MINISTER

  • ପୁଲିସ ନେତା ମୁହାଁମୁହିଁ

    YSRTP CHIEF SHARMILA SLAPS

    ()ପୁଲିସ ନେତା ମୁହାଁମୁହିଁ… ପେପର ଲିକ୍ ମାମଲାରେ ଏସଆଇଟିରେ ହାଜର ବେଳେ ତୁମୁଳକାଣ୍ଡ… ରାସ୍ତା ମଝିରେ ପୋଲିସକୁ ପିଟିଲେ ଓ୍ୱାଇଏସଆର ତେଲେଙ୍ଗାନା ମୁଖ୍ୟ ଶର୍ମିଲା… ଥାନାରେ ବି ଶର୍ମିଲାଙ୍କ ମାଙ୍କ ହଙ୍ଗାମା…

    ସେପଟେ ପୁଲିସକୁ ମାଡ଼ ମାରିଲେ ଓ୍ୱାଇଏସଆର ତେଲେଙ୍ଗାନା ମୁଖ୍ୟ ଶର୍ମିଲା। ତେଲେଙ୍ଗାନା ପେପର ଲିକ୍ ମାମଲାରେ ଆଜି ଏସଆଇଟିରେ ହାଜର ହେବାକୁ ଗଲାବେଳେ ଏଭଳି ତୁମୁଳକାଣ୍ଡ ଘଟିଛି। ଆନ୍ଧ୍ର ମୁଖ୍ୟମନ୍ତ୍ରୀ ଜଗନ ମୋହନ ରେଡ୍ଡୀଙ୍କ ଭଉଣୀ ଶର୍ମିଲାଙ୍କୁ ପୁଲିସ ଅଟକ ରଖିଥିଲା। ଖବର ପାଇ ଶର୍ମିଲାଙ୍କ ମାଆ ବି ଥାନାରେ ପହଞ୍ଚି ହଙ୍ଗାମା କରିଛନ୍ତି।

    ଗାଡ଼ି ଅଟକାଇବାକୁ ଚେଷ୍ଟା କରୁଥିଲା ପୁଲିସ୍। ହେଲେ ଗାଡ଼ି ଆଗକୁ ମାଡ଼ିଚାଲିଲା। ଗାଡ଼ିରେ ବସିଥିଲେ ଓ୍ୱାଇଏସଆର ତେଲେଙ୍ଗାନା ମୁଖ୍ୟ ଓ୍ୱାଇଏସ. ଶର୍ମିଲା। ପେପର ଲିକ୍ ମାମଲାରେ ନିଜ ଘରୁ ଏସଆଇଟି ଅଫିସକୁ ଗଲା ବେଳେ ଏଭଳି ଘଟଣା ଦେଖିବାକୁ ମିଳିଥିଲା। ଆଉ ଗାଡ଼ି ଅଟକିବା ମାତ୍ରେ ଗାଡ଼ିରୁ ଓହ୍ଲାଇ ଶର୍ମିଲା ଜଣେ ପୁଲିସ କର୍ମୀଙ୍କୁ ଚାପୁଡ଼ା ମାରିବା ସହ ଠେଲି ଦେଇଥିଲେ ରାଗରେ କୁଆଡ଼େ ପୁଲିସ ଅଧିକାରୀ ତାଙ୍କ ହାତକୁ ଧରି ଟାଣିଦେଇଥିଲେ ଓ ଗାଡ଼ିରୁ ଓହ୍ଲାଇବାକୁ ବାଧ୍ୟ କରିଥିଲେ। ପ୍ରବଳ ଯୁକ୍ତିତର୍କ ହୋଇଥିଲା ସେଠି। ପୁଲିସ କର୍ମଚାରୀ ଶର୍ମିଲାଙ୍କୁ ଅଟକ ରଖିଥିଲା। ହାଇଦ୍ରାବାଦର ଜୁବିଲି ହିଲ୍ସ ଥାନାରେ ଅଟକ ଥିବା ଶର୍ମିଲାଙ୍କୁ ଭେଟିବାକୁ ଯାଇଥିଲେ ତାଙ୍କ ମାଆ ଓ୍ୱାଇଏସ ବିଜୟମା। ଶର୍ମିଲାଙ୍କ ମାଆ ବିଜୟମା ବି ପୁଲିସକୁ ନାଲି ଆଖି ଦେଖାଇଥିବା ଭିଡ଼ିଓ ଭାଇରାଲ ହୋଇଛି ଝିଅକୁ କେଉଁ ଅଧାରରେ ଓ ଅଧିକାରରେ ଅଟକ ରଖିଛ କହି ପୁଲିସ ଉପରେ ବର୍ଷିଥିଲେ। ପୁଲିସ ସତ ତାଙ୍କର ବି ଜୋରଦାର ଯୁକ୍ତିତର୍କ ସାଙ୍ଗକୁ ଠେଲାପେଲା ଭଳି ସ୍ଥିତି ଦେଖିବାକୁ ମିଳିଥିଲା। ତେଲେଙ୍ଗାନା ଷ୍ଟେଟ୍ ପବ୍ଲିକ ସର୍ଭିସ କମିଶନ ଦ୍ୱାରା ଆୟୋଜିତ ନିଯୁକ୍ତି ପରୀକ୍ଷାରେ ପେପର ଲିକ୍ ଲାଗି ସାରା ରାଜ୍ୟରେ ଆନ୍ଦୋଳନ ଜାରି ରହିଛି। ପରୀକ୍ଷା ଅନିୟମିତତା ମାମଲାରେ ୧୧ ଜଣଙ୍କୁ ଗିରଫ କରାଗଲାଣି ତିନି ଥର ପରୀକ୍ଷା ବି ବାତିଲ୍ ହେଲାଣି ବିରୋଧୀ ଦଳ କେସିଆର ସରକାରଙ୍କୁ ପେପର ଲିକ୍ ଲାଗି ଦାୟୀ କରିଛନ୍ତି। ଶର୍ମିଲା ନିରନ୍ତର ଭାବେ ପେପର ଲିକ୍ ମାମଲାର ନିରପେକ୍ଷ ତଦନ୍ତ ଲାଗି ଦାବି କରିଆସୁଛନ୍ତି। ଗଲା ମାସରେ ବି ଏହି ପ୍ରସଙ୍ଗରେ ହାଇଦ୍ରାବାଦରେ ପ୍ରତିବାଦ ଆନ୍ଦୋଳନ ବେଳେ ଶର୍ମିଲାଙ୍କୁ ପୁଲିସ ଅଟକ ରଖିଥିଲା। ଶର୍ମିଲା ଆନ୍ଧ୍ରର ପୂର୍ବତନ ମୁଖ୍ୟମନ୍ତ୍ରୀ ଓ୍ୱାଇଏସ ରାଜଶେଖର ରେଡ୍ଡୀଙ୍କ ଝିଅ ଆନ୍ଧ୍ର ମୁଖ୍ୟମନ୍ତ୍ରୀ ଜଗନମୋହନ ରେଡ୍ଡୀଙ୍କ ସାନ ଭଉଣୀ ଅଟନ୍ତି। ନିଜ ଦଳ ସପକ୍ଷରେ ଶର୍ମିଲା ତେଲେଙ୍ଗାନାରେ ରାଲି କରିଥିଲେ। ତାଙ୍କ ଭାଇଙ୍କ ଓ୍ୱାଇଏସଆର କଂଗ୍ରେସ ଦଳ ଆନ୍ଧ୍ରରେ କ୍ଷମତାରେ ଥିଲେ ବି କୌଣସି ସାହାଯ୍ୟ କରୁନାହାନ୍ତି ବୋଲି ଅଭିଯୋଗ କରିଆସୁଛନ୍ତି ଶର୍ମିଲା। ବେକାରୀ ନିଯୁକ୍ତି କେଳେଙ୍କାରୀରେ ବିଆରଏସ ସରକାର ବିରୁଦ୍ଧରେ ଶର୍ମିଲା ଆନ୍ଦୋଳନ ଜାରି ରଖିଛନ୍ତି

    ପ୍ରଦୀପ ନାୟକଙ୍କ ରିପୋର୍ଟ

  • ପ୍ରକାଶ ପାଇଲା ମୁଖ୍ୟନ୍ତ୍ରୀଙ୍କ ସମ୍ପତ୍ତି ତାଲିକା

    ଭୁବନେଶ୍ୱର: ପ୍ରକାଶ ପାଇଲା ମୁଖ୍ୟମନ୍ତ୍ରୀଙ୍କ ସମେତ ସମସ୍ତ ମନ୍ତ୍ରୀଙ୍କ ସମ୍ପତ୍ତି ତାଲିକା। ୱେବସାଇଟ୍‌ରେ ୨୦୨୧ ବର୍ଷର ସମସ୍ତ ମନ୍ତ୍ରୀଙ୍କ ସମ୍ପତ୍ତି ତାଲିକା ଉପଲବ୍ଧ ହୋଇଛି। ସିଏମଓ ୱେବସାଇଟରେ ସମସ୍ତ ମନ୍ତ୍ରୀଙ୍କର ସ୍ଥାବର ଓ ଅସ୍ଥାବାର ସମ୍ପତ୍ତି ତାଲିକା ପ୍ରକାଶ ପାଇଛି। ୨୦୨୧ ଡିସେମ୍ବର ୩୧ ସୁଦ୍ଧା କେଉଁ ମନ୍ତ୍ରୀଙ୍କର କେତେ ସମ୍ପତ୍ତି ରହିଛି, ତାହା ପ୍ରକାଶ କରାଯାଇଛି। ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ସମ୍ପତ୍ତି ୨୦୨୧ ଡିସେମ୍ବର ୩୧ ସୁଦ୍ଧା ମୋଟ ସମ୍ପତ୍ତିର ପରିମାଣ ହେଉଛି ୬୪ କୋଟି ୯୭ ଲକ୍ଷ ୮୯ ହଜାର ୨୨୦ ଟଙ୍କା। ମୁଖ୍ୟମନ୍ତ୍ରୀଙ୍କର ଦିଲ୍ଲୀ ଜନପଥ ବ୍ୟାଙ୍କରେ ୭୨ ଲକ୍ଷ ଟଙ୍କା ରହିଛି। ସେହିପରି ଭୁବନେଶ୍ବର ଷ୍ଟେଟ୍ ବ୍ୟାଙ୍କରେ ୨୧ ଲକ୍ଷ ୭୧ ହଜାର ଟଙ୍କା, ହିଞ୍ଜିଳିକାଟୁ ଷ୍ଟେଟ୍ ବ୍ୟାଙ୍କରେ ୭ ହଜାର ୭୪ ଟଙ୍କା ଓ ହିଞ୍ଜିଳିକାଟୁ କଲେଜ କ୍ୟାମ୍ପସରେ ଥିବା ଷ୍ଟେଟ୍ ବ୍ୟାଙ୍କ ଆକାଉଣ୍ଟରେ ୧୪ ହଜାର ୪୮୮ ଟଙ୍କା ରହିଥିବା ମୁଖ୍ୟମନ୍ତ୍ରୀ ଦର୍ଶାଇଛନ୍ତି। ସ୍ୱାସ୍ଥ୍ୟମନ୍ତ୍ରୀ ନବକିଶୋର ଦାସ ସମ୍ପତ୍ତି ତାଲିକାରେ ଆଗରେ ଅଛନ୍ତି।

  • ବନ୍ୟା ସ୍ଥିତି ନେଇ ଜଳ ସମ୍ପଦ ମନ୍ତ୍ରୀ ସମୀକ୍ଷା ବୈଠକ

    ଭୁବନେଶ୍ୱର: ଉତ୍ତର ଓଡ଼ିଶାର ବନ୍ୟା ସ୍ଥିତି ନେଇ ଭିସି ଜରିଆରେ ଜଳ ସମ୍ପଦ ମନ୍ତ୍ରୀ ଟୁକୁନି ସାହୁଙ୍କ ସମୀକ୍ଷା ବୈଠକ। ବୈଠକରେ ଜଳ ସମ୍ପଦ ବିଭାଗର ସମସ୍ତ ବରିଷ୍ଠ ଅଧିକାରୀ ଉପସ୍ଥିତ। ସୁବର୍ଣ୍ଣରେଖା, ବୁଢ଼ାବଳଙ୍ଗ ଓ ବୈତରଣୀ ଓ ବ୍ରାହ୍ମଣୀ ନଦୀର ସ୍ଥିତି ଓ ବିଭାଗର ପଦକ୍ଷେପ ନେଇ ବୈଠକରେ ଆଲୋଚନା ହେଉଥିବା ନେଇ ସୂଚନା।

  • ଗୋଆ ବାର ମାମଲା: ସ୍ମୃତିଙ୍କୁ ଆଶ୍ବସ୍ତି

    ନୂଆଦିଲ୍ଲୀ: ସଂସଦରୁ ନେଇ କାଠଗଡ଼ା ଯାଏ। ବେଶ୍ କିଛି ଦିନ ହେଲା ଚର୍ଚ୍ଚାରେ ଅଛନ୍ତି କେନ୍ଦ୍ରମନ୍ତ୍ରୀ ସ୍ମୃତି ଇରାନୀ। ସ୍ମୃତିଙ୍କ ବିରୁଦ୍ଧରେ ବିରୋଧୀଙ୍କଠୁ ନେଇ କିଛି ବ୍ୟକ୍ତିବିଶେଷ ସଙ୍ଗୀନ ଅଭିଯୋଗ ଆଣିବା ସହ ଅଦାଲତ ବି ଯାଇଛନ୍ତି। କିନ୍ତୁ ସବୁଠି ଯେମିତି ବାଜି ମାରିନେବା ଭଳି ସ୍ଥିତିରେ ସ୍ମୃତି। ଗୋଆରେ ଝିଅ ନାଁରେ ବାର୍ ଲାଇସେନ୍ସ କଥା ହେଉ ଅବା ସ୍ମୃତି ଦୁର୍ନୀତିରେ ଜଡିତ ଥିବାର ଅଭିଯୋଗ ଆଣିଥିବା ସୁଟର୍ ଭର୍ତ୍ତିକା ସିଂଙ୍କ କଥା ହେଉ। ଦରବୃଦ୍ଧି ପ୍ରସଙ୍ଗରେ ସ୍ମୃତିଙ୍କୁ ବିରୋଧୀଙ୍କ ତୀବ୍ର କଟାକ୍ଷ ହେଉ ଅବା ଅଧୀରଙ୍କ ରାଷ୍ଟ୍ରପତ୍ନୀ ପ୍ରସଙ୍ଗରେ ସୋନିଆଙ୍କ ସହ ସଂସଦରେ ସ୍ମୃତିଙ୍କ ମୁହାଁମୁହିଁ ସ୍ଥିତି। ଆଗ ଗୋଆରେ ବାର୍ ଲାଇସେନ୍ସ ପ୍ରସଙ୍ଗ କଥା ଦେଖାଯାଉ। ସ୍ମୃତି ଓ ତାଙ୍କ ଝିଅ ଜୋଇଶଙ୍କ ନାଁରେ ଗୋଆରେ କୌଣସି ରେଷ୍ଟୁରାଣ୍ଟ କି ବାର୍ ନଥିବା ଦିଲ୍ଲୀ ହାଇକୋର୍ଟ ସ୍ପଷ୍ଟ କରିସାରିଛନ୍ତି। ସେ କିମ୍ୱା ତାଙ୍କ ଝିଅ ଗୋଆ ବାର୍‌ର ମାଲିକ ନୁହଁନ୍ତି। ସ୍ମୃତି ଓ ତାଙ୍କ ଝିଅଙ୍କ ବିରୁଦ୍ଧରେ କଂଗ୍ରେସର  ଜୟରାମ ରମେଶ, ପଓ୍ୱନ ଖେରା, ଏନ ଡିସୁଜାଙ୍କ ଭଳି ନେତା ଏଭଳି ଅଭିଯୋଗ ଆଣିଥିଲେ। କିନ୍ତୁ ରେକର୍ଡ ଦେଖିଲା ବେଳକୁ ଏ ସବୁ ଭୁଲ୍। ସ୍ମୃତି ଓ ତାଙ୍କ ଝିଅଙ୍କ ନୈତିକ ଚରିତ୍ର ଓ ସମ୍ମାନ କ୍ଷୁର୍ଣ୍ଣ କରିବାକୁ ଏଭଳି ଅଭିଯୋଗ ହୋଇଥିଲା ବୋଲି କୋର୍ଟ ସ୍ପଷ୍ଟ କରିଦେଇଛନ୍ତି। ଶୁଣନ୍ତୁ ସ୍ମୃତିଙ୍କ ଝିଅ ଉପରେ ଲାଗିଥିବା ଆରୋପ ଓ ଏହାକୁ କିଭଳି ଚ୍ୟାଲେଞ୍ଜ କରିଥିଲେ ସ୍ମୃତି ସେତେବେଳେ।

    କଂଗ୍ରେସ ନେତା ଅଧୀର ରଞ୍ଜନ ଚୌଧୁରୀଙ୍କ ରାଷ୍ଟ୍ରପତ୍ନୀ ଟିପ୍ପଣୀ ଝଡ଼କୁ ନେଇ ଗୃହ କମ୍ପିଥିଲା। ଆଉ ଫ୍ରଣ୍ଟଲାଇନରେ ଥିଲେ ସ୍ମୃତି। ସଂସଦରେ କଂଗ୍ରେସ ଓ ଏହାର ଅଧ୍ୟକ୍ଷା ସୋନିଆଙ୍କ ଉପରେ ଯେଭଳି ଘାଇଲା ବାଘୁଣୀ ଭଳି ବର୍ଷିଥିଲେ ସ୍ମୃତି, ତାକୁ ନେଇ ଦେଖିଥିଲା ପୁରା ଦୁନିଆ। ଦେଶର ସର୍ବୋଚ୍ଚ ସାମ୍ୱିଧାନିକ ପଦରେ ବସିଥିବା ବ୍ୟକ୍ତିଙ୍କ ପ୍ରତି କଂଗ୍ରେସର ଏଭଳି ଅପମାନକୁ ବରଦାସ୍ତ କରାଯିବନି କହି ଗର୍ଜିଥିଲେ। ଅନ୍ୟ ବିଜେପି ନେତାଙ୍କ ତୁଳନାରେ ଲାଗୁଥିଲା ଯେମିତି ସବୁଠୁ ଆକ୍ରମଣାତ୍ମକ ଭଙ୍ଗୀରେ ଥିଲେ ସ୍ମୃତି।

    କେବଳ ସୋନିଆ ନୁହଁନ୍ତି, ରାହୁଲଙ୍କୁ ବି ଛାଡ଼ିନଥିଲେ ସ୍ମୃତି। ଏମିତିରେ ଆମେଥିରୁ ରାହୁଲଙ୍କୁ ହରାଇଛନ୍ତି ସ୍ମୃତି। ସଂସଦ ଯେତେବେଳେ କ୍ରମାଗତ ଅଚଳ ହୋଇଥିଲା। ସୋନିଆଙ୍କୁ ଇଡ଼ି ସମନ ଓ ହାଜିରା ନେଇ ବିଜୟଚୌକ ଯାଏ କଂଗ୍ରେସର ପଦଯାତ୍ରା ବେଳେ ସଂସଦରେ ରାହୁଲଙ୍କ ଉପସ୍ଥାନକୁ ନେଇ ପ୍ରଶ୍ନ ଓ ତାଙ୍କ ଷଡ଼ଯନ୍ତ୍ର ଲାଗି ସଂସଦ ଅଚଳ ହେଉଥିବାର ଆରୋପ ଲଗାଇଥିଲେ ସ୍ମୃତି। ତେବେ ଲୋକସଭାରେ ଦରବୃଦ୍ଧି  ଉପରେ ଆଲୋଚନା ବେଳେ ଅର୍ଥମନ୍ତ୍ରୀଙ୍କ ବଦଳରେ ବିରୋଧୀ ବେଶୀ ଖୋଜିଥିଲେ ସ୍ମୃତିଙ୍କୁ। ଟିଏମସି ସାଂସଦ କାକଳୀ ଘୋଷ ତ ସ୍ମୃତି ଯେତେବେଳେ ସତ୍ତାରେ ନଥିଲେ, କିଭଳି ସିଲିଣ୍ଡର ଧରି ଗୃହିଣୀ କାନ୍ଦୁଛି କହି ପ୍ରତିବାଦ କରୁଥିଲେ ତାକୁ ମନେ ପକାଇ କୁଆଡ଼େ ଗଲେ ସେ ଏବେ ବୋଲି ନାଁ ନ ନେଇ କଟାକ୍ଷ ପିଙ୍ଗିଥିଲେ।

    ଏ ତ ଗଲା ସଂସଦର କଥା। ସେପଟେ ଅଦାଲତରେ ପହଞ୍ଚିଥିଲା ସ୍ମୃତିଙ୍କ ନାଁରେ ଆସିଥିବା ଆଉ ଏକ ଦୁର୍ନୀତିର ଅଭିଯୋଗ। ଜାତୀୟ ମହିଳା କମିଶନର ସଦସ୍ୟା ଭାବେ ନିଯୁକ୍ତି ଦେବାକୁ କୁଆଡ଼େ ଆନ୍ତର୍ଜାତୀୟ ସୁଟର ଭର୍ତ୍ତିକା ସିଂଙ୍କଠୁ ସ୍ମୃତି ଇରାନୀ ଓ ଅନ୍ୟମାନେ ଅର୍ଥ ଦାବି କରିଥିଲେ। କିନ୍ତୁ ଏଥିରେ ଭର୍ତ୍ତିକା ପାଲଟା ଫସିଯାଇଥିଲେ। ୟୁପିର ଆମେଥି ଜିଲ୍ଲାରେ ଭର୍ତ୍ତିକାଙ୍କ ନାଁରେ ଏତଲା ହୋଇଛି। ସ୍ମୃତି ଇରାନୀଙ୍କ ବିରୁଦ୍ଧରେ ଜାଲି ତଥ୍ୟ କୁଆଡ଼େ ସୋସିଆଲ ମିଡିଆରେ ସର୍କୁଲେଟ କରିଥିଲେ ଭର୍ତ୍ତିକା। ସ୍ମୃତିଙ୍କ ସମ୍ମାନ କ୍ଷୁର୍ଣ୍ଣ କରିବା ଉଦ୍ଦେଶ୍ୟରେ ଏଭଳି ଅମୂଳକ ଅଭିଯୋଗ ଓ ଜାଲି ତଥ୍ୟ ସୋସିଆଲ ମିଡିଆରେ ପ୍ରଚାର କରିଥିବାରୁ ଭର୍ତ୍ତିକାଙ୍କ ବିରୁଦ୍ଧରେ ମାମଲା ହୋଇଥିଲା। ୨୦୨୧ରେ ବିଧାୟକ ଓ ସାଂସଦଙ୍କ ଉପରେ ହେଉଥିବା ଅଭିଯୋଗର ଶୁଣାଣୀ ପାଇଁ ଥିବା ସୀତାପୁରର ସ୍ପେଶିଆଲ  କୋର୍ଟ ଭର୍ତ୍ତିକାଙ୍କ ଅଭିଯୋଗକୁ ଖାରଜ କରିଦେଇଥିଲେ। ଗଲା ସପ୍ତାହରେ ଆହ୍ଲାବାଦ ହାଇକୋର୍ଟ ବି ଭର୍ତ୍ତିକାଙ୍କ ରିଭିଜନ ପିଟିସନକୁ ଖାରଜ କରିଦେଇଛନ୍ତି। ଆଉ ଏବେ ସୁପ୍ରିମକୋର୍ଟ ଭର୍ତ୍ତିକାଙ୍କ ବିରୁଦ୍ଧରେ ଅପରାଧିକ ମାମଲାର ପ୍ରୋସଡିଂ ଉପରେ ରହିତାଦେଶ ଜାରି କରିଛନ୍ତି। କହିବାକୁ ଗଲେ ଅନେକ ଆରୋପ ଲାଗିଛି ସତ,ହେଲେ ସବୁଠି ନିଜର ଭାବମୂର୍ତ୍ତିକୁ ମଳିନ ପଡିବାକୁ ଦେଇନାହାନ୍ତି ସ୍ମୃତି। ସେଥିଲାଗି ତ ଅନେକ କହୁଛନ୍ତି, ମୋଦି ଟିମ୍‌ର ସେ ଫ୍ରଣ୍ଟଲାଇନର ଫାଇଟର।

    • ପ୍ରଦୀପ ନାୟକଙ୍କ ରିପୋର୍ଟ
  • ଅର୍ପିତା ମୁଖାର୍ଜୀ କିଏ? କଣ ତାଙ୍କର ଓଡିଶା ସମ୍ପର୍କ

    ଶୁସାନ୍ତ ସିଂ ରାଜପୁତଙ୍କ ସହିତ ସଂଲିଷ୍ଟ ରିୟା ଚକ୍ରବର୍ତ୍ତୀ ଙ୍କ ଓଡିଶା ଲିଙ୍କ ହେଉ କିମ୍ଭା ଗଞ୍ଜେଇ ଚୋରା ଚାଲାଣ ସମୟରେ ଓଡିଶାର ଗଞ୍ଜେଇ ର ଚାହିଦା କିଭଳି ବଲିଉଡରେ ରହିଛି ସେ ନେଇ ଗଣମାଧ୍ୟ୍ୟମରେ ଖବର ପ୍ରସାରିତ ହେବା । ଆଉ ବର୍ତ୍ତମାନ ଏବେ ପଶ୍ଚିମବଙ୍ଗ ମନ୍ତ୍ରୀ ପାର୍ଥ ଚାଟାର୍ଜୀଙ୍କ ସହଯୋଗୀ ଅର୍ପିତା ମୁଖାର୍ଜୀ ଙ୍କ ଓଡିଶା ଲିଙ୍କ ରହିତିବା ସୁଚନା ମିଳିଛି । ଏକାଧିକ ଫିଲ୍ମରେ ଅଭିନୟ କରିଛନ୍ତି ଅର୍ପିତା । ତେବେ ଅର୍ପିତା ମୁଖାର୍ଜୀ କିଏ । କଣ ତାଙ୍କର ଓଡିଶା ସହ ସମ୍ପର୍କ । କେମିତି ହେଲା ଓଡିଶା ସହ ତାଙ୍କର ଲିଙ୍କ ।

    ଆସନ୍ତୁ ଜାଣିବା ତାଙ୍କ ଲିକଙ୍କ ସମ୍ପର୍କରେ । ବେଙ୍ଗଲୀ ଫିଲ୍ମ ଇଣ୍ଡଷ୍ଟ୍ରିରେ ଅଭିନେତ୍ରୀ ଅର୍ପିତା ମୁଖାର୍ଜୀ ଅଧିକାଶଂ ଫିଲ୍ମିରେ ସାଇଡ ରୋଲ ନଜର ଆସିଥିଲେ । ସୁପରଷ୍ଟାର ପ୍ରସନଜିତ୍ ସହ ମଧ୍ୟ୍ୟ କାମ କରିଛନ୍ତି । ଓଡିଆ ଫିଲ୍ମିରେ ମଧ୍ୟ୍ୟ ଅର୍ପିତା ଅଭିନୟ କରିଛନ୍ତି । “ମୁଁ କଣ ଏତେ ଖରାପ” ଫିଲ୍ମରେ ଅଭିନୟ କରିଛନ୍ତି . ତାମିଲ୍ ଫିଲ୍ମରେ ମଧ୍ୟ୍ୟ ଅଭିନୟ କରିଛନ୍ତି । ଉନ୍ନୟନ ସଂଙ୍ଘ କମିଟିର ଅଧକ୍ଷ ଅଛନ୍ତି ପାର୍ଥ ଚାଟାର୍ଜୀ ।

    ପଶ୍ଚିମବଙ୍ଗରେ ବଡ ଦୁର୍ଗାପୁଜା କମିଟି ମଧ୍ୟ୍ୟରୁ ଏହା ଅନ୍ୟତମ ।୨୦୧୯ ଓ ୨୦୨୦ ରେ ଏହି କମିଟି ପାଇଁ ପ୍ରମୋସନ କରିଥିଲେ ଅର୍ପିତା । ପାର୍ଥ ଚାଟାର୍ଜୀ ଅର୍ପିତାଙ୍କ ଘରକୁ ବାରମ୍ଭାର ଯାଉଥିବା ସୁଚନା ମିଳିଛି । କିନ୍ତୁ କଣ ପାଇଁ ଯାଉଥିଲେ । ଯିବା ପଛରେ କଣ ଉଦ୍ଦେଶ୍ୟ ରହିଛି । ତାହା ସଠିକ ଭାବରେ ବର୍ତ୍ତମାନ ସୁଦ୍ଦା ଜଣାପଡିନାହିଁ । କିଛି ନା କିଛି ସମ୍ପର୍କ ରହିଛି । ନଚେତ ତାଙ୍କୁ ନେଇ ଏତେ ଜୋର ଚର୍ଚ୍ଚା ହେବା କଥା ନୁହେଁ ।

    • ସ୍ମରିଜିତ୍ ଆର୍ଯ୍ୟଙ୍କ ରିପୋର୍ଟ
  • ଇଡିରେ ହାଜର ହେଲେ ପୂର୍ବତନ ଅର୍ଥମନ୍ତ୍ରୀ

    ନୂଆଦିଲ୍ଲୀ: ପ୍ରବର୍ତ୍ତନ ନିର୍ଦ୍ଦେଶାଳୟ ବା ଇଡି କେରଳର ପୂର୍ବତନ ଅର୍ଥମନ୍ତ୍ରୀ ତଥା ବରିଷ୍ଠ ସିପିଆଇଏମ ନେତା ଥୋମସ ଇସାକଙ୍କୁ ନୋଟିସ ପରେ ସେ ସୋମବାର ଦିନ ଇଡିରେ ହାଜର ହୋଇଛନ୍ତି। ଏଲଡିଏଫ ସରକାର କାଳରେ ସେ ଅର୍ଥମନ୍ତ୍ରୀ ଭାବେ କାର୍ଯ୍ୟ କରୁଥିବା ବେଳେ କେରଳ ଇନଫ୍ରାଷ୍ଟକ୍ଚର ଇନଭେଷ୍ଟମେଣ୍ଟ ଫଣ୍ଡ ବୋର୍ଡ (କେଆଇଆଇଏଫବି)ରେ ବ୍ୟାପକ ହେରଫେର ହୋଇଥିବା ନେଇ ତାଙ୍କୁ ଜେରାର ସମ୍ମୁଖୀନ ହେବାକୁ ହେବ। କେଆଇଆଇଏଫବି ରାଜ୍ୟ ସରକାର ପାଇଁ ବୃହତ ଓ ଜଟିଳ ଇନଫ୍ରାଷ୍ଟ୍ରକ୍ଚର ପ୍ରୋଜେକ୍ଟ ପାଇଁ କାର୍ଯ୍ୟକରୁଥିବା ପ୍ରାରମ୍ଭିକ ଏଜେନ୍ସି। ୨୦୧୯ରେ ଏହି ସଂସ୍ଥା ଦ୍ବାରା ଥୋମସଙ୍କ ଅର୍ଥମନ୍ତ୍ରୀତ୍ବ କାଳରେ ବ୍ୟାପକ ଅର୍ଥ ହେରଫେର ନେଇ ଅଭିଯୋଗ ହୋଇଥିଲା। ଗତବର୍ଷ ରାଜ୍ୟ ବିଧାନସଭା ନିର୍ବାଚନ କାଳରେ କେନ୍ଦ୍ର ଅର୍ଥମନ୍ତ୍ରୀ ନିର୍ମଳା ସୀତାରମଣ କେଆଇଆଇଏଫବିକୁ ସମାଲୋଚନା କରିଥିଲେ।

    • ଶିଳା ରାୟଙ୍କ ରିପୋର୍ଟ
  • ଶୌଚାଳୟରେ ଗ୍ରୋସରୀ ଦୋକାନ…ମନ୍ତ୍ରୀ କଲେ ସୋସିଆଲ ମିଡିଆରେ ପୋଷ୍ଟ

    ଶୌଚାଳୟରେ ଗ୍ରୋସରୀ ଦୋକାନ। ଏନେଇ କେନ୍ଦ୍ର ଆଇନ ଏବଂ ନ୍ୟାୟ ମନ୍ତ୍ରୀ କିରେନ ରିଜିଜୁ ସୋସିଆଲ ମିଡିଆରେ ପୋଷ୍ଟ କରିଛନ୍ତି। ଅରୁଣାଚଳପ୍ରଦେଶ ରାଜଧାନୀ ଇଟାନଗରରେ ଏହି ସାର୍ବଜନୀନ ଶୌଚାଳୟକୁ ୨୦୧୫ ମସିହା ଜାନୁଆରୀ ୧ରେ କିରେନ ରିଜିଜୁ ତାଙ୍କ ସାଂସଦ ପାଣ୍ଠିରୁ ଉଦଘାଟନ କରିଥିଲେ। ବର୍ତ୍ତମାନ ଏହି ଶୌଚାଳୟ ସମସ୍ତଙ୍କ ପାଇଁ ବ୍ୟବହାର ନ ହୋଇ ଗ୍ରୋସରୀ ଦୋକାନ ଖୋଲାଯାଇଛି। କିରେନ ରିଜିଜୁ ଟ୍ୱିଟ କରି କହିଛନ୍ତି ଯେ ମୁଁ ଏହି ଫଟୋ ଜଣେ ବ୍ୟକ୍ତିଙ୍କଠାରୁ ପାଇଛି। ତେବେ ଏହି ଶୌଚାଳୟରେ ଦୋକାନ ଖୋଲିବା ଘଟଣାକୁ ନେଇ ସମ୍ୱନ୍ଧିତ ବିଭାଗ ଆବଶ୍ୟକ ପଦକ୍ଷେପ ନିଅନ୍ତୁ ନହେଲେ ମୁଁ ଆନୁଷ୍ଠାନିକ ଭାବେ ଉପଯୁକ୍ତ କାର୍ଯ୍ୟାନୁଷ୍ଠାନ ଗ୍ରହଣ କରିବି ବୋଲି ଟ୍ୱିଟରରେ ଦର୍ଶାଇଛନ୍ତି ରିଜିଜୁ। ସେପଟେ ଅରୁଣାଚଳ ପଶ୍ଚିମ ଲୋକସଭା ଆସନରୁ ୩ଥର ସାଂସଦ ଅଟନ୍ତି। ଯାହା କ୍ଷେତ୍ର ଦୃଷ୍ଟିରୁ ଦେଶର ଚତୁର୍ଥ ବୃହତ୍ତମ ସଂସଦୀୟ ନିର୍ବାଚନ ମଣ୍ଡଳୀ ଅଟେ।

    ଅନ୍ୟପଟେ ଏକ ପର୍ଯ୍ୟଟନସ୍ଥଳୀ ବୁଲିବାକୁ ଆସୁଥିବା ଲୋକଙ୍କ ପ୍ରତି ଅବହେଳା ଓ ସେମାନଙ୍କ ପ୍ରତି ବ୍ୟବହାରକୁ ନିନ୍ଦା କରିଛନ୍ତି କିରେନ ରିଜିଜୁ । ନିକଟରେ ଏକ ଭିଡିଓ ଭାଇରାଲ ହୋଇଛି, ଯେଉଁଥିରେ ପର୍ଯ୍ୟଟକମାନଙ୍କୁ ଖରାପ ବ୍ୟବହାର କରୁଛନ୍ତି ସ୍ଥାନୀୟ ଲୋକେ। ସ୍ଥାନୀୟ ଲୋକଙ୍କ ପ୍ରକୃତି ସହ ଖେଳ ପରିବେଶ ପ୍ରତି ବିପଦ ସୃଷ୍ଟି କରୁଛି। ଏହାକୁ ନେଇ ସେ ଟ୍ୱିଟରରେ ନିଜର ଅସନ୍ତୋଷ ପ୍ରକାଶ କରିବା ସହ ପର୍ଯ୍ୟଟକମାନଙ୍କୁ ସେମାନଙ୍କ ଦେଶର ସୌନ୍ଦର୍ଯ୍ୟ ନଷ୍ଟ ନ କରିବାକୁ ନିବେଦନ କରିଛନ୍ତି। ଏହା ବ୍ୟତୀତ ଯେ କୌଣସି ସ୍ଥାନରେ ଏବଂ ସମସ୍ତେ ଦାୟିତ୍ୱବାନ ନାଗରିକ ହେବା ପାଇଁ ସମସ୍ତଙ୍କୁ ନିର୍ଦ୍ଦେଶ ଦେଇଥିଲେ।

    କିରେନ ରିଜିଜୁ ଦୁଇଟି ଫଟୋ ଟ୍ୱିଟରରେ ପୋଷ୍ଟ କରିଛନ୍ତି। ଗୋଟିଏ ଫଟୋରେ ଗୋଆରେ ଦୁଇ ଜଣ ବ୍ୟକ୍ତି ସମୁଦ୍ରକୂଳରେ କାର ଚଳାଉଥିବା ବେଳେ ଧରାପଡିଥିଲେ। ଏବଂ ଅନ୍ୟଟି ଲଦାଖର ପାଙ୍ଗୋଙ୍ଗ ସୋ ହ୍ରଦରେ ପର୍ଯ୍ୟଟକମାନେ କାର ଚଳାଉଥିବା ନଜର ଆସିଥିଲେ। ହ୍ରଦ କୂଳରେ ଖାଦ୍ୟ ଏବଂ ବୋତଲ ସହ ଟେବୁଲ , ଚେୟାର ମଧ୍ୟ ଦେଖିବାକୁ ମିଳିଥିଲା। ଯାହାକୁ ସେ ଅତି ନିନ୍ଦା କରି ପର୍ଯ୍ୟଟନସ୍ଥଳୀର ଦୂରୁପଯୋଗ ନକରିବାକୁ କହିଛନ୍ତି।

    • ସୌନ୍ଦର୍ଯ୍ୟା ମହାନ୍ତିଙ୍କ ରିପୋର୍ଟ
  • ନବୀନ ଙ୍କ କାମରାଜ ପ୍ଲାନ…ବଦଳିବ ମନ୍ତ୍ରୀମଣ୍ଡଳ?

    ଶୁକ୍ରବାର ବଜ୍ରରାଜନଗର ଉପନିର୍ବାଚନରେ ରେକର୍ଡ ସଂଖ୍ୟକ ବିଜୟ ସହିତ ସୁପ୍ରିମକୋର୍ଟରେ ମଧ୍ୟ ରାଜ୍ୟ ସରକାର ବିଜୟ ହୋଇଥିବା ପରେ ଏବେ ମନ୍ତ୍ରୀମଣ୍ଡଳ ଅଦଳବଦଳ କରିବାର ଉପଯୁକ୍ତ ସମୟ ବୋଲି ଭାବିଛନ୍ତି ପାର୍ଟି ସୁପ୍ରିମୋ । ଖୁବଶୀଘ୍ର ବଦଳିପାରେ ରାଜ୍ୟରେ ମନ୍ତ୍ରୀମଣ୍ଡଳର ରୂପରେଖ । ବାଚସ୍ପତି ପଦରୁ ଇସ୍ତଫା ଦେଲେ ସୂର୍ଯ୍ୟନାରାୟଣ ପାତ୍ର । ଉପବାଚସ୍ପତିଙ୍କୁ ନିଜର ଇସ୍ତଫା ପତ୍ର ପଠାଇଲେ ସୂର୍ଯ୍ୟନାରାୟଣ ପାତ୍ର । ବାଚସ୍ପତିଙ୍କ ଇସ୍ତଫାପତ୍ର ଗ୍ରହଣ କରାଯାଇଥବା ବେଳେ ଅନେକ ହେଭିୱେଟ ମନ୍ତ୍ରୀ ଇସ୍ତଫା ଦେବେ ବୋଲି ସୂଚନା ମିଳିଛି l

    କାମରାଜ ପ୍ଲାନ ରେ ଯେଭଳି ଭାବରେ 1963 ରେ କଂଗ୍ରେସର ନବକଳେବର ହୋଇଥିଲା ସେଭଳି ଭାବରେ ଏବେ ବିଜୁ ଜନତା ଦଳ ସେହି ପ୍ଲାନ ଆପଣେଇଛି ବୋଲି ଚର୍ଚ୍ଚା ହେଉଛି l ସମସ୍ତ ବରିଷ୍ଠ ନେତାମାନେ ନିଜ ପଦରୁ ଇସ୍ତଫା ଦେଇ ସମସ୍ତ ଶକ୍ତି ତୃଣମୂଳ ସ୍ତରରେ ବିଜେଡି କୁ ଉତ୍ସର୍ଗ କରିବେ ଏବଂ ନେତାମାନେ ସାଂଗଠନିକ କାର୍ଯ୍ୟ ଗ୍ରହଣ କରିବାକୁ ମନ୍ତ୍ରୀ ପଦ ଛାଡ଼ିବେ ବୋଲି ଚର୍ଚ୍ଚା ହଉଛି l

Back to top button