେଉଛନ୍ତି ଲୋକେ…ଆସନ୍ତୁ ଦେଖିବା ଏହି ରିପୋର୍ଟ
    ଭାରତ ର ଉତ୍ତରପୂର୍ବ ରାଜ୍ୟ ମେଘାଳୟ ରେ ବନ୍ୟା ବିପତ୍ତି। ବନ୍ୟାଜଳ ରେ ବ୍ରିଜ଼ ଧୋଇହୋଇ ଯୋଗାଯୋଗ ବିଛିନ୍ନ ହୋଇଛି l ଗୁରୁବାର ଦିନ ମେଘାଳୟର ଜିଜିକା ଓ ମେଗୁଆକୁ ସଂଯୋଗ କରୁଥିବା କାଠ ସେତୁ ଧୋଇ ହୋଇଯାଇଛି । ମେଘାଳୟର ଦକ୍ଷିଣ ଗାରୋ ପାହାଡ ଏବଂ ପଶ୍ଚିମ ଗାରୋ ପାହାଡ ସୀମାବର୍ତ୍ତୀ ଅଞ୍ଚଳ ମଧ୍ୟରେ ଯୋଗାଯୋଗ ବିଛିନ୍ନ ହୋଇଛି l
    ବର୍ଷା ଯୋଗୁଁ ଭୂସ୍ଖଳନ ଓ ବନ୍ୟା ପରିସ୍ଥିତି ଏ ପର୍ଯ୍ୟନ୍ତ ଅନେକଙ୍କ ମୃତ୍ୟୁ ମଧ୍ୟ ଘଟିଛି। ଆସାମର ବାରକ ଉପତ୍ୟକା ଏବଂ ଡିମା ହାସାଓ ଜିଲ୍ଲାକୁ ସଡକ ଏବଂ ରେଳ ସଂଯୋଗ ବିଛିନ୍ନ ହୋଇଛି। ସଡ଼କ କିମ୍ବା ରେଳପଥରେ ପଡୋଶୀ ରାଜ୍ୟ ତ୍ରିପୁରା, ମିଜୋରାମ ଏବଂ ଆସାମକୁ ଯାତ୍ରା ମଧ୍ୟ ବାଧାପ୍ରାପ୍ତ ହୋଇଛି |


    ଅପରପକ୍ଷରେ ପଶ୍ଚିମ ରାଜ୍ୟ ମହାରାଷ୍ଟ୍ର ରେ ଭୀଷଣ ଜଳ ସମସ୍ୟା ଦେଖାଦେଇଛି l ଏକ ବାଲ୍ଟି ପାଣି ପାଇଁ ଜୀବନ କୁ ବାଜି ଲଗାଉଛନ୍ତି ଗାଁ ଲୋକ l ଖବର ଟି ମହାରାଷ୍ଟ୍ରର ମେଲଘାଟର ଖଡିଆଲ ଗାଁର, ଯେଉଁଠାରେ ଲୋକମାନେ ଏକ ବାଲ୍ଟି ପାଣି ପାଇଁ ନିଜ ଜୀବନକୁ ବିପଦରେ ପକାଉଛନ୍ତି l

    ଗ୍ରାମରେ କେବଳ ଦୁଇଟି କୂଅ ଅଛି ଯାହା ପ୍ରାୟ ଶୁଖି ଯାଇଥିବାବେଳେ 1500 ଜନସଂଖ୍ୟା ବିଶିଷ୍ଟ ଏହି ଗାଁ ପ୍ରତିଦିନ ପାଣି ପାଇଁ 2-3 ଟ୍ୟାଙ୍କର୍ ଉପରେ ନିର୍ଭରଶୀଳ ବୋଲି ଗ୍ରାମବାସୀ କହିଛନ୍ତି। ଦୁଇଟି ଟ୍ୟାଙ୍କର୍ ମାଧ୍ୟମ ରେ ପ୍ରଥମେ ଏହି ଶୁଖିଲା କୂଅରେ ପାଣି ଢଳାଯାଏ ପରେ ଗ୍ରାମବାସୀ କୂଅରୁ ନିଜ ଜୀବନକୁ ବିପଦରେ ପକାଇ ପାଣି ନେଇଥାନ୍ତି , ଏହି ମଇଳା ପାଣି ପିଇବା ପରେ ରୋଗ ରେ ମଧ୍ୟ ପଡୁଛନ୍ତି ବୋଲି ଗ୍ରାମବାସୀ ଅଭିଯୋଗ କରିଛନ୍ତି l

    • ଅଭିଷେକ ପୁରୋହିତଙ୍କ ରିପୋର୍ଟ
Back to top button